ءتوراعا شي جينپيڭنىڭ 7 - كەزەكتى جۇڭگو − ازيا - ەۆروپا كورمەسىنە جولداعان قۇتتىقتاۋ حاتى كورمەگە قاتىناسقان سيلى قوناقتار اراسىندا جانە شينجياڭداعى ءار سالادا قىزۋ اڭىس قوزعادى −
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
□ انار بۇلت \ شينجياڭ گازەتىنىڭ تىلشىلەرى
كۇزگى شينجياڭ، كۇن شايداي اشىق، جەمىس - جيدەكتىڭ حوش ءيىسى اڭقيدى. 9 - ايدىڭ 19 - كۇنى تۇستەن كەيىن 7 - كەزەكتى جۇڭگو − ازيا - ەۆروپا كورمەسى ۇرىمجىدە سالتاناتپەن باستالدى. مەملەكەت ءتوراعاسى شي جينپيڭنىڭ 7 - كەزەكتى جۇڭگو − ازيا - ەۆروپا كورمەسىنە جولداعان قۇتتىقتاۋ حاتى كورمەگە قاتىناسقان سيلى قوناقتار اراسىندا جانە شينجياڭداعى ءار سالادا قىزۋ اڭىس قوزعادى.
دۇنيە ءجۇزى ەكونوميكاسى بولماشى قالپىنا كەلگەن، الەمدەگى جاڭا تيپتى ايدارشا ۆيرۋس وكپە قابىنۋ ىندەتى سوزىلعان، قايتالانعان جاعدايدا، وسى كەزەكتى جۇڭگو − ازيا - ەۆروپا كورمەسىن وتكىزۋ جۇڭگونىڭ جوعارى دەڭگەيدە سىرتقا ەسىك اشۋدى ىلگەرىلەتەتىن ءىرى ەلدىك دارقان پەيىلى مەن جاۋاپكەرشىلىگىن تاعى ءبىر رەت جەتكىزدى.
ءتوراعا شي جينپيڭ قۇتتىقتاۋ حاتىندا بىلاي دەپ باسا دارىپتەدى: جۇڭگو ءار ەلمەن بىرگە جۇڭگو − ازيا - ەۆروپا كورمەسىن تۇعىر ەتىپ، بەيبىت بولۋ جانە سەلبەسۋ، اشىق جانە سيىسىمدى بولۋ، ءوزارا ۇيرەنىپ، ءبىر - بىرىنەن ۇلگى الۋ، ءوزارا پايدا جەتكىزىپ، تەڭ يگىلىكتەنۋ سىندى جىبەك جولى رۋحىن اسقاقتاتىپ، جوعارى ولشەمدى، باياندى بولۋعا، حالىق تۇرمىسىنا تيىمدىلىك جەتكىزۋگە تاباندى بولىپ، ازيا مەن ەۆروپانىڭ سەلبەستىك سالالارىن ۇزدىكسىز كەڭەيتىپ، ازيا - ەۆروپا سەلبەستىگىنىڭ دەڭگەيىن كوتەرىپ، بىرگە دامۋدى، گۇلدەنۋدى جەبەۋدى قالايدى.
كوپشىلىك جاپپاي بىلاي دەپ قارادى: ءتوراعا شي جينپيڭنىڭ ىقىلاستى تاپسىرماسىن ەستە بەرىك ساقتاپ، جىبەك جولى رۋحىن اسقاقتاتىپ، شينجياڭنىڭ وڭىرلىك ورىن باسىمدىعىن تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن بەلسەنە ىلگەرىلەتىپ، جۇڭگو مەن ازيا - ەۆروپا وڭىرىندەگى ەلدەردىڭ ۇلاسۋىن، تۇتاسۋىن، ءوزارا تيىمدىلىك جاساپ سەلبەسۋىن، بىرگە دامۋىن جەبەۋگە تيەسىلى ۇلەسىمىزدى قوسامىز.
كوكىرەگىمىزدى سەنىم كەرنەپ، ايرىقشا شابىتتاندىق
باس شۋجي شي جينپيڭ باستان - اياق شينجياڭعا سۇيىسپەنشىلىكپەن كوڭىل ءبولىپ، شينجياڭداعى ءار ۇلت حالقىن كوكەيىندە ساقتادى.
7 - ايداعى جازدىڭ شىلىڭگىر ىستىعىندا، باس شۋجي شي جينپيڭ شينجياڭعا كەلىپ كوزدەن كەشىردى. مەيىرلى سوزدەر، اسەرلى ساتتەر، ۇمىتىلماس كورىنىستەر كوسەمنىڭ شينجياڭداعى ءار ۇلت حالقىنا دەگەن قويۋ سۇيىسپەنشىلىگىنە تولدى.
