7 - كەزەكتى جۇڭگو − ازيا - ەۆروپا كورمەسى ”جۇڭگو - شەتەل مادەنيەت كورمە اپتالىعىنىڭ“ ينتەرنەت جەلىسىندەگى اشىلۋ سالتى وتكىزىلدى
سىرتپەن مادەنيەت اۋىس - كۇيىس سەلبەستىگىن تەرەڭدەتىپ، جاڭا داۋىردەگى شينجياڭ وبرازىن ايگىلەۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 9 - ايدىڭ 18 - كۇنى ۇرىمجىدەن حابارلايدى. 9 - ايدىڭ 18 - كۇنى 7 - كەزەكتى جۇڭگو − ازيا - ەۆروپا كورمەسى ”جۇڭگو - شەتەل مادەنيەت كورمە اپتالىعىنىڭ“ ينتەرنەت جەلىسىندەگى اشىلۋ سالتى وتكىزىلدى. اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين اشىلۋ سالتىنا ارناپ ءسوز سويلەدى ءارى اشىلعاندىعىن جاريالادى. مادەنيەت جانە ساياحات مينيسترلىگى حالىقارالىق اۋىس - كۇيىس جانە سەلبەستىك مەكەمەسىندەگى قاتىستى جاۋاپتى جولداستار اشىلۋ سالتىنا قاتىناستى.
جاڭ چۇنلين ارناۋ سوزىندە اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى اتىنان وسى كەزەكتى ”جۇڭگو - شەتەل مادەنيەت كورمە اپتالىعىنىڭ“ وتكىزىلگەندىگىن قىزۋ قۇتتىقتايتىندىعىن ءبىلدىردى. ول بىلاي دەدى: پارتيا 18 - قۇرىلتايىنان بەرى شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، مادەنيەت، كوركەمونەر ىستەرى كەرەمەت گۇلدەنىپ، قىرۋار ادەبيەت - كوركەمونەر سارا تۋىندىلارى مولىنان شىقتى. شينجياڭ جىبەك جولى ەكونوميكالىق بەلدەۋى وزەكتى رايونى مادەنيەت، عىلىم، وقۋ - اعارتۋ ورتالىعى قۇرىلىسىن ۇزدىكسىز جەدەل ىلگەرىلەتىپ، سىرتپەن جان - جاقتى، كوپ ساتىلى مادەنيەت اۋىس - كۇيىس ارناسىن قالىپتاستىردى.
جاڭ چۇنلين بىلاي دەدى: ءبىز باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكوم بەسىنشى جالپى ءماجىلىسىنىڭ ورنالاستىرۋلارىنا ساي، مادەنيەت - كوركەمونەر كومەسكى كۇشىن تولىق اشىپ، جىبەك جولى رۋحىن جالعاستىرىپ، جۇڭحۋا مادەنيەتىنىڭ ىقپال كۇشىن كۇشەيتىپ، وركەنيەتتەردىڭ اۋىس - كۇيىس جاساپ، ءوزارا ۇلگى الۋىن جەبەپ، يدەيا، مادەنيەت اۋىس - كۇيىسىن كۇشەيتىپ، كوپ ءتۇرلى وركەنيەت اۋىس - كۇيىس جاساسىپ، بايلانىس جاسايتىن كوركەم كارتينانى سالامىز. شىنايى مويىنداۋدى كۇشەيتۋدى نىسانا ەتە وتىرىپ شينجياڭدى مادەنيەتپەن نارلەندىرۋدى ىشكەرىلەي اتقارىپ، جۇڭحۋانىڭ تاڭداۋلى ءداستۇرلى مادەنيەتىنىڭ تيانشان الابىندا ورىستەۋىن، جالپىلاسۋىن، جۇڭگوشا سوتسياليستىك وزىق مادەنيەتتىڭ كەڭىنەن اسقاقتاۋىن ىلگەرىلەتىپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتۋ كەرەك. جاڭا داۋىردەگى شينجياڭ وبرازىن ايگىلەيتىن مۇنان دا كوپ تاڭداۋلى ادەبيەت - كوركەمونەر تۋىندىلارىن، تاڭداۋلى مادەنيەت ونىمدەرىن ۇزدىكسىز شىعارىپ، شينجياڭنىڭ مادەنيەت ىستەرى مەن مادەنيەت كاسىپ سالاسىن گۇلدەندىرىپ دامىتۋعا جاڭا ومىرشەڭدىك كۇش قوسىپ، جاڭا قوزعاۋشى قۋات ۇستەۋ كەرەك. سىرتقى ۇگىتتى، اۋىس - كۇيىستى كوپ ساتىلى، جان - جاقتى، ستەرەولدى ورىستەتىپ، حالىقارالىق مادەنيەت اۋىس - كۇيىس سەلبەستىگىنە بەلسەنە ات سالىسىپ، ”سىرتتان ەنگىزۋ“، ”سىرتقا شىعارۋ“ سەرپىنىن ۇزدىكسىز ارتتىرىپ، جۇڭگونىڭ شينجياڭىنىڭ حيكاياسىن ويداعىداي بايانداپ، جاڭا داۋىردەگى شينجياڭ وبرازىن ايگىلەپ، ”شينجياڭ جاقسى جەردىڭ“ حالىقارالىق ىقپال كۇشىن جەدەل جوعارىلاتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
ۇعىسۋعا قاراعاندا، ”جۇڭگو - شەتەل مادەنيەت كورمە اپتالىعى“ ءار كەزەكتى جۇڭگو − ازيا - ەۆروپا كورمەسىندەگى ماڭىزدى گۋمانيتارلىق اۋىس - كۇيىس قيمىلى رەتىندە، قازىر شينجياڭنىڭ سىرتپەن مادەنيەت اۋىس - كۇيىس جاسايتىن، ايگىلەيتىن ماڭىزدى تۇعىرعا اينالعان. وسى كەزەكتى ”جۇڭگو - شەتەل مادەنيەت كورمە اپتالىعى“ تاڭداۋلى تەاترلەردىڭ (كونسەرت) ينتەرنەت جەلىسىندە كورمەلىك قويىلىمى مەن كوركەمونەر كورمەسى سىندى ەكى ۇلكەن بولىكتى قامتيدى، 8 نەگىزگى قيمىلدان قۇرام تاپقان، ينتەرنەت جەلىسىندە ويىن كورسەتۋ، كورمەلەۋ ءتاسىلى ارقىلى جۇڭحۋا مادەنيەتىن، جىبەك جولىنداعى وركەنيەتتەردىڭ ارالاسۋىن، ىشتەسۋىن، توعىسۋىن ايگىلەيتىن ادەبيەت - كوركەمونەر سارا تۋىندىلارىن تاڭداپ الىپ، كوركەمونەر جاسامپازدىعى جەتىستىكتەرىن شوعىرلى ايگىلەيدى ەكەن.
قالىڭ ينتەرنەت پايدالانۋشىلار حالىق گازەتى سايتى، شينحۋا سايتى، جۇڭگو اقپارات سايتى، جۇڭگو گازەتى سايتى، انار بۇلت، جۇڭگو − ازيا - ەۆروپا كورمەسى رەسمي سايتى سياقتى ينتەرنەت جەلىسىندەگى تۇعىرلاردا كورمەنى كورۋىنە بولادى.
