تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگونىڭ تاعدىرىن بەلگىلەيتىن ”شەشۋشى شارادان“ ويداعىداي پايدالاندى

− پارتيا 18 - قۇرىلتايىنان بەرگى رەفورمانى جاپپاي تەرەڭدەتۋدىڭ ۇزدىكسىز ىلگەرىلەۋى جونىندەگى شولۋ

□ شينحۋا اگەنتتىگىنىڭ تىلشىلەرى ياڭ ۋيحان، باي ياڭ، ۋاڭ چي

  ”جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ءتۇبىرلى قوزعاۋشى كۇشى ءالى دە رەفورمانى جاپپاي تەرەڭدەتۋ بولىپ تابىلادى“.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى رەفورمانى جاپپاي تەرەڭدەتۋدىڭ كەڭدىككە جانە تەرەڭدىككە قاراي جورىق جاساۋىن ۇزدىكسىز ىلگەرىلەتىپ، جۇڭگوشا سوتسياليزم ءتۇزىمى اناعۇرلىم تولىسىپ، اناعۇرلىم تۇلعالانىپ، مەملەكەتتى باسقارۋ جۇيەسى مەن باسقارۋ قابىلەتىنىڭ وسىزاماندانۋ دەڭگەيى ۇزدىكسىز جوعارىلاپ، پارتيا مەن مەملەكەت ىستەرىندە تىڭ دا جالىندى ومىرشەڭدىك قاۋلادى.

”رەفورما تەك توقتاۋسىز جۇرگىزىلە بەرەدى، اياقتامايدى“

  2012 - جىلى 11 - ايدىڭ 15 - كۇنى، بەيجيڭ حالىق سارايى.

  جاڭا عانا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان شي جينپيڭ جۇڭگولىق، شەتەلدىك تىلشىلەردىڭ الدىندا كەسىمدى ۇنمەن بىلاي دەپ جاريالادى: ”يدەيانى ۇزدىكسىز ازات ەتىپ، رەفورما جاساۋعا، ەسىك اشۋعا تاباندى بولىپ، قوعامدىق وندىرگىش كۇشتى ۇزدىكسىز ازات ەتەمىز جانە دامىتامىز“.

  ارادا اي وتپەي، باس شۋجي شي جينپيڭ جەرگىلىكتى ورىندارعا العاشقى تەكسەرۋ - زەرتتەۋگە اتتانعاندا، رەفورما جاساۋدىڭ، ەسىك اشۋدىڭ الدىڭعى شەبى − گۋاڭدۇڭعا توتە تارتتى.

  گۋاڭدۇڭداعى ساپارىندا، باس شۋجي شي جينپيڭ بىلاي دەپ تەرەڭىنەن اتاپ كورسەتتى: ”رەفورما جاساۋ، ەسىك اشۋ − زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا، سونداي - اق ’قوس 100 جىلدىق‘ كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى بەلگىلەيتىن شەشۋشى شارا“.

  2013 - جىلى 11 - ايدا پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جەڭىسپەن اشىلدى، باس شۋجي شي جينپيڭ تىكەلەي باسقارۋىندا دايىندالعان «جۇڭگو كوممۋنيستىك پارتياسى ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى ءبىرقانشا كەلەلى ماسەلە تۋرالى قاۋلىسى» ماقۇلداندى. جالپى ءماجىلىس رەفورمانى جاپپاي تەرەڭدەتۋدىڭ باس نىساناسىن، ستراتەگيالىق ماڭىزدى تۇيىندەرىن، باسىمدىق بەرىلەتىن تارتىپتەرىن، نەگىزگى ۇمتىلىس بەتالىسىن، قىزمەت مەحانيزمىن، ىلگەرىلەتۋ ءتاسىلىن جانە ۋاقىت كەستەسىن، جول كارتاسىن بەلگىلەدى.

  پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ءداۋىر بولگىش ءماجىلىس بولىپ، رەفورمانىڭ ءىشىنارالىق ىزدەنىستەن، سەڭ بۇزىپ، شەپ جارۋدان جۇيەلى جيناقتاۋعا، جاپپاي تەرەڭدەتۋگە قاراي بۇرىلىس جاساۋىن جۇزەگە اسىرىپ، ەلىمىزدىڭ رەفورما جاساۋىنىڭ، ەسىك اشۋىنىڭ جاڭا جاعدايىن اشتى.

  باس شۋجي شي جينپيڭ نەگىزگى ساتىلاردى ىشكەرىلەي ارالاپ قىزمەت تەكسەرۋ، تەكسەرۋ - زەرتتەۋ جۇرگىزۋ بارىسىندا، ۇزدىكسىز تۇردە رەفورمانىڭ جالپى جاعدايىن جوسپارلاپ، رەفورما امالياتىن ىلگەرىلەتىپ وتىردى. ورتالىقتىڭ رەفورمانى جاپپاي تەرەڭدەتۋ كوميتەتىنىڭ (باسشىلىق گرۋپپا) ماجىلىسىندە، باس شۋجي شي جينپيڭ رەفورمانى ىلگەرىلەتۋدىڭ جاعدايىنا باعىتتاي وتىرىپ، ءادىس - امال كورسەتىپ، جولدى ايقىنداپ، باعىت سىلتەدى.

  باس شۋجي شي جينپيڭنىڭ جوسپارلاۋىندا، ءار جاقتاعى رەفورمالار ءجىتى دە نىق قاداممەن ىلگەرىلەدى −

  ەكونوميكالىق ءتۇزىلىس رەفورماسى ۇزدىكسىز كەمەلدەندى، ساياسي ءتۇزىلىس رەفورماسى ورنىقتى قاداممەن ىلگەرىلەدى، مادەنيەت ءتۇزىلىسى رەفورماسى جاڭالىق اشا دامىدى، قوعامدىق ءتۇزىلىس رەفورماسى جالپى بەتتىك ىلگەرىلەدى، ەكولوگيالىق وركەنيەت ءتۇزىلىسى رەفورماسى جەدەل ىلگەرىلەدى، پارتيا قۇرىلىسى ءتۇزىمى رەفورماسى تىڭعىلىقتى ىلگەرىلەدى، ءتارتىپ تەكسەرۋ ءتۇزىلىسى رەفورماسى ماڭىزدى كەزەڭدىك جەتىستىككە قول جەتكىزدى، مەملەكەت قورعانىسى جانە ارميا رەفورماسى تاريحي سەرپىلىسكە قول جەتكىزدى...

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جول باستاۋىندا، پارتيامىزدىڭ رەفورمانى جاپپاي تەرەڭدەتۋ جونىندەگى تانىمى ۇزدىكسىز جوعارىلاي ءتۇستى −

  پارتيا 19 - قۇرىلتايى ”رەفورمانى جاپپاي تەرەڭدەتۋدى“ جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىنا ەنگىزىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى مازمۇنى ەتىپ ايقىندادى؛

  پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جۇڭگوشا سوتسياليزم تۇزىمىنە تاباندى بولۋدى جانە ونى كەمەلدەندىرۋدى، مەملەكەتتى باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋدى ارناۋلى اقىلداستى ءارى ۇيعارىم جاساپ، جۇڭگوشا سوتسياليزمنىڭ ءتۇزىم كارتاسىن كەسكىندەدى؛

  پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» ”وندى ايقىنداۋ“ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وزەكتى ءمان - مازمۇمىن جيناقتادى، سولاردىڭ ءبىرى”رەفورمانى جاپپاي تەرەڭدەتۋدىڭ باس نىساناسى جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ ەكەندىگىن ايقىنداۋ“ بولدى.

  جالپى بەتتىك كۇش سالىپ، كوپ تۇيىندە سەرپىلىس جاساپ، ءجىتى دە نىق قادام باسىپ، تەرەڭدەي ىلگەرىلەتتى.

