اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسى ءماجىلىس اشتى
وسكەلەڭ ساياسي سانالىقپەن، كۇشتى بورىش - جاۋاپكەرشىلىكپەن، تيتتەي دە بوساڭسىماستان ىندەتتەن ساقتانۋ - تىزگىندەۋدىڭ ۇدايىلانۋىن ويداعىداي يگەرۋ كەرەك
ما شيڭرۇي ءسوز سويلەدى، ەركىن تۇنياز، لي يفي، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسى 9 - ايدىڭ 16 - كۇنى كەشتە بەينە ەكران ءماجىلىسىن اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، رايونىمىزدىڭ كەزەكتەگى ىندەتتەن ساقتانۋ - تىزگىندەۋ جاعدايىنا تالداۋ جاساپ، تۇجىرىمداپ، ءتۇيىندى وڭىرلەردە قوعامدىق جاقتا نولگە ءتۇسىرۋ، ىندەتتەن ساقتانۋ - تىزگىندەۋدى ۇدايىلاندىرۋ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ سياقتى قىزمەتتەردى اقىلداسىپ، ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوننىڭ ءتوراعاسى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ قاتارلىلار ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: كەزەكتە، شەكارا سىرتىندا ىندەت جوعارى دەڭگەيدە كەڭ تارالۋدا، ەل ىشىندە ىندەت كوپ تۇيىندە بىتىراي تارالۋدا، رايونىمىزدىڭ ىندەتتەن ساقتانۋ - تىزگىندەۋ جاعدايى جالپى جاقتان ورنىقتى بولۋعا بەت الدى، ايتسە دە، ءىشىنارا رايونداردا قوعامدىق جاقتا تارالۋ بۇكىلدەي ۇزىلگەن جوق، ىندەتتەن ساقتانۋ - تىزگىندەۋ ءالى كوپتەگەن حاۋىپ - قاتەرگە ءدوپ كەلۋدە. مەملەكەت مەرەكەسى دەمالىسى تاياپ قالدى، ادامداردىڭ جىلجىمالىلىعى، شوعىرلانۋى ارتىپ، كۇز، قىس ماۋسىمىندا تارالمالى تۇماۋ مەن جاڭا تيپتى ايدارشا ۆيرۋس وكپە قابىنۋ ىندەتىنىڭ قاباتتاسا تارالۋ حاۋپى تۋىلۋى مۇمكىن بولعاندىقتان، ىندەتتىڭ تارالۋ حاۋىپ - قاتەرى مەن ساقتانۋ - تىزگىندەۋدىڭ قيىندىعى ارتىپ، تارالۋدان ساقتانۋ، سىرتتان كىرۋدەن ساقتانۋ، قايتا بەلەڭ بەرۋدەن ساقتانۋ جاقتارىندا كوپتەگەن قىسىمعا ءدوپ كەلەمىز. جەر - جەر، تاراۋلار، اسىرەسە، پارتيا، ۇكىمەت ورىندارىنىڭ نەگىزگى جاۋاپتى جولداستارى يدەيا مەن ارەكەتتى باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىمەن شىنايى بىرلىككە كەلتىرىپ، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ ورنالاستىرۋلارىن، تالاپتارىن تياناقتاندىرىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ جالپى تاكتيكاسىنا جانە ”يكەمدى نولگە ءتۇسىرۋ“ جالپى باعىتىنا تاباندى بولىپ، پارتيا 20 - قۇرىلتايىنىڭ جەڭىسپەن اشىلۋىنا تاماشا ورتا جاراتۋ ساياسي جاۋاپكەرشىلىگىمەن ىندەتتەن ساقتانۋ - تىزگىندەۋدى ويداعىداي ىستەۋدىڭ جاۋاپكەرشىلىك سەزىمىن جانە كوكەي تەستىلىك سەزىمىن اناعۇرلىم كۇشەيتىپ، دارەجەسىن جوعارىلاتىپ باسقارىپ، الدىدا ءجۇرىپ قولباسشىلىق ەتىپ، 9 - نۇسقاداعى ساقتانۋ - تىزگىندەۋ جوباسىن قاتاڭ اتقارىپ، جەرگىلىكتى ورىننىڭ جاعدايىنا قاراي ىستەپ، قوعامدىق جاقتا يكەمدى نولگە ءتۇسىرۋ، شۇعىل جاعدايعا توتەپ بەرۋ بويىنشا ءبىر جايلى ەتۋ جانە ساقتانۋ - تىزگىندەۋدى ۇدايىلاندىرۋ سياقتى قىزمەتتەردى ءبىر تۇتاس جوسپارلاپ ويداعىداي يگەرىپ، ولقىلىقتاردى، ءالسىز تۇستاردى جەدەل تولىقتاپ، ساقتانۋ - تىزگىندەۋ قابىلەتى دەڭگەيىن جوعارىلاتىپ، ءتۇرلى شارالاردى تىڭعىلىقتى تياناقتاندىرىپ، اركىم ءوز جاۋاپكەرشىلىگىن ءبىلۋدى، اركىم ءوز جاۋاپكەرشىلىگىن ارقالاۋدى، اركىم ءوز جاۋاپكەرشىلىگىن ادا ەتۋدى باتىل ورىنداپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن بار كۇشپەن قورعاۋ كەرەك.
