− 7 - كەزەكتى جۇڭگو − ازيا - ەۆروپا كورمەسىنىڭ اشىلعاندىعىن قىزۋ قۇتتىقتايمىز
شينجياڭ گازەتى باسماقالاسى
جىبەك جولىنداعى شاتتىق جىرى قىمباتتى قوناقتاردى قارسى الدى، جەمىس - جيدەكتىڭ حوش ءيىسى سالتاناتتى جينالىستىڭ مەرەيىن اسىردى. بۇگىن 7 - كەزەكتى جۇڭگو − ازيا - ەۆروپا كورمەسى ۇرىمجىدە سالتاناتپەن اشىلدى. ءبىز سالتاناتتى جينالىستىڭ اشىلعاندىعىن قىزۋ قۇتتىقتايمىز، كورمەگە قاتىناساتىن ەل ءىشى - سىرتىنداعى قوناقتار مەن دوستاردى قىزۋ قارسى الامىز!
7 - كەزەكتى جۇڭگو − ازيا - ەۆروپا كورمەسىنىڭ اشىلۋى شينجياڭنىڭ ساياسي، ەكونوميكا ومىرىندەگى ءىرى ءىس، ول تيانشان الابىنداعى ءار ۇلت بۇقاراسىنىڭ ادال ءۇمىتىن امانات ەتتى، وتان ۇلى شاڭىراعىنىڭ قويۋ سۇيىسپەنشىلىگىن قامتىدى، دۇنيە ءجۇزىنىڭ جەر - جەرىنىڭ تاماشا تىلەگىن ارقالادى، جۇڭگو شينجياڭىنىڭ وبرازىن ايگىلەۋگە ماڭىزدى تەرەزە ازىرلەپ قالماستان، ونان دا ماڭىزدىسى، جۇڭگو شينجياڭىنىڭ حيكاياسىن ويداعىداي بايانداۋعا ماڭىزدى شارت - جاعداي ازىرلەدى.
جۇڭگو − ازيا - ەۆروپا كورمەسىن وتكىزۋ − جاڭا جاعدايدا پارتيا ورتالىق كوميتەتىنىڭ، مەملەكەتتىك كەڭەستىڭ ەلىمىزدىڭ شەكارالىق ەسىك اشۋى مەن باتىسقا ەسىك اشۋىنىڭ قادامىن ودان ارى جەدەلدەتىپ، شينجياڭدى ەلىمىزدىڭ باتىسقا ەسىك اشۋىنىڭ الدىڭعى شەبى ەتىپ جەدەل قۇرىپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋداعى كەلەلى ستراتەگيالىق شارا. 2011 - جىلدان بۇگىنگە دەيىن، جۇڭگو − ازيا - ەۆروپا كورمەسى 6 كەزەك ءساتتى وتكىزىلىپ، جۇڭگونىڭ توڭىرەكتەگى ەلدەرمەن جوعارى ساتىداعى ديپلوماتيا ورىستەتۋىندەگى ماڭىزدى تۇعىرعا، جىبەك جولى ەكونوميكالىق بەلدەۋىن قۇرۋداعى ماڭىزدى دانەكەرگە، جۇڭگونىڭ شينجياڭى مەن توڭىرەگىندەگى ەلدەردىڭ (ءوڭىر) سەلبەستىگىن ىلگەرىلەتۋدەگى ماڭىزدى ارناعا اينالدى.