  پارتيا 18 - قۇرىلتايىنان بەرى رەفورمانى جاپپاي تەرەڭدەتۋ ىرگە قالاپ، تۇعىر تۇرعىزۋدان، تىرەۋ ورناتىپ، ارقالىق سالۋدان جاپپاي ىلگەرىلەتۋگە، جينالا كەلىپ ارىن قالىپتاستىرۋعا، ونان جۇيەلى جيناقتاۋعا، سايكەسىمدى، جوعارى ءونىمدى بولۋعا دەيىن، ءار سالاداعى نەگىزدىك تۇزىمدەر جۇلگەسى نەگىزىنەن ورناپ، كوپتەگەن سالالاردا تاريحي وزگەرىس، جۇيەلى قايتا تۇلعالاۋ، جالپى تۇلعالىق جاقتان قايتا قۇرىلىمداۋ جۇزەگە استى.

”قيىن ىستەردى تىندىرۋعا باتىل بولىپ، حاۋىپ - قاتەردەن جاسقانباۋ كەرەك“

  ”رەفورما وتكەلىندە جۇرەكتىلەر جەڭىسكە جەتەدى، ءبىز قيىن ىستەردى تىندىرۋعا باتىل بولىپ، حاۋىپ - قاتەردەن جاسقانباي، ەشتەڭەدەن تايسالماي رەفورمانى ىلگەرىلەتۋىمىز كەرەك“. رەفورما قامال الۋ كەزەڭىنە جانە تەرەڭ قويناۋعا وتكەندە، باس شۋجي شي جينپيڭ مىنە وسىلاي ايقىن اتاپ كورسەتتى.

  2018 - جىلى 6 - ايدىڭ 30 - كۇنى اۋىل - قىستاق جەر ءتۇزىمى رەفورماسىن تۇيىندە سىناق ەتەتىن بۇكىل ەلدەگى 33 ءوڭىردىڭ ءبىرى رەتىندە، جىجياڭنىڭ دىچيڭ اۋدانى تۇرعىن ۇيلىك جەرلەردىڭ ”ءۇش ۇقىعىن ءبولۋدىڭ“ تۇڭعىش توپتاعى كۋالىگىن الدىمەن تاراتتى. 4 قىستاقتان كەلگەن شارۋا ۋاكىلدەرى، حالىقتىق تۇسەلحانا قوجايىندارىنىڭ ۋاكىلدەرى، كوللەكتيۆ جەر مەنشىك ۇقىعىنىڭ ۋاكىلدەرى ءۇش جاقتىڭ اينالىمعا سالۋ توقتامىنا قول قويىپ، اۋىل - قىستاقتاعى تۇرعىن ۇيلىك جەرلەردىڭ شىن مانىندە ”3 ۇقىعى بولىنگەن“ جىلجىمايتىن مۇلىك كۋالىگىنىڭ العاشقى توبىن تاپسىرىپ الدى.

  جاڭا داۋىردەگى اۋىل - قىستاق جەر رەفورماسى جەر بايلىعىن جانداندىرۋدى، اۋىل - قىستاقتىڭ كومەسكى كۇشىن قاۋلاتۋدى تياناق ەتىپ، اۋىل - قىستاقتاعى كوتەرمەگە بەرىلەتىن جەرلەردىڭ ”3 ۇقىعىن ءبولۋ“ رەفورماسى، اۋىل - قىستاق جەرىن وتكىزىپ الۋ، كوللەكتيۆ تيجارات سيپاتىنداعى قۇرىلىستىق جەرلەردى بازارعا سالۋ، تۇرعىن ۇيلىك جەر ءتۇزىمى رەفورماسىن تۇيىندە سىناق ەتۋ سىندى ءبىر قىدىرۋ كەلەلى تۇزىمدىك جاڭالىق اشۋلار ىركەس - تىركەس ىلگەرىلەپ، اۋىل - قىستاقتى گۇلدەندىرۋدىڭ وراسان زور ىشكى قوزعاۋشى كۇشىن تۋىنداتتى.