تاياۋدا ءتوراعا شي جينپيڭ بۇكىل دۇنيە ءجۇزىن جالت قاراتقان ورتا ازيا ساپارىنا شىعىپ، ورتا ازياداعى ءار ەلمەن تاۋ - وزەنى تۇتاسقان، گۋمانيتارلىق بايلانىسى جاقىن شينجياڭعا قۋاتتى دامۋ قوزعاۋشى كۇشىن ۇستەدى، سونداي - اق شينجياڭداعى ءار ۇلت حالقىنىڭ سىرتقا ەسىك اشۋعا تاباندى بولۋ سەنىمىن ونان ارى نىعايتتى.
ءتوراعا شي جينپيڭنىڭ قۇتتىقتاۋ حات جولداۋى − شينجياڭنىڭ جىبەك جولى ەكونوميكالىق بەلدەۋى قۇرىلىسىن ىلگەرىلەتۋىن تۇراقتاندىرۋ جانە جىگەرلەندىرۋ بولىپ تابىلادى. شينجياڭداعى ءار ۇلت حالقى مۇنان ايرىقشا شابىت الىپ، ەرەكشە جەلپىنگەندىكتەرىن تۇس - تۇستان ءبىلدىردى.
”ءتوراعا شي جينپيڭنىڭ ارنايى قۇتتىقتاۋ حات جولداۋى شينجياڭ حالقىنا دەگەن كوڭىل ءبولۋى مەن قويۋ سۇيىسپەنشىلىگىن، جۇڭگو − ازيا - ەۆروپا كورمەسى سىندى اشىق سەلبەسۋ تۇعىرىنا بارىنشا ءمان بەرۋى مەن ىقىلاستى قامقورلىعىن تولىق بەينەلەپ، ءبىزدىڭ كەلەسى قادامداعى قىزمەتتەردى ويداعىداي ىستەۋىمىزگە ءتۇبىرلى بويسۇنۋ ولشەمىن ازىرلەدى“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى رۇڭ جۇن مىنالاردى ءبىلدىردى: جاڭا داۋىردەگى جۇڭگو − ازيا - ەۆروپا كورمەسىنىڭ فۋنكتسيالىق ورنىمەن تىعىز بايلانىستىرىپ، كورمەنىڭ ازيا - ەۆروپا سەلبەستىگىن جەبەيتىن، ءوزارا پايدا جەتكىزىپ، تەڭ يگىلىكتەنەتىن ماڭىزدى تۇعىر رولىن تولىق ساۋلەلەندىرىپ، كورمەنى بارعان سايىن ويداعىداي وتكىزۋگە قۇلشىنامىز.
”ءتوراعا شي جينپيڭنىڭ قۇتتىقتاۋ حاتى دۇنيە ءجۇزى مەن بولاشاققا كوز جىبەرىپ، جۇڭگونىڭ سىرتقا ەسىك اشۋدى ۇزدىكسىز كەڭەيتۋ بەكىمى مەن شىن پەيىلىن ايگىلەپ، ازيا - ەۆروپا سەلبەستىگىنىڭ بىرگە دامۋدى، گۇلدەنۋدى جەبەۋىنە قۋاتتى سەنىم ۇستەدى، سونداي - اق ءبىزدىڭ شينجياڭنىڭ ەسىك اشۋى مەن دامۋىنا، جىبەك جولى ەكونوميكالىق بەلدەۋى وزەكتى رايونىن ويداعىداي قۇرۋعا اناعۇرلىم تولىق سەنىمدى بولۋىمىزعا مۇمكىندىك جاسادى“. شينجياڭ حالىقارالىق كورمە ىستەرى مەكەمەسى پارتيا باسشىلىق گرۋپپاسىنىڭ شۋجيى جۋ حىشياڭ مىنالاردى ءبىلدىردى: كورمەدە جۇڭگو مەن جىبەك جولى ەكونوميكالىق بەلدەۋى بويىنداعى ەلدەر كوپ سالالى، كوپ ارنالى اۋىس - كۇيىستى، توعىسۋدى جۇزەگە اسىرادى ءارى بۇكىل دۇنيە جۇزىنە كوركەم شينجياڭنىڭ وبرازىن ايگىلەپ، دۇنيە ءجۇزىنىڭ شينجياڭدى تۇسىنۋىنە، شينجياڭدى ۇناتۋىنا مۇمكىندىك جاسايدى.
