تيانشان تورى
تيانشان تورى   ›   جاڭالىقتار   ›   سۋرەتتى حابار

7 - كەزەكتى جۇڭگو − ازيا - ەۆروپا كورمەسى ساۋداگەر شاقىرىپ قارجى ەنگىزۋ ءتۇيىندى نىساندارىنا قول قويۋ سالتىن وتكىزدى

مەجەمەن 300دەن استام نىسانعا قول قويىلدى، جالپى سوماسى ءبىر تريلليون يۋانعا تايادى

ما شيڭرۇي ارناۋ ءسوز سويلەدى، ەركىن تۇنياز باسقاردى

  9 - ايدىڭ 20 - كۇنى، 7 - كەزەكتى جۇڭگو − ازيا - ەۆروپا كورمەسى سەلبەسىپ بولاشاققا اتتانۋ − ساۋداگەر شاقىرىپ قارجى ەنگىزۋ ءتۇيىندى نىساندارىنا قول قويۋ سالتىن وتكىزدى.

  □ سۋرەتتى انار بۇلت \ شينجياڭ گازەتىنىڭ ءتىلشىسى جوۋ پىڭ تۇسىرگەن

  انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 9 - ايدىڭ 20 - كۇنى ۇرىمجىدەن حابارلايدى. 9 - ايدىڭ 20 - كۇنى تۇستەن كەيىن 7 - كەزەكتى جۇڭگو − ازيا - ەۆروپا كورمەسى سەلبەسىپ بولاشاققا اتتانۋ − ساۋداگەر شاقىرىپ قارجى ەنگىزۋ ءتۇيىندى نىساندارىنا قول قويۋ سالتىن وتكىزدى. وسى رەتكى كورمەدە مەجەمەن ساۋداگەر شاقىرىپ قارجى ەنگىزۋ بويىنشا 300دەن استام نىسانعا قول قويىلىپ، جالپى سوماسى ءبىر تريلليون يۋانعا تايادى، بۇل شينجياڭنىڭ مۇناي - تابيعي گاز، كومىر، كەن ونىمدەرى، جاسىل حيميا ونەركاسىبى، جاڭا ەنەرگيا، جاڭا ماتەريال، سۋ يگىلىگى، سۋ ەلەكتر، سيفرلى ينفورماتسيا، وسى زامانعى اۋىل شارۋاشىلىعى، زات اينالىم تاسىمالى سياقتى كوپتەگەن سالاسىن قامتىعان.

  اۆتونوميالى رايوندىق پارتكومنىڭ شۋجيى ما شيڭرۇي قول قويۋ سالتىندا ارناۋ ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى.