بيىل 7 - ايدىڭ 12 - كۇنىنەن 15 - كۇنىنە دەيىن باس شۋجي شي جينپيڭ شينجياڭدى كوزدەن كەشىرگەندە بىلاي دەپ باسا اتاپ كورسەتتى: ”’ءبىر بەلدەۋ، ءبىر جولدى‘ بىرگە قۇرۋدىڭ ىشكەرىلەي ىلگەرىلەۋىنە ىلەسە، شينجياڭ ەندىگارى شەت، شالعاي ءوڭىر ەمەس، وزەكتى وڭىرگە، توراپ ءتۇيىنى وڭىرىنە اينالدى“. باس شۋجي شي جينپيڭ شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ماجىلىسىندە ماڭىزدى ءسوز سويلەگەندە بىلاي دەپ اتاپ كورسەتتى: ”بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، دامۋ ستراتەگيالارىن ۇشتاستىرۋدى كۇشەيتىپ، باستان - اياق ءوزارا پايدا جەتكىزىپ، تەڭ يگىلىككە كەنەلۋ، بىرگە كوركەيۋ جولىمەن ءجۇرۋ كەرەك“. شينجياڭنىڭ جىبەك جولى ەكونوميكالىق بەلدەۋى وزەكتى رايونىنىڭ ۇلاستىرۋ، تۇتاستىرۋ رولىن تولىق ساۋلەلەندىرىپ، 7 - كەزەكتى جۇڭگو − ازيا - ەۆروپا كورمەسىن ويداعىداي وتكىزۋى − باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جىبەك جولى ەكونوميكالىق بەلدەۋى وزەكتى رايونىنىڭ قۇرىلىسىن جەدەل ىلگەرىلەتىپ، ەلىمىزدىڭ سىرتقا باعىتتالعان ەكونوميكالىق دامۋىنىڭ جاڭا ءورىسىن كەڭەيتۋدەگى ماڭىزدى شارا.
7 - كەزەكتى جۇڭگو − ازيا - ەۆروپا كورمەسىن ويداعىداي وتكىزۋ حالىقارالىق، ەل ءىشى ەكى بايلىقتان اناعۇرلىم ويداعىداي پايدالانىپ، جاڭا دامۋ ارناسىنا بەلسەندى قىزمەت وتەۋ مەن توعىسۋعا مۇمكىندىك بەرىپ قالماستان، شينجياڭنىڭ ەكونوميكالىق، قوعامدىق دامۋ ورەسىنىڭ ۇزدىكسىز جوعارىلاۋىن جەبەپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە دە پايدالى.
7 - كەزەكتى جۇڭگو − ازيا - ەۆروپا كورمەسى − شينجياڭ وبرازىن ايگىلەيتىن ءبىر رەتكى سالتاناتتى جينالىس. پارتيا 18 - قۇرىلتايىنان بەرى شينجياڭ ەكونوميكالىق، قوعامدىق دامۋدا كورنەكتى تابىسقا قول جەتكىزىپ، كاسىپ سالاسىنىڭ دامۋى ساپاسىن جوعارىلاتىپ، ونىمدىلىگىن ارتتىرىپ، رەفورما جاساۋ، ەسىك اشۋ ۇزدىكسىز تەرەڭدەپ، نەگىزدىك قۇرىلعىلار قۇرىلىسى جەدەل ىلگەرىلەتىلىپ، حالىقتىڭ تۇرمىسى ۇزدىكسىز جاقسارىپ، قوعامدىق كەلەلى جاعداي ۇزدىكسىز جاراسىمدى، ورنىقتى بولدى. اسىرەسە، بيىل جىل باسىنان بەرى شينجياڭ ەكونوميكاسى ورنىقتىلىق بارىسىندا ىلگەرىلەپ، ورنىقتى تۇردە جاقسارىپ، ورنىقتى قاداممەن جوعارىلاپ، اشىق تا سەنىمدى، تىرشىلىك تىنىسى قاۋلاعان شينجياڭ، كومەسكى كۇشى زور، ۇمىتكە تولى شينجياڭ دۇنيە جۇزىنە ايگىلەندى. جۇڭگو − ازيا - ەۆروپا كورمەسى دۇنيە ءجۇزى جۇڭگونىڭ شينجياڭىن تۇسىنەتىن، جۇڭگونىڭ شينجياڭىنا قادام تاستايتىن ارنا بولىپ قالماستان، جۇڭگو شينجياڭى دۇنيە جۇزىنە بەت الاتىن، بولاشاققا قادام تاستايتىن ساحنا بولىپ، جۇڭگو شينجياڭىنىڭ قاۋىرت دامۋ، كەڭ كولەمدى قۇرىلىس جۇرگىزۋ جەتىستىكتەرىن ايگىلەپ، جۇڭگو شينجياڭىنىڭ حيكاياسىن ويداعىداي بايانداۋىنا ماڭىزدى وراي ازىرلەدى.