”قۇتتىقتاۋ حاتى شينجياڭنىڭ سىرتپەن وڭىرلىك سەلبەستىك ورىستەتۋىنە ماڭىزدى بەتالىس ازىرلەدى“. اشىلۋ سالتى الاڭىندا قۇتتىقتاۋ حاتىن تىڭداعاننان كەيىن، اۆتونوميالى رايوندىق حالىق ۇكىمەتى سىرتقى ىستەر كەڭسەسىنىڭ مەڭگەرۋشىسى ياۋ جيڭنىڭ جۇڭگو − ازيا -ەۆروپا كورمەسىنىڭ وتكىزىلۋىنەن اناعۇرلىم تەرەڭ اسەر الدى، ”وتكىزىلىپ جاتقان 7 - كەزەكتى جۇڭگو − ازيا - ەۆروپا كورمەسى وڭىرلىك سەلبەستىكتى ىلگەرىلەتەتىن ماڭىزدى رولىن ساۋلەلەندىرۋدە، توڭىرەگىندەگى ەلدەر مەن ءوڭىردى جۇڭگونىڭ شينجياڭىمەن بىرگە اقىلداسۋعا، بىرگە قۇرۋعا، بىرگە يگىلىكتەنۋگە باستاۋ ارقىلى جۇڭگو شينجياڭىنىڭ دامۋ پايداسى مەن ەسىك اشۋ پايداسىن توڭىرەكتەگى ەلدەر مەن ءوڭىردىڭ دامۋ ورايىنا اينالدىرادى“.
قۇتتىقتاۋ حاتى كورمەگە قاتىناسقان سيلى قوناقتاردىڭ دا سەنىمىن نىعايتا ءتۇستى.
”ءبىز پارتيا ورتالىق كوميتەتىنىڭ شينجياڭنىڭ ەكونوميكاسىنىڭ دامۋىنا ءمان بەرۋى مەن قولداۋىن شىنايى سەزىندىك“. ءتوراعا شي جينپيڭنىڭ قۇتتىقتاۋ حاتى شينجياڭ تيانجين ساۋدا قوعامىنىڭ باستىعى لين چيڭدى بارىنشا جەلپىندىردى. ول مىنالاردى ءبىلدىردى: ساۋدا قوعامىنداعى كاسىپورىندار ءىس جۇزىندىك ارەكەتتەرى ارقىلى ”ءبىر بەلدەۋ، ءبىر جول“ باستاماسىن امالياتتا ايگىلەپ، قاتىستى كاسىپ سالالارى بىرلەستىگىن ۇيىمداستىرۋ جانە ”ءبىر بەلدەۋ، ءبىر جول“ مادەنيەت سارايى قۇرىلىسى ارقىلى شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونىن قۇرۋىنا دەم بەردى. ”بۇدان كەيىن ءبىز ورتا ازياداعى 5 ەلمەن سەلبەستىكتى جانە اۋىس - كۇيىستى كۇشەيتىپ، شينجياڭ ەكونوميكاسىنىڭ جوعارى ساپالى دامۋىنا كۇش - قۋات قوسامىز“.
”ءتوراعا شي جينپيڭنىڭ قۇتتىقتاۋ حاتىن كورگەننەن كەيىن، مەن ەرەكشە تەبىرەندىم“. قازاقستان مەملەكەت تەمىر جولى جارنا باس سەرىكتەستىگىنىڭ ۇرىمجىدە تۇراتىن وكىلدىك باسقارماسىنىڭ مەڭگەرۋشىسى بولات مىنالاردى ءبىلدىردى: بيىل جۇڭگو مەن قازاقستان ديپلوماتيالىق قارىم - قاتىناس ورناتقاندىعىنىڭ 30 جىلدىعى، جۋىقتا ءتوراعا شي جينپيڭ قازاقستانداعى مەملەكەتتىك ساپارىن ەندى عانا اياقتاتتى، ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن قازاقستان رەسپۋبليكاسىنىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعى تۋرالى بىرلەسكەن مالىمدەمەگە» قول قويىپ جانە ونى جاريالاپ، جۇڭگو مەن قازاقستاننىڭ ۇرپاقتار بويى دوس، جوعارى دەڭگەيدە ءوزارا سەنەتىن، بەينەت پەن زەينەتتى بىرگە وتكەرەتىن تاعدىرلاس ورتاق تۇلعا قۇرۋدىڭ نىساناسى مەن بولاشاعى ءۇشىن قۇلشىناتىندىعىن جاريالادى. ”مەن 7 - كەزەكتى جۇڭگو − ازيا - ەۆروپا كورمەسى ارقىلى جۇڭگو مەن قازاقستان دوستىعىنىڭ اناعۇرلىم قويۋلاي تۇسەتىندىگىنە سەنەمىن. ءبىز جۇڭگونىڭ شينجياڭىمەن ەكونوميكا - ساۋدا، مادەنيەت سياقتى ءارقايسى سالادا اۋىس - كۇيىس پەن سەلبەستىكتى كۇشەيتۋدى كۇتەمىز“.