  ما شيڭرۇي اۆتونوميالى رايوندىق پارتكوم مەن ۇكىمەت اتىنان ورتالىقتىڭ جانە مەملەكەتتىڭ قاتىستى مينيسترلىكتەرىنىڭ، كوميتەتتەرىنىڭ، تۋىسقان ولكە، رايون، قالالاردىڭ ۇزاق ۋاقىتتان بەرى شينجياڭ قىزمەتىنە كوڭىل بولگەندىگىنە، كومەكتەسكەندىگىنە جانە قولداۋ كورسەتكەندىگىنە شىن جۇرەكتەن العىس ايتىپ، كاسىپكەرلەردى قىزۋ قارسى الاتىندىعىن ءبىلدىردى. ول بىلاي دەدى: باس شۋجي شي جينپيڭ تاياۋدا تاعى دا كەلىپ شينجياڭدى كوزدەن كەشىرىپ، ءار ۇلت كادرلارىنا، بۇقاراسىنا امانداسىپ، حال سۇراپ، ماڭىزدى ءسوز سويلەپ، ماڭىزدى نۇسقاۋ بەرىپ، جاڭا جاعدايدا شينجياڭ قىزمەتىن ويداعىداي ىستەۋگە مىعىم سەنىم مەن قوزعاۋشى كۇش ۇستەدى. ءبىز ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋعا، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، شينجياڭنىڭ وزىندىك وڭىرلىك اشىق ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا ەنگىزىپ، حالىقارا، ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، 8 ۇلكەن كاسىپ سالاسى شوعىرىن كۇش سالا جەتىلدىرىپ، شينجياڭ ەرەكشەلىگىنە يە وسى زامانعى كاسىپ سالاسى جۇيەسىن قۇرىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتەمىز. كەزەكتە شينجياڭ ەكونوميكاسىنىڭ دامۋى بۇرىن - سوڭدى بولماعان تاريحي ورايعا ءدوپ كەلدى، ءبىز بازارلانعان، زاڭمەن باسقارىلاتىن، حالىقارالانعان ساۋدا - شارۋاشىلىق ورتاسىن كۇش سالا سومداپ، بازار نەگىزگى تۇلعالارىن قولداۋ جانە قىزمەت وتەۋ سەرپىنىن ارتتىرىپ، قارجى قوسۋ، شارۋاشىلىق قۇرۋ، دامۋ شارت - جاعدايىن ۇزدىكسىز جاقسارتىپ، نىساننىڭ تياناقتانۋىنا جالپى پەريودتى، جان - جاقتىلى قىزمەت وتەۋ قامتاماسىزدىعىن ازىرلەيمىز. كوپشىلىكتىڭ جۇڭگو − ازيا - ەۆروپا كورمەسى تۇعىرىنان ويداعىداي پايدالانىپ، ورايدان بىرگە يگىلىكتەنۋىن، سەلبەسۋدى بىرگە اقىلداسۋىن، دامۋدى بىرگە كوزدەۋىن ءۇمىت ەتەمىز. ءتۇرلى كاسىپورىنداردىڭ، سونداي - اق قوعامداعى قايراتكەرلەردىڭ شينجياڭدى كوزدەن كەشىرىپ كەڭەسىپ، قارجى قوسىپ شارۋاشىلىعىن گۇلدەندىرىپ، جوعارى ساپالى دامۋدىڭ جاڭا تاراۋىن بىرگە جازۋلارىن شىن ىقىلاسپەن قارسى الامىز.

  ءۇرىمجى قالاسىنداعى، تۇرپان قالاسىنداعى قاتىستى جاۋاپتى جولداستار قول قويىسقان ايماق، وبلىس، قالا اتىنان ءسوز سويلەپ، ومىرشەڭدىك كۇش ۇيىستىرا ساۋداگەر ەنگىزەتىن، وي جەلىسكە جاڭالىق اشا وتىرىپ ساۋداگەر شاقىراتىن، جالپى بارىستىق قىزمەت وتەپ ساۋداگەرلەردى الاڭسىز ەتەتىن قارجى قوسۋ ورتاسىن كۇش سالا قالىپتاستىرىپ، ءتۇرلى كاسىپورىنداردىڭ قارجى قوسىپ شارۋاشىلىعىن گۇلدەندىرۋىنە بەلسەنە ساپالى قىزمەت وتەيتىندىكتەرىن ءبىلدىردى.

  شينجياڭ جياڭنا توبىنىڭ، حىنان ەنەرگيا توبى شينجياڭ سەرىكتەستىگىنىڭ جاۋاپتىلارى قول قويىسقان كاسىپورىندار اتىنان لەبىز بىلدىرگەندە: شينجياڭدا ءونىمدى قارجى قوسۋدى بار كۇشپەن كەڭەيتىپ، كەلەلى نىساندار ارقىلى كاسىپ سالاسىنىڭ دامۋىنا جەتەكشىلىك ەتىپ، كاسىپورىندى قۇلشىنا ساپالىلاندىرىپ، الۋەتتەندىرىپ، زورايتىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە بەلسەندى ۇلەس قوسامىز، - دەدى.

  چىن ۋيجۇن، ءيۇسۇپجان مامەت، ەلزات احمەتجان، قادەن كابەن، سۇن حۇڭمەي قاتارلىلار قيمىلعا قاتىناستى. ءارقايسى ولكە، رايون، قالا ساۋداگەرلەر قوعامىنىڭ ۋاكىلدەرى، اۆتونوميالى رايوننىڭ قاتىستى ورىندارىنداعى جانە تاراۋلارىنداعى، ءارقايسى ايماق، وبلىس، قالالارداعى قاتىستى جاۋاپتى جولداستار قاتارلىلار قيمىلعا قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.