اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسى ارناۋلى تاقىرىپتىق ۇيرەنۋ ءماجىلىسىن وتكىزدى
باس شۋجي شي جينپيڭنىڭ جالپى حالىقتىڭ بىرگە بايۋىن ورنىقتى قاداممەن جەبەۋ جونىندەگى ماڭىزدى بايىمداۋىن ىشكەرىلەي ۇيرەنۋ، ءتۇسىنۋ كەرەك
ما شيڭرۇي باسقاردى، ەركىن تۇنياز، نۇرلان ءابىلماجىن، لي يفي، جاڭ چۇنلين ۇيرەنۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسى تاياۋدا ارناۋلى تاقىرىپتىق ۇيرەنۋ ءماجىلىسىن وتكىزىپ، باس شۋجي شي جينپيڭنىڭ جالپى حالىقتىڭ بىرگە بايۋىن ورنىقتى قاداممەن جەبەۋ جونىندەگى ماڭىزدى بايىمداۋىن جانە حالىقتى بايىتىپ شينجياڭدى كوركەيتۋ جونىندەگى ماڭىزدى بايىمداۋىن ىشكەرىلەي ۇيرەنىپ، ءتۇسىنىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، بىرگە بايۋدى جۇزەگە اسىرۋدىڭ ستراتەگيالىق نىساناسىن جانە امالياتتىق جولىن دۇرىس تانىپ جانە يگەرىپ، شينجياڭداعى ءار ۇلت حالقىنىڭ بىرگە بايۋىن جۇزەگە اسىرۋدى جەبەۋدى ورتاعا قويدى. اۆتونوميالى رايوندىق پارتكومنىڭ شۋجيى ما شيڭرۇي توپتىق ۇيرەنۋدى باسقاردى.
ەركىن تۇنياز، لي يفي، چىن ۋيجۇن پىكىر اۋىستىرىپ ءسوز سويلەدى، نۇرلان ءابىلماجىن، جاڭ چۇنلين قاتارلىلار ۇيرەنۋگە قاتىناستى.
ما شيڭرۇي بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جالپى حالىقتىڭ بىرگە بايۋىن بىرتىندەپ جۇزەگە اسىرۋدى اناعۇرلىم ماڭىزدى ورىنعا قويدى. باس شۋجي شي جينپيڭ ءبىر قىدىرۋ ماڭىزدى بايىمداۋ جاريالاپ، ”بىرگە بايۋدى نە ءۇشىن ىلگەرىلەتۋ كەرەك، بىرگە بايۋ دەگەن نە، بىرگە بايۋدى قالاي ىلگەرىلەتۋ كەرەك“ دەگەن سياقتى كەلەلى نازاريالىق جانە امالياتتىق ماسەلەلەرگە جاسامپازدىقپەن جاۋاپ قايتارىپ، ءبىزدىڭ حالىقتى بايىتىپ شينجياڭدى كوركەيتۋگە تاباندى بولىپ، جالپى حالىقتىڭ بىرگە بايۋىن ورنىقتى قاداممەن جەبەۋىمىزگە عىلمي باعدارناما جانە ءتۇبىرلى بويسۇنۋ ولشەمىن ازىرلەدى. ءبىز باس شۋجي شي جينپيڭنىڭ ماڭىزدى بايىمداۋىنىڭ رۋحاني ءمانىن، وزەكتى مازمۇنىن، امالياتتىق تالابىن ىشكەرىلەي ۇيرەنىپ، ءتۇسىنىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ءار ۇلت بۇقاراسىنىڭ بىرگە بايۋىن جۇزەگە اسىرۋ نىساناسىنا قاراي مىزعىماستان قادام تاستاپ، جاپپاي سوتسياليستىك وسىزاماندانعان مەملەكەت قۇرۋ جاڭا جورىعىندا، بىرگە بايۋدى جۇزەگە اسىرۋ جولىندا بىردە - ءبىر ۇلتتى قاعىس قالدىرماۋعا، بىردە - ءبىرىن قاتاردان قالدىرماۋعا شىنايى كەپىلدىك ەتۋ كەرەك.