تاپسىرمانى ەستە بەرىك ساقتاپ، ورايدى مىقتى يگەردى
800دەن استام كاسىپورىن ينتەرنەت جەلىسىنەن تىس كورمەگە قاتىناستى، 32 مەملەكەت پەن وڭىردەن كەلگەن 3600 كاسىپورىن ينتەرنەت جەلىسىندە وزدەرىن ايگىلەپ، كوپ ارنالى فورمامەن قارجى قوسۋدى، ساۋدانى جەبەۋ قيمىلدارىن ۇيىمداستىردى ...
ارادا 4 جىل وتكەن سوڭ، جۇڭگو − ازيا - ەۆروپا كورمەسى تاعى دا جارق ەتىپ ورتاعا شىقتى. بۇل شينجياڭداعى بىردەن - ءبىر مەملەكەت دارەجەلى، حالىقارالىق سيپاتتاعى امبەباپ كورمە، ”ءبىر بەلدەۋ، ءبىر جول“ باستاماسى جۇڭگو − ازيا - ەۆروپا كورمەسىنە شارىقتايتىن قانات ءبىتىرىپ، اناعۇرلىم كەڭ ساحنا ازىرلەدى.
شينجياڭداعى ءار ۇلت حالقى ءتوراعا شي جينپيڭنىڭ تاپسىرماسىن ەستە بەرىك ساقتاپ، ورايدى مىقتى يگەرىپ، قيىندىققا قارسى اتتانىپ، ەسىك اشۋ بەينەسىمەن قاقپانى ايقارا اشىپ، نيەتتەس دوستاردى قارسى الدى.
جۇڭچى جۋجوۋ ەلەكترلى پاراۆوز شەكتى سەرىكتەستىگى جارناسىن تىزگىندەگەن ءۇرىمجى جۇڭچى رەليستى قاتىناس جابدىقتارى شەكتى سەرىكتەستىگى بيىل 3 - رەت جۇڭگو − ازيا - ەۆروپا كورمەسىنە قاتىناسىپ وتىر. وسى رەتكى كورمەدە اتالعان سەرىكتەستىك ارناۋلى كورمە اۋماعىن قۇرىپ، ”شينجياڭنىڭ مەتروسىن شينجياڭ جاساعان“ ءۇرىمجى 1 - ءنومىرلى لەنياسىنداعى مەترو كولىگىن كورمەلەپ قالماستان، تاعى قالا ارالىعى ＼ قالا ءوڭىر تەمىر جول پويەزى، ۆيرتۋالدى رەليستى كولىك جانە ساياحات - سەرۋەن جەلىلەس كولىكتەرى سياقتى ونىمدەردى الا كەلدى.
”قاتىناستا قۋاتتى ەل بولۋ ءۇشىن، رەليستى قاتىناستى الدىمەن ويلاستىرۋ كەرەك. ءبىز ءتوراعا شي جينپيڭنىڭ قۇتتىقتاۋ حاتىنداعى تاپسىرمانى ەستە بەرىك ساقتاپ، داۋىرلىك اۋقىمدى تياناق ەتىپ، داۋىرلىك ورايدى يگەرىپ، داۋىرلىك بورىشتى باتىلدىقپەن ارقالايمىز“. وسى سەرىكتەستىكتىڭ باسالقاسى حۋ حىپيڭ مىنالاردى ءبىلدىردى: ”شينجياڭداعى بىردەن - ءبىر رەليستى قاتىناس جابدىقتارىن جاساۋ بازاسى رەتىندە، ءبىز بۇكىل شينجياڭ حالقىنا حاۋىپسىز دە جايلى، قولايلى دا جوعارى ءونىمدى رەليستى قاتىناس قىزمەت وتەۋىن ۇزدىكسىز ازىرلەيمىز“.
شينجياڭ حالىقارالىق كورمە ورتالىعىندا التاي كورمە رايونى ”باعالى بايلىق“ نەگىزگى تاقىرىبىن ارقاۋ ەتىپ، قار جولىن نەگىزگى ءپىشىن ەتىپ، قار گۇلى، قارداعى ءۇي، قار قۇبىجىعى ”الى“ سياقتى قار - مۇز فاكتورلارىن توعىستىرىپ، ادامزاتتىڭ شاڭعى مەكەنىنىڭ، ”جۇڭگونىڭ قار قالاسىنىڭ“ تارتىمدىلىعىن ايگىلەدى.