  قاي جەردە بوگەت، تەجەۋ بولسا، رەفورمانىڭ نەگىزگى ۇمتىلىس بەتالىسى سولاي باعدارلاندى.

  دەلو قاراۋدا ”دەلو قاراۋشى ۇكىم شىعارمايتىن، ۇكىم شىعارۋشى دەلو قارامايتىن“ قاساڭ دەرتتى قالاي جويۋعا بولادى؟ ءادىليا ءتۇزىلىسى رەفورماسى بۇعان جاۋاپ تاپتى. 2017 - جىلى 7 - ايدىڭ 3 - كۇنى ەڭ جوعارى حالىق سوتى مەكەمەسى العاشقى توپتاعى نورمالى سانداعى سۋديالاردىڭ سەرت بەرۋ سالتىن وتكىزدى، بۇل سۋديالاردىڭ نورمالى سان ءتۇزىمى رەفورماسىنىڭ بۇكىل ەلدەگى سوت مەكەمەلەرىندە جاپپاي تياناقتانعاندىعىن كورسەتەدى. نورمالى سان ءتۇزىمى رەفورماسى ءادىليا كۇشتەرىن دەلو ءبىتىرۋدىڭ ءبىرىنشى شەبىنە شوعىرلاندىرىپ، دەلو ءبىتىرۋدىڭ ساپالىق تيىمدىلىگىن ءونىمدى جوعارىلاتىپ، ءادىليالىق جاۋاپكەرشىلىك ءتۇزىمى رەفورماسىندا ”دەلونى قاراۋشى تورەلىك ەتۋ، تورەلىك ەتۋشى جاۋاپتى بولۋدى“ جۇزەگە اسىرۋدى ىلگەرىلەتتى.

  ماسەلە قايدا نۇسقاسا، رەفورما سوعان باعىتتالدى. پارتيا 18 - قۇرىلتايىنان بەرى ءادىليا ورگاندارى ءتۇزىلىس - مەحانيزم رەفورماسىن تەرەڭدەتۋ ارقىلى ءادىليا جۇرگىزۋ قابىلەتى مەن ونىڭ الەۋمەتتىك سەنىمدىلىگىن جوعارىلاتىپ، ءادىليا جۇرگىزۋ قابىلەتىن تەجەيتىن، ءادىليانىڭ ادىلدىگىنە ىقپال جاسايتىن تەرەڭ قاتپارلى، تۇزىلىستىك ماسەلەلەردى بىرتىندەپ شەشتى.

  ەكولوگيالىق وركەنيەت ءتۇزىلىسى رەفورماسىنداعى جوعارى دەڭگەيدەگى جوبالاۋ رەفورمانى قازىرگى مۇددەلەر جۇلگەسىنىڭ شەڭبەرىنەن شىعۋعا جەتەكتەپ، قورشاعان ورتانى قورعاۋ بويىنشا قۋزاۋ - تەكسەرۋ، وزەن - كول باستىعى ءتۇزىمى، مەملەكەتتىك باقشا سياقتى جاڭاشىل شارالار ىركەس - تىركەس جارىققا شىعىپ، كورىكتى جۇڭگو قۇرۋ جەدەلدەدى؛ جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارىپ، عىلىم - تەحنيكادا جاڭالىق اشۋ ءتۇزىلىس - مەحانيزمىن كەمەلدەندىرىپ، جاڭالىق اشۋدىڭ ومىرشەڭدىگى جارىسا تاسقىندادى؛ ارمياعا باسشىلىق، قولباسشىلىق ءتۇزىلىسىن، وسى زامانعى اسكەري كۇشتەر جۇيەسىن، اسكەري ساياساتتار ءتۇزىمىن قايتا تۇلعالاپ، قايتا قۇرىلىمداپ، اسكەري سالا مەن ازاماتتىق سالانىڭ توعىسا، تەرەڭ دامۋىن ىلگەرىلەتىپ، حالىق ارمياسىنىڭ ءتۇزىلىسى جاڭاردى، قۇرىلىمى جاڭاردى، جۇلگەسى جاڭاردى، بەت - بەينەسى جاڭاردى... رەفورمانى جاپپاي تەرەڭدەتۋ قاشاندا ماسەلەنى باعدار ەتۋگە تاباندى بولىپ، نازاردى پارتيا مەن مەملەكەت ىستەرىنىڭ دامۋىنداعى وزەكتى مىندەتتەرگە شوعىرلاندىرا وتىرىپ ءتۇزىلىس - مەحانيزم رەفورماسىن ىلگەرىلەتىپ، ءتۇزىم قۇرىلىسى مەن باسقارۋ تيىمدىلىگىنىڭ اناعۇرلىم ويداعىداي كادەگە جاراۋىن، توعىسۋىن جەبەدى.