ما شيڭرۇي بىلاي دەپ باسا دارىپتەدى: ”ەكى كەلەلى جاعدايدى“ بەرىك كوكەيگە ءتۇيىپ، ”مەملەكەتتىڭ زور ءىسىن“ ەستە بەرىك ساقتاپ، شينجياڭ قىزمەتىنىڭ پارتيا مەن مەملەكەت قىزمەتى جالپى جاعدايىنداعى ەرەكشە ماڭىزدى ستراتەگيالىق ورنىن تەرەڭ تانىپ، ەكونوميكالىق، قوعامدىق دامۋعا اناعۇرلىم كوپ ساياسي ءمان ۇستەۋگە تاباندى بولىپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن ويداعىداي يگەرىپ، اۆتونوميالى رايوندىق 10 - كەزەكتى پارتكوم بەسىنشى جالپى ءماجىلىسىنىڭ ورنالاستىرۋلارىن، تالاپتارىن تياناقتاندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتىپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جەتكىزۋىن، جۇرت تىلەگىن ۇيىستىرۋىن ىلگەرىلەتىپ، جوعارى ساپالى دامۋ بارىسىندا بىرگە بايۋدى جەبەۋ كەرەك.
ءبىرىنشى، جوعارى ساپالى دامۋدى جەدەل ىلگەرىلەتىپ، جالپى تۇلعالىق ناقتى قۋاتتى ارتتىرۋ، زورايتۋ كەرەك. شينجياڭنىڭ بايلىق ارتىقشىلىعى مەن وڭىرلىك ورىن باسىمدىعىن تياناق ەتىپ، مۇناي - تابيعي گاز ءوندىرۋ، وڭدەۋ، كومىر، كومىر ەلەكتر، كومىر حيميا ونەركاسىبى، جاسىل كەن شارۋاشىلىعى، استىق، ماي، ماقتا جانە توقىماشىلىق، كيىم - كەشەك، جاسىل ورگانيكالى جەمىس - جيدەك، كوكونىس، ساپالى مال شارۋاشىلىعى ونىمدەرى، جاڭا ەنەرگيا، جاڭا ماتەريالدار سياقتى ەرەكشەلىككە، باسىمدىققا يە كاسىپ سالالارى شوعىرىن جەدەل دامىتىپ، مەملەكەت مەنشىگىندەگى كاسىپورىنداردى الۋەتتەندىرىپ، ساپالىلاندىرىپ، زورايتىپ، حالىقتىق شارۋاشىلىقتى دامىتىپ، زورايتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، حالىق تۇرمىسىمەن تىعىز بايلانىستىرا وتىرىپ جوعارى ساپالى دامۋدى ىلگەرىلەتىپ، بىرگە بايۋدىڭ زاتتىق نەگىزىن بەكەمدەۋ كەرەك.
ەكىنشى، جۇمىستاندىرۋدى الدىمەن ويلاستىرۋ باعدارىنان جازباي، بۇقارانىڭ ورنىقتى جۇمىستانۋىن، كىرىس ارتتىرۋىن جەبەۋ كەرەك. جۇمىستاندىرۋدى الدىمەن ويلاستىرۋ ستراتەگياسىن كۇشەيتىپ، ەكونوميكالىق ارتۋدىڭ جۇمىستاندىرۋدى جەبەۋ كۇشىن ۇزدىكسىز ارتتىرىپ، شينجياڭعا كومەكتەسۋ باسىمدىعىن تولىق ساۋلەلەندىرىپ، تەحنيكالىق شەبەرلىككە تاربيەلەۋ سەرپىنىن ارتتىرىپ، كوپ ارنالى يكەمدى جۇمىستاندىرۋدى، شارۋاشىلىق قۇرۋ ارقىلى جۇمىستاندىرۋعا جەتەكشىلىك ەتۋدى جەبەپ، جۇمىستاندىرۋ جالپى مولشەرىن ورنىقتىرىپ، جۇمىستاندىرۋ قۇرىلىمىن جاقسارتىپ، اناعۇرلىم تولىق، اناعۇرلىم جوعارى ساپالى جۇمىستاندىرۋدى جۇزەگە اسىرۋدى ىلگەرىلەتىپ، ءار ۇلت بۇقاراسىنىڭ كىرىس دەڭگەيىن ۇزدىكسىز جوعارىلاتۋ كەرەك.