التاي ايماقتىق ساۋدا ىستەرى مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى جاڭ سۋحۇڭ مىنالاردى ءبىلدىردى: ءتوراعا شي جينپيڭنىڭ قۇتتىقتاۋ حاتى بولاشاق جونىندە زور سەنىم سيلادى. وسى كەزەكتى جۇڭگو − ازيا - ەۆروپا كورمەسىنە سۇيەنگەن التاي ايماعى سىرتقا زور ساياحات، زور اۋىل شارۋاشىلىعى، زور سالاماتتىق، جاسىل كەن كاسىبى، تازا ەنەرگيا جانە شەكارا وتكەلى ەكونوميكاسىن تولىق ايگىلەپ، الداعى جەردە ەكولوگيانى جاقسارتاتىن، كاسىپ سالالارىن گۇلدەندىرەتىن، حالىقتى باقىتقا كەنەلتەتىن جوعارى ساپالى دامۋ جولىمەن جۇرۋگە قۇلشىنادى.
شينجياڭ ءوندىرىس - قۇرىلىس بيڭتۋانى قارجى قوسۋ، سەلبەسۋ، وبراز كورمە اۋماعىندا ”ءبىر شوق ماقتانىڭ حيكاياسى“، ”قاجىرلىلىقپەن شارۋاشىلىق قۇرۋ حيكاياسى“، ”وسى زامانعى اۋىل شارۋاشىلىعى حيكاياسى“، ”جاڭادان گۇلدەنگەن كاسىپ سالالارى حيكاياسى“ سياقتى 7 ءتۇرلى حيكايا پارتيا 18 - قۇرىلتايىنان بەرگى بيڭتۋاننىڭ ەكونوميكانى دامىتۋ جەتىستىكتەرى، شينجياڭعا باعىتتامالى كومەكتەسۋ جەتىستىكتەرى، ۇلتتار ىنتىماعى، العاباسارلىعى سياقتى جاقتارداعى ناتيجەلەردى شوعىرلى ايگىلەدى.
”ءبىز جۇڭگو − ازيا - ەۆروپا كورمەسى سىندى تۇعىر ارقىلى جۇڭگولىق، شەتەلدىك سيلى قوناقتارعا، كاسىپكەر دوستارعا بيڭتۋاننىڭ سەلبەستىك جاساپ، تەڭ يگىلىككە كەنەلۋ، قول ۇستاسا دامۋ سيگنالىن تاراتىپ، بيڭتۋاننىڭ اشىق، سيىسىمدى، سەنىمدى، جاۋاپكەرشىلىك ارقالايتىن وبرازىن ايگىلەپ، اناعۇرلىم كوپ سەلبەستىك جەتىستىكتەرىنىڭ جارىققا شىعۋىن جەبەپ، ءتوراعا شي جينپيڭنىڭ تاپسىرماسىن ەرتەرەك رەالدىققا اينالدىرامىز“، - دەدى بيڭتۋان ساۋدانى جەبەۋ قوعامى زاڭ ىستەرى ءبولىمىنىڭ 4 - دارەجەلى تەكسەرۋ - زەرتتەۋ قىزمەتكەرى ۋاڭ جى.
”قۇتتىقتاۋ حاتتان شينجياڭعا دەگەن كوڭىل ءبولۋ، قامقورلىق اڭعارىلادى“. ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعى پارتيا باس ياچەيكاسىنىڭ شۋجيى ارزۇگۇل كەرىم بىلاي دەدى: 2 ايدان بەرى ءبىز تاپسىرمانى ەستە بەرىك ساقتاپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحى بويىنشا، الەۋمەتتىك اۋماق نەگىزگى ساتى پارتيا ۇيىمىنىڭ جاۋىنگەر قامالدىق رولىن تولىق ساۋلەلەندىرىپ، الەۋمەتتىك اۋماق شەبى قۇرىلىسىن باستاماشى ەتىپ، ءارقايسى شەپ فۋنكتسياسىن كەمەلدەندىرىپ، الەۋمەتتىك اۋماق قۇرىلىسىنىڭ مازمۇنىن بايىتىپ، الەۋمەتتىك اۋماقتىڭ تۇلعالىق قىزمەت وتەۋ دەڭگەيى مەن قىزمەت وتەۋ ساپاسىن جوعارىلاتىپ، ءار ۇلت بۇقاراسىنىڭ ەتەنە بايلانىسىن، ءوزارا قارايلاسۋىن جەبەدىك.
