تۇتاس جىلدىق جاڭا ەنەرگيا اگراگاتتارى جوسپارداعىدان 6 ميلليون 655 مىڭ كيلوۆات ارتتى
انار بۇلت \ شينجياڭ گازەتىنىڭ ءتىلشىسى چىن چياڭۋي 9 - ايدىڭ 17 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر شەكتى سەرىكتەستىگى جاڭا ەنەرگيانى جەلىگە ۇلاستىرۋدى تەكسەرىپ بەكىتۋدى جانە سايكەستى ەلەكتر شىعارۋ ينجەنەريا قۇرىلىسىن تەزدەتتى، قازىرگە دەيىن بيىلعى جىلدىڭ وزىندە 149 نىساندى، 21 ميلليون 655 مىڭ كيلوۆاتتىق جاڭا ەنەرگيانى جەلىگە ۇلاستىرۋدى تەكسەرىپ بەكىتتى، بۇل اۆتونوميالى رايوننىڭ بيىل جاڭا ەنەرگيا اگراگاتتارىن تىڭنان 15 ميلليون كيلوۆات ارتتىرۋ سىندى جىل باسىنداعى جوسپارىنان 6 ميلليون 655 مىڭ كيلوۆات ارتىپ، سايكەستى شىعارۋ ينجەنەرياسىنان 72 نىساندى كۇنى بۇرىن ىسكە قوستى.
شينجياڭ جاڭا ەنەرگيانى جەلىگە ۇلاستىرۋ قىزمەتىن جەدەل ىلگەرىلەتۋ ءۇشىن، مەملەكەت ەلەكتر تورى شينجياڭ ەلەكتر شەكتى سەرىكتەستىگى وسى جىل ىشىندە ەلەكتر تورى قارجىسىنان جالپى 3 ميلليارد 115 ميلليون يۋان ورنالاستىرىپ، جاڭا ەنەرگيانىڭ دامۋىنا قىزمەت وتەۋگە پايدالاندى ءارى ”جاسىل ارنا“ اشىپ، جاڭا ەنەرگيا كاسىپورىندارىن ىرىقتىلىقپەن ۇشتاستىرىپ، جەلىگە ۇلاستىرۋ تەحنيكا جوباسىنا الدىن الا كىرىسىپ، ونى الدىن الا اقىلداسىپ بەكىتىپ، جاڭا ەنەرگيا نىساندارىن ەرتەرەك جولداۋدى، تەز ارادا تەكسەرىپ بەكىتۋدى جۇزەگە اسىردى.
”ءبىز ەلەكتر تورىنىڭ قابىلداۋ قۋاتى بويىنشا، جاڭا ەنەرگيانى تەكسەرىپ بەكىتۋدى تەزدەتىپ، مالىمدەگەن زامان تەكسەرىپ بەكىتۋ قىزمەت مەحانيزمىن ورناتىپ، تەكسەرىپ بەكىتۋ بۋىنىن قىسقارتىپ، 20 قىزمەت كۇنى اينالاسىنا تۇسىردىك“. مەملەكەت ەلەكتر تورى شينجياڭ ەلەكتر شەكتى سەرىكتەستىگى دامۋدى جوسپارلاۋ ءبولىمى نەگىزگى توردى جوبالاۋ باسقارماسىنىڭ باستىعى ۋاڭ شينگاڭ بىلاي دەپ تانىستىردى: 8 - ايداعى ىندەت كەزىندە تاعى مەملەكەت تورى جاڭا ەنەرگيا بۇلت تۇعىرىنا سۇيەنىپ، ”ينتەرنەتتە ءبىتىرۋ، ينتەرنەتتە تەكسەرىپ بەكىتۋ، جۇزدەسپەۋ“ سىندى ءبىر بەكەتتىك قىزمەت وتەۋدى اتقارىپ، جالپى 34 نىساندى، 10 ميلليون 280 مىڭ كيلوۆاتتىق جاڭا ەنەرگيانى جەلىگە ۇلاستىرۋدى تەكسەرىپ بەكىتتى.
حۋارۇن ەلەكتر قارجى قوسۋ شەكتى سەرىكتەستىگى بەيفاڭ بولىمشە سەرىكتەستىگى 8 - ايدا ەكى جاڭا ەنەرگيا نىسانىن جەلىگە ۇلاستىرۋدى ءساتتى تۇردە بەكىتتى، وسى ەكى نىسان حۋارۇن سەرىكتەستىگىنىڭ شينجياڭداعى ءبىرىنشى توپتاعى نىسانى سانالادى. بۇل سەرىكتەستىكتىڭ شينجياڭ نىسانىنا جاۋاپتىسى قاتىستى راسمياتتاردى بىتىرگەن كەزدە بۇكىلدەي ىندەت ىقپالىنا ۇشىراماي، ءبىر بەكەتتىك قىزمەت وتەۋمەن جۇزەگە اساتىندىعىن، اياق الىسقا تيتتەي دە نۇقسان جەتپەيتىندىگىن مۇلدە ويلاماعاندىعىن ايتتى.
بيىلعى جىل ىشىندە جاڭا ەنەرگيانى دەر كەزىندە جەلىگە قوسۋدى قامتاماسىز ەتۋ ءۇشىن، مەملەكەت ەلەكتر تورى شينجياڭ ەلەكتر شەكتى سەرىكتەستىگى جاڭا ەنەرگيانىڭ سايكەستى ەلەكتر تورى ينجەنەريا قۇرىلىسىن الدىمەن قاناعاتتاندىرىپ، قارجى قوسۋ جوسپارى ”جاسىل ارناسىن“ اشىپ، ”كەلگەن زامان بەكىتۋ، تاباندا ورنالاستىرۋ“ پرينسيبىنە ساي، جىلدىق ەلەكتر تورى نەگىزدىك قۇرىلىسىنا قارجى قوسۋ جوسپارى قۇرىلىمىن ساپالىلاندىرىپ، ءتۇيىندى قۇرىلىس نىساندارىنا قارجى قوسۋ قاجەتىن ءونىمدى قاناعاتتاندىرىپ، جاڭا ەنەرگيانى دامىتۋدى قامتاماسىز ەتتى.
”ءبىز ينجەنەريا اياق الىسى ءتىزىمىن جاساپ، اپتا سايىن قاداعالاي ىلگەرىلەتىپ، اياق الىسىنا جالپى بارىستىق، جان - جاقتى باقىلاۋ - ولشەۋ جۇرگىزىپ، جاڭا ەنەرگيا نىسانىن قۇرۋدى ءارى جەلىگە قوسۋدى كۇش سالا قامتاماسىز ەتتىك“، - دەدى مەملەكەت ەلەكتر تورى شينجياڭ ەلەكتر شەكتى سەرىكتەستىگى دامۋدى جوسپارلاۋ ءبولىمىنىڭ ورىنباسار مەڭگەرۋشىسى جاڭ فىڭ.
