− 7 - كەزەكتى جۇڭگو − ازيا - ەۆروپا كورمەسىنىڭ اشىلۋ سالتى مەن تيانشان تالقى مىنبەرىنەن ەستەلىك
□ انار بۇلت \ شينجياڭ گازەتىنىڭ ءتىلشىسى لي ياڭ
9 - ايداعى شينجياڭنىڭ قوڭىر كۇزى جانعا جايلى، اسپان شايداي اشىق.
”تيانشاننان تۋعان جارىق ايعا“ وبراز بولعان شينجياڭ حالىقارالىق ءماجىلىس - كورمە ورتالىعى تاعى ءبىر رەت دۇنيە ءجۇزىن جالت قاراتقان سالتاناتتى جينالىسقا كۋا بولدى − 7 - كەزەكتى جۇڭگو − ازيا - ەۆروپا كورمەسى مامىرلاپ كەلىپ، ۋادەلى ۋاقىتتا جۇزدەستى.
”بىرگە اقىلداسۋ، بىرگە قۇرۋ، بىرگە يگىلىكتەنۋ، سەلبەسىپ بولاشاققا اتتانۋداي“ اسىل ارمان ارقالاپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋداي تىڭ ءۇمىتتىڭ جەتەگىمەن توڭىرەكتىڭ ءتورت بۇرىشىنان كەلگەن قوناقتار تاعى ءبىر رەت ۇرىمجىدە باس قوسىپ، اۋىس - كۇيىس جاساپ، سەلبەستىكتى تەرەڭدەتۋدىڭ جاڭا ورايىن بىرگە اقىلداسىپ، گۇلدەنگەن، تاماشا، شىت جاڭا بولاشاقتى بىرگە قۇرماق.
شينجياڭ حالىقارالىق ءماجىلىس - كورمە ورتالىعىنىڭ كوپ فۋنكتسيالى زالىندا ءتوراعالار مىنبەسىنىڭ ارتقى كورىنىس ۇلكەن ەكرانى كوك ءتۇستى رەڭمەن ارلەنگەن. كوك ءتۇس اسپاننىڭ ءتۇسى، ءارى ءبارىن سيدىرۋدى، ءارى كەڭ پەيىلدىلىكتى قامتىپ جاتىر.
ەكراننىڭ وڭ جاعىندا جىبەك جولىن ەندەي وتكەن قوڭىراۋلى تۇيە كەرۋەنى سول جاعىنداعى جوعارى جىلدامدىقتى پويەزبەن قاراما - قارسى ءجۇرىپ بارادى.
تۇيە كەرۋەنى مەن جوعارى جىلدامدىقتى پويەزدىڭ ”بىرگە كارتينالانۋىنىڭ“ ءدال قازىر ايگىلەيتىن ءمانى تىم تەرەڭ، جۇڭگو − ازيا - ەۆروپا كورمەسى جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ نىشاندىق ماركاسىنا اينالىپ، ورتا ازيامەن جالعاسىپ، دۇنيە ءجۇزىن تۇتاستىراتىن ماڭىزدى كوپىرگە جانە تۇعىرعا اينالدى.
ساعات 16دان 30 مينۋت وتكەندە 7 - كەزەكتى جۇڭگو − ازيا - ەۆروپا كورمەسىنىڭ اشىلۋ سالتى جانە تيانشان تالقى مىنبەرى رەسمي باستالدى.
بەتاشار ۇگىت فيلمىندە باس شۋجي شي جينپيڭنىڭ بيىل 7 - ايدا شينجياڭدى تاعى دا كوزدەن كەشىرگەندەگى تۇلعاسى كوز الدىدا ەرەكشە مەن مۇندالاپ كورىنىپ، ادامعا تاعى دا سول جان تەبىرەنتەرلىك ساتكە قايتىپ بارعانداي اسەر بەرەدى.
”’ءبىر بەلدەۋ، ءبىر جولدى‘ بىرگە قۇرۋ باستاماسى ورتاعا قويىلعان وسىناۋ جىلدارى تابىسى تولاعاي بولدى. ’ءبىر بەلدەۋ، ءبىر جولدى‘ بىرگە قۇرۋدىڭ ىشكەرىلەي ىلگەرىلەۋىنە ىلەسە، شينجياڭ ەندىگارى شەت، شالعاي ءوڭىر بولماي، قايتا وزەكتى وڭىرگە، توعىز جولدىڭ تورابىنا اينالدى، سىزدەردىڭ ىستەپ جاتقاندارىڭىز تاريحي مانگە يە ءىس“. ۇلكەن ەكراندا باس شۋجيدىڭ ىقىلاستى تاپسىرماسى كوزگە وتتاي باسىلادى.
كوپتەگەن قىمباتتى كورىنىستەر مەن قىرۋار كەمەلدى ساندى مالىمەتتەر شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەل ىلگەرىلەتۋدە، سىرتقا باعىتتالعان ەكونوميكالىق دامۋدىڭ جاڭا كەڭىستىگىن ۇزدىكسىز كەڭەيتۋدە قول جەتكىزگەن سۇبەلى جەتىستىكتەرىن ايگىلەدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا مەملەكەت ءتوراعاسى شي جينپيڭنىڭ 7 - كەزەكتى جۇڭگو − ازيا - ەۆروپا كورمەسىنە جولداعان قۇتتىقتاۋ حاتىن وقىدى.