”قۇتتىقتاۋ حات كورمەنى جوعارى باعالادى. بۇل ءبىر رەتكى اشىق، ومىرشەڭدىككە تولى سالتاناتتى جينالىس قانا ەمەس، سەلبەسىپ تەڭ يگىلىككە كەنەلۋدى جەبەيتىن سالتاناتتى جينالىس بولىپ تابىلادى“. تۇرپان يماۋ جيۋجۋاڭ شەكتى سەرىكتەستىگىنىڭ باس ديرەكتورى ديڭ حايفىڭ بولاشاققا كامىل سەنىممەن: ”كورمە ءبىزدىڭ ءتىپتى دە كەڭ كولەمدى بازار باسەكەسىنە ات سالىسۋىمىزعا جاڭا وراي اكەلدى. كاسىپورىن وسىنى وراي ەتە وتىرىپ، ونىمدەردىڭ ساپاسىن ۇزدىكسىز جوعارىلاتىپ، ءجۇزىم شارابى كاسىپ سالاسىنىڭ حوعارى ساپالى دامۋىن ىلگەرىلەتەدى“، - دەدى.
ۋاقىت كۇتىپ تۇرمايدى دەپ قايراتتانا العا ىلگەرىلەدى
”جاقىنعى جىلداردان بەرى جۇڭگونىڭ شينجياڭى وڭىرلىك ورىن باسىمدىعىن تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن بەلسەنە ىلگەرىلەتىپ، جۇڭگو مەن ازيا - ەۆروپا وڭىرىندەگى ەلدەردىڭ ۇلاسۋىن، تۇتاسۋىن، ءوزارا ءتيىمدى سەلبەستىگىن، بىرگە دامۋىن جەبەپ، بەلسەندى ناتيجەگە قول جەتكىزدى“. ءتوراعا شي جينپيڭنىڭ قۇتتىقتاۋ حاتى شينجياڭنىڭ جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋىن تۇراقتاندىرۋى بولۋمەن بىرگە، شينجياڭنىڭ بۇدان كەيىنگى قىزمەتىنە ايقىن باعىت كورسەتتى.
رايونىمىزداعى قالىڭ كادرلار مەن بۇقارا ۋاقىت كۇتىپ تۇرمايدى دەيتىن كوكەي تەستىلىك سەزىممەن جانە جاۋاپكەرشىلىك سەزىممەن جاعدايعا قاراي ىستەپ، ”ءبىر بەلدەۋ، ءبىر جول“ شىعىس جەلىنىڭ قولايلى ساتىنەن پايدالانىپ، قايراتتانا العا ىلگەرىلەدى.
”ءتوراعا شي جينپيڭنىڭ قۇتتىقتاۋ حاتى دۇنيە جۇزىنە ەلىمىزدىڭ جوعارى دەڭگەيدە ەسىك اشاتىن بەكىمىن تاعى ءبىر رەت جەتكىزدى“، - دەدى شينجياڭ شەكارادان كىرۋ - شىعۋ، شەكارا قورعانىسى تەكسەرۋ باس پۋنكتى باقتى شەكارادان كىرۋ - شىعۋ، شەكارا قورعانىسى تەكسەرۋ پۋنكتى ساياسي باسقارماسىنىڭ مەڭگەرۋشىسى لو جىڭ.
باقتى شەكارا وتكەلى ەلىمىزدىڭ قازاقستانمەن قۇرلىق جولى ارقىلى شەكارالاساتىن وتكەل. بيىل جىل باسىنان بەرى باقتى شەكارادان كىرۋ - شىعۋ، شەكارا قورعانىسى تەكسەرۋ پۋنكتى جۇمىس ۇلگىسى رەفورماسىن ۇزدىكسىز تەرەڭدەتىپ، ارناۋلى ارنانى كوبەيتۋ، كرانمەن تيەۋ تارتىپتەرىن ساپالىلاندىرۋ، كەدەننەن وتكىزۋ مەرزىمىن ۇزارتۋ سياقتى شارالار ارقىلى كەدەننەن وتكىزۋ قارقىنى مەن ونىمدىلىگىن ءونىمدى جوعارىلاتتى. 9 - ايدىڭ 16 - كۇنىنە دەيىن، وسى پۋنكت بيىل 20 مىڭنان استام اۆتوموبيلدى (رەت) تەكسەرىپ وتكىزىپ، بىلتىرعى جالپى جيناقتان اسىپ ءتۇستى. ”ءبىز ءتوراعا شي جينپيڭنىڭ قۇتتىقتاۋ حاتىنىڭ رۋحىن ويداعىداي تياناقتاندىرىپ، كاسىپورىنعا، حالىققا پايدالى شارالار جونىندە ۇزدىكسىز ىزدەنىس جاساپ، شەكارا وتكەل ساۋداسىنىڭ قوس باعىتتا جەدەل دامۋىن پارمەندى ىلگەرىلەتىپ، ’ءبىر بەلدەۋ، ءبىر جولدى‘ جوعارى ساپامەن بىرگە قۇرۋعا تىڭ ۇلەس قوسامىز“، - دەدى لو جىڭ.