ما شيڭرۇي بىلاي دەپ باسا دارىپتەدى: ىندەتتەن ساقتانۋ - تىزگىندەۋدەگى ءتۇيىندى رايوندار يدەيا تانىمىن اناعۇرلىم جوعارىلاتىپ، ستراتەگيالىق تاباندىلىقتى ساقتاپ، ”جىلدام، قاتاڭ، ءدال، ەگجەي - تەگجەيلى، ناقتى“ بولۋ تالابى بويىنشا ءادىس - امالدى ساپالىلاندىرىپ، شارالاردى تياناقتاندىرۋدى كۇشەيتىپ، قوعامدىق جاقتا يكەمدى نولگە ءتۇسىرۋدى ورنىقتى دا تياناقتى ىلگەرىلەتۋ كەرەك. سىرتقا جايىلۋدان قاتاڭ ساقتانىپ، قوعامدىق جاقتا باسقارۋ - تىزگىندەۋدى قاتاڭ، دالمە - ءدال ويداعىداي ىستەپ، حاۋىپ - قاتەرلى وڭىرلەردى عىلمي، دالمە - ءدال بەلگىلەپ جانە باسقارىپ، حاۋىپ - قاتەرى بايقالعان ادامداردى قاتاڭ باسقارىپ، تۇتاس تىزبەكتىڭ مۇلتىكسىز ۇشتاسۋىن، تۇتاس بۋىننىڭ دالمە - ءدال ساقتانۋ - تىزگىندەۋ ونىمدىلىگىن ۇزدىكسىز جوعارىلاتىپ، تارالۋ جولدارىن باتىل ءۇزىپ، ىندەتتىڭ تارالۋىنان ساقتانۋ كەرەك. شەشۋشى بۋىندى ويداعىداي يگەرىپ، جوعارى ساپالى حىسۋان تەكسەرۋىن قاداعالاپ، قۇرىلعىلاردىڭ، قىزمەتكەرلەردىڭ قۇرىلىسىن جوعارىلاتۋدى كۇشەيتىپ، تەكسەرۋ ساپاسىن، ونىمدىلىگىن جانە تۇتاس بارىستىق ءبىر جايلى ەتۋ دەڭگەيىن جوعارىلاتىپ، ”ءتورتتى تۇگەل ورىنداۋعا“ شىنايى كەپىلدىك ەتۋ؛ اۋاشالاۋ الاڭ - ورىندارى قۇرىلىسىن باسقارۋدى قاداعالاپ، جەتەرلىكتەي سەپتەپ، تولىق دايىنداپ، قاتاڭ باسقارىپ، ساقتانۋ - تىزگىندەۋ دەڭگەيىن جاپپاي جوعارىلاتىپ، ايقاسپالى جۇعىمدالۋدان قاتاڭ ساقتانۋ؛ ءتۇيىندى ورىنداردا ساقتانۋ - تىزگىندەۋدى قاداعالاپ، مەكتەپ، قۇرىلىس ورنى، قارتتاردى كۇتىمدەۋ يگىلىك قۇرىلىمدارى سياقتىلاردىڭ ساقتانۋىن - تىزگىندەۋىن قاتايتىپ، قاتىستى قىزمەتكەرلەردى باسقارۋدى قاتايتىپ، تارالۋ حاۋىپ - قاتەرىن شىنايى جويۋ كەرەك. قىزمەت وتەۋدى، قامتاماسىزداندىرۋدى كۇشەيتىپ، ىندەتتەن ساقتانۋ، تۇرمىستىق زاتتىق ماتەريال سياقتىلارمەن تولىق قامداۋدى كۇشەيتىپ، جەتكىزۋ ارناسىن ىركىلىسسىزدەندىرۋ؛ بۇقارانىڭ جۇرەك ءسوزىن دەن قويا تىڭداپ، قوعامنىڭ تالاپ - تىلەگىنە جاۋاپ قايتارىپ، كۇش بايلىعىن تومەنگە ءتۇسىرۋدى ىلگەرىلەتىپ، دەن قويا، سۇيىسپەنشىلىكپەن بۇقارانى ۋايىمنان ارىلتىپ، قيىنشىلىقتان قۇتقارۋ كەرەك. قوعامدىق پىكىر جەتەكشىلىگىن ويداعىداي ىستەپ، ىندەت جونىندەگى قۇزىرلى ينفورماتسيالاردى دەر كەزىندە، دالمە - ءدال جاريالاپ، وسەك - اياڭ قۇراستىرۋ، تاراتۋ سياقتى ارەكەتتەردى زاڭ بويىنشا قاتاڭ ءبىر جايلى ەتىپ، بۇقارانى ىندەت جاعدايىنا بايىپتىلىقپەن قاراۋعا، ىندەتتەن ساقتانۋعا قولداۋ كورسەتۋگە، سايكەسۋگە تاربيەلەپ، جەتەكتەپ، ۆاكسينا ەگۋ، عىلمي قورعانۋ سياقتى قىزمەتتەردى ۇزدىكسىز ويداعىداي ىستەپ، قوعامدىق جاقتا نولگە ءتۇسىرۋدى ىلگەرىلەتۋگە تاماشا ورتا ازىرلەۋ كەرەك.
