2022 ـ جىلعى مەملەكەتتىك عىلىم جالپىلاستىرۋ كۇنى شينجياڭ نەگىزگى الاڭى قيمىلى ناق مايدانىندا، عىلىم جالپىلاستىرۋ تەاترى «ناعاشى اپامنىڭ كۇندەلىگى» كورسەتىلدى. سۋرەتتى انار بۇلت \ شينجياڭ گازەتىنىڭ ٴتىلشىسى شيە حۇيبيان تۇسىرگەن
انار بۇلت \ شينجياڭ گازەتىنىڭ حابارى (ٴتىلشى شيە حۇيبيان حابارلايدى). 9 - ايدىڭ 17 ـ كۇنى 2022 ـ جىلعى مەملەكەتتىك عىلىم جالپىلاستىرۋ كۇنى شينجياڭ نەگىزگى الاڭ قيمىلى شينجياڭ عىلىم ـ تەحنيكا سارايىندا باستالدى. الداعى ٴبىر اي ىشىندە، بۇكىل شينجياڭداعى ايماق، وبلىس، قالالار ينتەرنەت جەلىسىندە، ينتەرنەت جەلىسىنەن تىس ٴوزارا ۇشتاستىرۋ فورماسى ارقىلى مىڭعا جۋىق عىلىم جالپىلاستىرۋ قيمىلىن ٴبىر ۋاقىتتا ورىستەتەدى.
جۇڭگو عىلىم ـ تەحنيكا قوعامى، جۇڭگو كوممۋنيستىك پارتياسى ورتالىق كوميتەتى ۇگىت ٴبولىمى قاتارلى 18 تاراۋدىڭ ورنالاستىرۋىنا ساي، اۆتونوميالى رايوندىق عىلىم ـ تەحنيكا قوعامى اۆتونوميالى رايوندىق پارتكوم ۇگىت ٴبولىمى قاتارلى 15 ورىنمەن بىرلەسىپ، ”20 – قۇرىلتايدى شاتتىقپەن قارسى الۋ، عىلىم جالپىلاستىرىپ بولاشاققا بەت الۋدى“ نەگىزگى تاقىرىپ ەتىپ، ”مەن بۇقارا ٴۇشىن ناقتى ٴىس ىستەيمىن“ امالياتتىق قيمىلىمەن ۇشتاستىرىپ، نەگىزگى ساتىنىڭ قاجەتىنە باعىتتالعان، جاڭالىق اشا دامۋعا قىزمەت وتەيتىن، ساپانى جوعارىلاتۋدى جەبەيتىن 12 ٴتۇرلى مەملەكەتتىك عىلىم جالپىلاستىرۋ كۇنى شينجياڭ جەلىلەس قيمىلىن ۇيىمداستىرىپ ورىستەتەدى.
جەلىلەس عىلىم جالپىلاستىرۋ قيمىلى عىلىم جالپىلاستىرۋ كورمەسى، ءجۇز قوعام، ون مىڭ ادام نەگىزگى ساتىعا بارۋ، حالىقتىق عىلىم ـ تەحنيكا كاسىپورىندارىنىڭ عىلىم جالپىلاستىرۋ ونەر كورسەتۋ كورمەسى، بۇلتتىق عىلىم جالپىلاستىرۋ مەرەكەسى، عىلىم جالپىلاستىرۋ جاپپالى اۆتوكولىگى ارقىلى عىلىم جالپىلاستىرۋ-ٴتۇسىندىرۋ جارىسى، مەملەكەتتىك عىلىم جالپىلاستىرۋدان ۇلگى كورسەتەتىن اۋدانداردىڭ تۇتاس وڭىرلىك عىلىم جالپىلاستىرۋى، ايماق، وبلىس، قالالاردىڭ كوپ ولشەمدى عىلىم جالپىلاستىرۋ كورمەسى، زەردە ارقىلى قارتتارعا كومەكتەسۋ عىلىم جالپىلاستىرۋى، مالان بازاسى رۋحى كورمەسى قاتارلىلاردى قامتيدى.
9 - ايدىڭ 16 ـ كۇنىنە دەيىن شينجياڭداعى ٴار دارەجەلى عىلىم ـ تەحنيكا قوعامدارى، عىلمي قوعامدار (قوعام، زەرتتەۋ قوعامى)، جوعارى مەكتەپتەر، عىلمي زەرتتەۋ ورىندارى قاتارلىلار مەملەكەتتىك عىلىم جالپىلاستىرۋ كۇنى قيمىلى تۇعىرىنا مىڭعا جۋىق قيمىل جولدادى. قيمىلعا ٴبىر ميلليون 428 مىڭ ادام رەت قاتىناسىپ، شولۋ مولشەرى ٴبىر ميلليون 210 مىڭ ادام رەتتەن، القاۋ ءبىلدىرۋ مولشەرى 165 مىڭنان اساتىنى مەجەلەندى.
”قيمىل كەزىندە، ٴبىز قوعامدىق كۇشتەردى كەڭ كولەمدە اتتانىسقا كەلتىرىپ، قوعامعا، بۇقاراعا، نەگىزگى ساتىعا باعىتتالعان جەلىلەس عىلىم جالپىلاستىرۋ قيمىلدارىن ورىستەتىپ، ’بارلىق ادام عىلىم جالپىلاستىرۋشى بولۋ، بارلىق جەردە عىلىم جالپىلاستىرۋ ورنى بولۋ‘ سىندى تاماشا راي قالىپتاستىرۋعا قۇلشىنىپ، جالپى ازاماتتاردىڭ عىلىمدى ۇيرەنۋ، عىلىمدى ٴسۇيۋ، عىلىمدى قولدانۋ ىنتاسىن قوزعاپ، عىلىم ـ تەحنيكا بايلىعىنىڭ حالىق تۇرمىسىنا اناعۇرلىم كوپ تيىمدىلىك جاساۋىنا مۇمكىندىك جاسايمىز“، ـ دەدى اۆتونوميالى رايوندىق عىلىم ـ تەحنيكا قوعامىنىڭ ورىنباسار ٴتوراعاسى جاڭ يۇي.
مەملەكەتتىك عىلىم جالپىلاستىرۋ كۇنى قيمىلى 2003 ـ جىلى باستالعاننان بەرى، اۆتونوميالى رايوندىق عىلىم ـ تەحنيكا قوعامى شينجياڭنىڭ نەگىزگى الاڭ قيمىلىن عالىمدار رۋحىن ساۋلەلەندىرۋدىڭ، عىلمي يدەيانى تاراتۋدىڭ، عىلمي ٴتاسىلدى دارىپتەۋدىڭ، عىلمي بىلىمدەردى جالپىلاستىرۋدىڭ ماڭىزدى تۇعىرى جانە ارناسى ەتتى. قازىر اتالعان قيمىل قوعامعا تامىر تارتقان، جۇرتتىڭ قىزۋ قارسى الۋىنا يە بولعان ايگىلى الەۋمەتتىك يگىلىك قيمىلىنا اينالدى.
اۋدارعان: قادىر ماقان