ءۇشىنشى، نازاردى اۋىل - قىستاقتارداعى كورنەكتى ولقىلىقتارعا شوعىرلاندىرىپ، قالا مەن اۋىلدىڭ دامۋ پارقىن ۇزدىكسىز ازايتۋ كەرەك. قايتالاي كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىم - مەحانيزمىن كەمەلدەندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتۋ؛ اۋىل - قىستاقتىڭ ەرەكشەلىككە، باسىمدىققا يە كاسىپ سالالارىن جەتىلدىرىپ، زورايتىپ، اۋىل - قىستاقتىڭ كوللەكتيۆ شارۋاشىلىعىن زورايتىپ، شارۋالاردىڭ كىرىسىن ارتتىرۋ ارناسىن كەڭەيتۋ؛ قالا مەن اۋىلدىڭ توعىسا دامۋىن تەرەڭدەتىپ، ونەركاسىپ ارقىلى اۋىل شارۋاشىلىعىن تولىقتاۋدى، قالا ارقىلى اۋىلدى جەتەكتەۋدى كۇشەيتىپ، قالا، اۋىل نەگىزگى الەۋمەتتىك قىزمەت وتەۋىن بىركەلكىلەندىرۋدى ىلگەرىلەتىپ، شارۋالاردىڭ، اۋىل - قىستاقتىڭ بىرگە بايۋىن جەبەۋ كەرەك.
ءتورتىنشى، وڭتۇستىك شينجياڭنىڭ دامۋىنداعى بوگەتتەردى شەشىپ، وڭىرلىك سايكەستى دامۋدى كۇش سالا ىلگەرىلەتۋ كەرەك. وڭتۇستىك شينجياڭ قىزمەتىن ماڭىزدىنىڭ ماڭىزدىسى ساناپ، بۇكىل رايوننىڭ كۇشىن ءبىر تۇتاس جوسپارلاپ، ساياساتتىق سۇيەمەلدەۋ، قازىنا كۇشىن ۇلەستىرۋ، كادر - دارىندىلارمەن قامتاماسىز ەتۋ سياقتىلار جاعىندا بەيىمدەلۋ، قولداۋ سەرپىنىن ارتتىرىپ، جاڭاشا قالا - قالاشىقتاندىرۋ قۇرىلىسىن جەدەلدەتىپ، باياندى تىنىشتىققا اناعۇرلىم ءتيىمدى ءتۇبىرلى سيپاتتى وزگەرىستى جۇزەگە اسىرۋدى ىلگەرىلەتۋ كەرەك.
بەسىنشى، ءتۇزىم - مەحانيزمدى اقاۋسىزداندىرىپ، كەمەلدەندىرىپ، دامۋ جەتىستىكتەرىنىڭ ءار ۇلت حالقىنا اناعۇرلىم كوپ، اناعۇرلىم ءادىل تيىمدىلىك جەتكىزۋىنە مۇمكىندىك جاساۋ كەرەك. پارتيا ورتالىق كوميتەتىنىڭ حالىققا تيىمدىلىك جەتكىزۋ، حالىقتى بايىتۋ، بىرگە بايۋدى جەبەۋ ساياساتتارىن تياناقتاندىرۋدى كۇشەيتىپ، بار كۇشپەن ىستەۋگە، شاماعا قاراي ىستەۋگە تاباندى بولىپ، ونىمدىلىك پەن ادىلدىككە تەڭ ءمان بەرىپ، كىرىس ءبولىسى ءتۇزىمىن ساپالىلاندىرىپ، شىعىس، باتىس بولىكتەردىڭ ىستەستىگىن جانە تۇيىندە تۇرىپ كومەكتەسۋدى - سۇيەمەلدەۋدى تەرەڭدەتىپ، الەۋمەتتىك قىزمەت وتەۋ ساياسات ءتۇزىم جۇيەسىن كەمەلدەندىرىپ، كىرىس، جۇمىستاندىرۋ، وقۋ - اعارتۋ، قوعامدىق قامتاماسىزداندىرۋ، ەمدەۋ قامسىزداندىرۋى، ءدارى - دارمەك، دەنساۋلىق ساقتاۋ، تۇرعىن ءۇي سياقتى جاقتاردان ءتىپتى كوپ جەتىستىكتەرگە قول جەتكىزىپ، ءار ۇلت بۇقاراسىن قاجىرلىلىقپەن كۇرەس جاساۋعا، ەڭبەكشىلدىكپەن بايۋعا جەتەكتەپ، بىرگە بايۋدى بىرتىندەپ جۇزەگە اسىرۋدى جەبەۋ كەرەك.
تيان شياڭلي، ۋاڭ ميڭشان، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن، ت. ب ۇيرەنۋگە قاتىناستى.