7 - كەزەكتى جۇڭگو − ازيا - ەۆروپا كورمەسى ءبىر رەتكى ەسىك اشۋدىڭ ومىرشەڭدىگىن ايگىلەيتىن سالتاناتتى جينالىس. پارتيا 18 - قۇرىلتايىنان بەرى شينجياڭ اشىق ەكونوميكالىق تۇزىلىستە جاڭالىق جاراتىپ، جىبەك جولى ەكونوميكالىق بەلدەۋى وزەكتى رايونىنىڭ قۇرىلىسىن ىلگەرىلەتۋ ارقىلى دەم بەرىپ، سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە دەيىنگى بۇرىلىستى ىلگەرى باستىردى. جۇڭگو − ازيا - ەۆروپا كورمەسىنىڭ شىعىس جەلىنە سۇيەنگەن شينجياڭ ۇزدىكسىز وزىندىك وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا ەنگىزىپ، ”ءبىر پورت، ەكى رايون، 5 ۇلكەن ورتالىق، شەكارا وتكەلى ەكونوميكالىق بەلدەۋىن“ ماڭىزدى تۇتقا ەتىپ، سىرتقا ەسىك اشۋ دانەكەرىنىڭ ۇزدىكسىز بايۋىن ىلگەرىلەتىپ، تاماشا شارۋاشىلىق - ساۋدا ورتاسىن جەدەل تۇلعالاپ، جوعارى دەڭگەيدە ەسىك اشۋ ارقىلى جوعارى ساپالى دامۋدى ىلگەرىلەتەدى.
7 - كەزەكتى جۇڭگو − ازيا - ەۆروپا كورمەسى ءبىر رەتكى سەلبەستىك جاساپ، تەڭ يگىلىككە كەنەلۋدى جەبەيتىن سالتاناتتى جينالىس. جۇڭگو − ازيا - ەۆروپا كورمەسى جۇڭگو شينجياڭىنىڭ دوستار شەڭبەرىن كەڭەيتەتىن ماڭىزدى ساحنا، ەكونوميكا - ساۋدانىڭ، كاسىپ سالالارىنىڭ تەرەڭدەي توعىسۋىن ارتتىرىپ قالماستان، عىلىم - تەحنيكا، مادەنيەت جاعىنداعى كەڭ كولەمدە اۋىس - كۇيىس جاساۋدى دا جەبەيدى. جۇڭگو − ازيا - ەۆروپا كورمەسى جۇڭگونىڭ شينجياڭىنىڭ سەلبەسۋ ارناسىن ۇزدىكسىز اشىپ، سەلبەسۋ مەحانيزمىندە جاڭالىق اشىپ، كوپىرلىك رولىن ويداعىداي ساۋلەلەندىرىپ، قامتۋ كولەمى مەن ىقپال كۇشىن كەڭەيتىپ، بىرگە اقىلداسۋ، بىرگە قۇرۋ، بىرگە يگىلىكتەنۋ قۋاتىن توپتاپ، ەكى جاقتا يگىلىككە كەنەلۋ، كوپ جاقتا يگىلىككە كەنەلۋ، بىرگە يگىلىككە كەنەلۋ ونىمدىلىگىن جيناپ، ءوزارا تيىمدىلىك جاساپ سەلبەسۋدى، قول ۇستاسا بىرگە ىلگەرىلەۋدى ۇزدىكسىز جەبەۋىنە پايدالى.
جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسامىز، ءبىز مىناعان سەنەمىز: جىبەك جولى رۋحىنىڭ شۇعىلاسىندا، وسى كەزەكتى جۇڭگو − ازيا - ەۆروپا كورمەسى اناعۇرلىم كوپ كۇشتەردى جىبەك جولى ەكونوميكالىق بەلدەۋىنىڭ قۇرىلىسىنا ات سالىسۋعا باۋراپ، ساياساتتاردى بايلانىستىرۋ، قۇرىلعىلاردى ۇلاستىرۋ، ساۋدانى ىركىلىسسىزدەندىرۋ، قارجىنى اينالىمعا سالۋ، جۇرت تىلەگىن توعىستىرۋ اياق الىسىن جەدەلدەتىپ، بىرگە اقىلداسۋ، بىرگە قۇرۋ، بىرگە يگىلىكتەنۋ بارىسىندا شينجياڭنىڭ جىبەك جولى ەكونوميكالىق بەلدەۋى وزەكتى رايونىنىڭ قۇرىلىسىنىڭ تىڭ ساتىعا قادام تاستاۋىن ىلگەرىلەتەدى.
7 - كەزەكتى جۇڭگو − ازيا - ەۆروپا كورمەسىنىڭ تولىق تابىستى بولۋىن تىلەيمىز!