قاشقار ايماعىندا حونچيراپ، قاراسۋ جانە قاشقار حالىقارالىق اۋەجايى سىندى 3 ءبىرىنشى دارەجەلى شەكارا وتكەلى بار، وسى جىلداردا اشىق ەكونوميكانىڭ ۇزدىكسىز دامۋىنا ىلەسە، شەكارا وتكەلى بارعان سايىن كوركەيىپ - گۇلدەندى.
قاشقار كەدەنى پارتكومىنىڭ شۋجيى، كەدەن باستىعى ۋاڭ چۋانجيە مىنالاردى ءبىلدىردى: ازيا - ەۆروپا سەلبەستىك سالاسىن ونان ارى كەڭەيتىپ، ازيا - ەۆروپا سەلبەستىگىنىڭ دەڭگەيىن جوعارىلاتۋ ءۇشىن، قاشقار كەدەنى قامداۋدى قامتاماسىز ەتۋ، تىزبەكتى ورنىقتىرۋ، كاسىپورىندارعا تيىمدىلىك جاساپ، قيىنشىلىقتان قۇتىلدىرۋ سياقتى جاقتاردا ۇزدىكسىز كۇش سالىپ، ءتۇرلى شارالار ارقىلى شينجياڭ سىرتقى ساۋداسىنىڭ ورنىقتىلىعىنا كەپىلدىك ەتىپ، ساپاسىن جوعارىلاتۋىن جەبەدى. ”سونىمەن بىرگە، ءبىز تاعى ’جۇڭگو - قىرعىزستان - وزبەكستان‘ ەل ارالىق تەمىر جول قۇرىلىسىن بار كۇشپەن قولداپ، حالىقارالىق كوپ فورمامەن بىرلەسىپ تاسىمالداۋدى باقىلاۋ - باسقارۋ ۇلگىسىن ۇزدىكسىز ساپالىلاندىرىپ، حالىقارالىق ساۋدانىڭ ۇلكەن ارناسىن ىركىلىسسىزدەندىرۋگە تاماشا شەكارا وتكەل شارۋاشىلىق - ساۋدا ورتاسىن ازىرلەپ، يمپورت - ەكسپورت كاسىپورىندارىنىڭ ’ءبىر بەلدەۋ، ءبىر جول‘ جەلى بويىنداعى ەلدەر بازارىن كەڭەيتۋىنە دەم بەرەمىز“.
كەزەكتە، سيفرلى ەكونوميكانىڭ گۇلدەنۋى ”ءبىر بەلدەۋ، ءبىر جول“ جەلى بويىنداعى ەلدەردىڭ سيفرلى ەكونوميكانىڭ جوعارى قارقىندى كولىگىنەن پايدالانۋ، ەكونوميكالىق دامۋدى جانە نەگىزدىك قۇرىلعى قۇرىلىسىن جەدەلدەتۋ، حالىق تۇرمىسىن ورنىقتىرۋ ءۇشىن اسا ماڭىزدى. وسى رەتكى كورمەدە جۇڭگو تەلەگرافى ”گويۇندى بىرگە تۇلعالاپ، زەردە ارقىلى بولاشاققا جول باستاۋدى“ نەگىزگى تاقىرىپ ەتىپ، سيفرلى ەكونوميكا داۋىرىندە ءوزى باسقاراتىن، مەڭگەرەتىن، حاۋىپسىز، سەنىمدى تيانييۇندى نەگىز ەتە وتىرىپ، سيفرلى ۇكىمەت، سيفرلى ەكونوميكا، سيفرلى قوعام سىندى 3 ۇلكەن بولىكتى توڭىرەكتەپ، شينجياڭنىڭ ءارقايسى كاسىپ سالاسىنىڭ سيفرلاندىرۋ قۇرىلىسىنىڭ جەتىستىگىنە قۋات ۇستەگەندىگىن جاپپاي ايگىلەدى.