ما شيڭرۇي بىلاي دەپ باسا دارىپتەدى: تۇتاس رايونداعى ىندەت جوق وڭىرلەر كىرۋدەن ساقتانۋ، قايتا بەلەڭ بەرۋدەن ساقتانۋدى اناعۇرلىم ماڭىزدى ورىنعا قويىپ، ساقتانۋدى تياناق ەتىپ، ەرتە بايقاۋدى كوزدە ۇستاپ، ىندەتتەن ساقتانۋ - تىزگىندەۋ شارالارىن ۇدايىلاندىرۋدى تياناقتاندىرىپ، كولەمدى سىرتتان كىرۋ مەن قايتا بەلەڭ بەرۋ تۋىلماۋىنىڭ تومەنگى شەگىن بەرىك ساقتاۋ كەرەك. وتكەلدى الدىعا جىلجىتۋعا تاباندى بولىپ، ”ءتورت ەرتە بولۋ“ شاراسىن تياناقتاندىرىپ، تەمىر جول، تاس جول، اۋەجاي سياقتى ماڭىزدى توراپ، وتكەل جانە شەشۋشى بۋىن، ءتۇيىندى قاۋىم سياقتىلاردى اداقتاپ تەكسەرۋ، ساقتاندىرۋدى كۇشەيتىپ، ادام، زات، ورتا سياقتى كوپ ارنالاردى باقىلاۋ - ولشەۋدىڭ سەزىمتالدىعىن، دالدىگىن جوعارىلاتىپ، ىندەت تۋىلسا دەر كەزىندە اڭىس قايتارۋعا، جوعارى ونىمدى ءبىر جايلى ەتۋگە، دەرەۋ جويۋعا شىنايى كەپىلدىك ەتۋ؛ ۇدايىلانعان شارالاردى تياناقتاندىرىپ، ۇدايىلانعان حىسۋان تەكسەرۋ جيىلىگىن كوبەيتىپ، ادام شوعىرلانعان، كەڭىستىگى جابىق ءتۇيىندى وڭىرلەردى جانە ءتۇيىندى الاڭ - ورىنداردى قاداعالاپ، ساقتانۋ - تىزگىندەۋ شارالارىن قاتاڭ، ەگجەي - تەگجەيلى تياناقتاندىرىپ، قوعامدىق ايانىڭ حاۋىپسىز، ءتارتىپتى اينالىمعا ءتۇسۋىن قامتاماسىز ەتۋمەن قاتار، بۇقارالىق ساقتانۋ، بۇقارالىق تىزگىندەۋدىڭ، بىرلەسىپ ساقتانۋ، بىرلەسىپ تىزگىندەۋدىڭ قاتاڭ ساقتىق شەبىن بەكەمدەۋ؛ قابىلەت قۇرىلىسىن كۇشەيتىپ، قىزمەتكەر كۇشىن سەپتەۋدى، باۋلۋدى جانە زاتتىق ماتەريالداردى زاپاس ساقتاۋدى كۇشەيتىپ، اۋاشالاۋ الاڭ - ورىندارىنىڭ، بەلگىلەنگەن شيپاحانالاردىڭ جانە فاڭساڭ شيپاحانالارىنىڭ ساقتانۋ - تىزگىندەۋدەگى شەشۋشى قابىلەت قۇرىلىسىن كۇشەيتىپ، تۇتقيىل تۋىلعان ىندەتتى دەرەۋ، جوعارى ءونىمدى ءبىر جايلى ەتۋگە پارمەندى قامتاماسىزدىق ازىرلەۋ كەرەك.