  جاڭا داۋىردەگى رەفورمانى جاپپاي تەرەڭدەتۋ رەفورمانىڭ جۇيەلىك سيپاتى، جالپى تۇلعالىق سيپاتى، سايكەسىمدىلىك سيپاتى جونىندە اناعۇرلىم جوعارى تالاپ قويدى.

  پارتيا مەن مەملەكەت قۇرىلىمى رەفورماسىن تەرەڭدەتۋ − رەفورمانى جاپپاي تەرەڭدەتۋدەگى ءبىر رەتكى ستراتەگيالىق شايقاس، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى ءبىر رەتكى شوعىرلى ارەكەت سانالادى: بۇل تەك ورتالىق پەن مەملەكەت ورگاندارى دەڭگەيىنىڭ وزىنەن ءبىر ميلليون 800 مىڭنان استام ادامعا سايىپ، پارتيا ورتالىق كوميتەتىنىڭ شەشىم قابىلداۋ، ىستەردى اقىلداسۋ، سايكەستىرۋ قۇرىلىمىنان جاڭادان ۇشەۋى قۇرىلىپ، تورتەۋىنىڭ اتى وزگەرتىلدى، مينيسترلىك دارەجەلى 25 قۇرىلىم قۇرىلدى نەمەسە قايتا جاساقتالدى، مينيسترلىك دارەجەلى 31 قۇرىلىمنىڭ باسشىلىق - باسقارۋ ءتۇزىلىسى مەن قىزمەت جاۋاپكەرشىلىگى رەتتەلدى، ساپالىلاندى...

  ”بىتىراڭقىلىقتان“ ساقتانىپ، ”كەشەندى شارالاردى“ شەبەرلىكپەن قولداندى.

  رەفورمانى جاپپاي تەرەڭدەتۋ ەلەۋلى رەفورمالاردىڭ لوگيكالىق قاتىناسىن انىق سالالاۋعا ءمان بەردى، جوبالاردىڭ سايكەسۋىن مىقتى ۇستاۋمەن بىرگە، تياناقتاندىرۋدى سايكەستىرۋدى، ءونىمىن سايكەستىرۋدى دە مىقتى يگەرىپ، مەملەكەت مەنشىگىندەگى كاسىپورىندار رەفورماسى، عىلىم - تەحنيكا ءتۇزىلىسى رەفورماسى، اۋىل - قىستاق جەر ءتۇزىمى رەفورماسى، ەكولوگيالىق وركەنيەت ءتۇزىلىسى رەفورماسى، ءادىليا ءتۇزىلىسى رەفورماسى، پارتيا قۇرىلىسى ءتۇزىمى رەفورماسى، اشىق ەكونوميكالىق جاڭا ءتۇزىلىس ورناتۋ سياقتى جاقتاردان شوعىرلى تۇردە قامال الىپ، رەفورمالار تولىق ۇشتاسىپ، ءوزارا قابىستى.