جۇڭگو تەلەگرافى شينجياڭ سەرىكتەستىگى ۇكىمەت، كاسىپورىن كليەنت تىرەك ءبولىمىنىڭ ورىنباسار باس ديرەكتورى يۋان گولياڭ مىنالاردى ءبىلدىردى: وسى رەتكى كورمەنى وراي ەتە وتىرىپ، ورتالىق كاسىپورىندارىنىڭ جاۋاپكەرشىلىگى مەن مىندەتىن امالياتتا ايگىلەپ، سيفرلى شينجياڭ قۇرىلىسىنداعى تىرەكتى كۇش رولىن ونان ارى ويداعىداي ساۋلەلەندىرىپ، اۆتونوميالى رايوننىڭ سيفرلاندىرۋ قۇرىلىسىن ىلگەرىلەتىپ، ”سيفرلى جىبەك جولى “ قۇرىلىسىن ىلگەرىلەتۋگە كۇش - قۋاتىمىزدى ارنايمىز.
”ءتوراعا شي جينپيڭنىڭ قۇتتىقتاۋ حاتى شينجياڭ ءدوپ كەلگەن دامۋ ورايىن اناعۇرلىم انىق كورسەتىپ بەردى“، - دەدى جىجياڭ ولكەسى شينجياڭعا كومەكتەسۋ الدىڭعى جاق قولباسشىلىق شتابىنىڭ قولباسشىسى، اقسۋ ايماقتىق پارتكومنىڭ ورىنباسار شۋجيى جۋ لينسىن.
جۋ لينسىن مىنالاردى ءبىلدىردى: كەلەسى قادامدا جىجياڭ ولكەسى شينجياڭعا كومەكتەسۋ الدىڭعى جاق قولباسشىلىق شتابى ءىس جۇزىندىكپەن بىرلەستىرە وتىرىپ، ”ءبىر بەلدەۋ، ءبىر جولدى“ بىرگە قۇرۋ ورايىن مىقتاپ يگەرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ويداعىداي تياناقتاندىرىپ، شينجياڭعا كومەكتەسۋ قىزمەت تەبىنىن ۇزدىكسىز ارتتىرىپ، شينجياڭعا كومەكتەسۋ قىزمەت مەحانيزمىن كەمەلدەندىرىپ، جىجياڭنىڭ اقسۋ ايماعىنا جانە بيڭتۋان 1 - شىسىنا باعىتتامالى كومەكتەسۋىنىڭ جالپىلىق ونىمدىلىگىن ۇزدىكسىز جوعارىلاتىپ، ”ۇيىرمە قۇراۋ ۇلگىسىندەگى“ شينجياڭعا كومەكتەسۋدى تۇتاس سالاعا كەڭەيتۋدى بار كۇشپەن ىلگەرىلەتىپ، شينجياڭنىڭ جوعارى ساپالى دامۋىن ىلگەرىلەتۋگە، جىبەك جولى ەكونوميكالىق بەلدەۋى وزەكتى رايون قۇرىلىسىن جەبەۋگە جىجياڭ كۇشىن ارنايدى.
قاراقاش اۋدانى كاۋاك اۋىلىنىڭ شىنا قىستاعىندا ءجۇزىم شارۋاشىلىعىمەن 40 جىلعا تاياۋ اينالىسقان مامەتتۇرسۇن مامەتنياز انار بۇلت كليەنتى ارقىلى كورمەگە نازار اۋدارىپ وتىر، ءتوراعا شي جينپيڭنىڭ قۇتتىقتاۋ حاتى ونىڭ تۇلا بويىنا كۇش - قۋات ءبىتىردى.
”قازىر مەيىزىمىز الىستاعى بەيجيڭ، گۋاڭدۇڭ سياقتى جەرلەرگە ساتىلىپ جاتىر، ’ءبىر بەلدەۋ، ءبىر جولدى‘ بىرگە قۇرۋ شىعىس جەلىنىڭ كومەگىمەن قىستاقتاعى ساپالى ءجۇزىمدى مەملەكەت قاقپاسىنان شىعارىپ، دۇنيە ءجۇزى حالقىنا ءبىزدىڭ شينجياڭنىڭ ءجۇزىمىنىڭ ءتاتتى ءدامىن تاتتىرۋدى ءۇمىت ەتەمىز“، - دەدى ول.
(تىلشىلەر جاڭ يۇنمەي، جاڭ يانفاڭ، قاتىناسقان تىلشىلەر لي ياڭ، حي حۇڭۋي، كاڭ حاۋيان، تويا، ما ينيڭ، جاڭ تيڭ، ميھىرگۇل عوپۇر، لياڭ ليحۋا، جاڭ رۇيلين، ۋاڭ نا، چىن چياڭۋي، فان چيۇڭيان، جاڭ جىلي، ءپاريزات ابدۇل)
