تيانشان تورى
تيانشان تورى   ›   ۇيرەنۋ   ›   شولۋ

جوعارى ساپالى كادرلار قوسىنىن قۇرايىق

− اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى

□ گازەتىمىزدىڭ شولۋشىسى

  ەل باسقارۋدىڭ تەتىگى − دارىندىلاردا. باس شۋجي شي جينپيڭ شينجياڭدى كوزدەن كەشىرگەندە بىلاي دەپ اتاپ كورسەتتى: پارتيانى جاپپاي قاتاڭ باسقارۋعا تاباندى بولىپ، جوعارى ساپالى كادرلار قوسىنى قۇرىلىسىن شىنايى، ويداعىداي يگەرۋ كەرەك.

  اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسى باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋدى كوزدە ۇستاپ، پارتيانىڭ شينجياڭداعى بيلىك جۇرگىزۋ نەگىزىن كۇش سالا بەكەمدەپ، جاڭا داۋىردەگى پارتيا قۇرىلىسىنىڭ باس تالابىن جاپپاي تياناقتاندىرىپ، جوعارى ساپالى ءار ۇلت كادر - دارىندىلار قوسىنى قۇرىلىسىن كۇشەيتۋدى پارتيا قۇرىلىسىن ءبىر تۇتاس جوسپارلاپ ىلگەرىلەتۋدە ماڭىزدى ورىنعا قويىپ، شينجياڭدى باسقارۋدىڭ زاڭدىلىعىن تەرەڭ تانۋدى جانە يگەرۋدى ايگىلەدى.

  ساياسي لۋشيان بەلگىلەنگەننەن كەيىن، كادرلار شەشۋشى فاكتور بولادى. مەيلى شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ تالابىن تياناقتاندىرۋ بولسىن، الدە ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ، جاڭا داۋىردەگى جاڭا جورىقتا كورىكتى شينجياڭ قۇرۋ بولسىن، بارلىعى جوعارى ساپالى كادرلار قوسىنىنان ايرىلا المايدى.

  جوعارى ساپالى كادرلار قوسىنى ساياسي جاقتا، ءسوز جوق، كۇشتى بولۋ كەرەك. پارتيانى جاپپاي قاتاڭ باسقارۋدا، ەڭ اۋەلى، ساياسي تۇرعىدان قاراۋ كەرەك، قالىڭ كادرلار، ءسوز جوق، ساياسي وتكەلدى مىقتى يگەرىپ، قاي - قاشان دا تۋى ايقىن تۇردە ساياسيدى دارىپتەۋ سىندى ارقاۋدى مىقتاپ شيراتۋ كەرەك. ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ءىسىن“ كوڭىل تورىنە قويىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ساياسي جاقتان ماسەلەلەرگە تالداۋ جاساۋعا، ماسەلەلەردى شەشۋگە شەبەر بولىپ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن اتقارۋدىڭ اۋىتقىماۋىنا، وزگەرمەۋىنە، قۇبىلماۋىنا شىنايى كەپىلدىك ەتۋ كەرەك.