  رەفورما كىدىرمەدى، ەسىك اشۋ تولاستامادى.

  التىن كۇزدىڭ جانعا جايلى مايدا قوڭىر سامالى ەسىپ، ساۋلەتتى شامدار سامالاداي جارقىرادى. بيىل 8 - ايدىڭ 31 - كۇنى كەشتە بەيجيڭنىڭ ورتالىق وسىندەگى مەملەكەتتىك ءماجىلىس ورتالىعى 2022 - جىلعى جۇڭگو حالىقارالىق قىزمەت وتەۋ ساۋدا جارمەڭكەسىن قارسى الدى.

  باس شۋجي شي جينپيڭ قۇتتىقتاۋ حاتىندا مىزعىماس تاباندىلىقپەن سىرتقا ەسىك اشۋدىڭ قۋاتتى ءۇنىن قاتتى: ”جۇڭگو دۇنيە جۇزىندەگى ءار ەلمەن بىرگە شىن مانىندەگى كوپ جاقتىلىققا تاباندى بولىپ، جالپىعا ءتيىمدى، سيىسىمدى بولۋدان، سەلبەسىپ تەڭ پايداعا كەنەلۋدەن جازباي، اشىق، بىرگە يگىلىكتەنەتىن قىزمەت وتەۋ ەكونوميكاسىن قول ۇستاسا بىرگە جەبەپ، دۇنيە ءجۇزى ەكونوميكاسىنىڭ قالپىنا كەلۋىنە، دامۋىنا قوزعاۋشى كۇش ۇستەۋدى قالايدى“.

  ەسىك اشۋ بارىسىندا وراي جاراتىپ، سەلبەستىك جاساسۋ بارىسىندا قيىن ماسەلەلەردى شەشتى: شەتەل ساۋداگەرلەرى قارجى قوسۋ زاڭى مەن شارۋاشىلىق - ساۋدا ورتاسىن ساپالىلاندىرۋ ەرەجەسى رەسمي اتقارىلىپ، شەتەل كاپيتالدارىن ءبىر - ءبىر نىساننان تەكسەرىپ - بەكىتۋ ءتۇزىمى كۇشىنەن قالدى؛ بۇكىل ەلدەگى بارلىق ايماق دارەجەلى جانە ودان جوعارى قالالارعا شەتەل ساۋداگەرلەرى قارجى قوسقان كاسىپورىنداردى تىركەۋ، تىزىمگە الۋ ۇقىعى بەرىلىپ، كەدەننەن ءوتۋدىڭ قولايلى بولۋ دەڭگەيى ونان ارى جوعارىلادى؛ گۋاڭجوۋ جارمەڭكەسى، يمپورت كورمەسى، قىزمەت وتەۋ ساۋدا جارمەڭكەسى سياقتى ەكونوميكا - ساۋدانىڭ سالتاناتتى جينالىستارىنىڭ ”تىزبەگى“ قالىپتاستى... جۇڭگو اشىق بەينەمەن دۇنيە جۇزىنە قۇشاق جايىپ، ءوز دامۋىنىڭ قۋاتتى كوكتەم تاسقىنىن تۋىنداتىپ، الەم ەكونوميكاسىنا قۋاتتى قوزعاۋشى ەنەرگيا ۇستەدى.

”رەفورمانىڭ، دامۋدىڭ جەتىستىكتەرىنەن جالپى حالىققا اناعۇرلىم كوپ، اناعۇرلىم ءادىل تيىمدىلىك جاساۋ كەرەك“