”جۇڭگو ءار ەلمەن بىرگە جۇڭگو − ازيا - ەۆروپا كورمەسىن تۇعىر ەتىپ، بەيبىت بولۋ جانە سەلبەسۋ، اشىق جانە سيىسىمدى بولۋ، ءوزارا ۇيرەنىپ، ءبىر - بىرىنەن ۇلگى الۋ، ءوزارا پايدا جەتكىزىپ، تەڭ يگىلىكتەنۋ سىندى جىبەك جولى رۋحىن اسقاقتاتىپ، جوعارى ولشەمدى، باياندى بولۋعا، حالىق تۇرمىسىنا تيىمدىلىك جەتكىزۋگە تاباندى بولىپ، ازيا مەن ەۆروپانىڭ سەلبەستىك سالالارىن ۇزدىكسىز كەڭەيتىپ، ازيا - ەۆروپا سەلبەستىگىنىڭ دەڭگەيىن كوتەرىپ، بىرگە دامۋدى، بىرگە گۇلدەنۋدى جەبەۋدى قالايدى“.
ءتوراعا شي جينپيڭنىڭ قۇتتىقتاۋ حاتىنداعى اسقاق سوزدەر ءماجىلىس - كورمە الاڭىن ايرىقشا تەبىرەنتتى، ازيا - ەۆروپا سەلبەستىگىندەگى سەرىكتەستەردى جەلپىندىردى. قۇتتىقتاۋ حاتتا ازيا - ەۆروپا سەلبەسىپ بىرگە يگىلىكتەنۋ، بىرگە دامۋ، بىرگە گۇلدەنۋ ۇلى جوسپارى جاسالىپ، جۇڭگو − ازيا - ەۆروپا كورمەسىنە اناعۇرلىم داڭقتى دا شۇعىلالى تاماشا كەلەشەك كەستەلەندى.
كورمە الاڭىنىڭ ىشىندە ءار تاراپتان كەلگەن قۇرمەتتى قوناقتار دەن قويا تىڭداۋدا. ورتاق تانىم ۇيىسۋدا! سەنىم كۇشەيۋدە!
اقپارات ورتالىعىندا تىلشىلەر قاۋىرت قاربالاستىقتا ءجۇر، كەيبىر تىلشىلەر ۇستىنەن جالعاپ تاراتىپ، بارىنەن بۇرىن قۇتتىقتاۋ حاتىنداعى ءىرى ەل كوسەمىنىڭ بولاشاق ازيا - ەۆروپا سەلبەستىگىنە دەگەن ىقىلاستى تىلەگىن جەتكىزۋگە بارىن سالۋدا.
بىرگە اقىلداسۋ، بىرگە قۇرۋ، بىرگە يگىلىكتەنۋ − زامانا اۋقىمى ءارى جۇرت تىلەگى؛ سەلبەسىپ بولاشاققا بىرگە اتتانۋ − تاماشا تىلەك ءارى بىرگە باساتىن جول.
اشىلۋ سالتىمەن قاتار وتكىزىلگەن تيانشان تالقى مىنبەرىندە 6 مەملەكەتتىڭ بەلدى ساياسي قايراتكەرلەرى، 2 حالىقارالىق ۇيىمنىڭ ۋاكىلدەرى سويلەگەن سوزدەرىندە وسى كەزەكتى كورمەنىڭ نەگىزگى تاقىرىبىن ايرىقشا قۇپتايتىندىقتارىن ءبىلدىردى.
”تىڭ سايىسقا توتەپ بەرۋ ءۇشىن، ءبىز اناعۇرلىم تىعىز ەۆروپا - ازيا سەلبەستىگىن جەبەيمىز“، - دەدى ۆەنگريانىڭ زۇڭليى وربان.
”جۇڭگو - پاكيستان ەكونوميكالىق ءدالىزى نىسانى قازىر جاڭا ارتۋ قوزعاۋشى كۇشىن قالىپتاستىرۋدا. ءبىز وڭىرلىك سەلبەستىك مەحانيزمىن ونان ارى كۇشەيتىپ، ورتاق نىسانامىزدى جۇزەگە اسىرۋدى ءۇمىت ەتەمىز“، - دەدى پاكيستاننىڭ زۇڭليى شاھباز.
”وسى رەتكى كورمە ارقىلى ءبىز ءوزارا تۇسىنىكتى ونان ارى تەرەڭدەتىپ، ەكونوميكالىق سەلبەستىكتى كۇشەيتەمىز ءارى ىندەتتەن كەيىنگى داۋىردە ونان ارى الۋەتتەنە تۇسەمىز“، - دەدى شىعىس وڭتۇستىك ازيا ەلدەرى وداعىنىڭ باس حاتشىسى لين يۇيحۇي.
...
بۇكپەسىز اۋىس - كۇيىس جاسالىپ، قىزۋ كەڭەستەر وتكىزىلدى، اشىق، سيىسىمدى بولۋ، سەلبەسۋ، بىرگە يگىلىكتەنۋ... مىنە بۇلار جينالىسقا قاتىناسۋشىلاردىڭ ەڭ كوپ تىلگە العان سوزدەرى بولىپ، قول ۇستاسا العا باسۋدىڭ تاسقىنداعان كۇشىن قاۋلاتتى.
جينالىس الاڭى ىشىندە بارلىق جەردەن بەرەكە - بىرلىكتى جىلى لەپ ەسەدى.
جينالىس الاڭىنىڭ سىرتىندا قوڭىر كۇزدىڭ جانعا جايلى شۋاعى توگىلىپ، ادامدار اسقاق بوعدا شىڭىنا كوز جىبەرىپ، سالتاناتتى جينالىستا شينجياڭنىڭ بايتاق دالاسىنىڭ شەكسىز سالتاناتىنا بىرگە كۋا بولدى.
