انار بۇلت - شينجياڭ گازەتىنىڭ حابارى (ٴتىلشى حى حۇڭۋي حابارلايدى) 9 - ايدىڭ 16 ـ كۇنى كەشتە ٴتىلشىنىڭ 7 ـ كەزەكتى جۇڭگو − ازيا ـ ەۆروپا كورمەسىنىڭ اقپار جاريالاۋ ماجىلىسىنەن ۇعىسۋىنشا، قازىر 7 ـ كەزەكتى جۇڭگو − ازيا ـ ەۆروپا كورمەسىنىڭ دايىندىق قىزمەتى اياقتالعان.
وسى كەزەكتى كورمەگە جۇڭگولىق، شەتەلدىك 51 سيلى قوناق ينتەرنەت جەلىسىندە قاتىناسادى نەمەسە بەينەەكران ارقىلى ٴسوز سويلەيدى. مينيستر دارەجەلى 30 نەشە سيلى قوناق ينتەرنەت جەلىسىندە، ينتەرنەت جەلىسىنەن تىسقارى فورما ارقىلى وسى كەزەكتى كورمەنىڭ اشىلۋ سالتىنا، سونداي - اق تيانشان تالقى مىنبەرىنە، تەڭ دارەجەلەس 7 تالقى مىنبەرىنە جانە ارناۋلى تاقىرىپتىق قيمىلدارعا، قاتىستى قارجى قوسۋ، ساۋدانى جەبەۋ قيمىلىنا قاتىناسادى. سول كەزدە جۇڭگولىق، شەتەلدىك سيلى قوناقتار، ايگىلى مامان ـ وقىمىستىلار، كاسىپورىنداردىڭ جاۋاپتىلارى جىبەك جولى ەكونوميكالىق بەلدەۋى قۇرىلىسى، سونداي ـ اق عىلىم ـ تەحنيكا، فينانس، دەنساۋلىق ساقتاۋ سياقتى سالالاردى ارقاۋ ەتىپ، ىشكەرىلەي اۋىس ـ كۇيىس جاساپ، سەلبەستىك جەتىستىكتەرىن قالىپتاستىرىپ، جىبەك جولى ەكونوميكالىق بەلدەۋى بويىنداعى ەلدەردىڭ ساياساتتىق اۋىس-كۇيىسىن، قۇرىلعىلاردىڭ ۇلاسۋىن، ساۋدانىڭ ىركىلىسسىزدەنۋىن، قارجىنىڭ اينالىمعا ٴتۇسۋىن، حالىق تىلەگىنىڭ توعىسۋىن جەبەيدى.
اۋدارعان: قادىر ماقان