  ”پارتيامىزدىڭ رەفورمانى جاپپاي تەرەڭدەتۋدى ىلگەرىلەتۋىنىڭ ءتۇبىرلى ماقساتى قوعامدىق ادىلدىك پەن تۋراشىلدىقتى جەبەۋ، رەفورمانىڭ، دامۋدىڭ جەتىستىكتەرىنەن جالپى حالىققا اناعۇرلىم كوپ، اناعۇرلىم ءادىل تيىمدىلىك جاساۋ بولىپ تابىلادى“.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى وزەك ەتكەن دامۋ يدەياسىنا تاباندى بولىپ، رەفورمانىڭ، دامۋدىڭ جەتىستىكتەرىنەن جالپى حالىققا اناعۇرلىم كوپ، اناعۇرلىم ءادىل تيىمدىلىك جاساۋدى ىلگەرىلەتىپ، جاڭا داۋىردە رەفورما جاساۋدى، ەسىك اشۋدى جاپپاي تەرەڭدەتۋدىڭ قۋاتتى كۇشىن ۇيىستىردى.

  بۇقارا نەگە كوڭىل بولسە، نەنى قالاسا، رەفورما سونى يگەردى، سونى ىلگەرىلەتتى.

  قوعامدىق قۇتقارۋ - كومەكتەسۋ جۇيەسى نەگىزىنەن ورناپ، جىلىنا قيىنشىلىعى بار 50 ميلليونعا جۋىق بۇقارا نەگىزگى تۇرمىستىق كومەك - جاردەمگە يە بولدى؛ تۇرعىن ءۇي ءتۇزىمىن رەفورمالاپ، كەمەلدەندىرىپ، ءتۇرلى قامتاماسىز ەتۋ سيپاتتى تۇرعىن ۇيلەر مەن لاشىقتى ۇيلەردى وزگەرتىپ ورنالاستىرۋ باعىتىنداعى تۇرعىن ۇيلەردەن جالپى 80 ميلليوننان استامىن سالدى؛ ”كۋالىكتەردى ازايتىپ، حالىققا قولايلىلىق جاساۋدى“ ۇزدىكسىز ورىستەتىپ، جەرگىلىكتى ورىندار، تاراۋلار 21 مىڭنان استام انىقتاما بەرۋ ءىسىن رەتتەدى... ءار الۋان رەفورمالار نازاردى بۇقارانىڭ ”شۇعىل، قيىن، الاڭداعان، ءزارۋ“ ماسەلەلەرىنە شوعىرلاندىرىپ، سەنىمدى ارتتىرىپ جۇرت جۇرەگىنە جىلى شۋاق شاشىپ، حالىق تىلەگىن توعىستىردى.

  رەفورماداعى ءبىر توپ وتكىر شارالار، ناقتى شارالار ۇرىمتال تۇسقا ءدال ءتيىپ، قوعامدىق ادىلدىك پەن تۋراشىلدىقتى جەبەۋدىڭ، حالىقتىڭ قۇت - ىرىسىن مولايتۋدىڭ قۇن بەتالىسىن سوڭىنا دەيىن جەتكىزدى.

  ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، ەمدەۋ - دەنساۋلىق ساقتاۋ قىزمەتىنىڭ سالماعىن تومەنگە ويىستىرۋعا، بايلىعىن تومەنگە اۋىستىرۋعا جەتەكتەدى؛ وقۋ - اعارتۋ، وقۋ - وقىتۋ رەفورماسىندا جاڭالىق اشۋدى تەرەڭدەتىپ، مىندەتتى وقۋ - اعارتۋدىڭ بىركەلكى دامۋىن جانە قالا، اۋىلدا ءبىر تۇلعالانۋىن ىلگەرىلەتتى؛ زەينەتكەرلىك قىزمەت وتەۋ جۇيەسىن جەدەل ورناتىپ، تۋىت ساياساتىن رەتتەپ، ساپالىلاندىرىپ، حالىق سانىنىڭ ۇزاق ۋاقىت تەڭگەرمەلى دامۋىن جەبەدى...

  رەفورمانىڭ پاراساتى ميلليارد حالىقتىڭ جاسامپازدىعىنان باستاۋ الدى، رەفورمانىڭ جەتىستىگىنەن حالىق تەڭ يگىلىكتەندى.