ما شيڭرۇي بىلاي دەپ باسا دارىپتەدى: جەر - جەر، تاراۋلار، اسىرەسە، پارتيا، ۇكىمەت ورىندارىنىڭ نەگىزگى باسشى جولداستارى ”ءاردايىم قام جەپ تۇراتىن“ جاۋاپكەرشىلىك سەزىمدى كۇشەيتىپ، ساقتانۋ - تىزگىندەۋ قىزمەتىندەگى ءالسىز بۋىندار مەن حاۋىپ - قاتەرلى تۇيىندەردى سالالاپ، ءبىر - بىرلەي تەكسەرىپ، رەتتەپ - وڭاپ، 9 - نۇسقاداعى ساقتانۋ - تىزگىندەۋ جوباسىن ۇيرەنۋدى تاربيەلەۋدى كۇشەيتىپ، تانىمداعى جەتەرسىزدىك، قابىلەتتەگى جەتەرسىزدىك، قىزمەتتەگى جەتەرسىزدىك سياقتى ماسەلەلەردى باتىل جەڭىپ، تۇجىرىمداۋ قابىلەتىن، ۇيىمداستىرۋ قابىلەتىن، اتقارۋ قابىلەتىن ۇزدىكسىز نىعايتىپ، ساياسي جارلىقتىڭ ىركىلىسسىزدىگىنە، بۇيرىقتى بۇلجىتپاي اتقارۋعا شىنايى كەپىلدىك ەتىپ، ىندەتتەن ساقتانۋ - تىزگىندەۋدىڭ ءتۇرلى ورنالاستىرۋلارىن، تالاپتارىن قاز - قالپىندا تياناقتاندىرىپ، ساقتانۋ - تىزگىندەۋدىڭ تۇلعالىق ونىمدىلىگىن شىنايى جوعارىلاتۋ كەرەك. فورماشىلدىقتى، تورەشىلدىكتى باتىل تۇزەتىپ، نازاردى ءتۇيىندى سالالاردى جانە شەشۋشى بۋىنداردى قۋزاۋ، تەكسەرۋدى كۇشەيتۋگە شوعىرلاندىرىپ، ءتۇرلى شارالاردىڭ تياناقتانىپ، ونىمدىلىگىن كورسەتۋىنە شىنايى كەپىلدىك ەتۋ كەرەك.
ما شيڭرۇي بىلاي دەپ باسا دارىپتەدى: ”ەكىنى ءبىر تۇتاس جوسپارلاۋعا“ تاباندى بولىپ، ”التىنى ورنىقتىرۋدى“، ”التىنى قامتاماسىز ەتۋدى“ كۇشەيتىپ، مەملەكەتتىڭ جانە اۆتونوميالى رايوننىڭ ءبىر قىدىرۋ ساياسات - شارالارىن تياناقتاندىرىپ، ەكونوميكانىڭ نەگىزگى جاعدايىن بار كۇشپەن ورنىقتىرىپ، زات اينالىمىنىڭ ىركىلىسسىزدىگىن، تىزبەكتى ورنىقتىرىپ قامداۋدى، اۋىل شارۋاشىلىق ءوندىرىسىن، نەگىزگى حالىق تۇرمىسىن، قيىنشىلىق قىسپاعىنان قۇتىلدىرۋدى تىڭعىلىقتى، ءونىمدى قامتاماسىز ەتىپ، نىسان قۇرىلىسى، ەرەكشە، باسىمدىققا يە كاسىپ سالالارىن دامىتۋ، اۋىل شارۋاشىلىق ءوندىرىسى، تۇتىنۋدىڭ ورنىن تولتىرۋ، ەنەرگيا حاۋىپسىزدىگى، شەتەل قارجىسىن ورنىقتىرۋ، سىرتقى ساۋدانى ورنىقتىرۋ، شارۋاشىلىق - ساۋدا ورتاسىن ساپالىلاندىرۋ، حالىق تۇرمىسىن قامتاماسىز ەتۋ سياقتى قىزمەتتەردى ويداعىداي يگەرىپ، قوعام ورنىقتىلىعى، ءوندىرىس حاۋىپسىزدىگى، جاراتىلىستىق اپات سياقتى ءتۇرلى حاۋىپ - قاتەرلەردەن، كومەسكى كىناراتتاردان ءونىمدى ساقتانىپ جانە ولاردى جويىپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى ورىنداپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
جاڭ جۋ، تيان شياڭلي، چىن ۋيجۇن، ۋاڭ ميڭشان، ياڭ فاسىن، قادەن كابەن، لي شۋەجۇن، چىن ميڭگو، ليۋ سۋشى، ليۋ حۇيجۇن قاتارلىلار قاتىناستى.