  جوعارى ساپالى كادرلار قوسىنى قابىلەت جاعىندا، ءسوز جوق، كۇشتى بولۋ كەرەك. بۇرىن بولماعان وزگەرىس داۋىرىندە، رەفورمانىڭ، دامۋدىڭ، ورنىقتىلىقتىڭ اۋىر مىندەتتەرى الدىندا، كادرلار قوسىنى قۇرىلىسىن، ءسوز جوق، كۇشەيتۋ كەرەك. كادرلاردى باۋلۋ جۇيەسىن اقاۋسىزداندىرىپ، تاربيەلەۋ - باۋلۋدى ساتىلار بويىنشا، سالالارعا ءبولىپ، كوپ ارنادا، جان - جاقتى ورىستەتىپ، ”ءبىرىنشى باسشىلاردىڭ“ قابىلەتىن ءوسىرۋدى كورنەكتىلەندىرە ويداعىداي يگەرىپ، نەگىزگى ساتى كادرلارىنىڭ جالپى تۇلعالىق قابىلەتى مەن ساپاسىن جوعارىلاتىپ، بەلدى بەكەم بۋا وتىرىپ، ”قابىلەت داعدارىسى“، قابىلەتى جەتكىلىكسىز بولۋ ماسەلەلەرىن شەشۋ كەرەك. ستراتەگيالىق ويلاۋدى، تاريح تۇرعىسىنان ويلاۋدى، ديالەكتيكالىق ويلاۋدى، جۇيەلى ويلاۋدى، جاڭاشىل ويلاۋدى، زاڭمەن باسقارۋ ويىن، تومەنگى شەكتە ويلاۋدى كۇشەيتىپ، ساياسي قابىلەتتى، تەكسەرىپ - زەرتتەۋ قابىلەتىن، عىلمي شەشىم جاساۋ قابىلەتىن، رەفورمادا قامال الۋ قابىلەتىن، شۇعىل جاعدايعا توتەپ بەرۋ، توسىن وقيعالاردى ءبىر جاقتى ەتۋ قابىلەتىن، بۇقارالىق قىزمەت قابىلەتىن جانە تياناقتاندىرۋدى يگەرۋ قابىلەتىن ۇزدىكسىز جوعارىلاتىپ، ءبىر تۇتاس جوسپارلاپ، جالپى جاعدايدى يگەرۋ، قىزمەتتى جالپى تۇلعالىق جاقتان ىلگەرىلەتۋ قابىلەتىن جوعارىلاتىپ، شينجياڭنىڭ رەفورما، دامۋ، ورنىقتىلىق قىزمەتتەرىن ىلگەرىلەتۋدىڭ بورىشىن شىنايى ارقالاۋ كەرەك.

  جوعارى ساپالى كادرلار قوسىنى ستيل جاعىندا، ءسوز جوق، كۇشتى بولۋ كەرەك. پارتيانىڭ ستيلى − پارتيانىڭ وبرازى، ول حالىقتىڭ قالاۋ - قالاماۋىنا، پارتيانىڭ ءومىر ءسۇرۋى مەن قۇرىپ - جوعالۋىنا سايادى. دۇرىس ناتيجە كوزقاراسىن ورناتىپ جانە امالياتتا ايگىلەپ، شىندىققا جۇگىنىپ، ناقتى ءىس ىستەيتىن تاڭداۋلى ستيلدى ساۋلەلەندىرىپ، فورماشىلدىقتى، تورەشىلدىكتى ارناۋلى جونگە سالۋدى ىشكەرىلەي ورىستەتىپ، نەگىزگى ساتىنىڭ اۋىرتپالىعىن جەڭىلدەتۋدىڭ ۇزاق ءونىمدى مەحانيزمى مەن ساياسات - شارالارىن تياناقتاندىرىپ، ءبىر شىبىقپەن ايدايتىن، ءبارىن تەرىسكە شىعاراتىن، ءىس جۇزىندىك جاعدايمەن ساناسپاي، تەك جوعارىنىڭ ەمەۋرىنىنە عانا قارايتىن قىزمەت ستيلىن باتىل تۇزەتىپ، بۇقارانىڭ مۇددەسىن زياندايتىن، بۇقارانىڭ اۋىرتپالىعىن كوبەيتەتىن، بۇقارانىڭ نارازىلىعىن تۋدىراتىن ىستەردى باتىل تيۋ كەرەك. پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعادا ىلگەرىلەتىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرۋ كەرەك. ۇلت رۋحى مەن ءداۋىر رۋحىن اسقاقتاتىپ، توراڭعى رۋحى مەن بيڭتۋان رۋحىن امالياتتا ايگىلەپ، ءار دارەجەلى كادرلاردى جاڭا داۋىردە شەكارا وڭىرگە تامىر تارتۋعا، شەكارا وڭىرگە ۇلەس قوسۋعا ىنتالاندىرۋ كەرەك.

  باس شۋجي شي جينپيڭ بىلاي دەپ اتاپ كورسەتتى: ”شينجياڭداعى ءار ۇلت كادرلارى سەنىم ارتۋعا بولاتىن، جاۋىنگەرلىك قۋاتقا يە كادرلار“. باس شۋجيدىڭ ىقىلاستى ءۇمىتىن اقتاپ، جاڭا داۋىردەگى جاقسى كادر ولشەمى مەن ۇلتتىق وڭىرلەردەگى كادرلاردىڭ ”ءتورت ەرەكشە“ ولشەمىن مۇقيات تياناقتاندىرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن قۇرساق، وتانىمىزدىڭ شينجياڭىن، ءسوز جوق، بارعان سايىن كورىكتى ەتىپ قۇرامىز.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.