  باس شۋجي شي جينپيڭ بىلاي دەپ اتاپ كورسەتتى: ”دۇرىس جول قايدان كەلەدى؟ بۇقارادان كەلەدى. ءبىز نازارىمىزدى تومەنگە اۋدارىپ، جوعارى دەڭگەيدە جوبالاۋدى حالىقتان اقىل - كەڭەس سۇراۋمەن بىرلىككە كەلتىرۋىمىز كەرەك“.

  سانميڭنىڭ ەمدەۋ رەفورماسى سىندى نەگىزگى ساتىدان شىققان رەفورما ىزدەنىسى بۇكىل ەلگە تانىلدى. بۇگىنگى تاڭدا، بۇل جەردە تاعى ءبىر تىڭ ىزدەنىس جارىققا شىقتى: اۋىل - قىستاق شيپاگەرلەرى قىستاق تۇرعىندارى ءۇشىن اۋرۋ كورىپ، ءدارى بەرگەن كەزدە، ”ءۇش رەتسەپتى“ − ءدارى - دارمەك رەتسەبى، تۇرمىستىق سپورت رەتسەبى، ازىقتانۋ رەتسەبى − ءبىر جولدا جازىپ بەرەدى.

  ”بۇقارانىڭ جاڭا قاجەتى الدىندا، ءبىز بار ءادىس - امالدان پايدالانىپ دەنساۋلىقتىڭ ’ەسىك قاراۋشىسى‘ بولۋىمىز كەرەك. نەگىزگى ساتىدا ’الدىن الۋ‘ قىزمەتىن كوبىرەك ىستەۋىمىز، ەگجەي - تەگجەيلى دەنساۋلىق باسقارۋ ءىسىن كوبىرەك ىستەۋىمىز كەرەك“، - دەيدى سول جەردەگى اۋىل - قىستاق شيپاگەرى.

  بەيجيڭنىڭ ”مالىدەن، اۋىلدان ماسەلەنىڭ قىلپى بايقالسا، قاتىستى تاراۋلار جەتىپ كەلۋ“، جىجياڭنىڭ ”كوپ بولعاندا ءبىر رەت بارۋ“ رەفورماسى... رەفورمانى جاپپاي تەرەڭدەتۋ حالىقتىڭ ءتول جاسامپازدىق رۋحىن تاسقىنداتىپ، ىنتىماقتاسىپ ەكپىندەي ۇمتىلۋدىڭ ورتاق تانىمىن ۇيىستىردى.

  بيىل جىل باسىنان بەرى باس شۋجي شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ ءماجىلىسىن 4 رەت باسقارىپ اشىپ، دۇنيە جۇزىندە ماڭداي الدى كاسىپورىن قۇرۋ، جالپىعا ءتيىمدى فينانستىڭ جوعارى ساپالى دامۋى، سيفرلى ۇكىمەت قۇرىلىسى، اكىمشىلىك بولىنىستەردى كۇشەيتۋ جانە جاقسارتۋ قىزمەتى سياقتى كەلەلى تاقىرىپتاردى قاراپ، رەفورمانى جاپپاي تەرەڭدەتۋدىڭ تەرەڭدەي ىلگەرىلەۋىن العا جىلجىتتى.

  تەك رەفورمالاۋشى عانا العا باسادى، تەك جاڭالىق اشۋشى عانا كۇشەيەدى، تەك رەفورما جاساپ، جاڭالىق اشۋشى عانا جەڭىسكە جەتەدى.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، رەفورمانى جەتەكشى ەتىپ، رەفورمادان قوزعاۋشى كۇش العان ميلليارد جۇڭحۋا پەرزەنتتەرى، ءسوز جوق، جۇڭحۋا ۇلتىنىڭ ۇلى گۇلدەنۋىنىڭ كەرى قايتارۋعا كەلمەيتىن تاريحي ۇردىسىندە تىڭ دامۋ كەرەمەتتەرىن جاراتادى!

  (شينحۋا اگەنتتىگىنىڭ 9 - ايدىڭ 8 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.