تيانشان تورى
تيانشان تورى   ›   جاڭالىقتار   ›   شينجياڭ حابارلارى

جىبەك جولىندا گۇلدەنۋدىڭ، دامۋدىڭ جاڭا تاراۋىن بىرگە جازامىز

ءتوراعا شي جينپيڭنىڭ 7 - كەزەكتى جۇڭگو − ازيا - ەۆروپا كورمەسىنە جولداعان قۇتتىقتاۋ حاتى ماجىلىسكە قاتىناسقان سيلى قوناقتار مەن كورمەگە قاتىناسقان ساۋداگەرلەر اراسىندا قىزۋ اڭىس قوزعادى −

جىبەك جولىندا گۇلدەنۋدىڭ، دامۋدىڭ جاڭا تاراۋىن بىرگە جازامىز

□ انار بۇلت \ شينجياڭ گازەتىنىڭ تىلشىلەرى

  جەمىس - جيدەكتىڭ حوش يىسىمەن سالتاناتتى جينالىستى قارسى الىپ، جىبەك جولىنداعى جاڭا ورايدان بىرگە يگىلىكتەندى. 9 - ايدىڭ 19 - كۇنى 7 - كەزەكتى جۇڭگو − ازيا - ەۆروپا كورمەسى ۇرىمجىدە اشىلدى، مەملەكەت ءتوراعاسى شي جينپيڭ كورمەگە قۇتتىقتاۋ حات جولدادى، قۇتتىقتاۋ حاتتا شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىندا قول جەتكىزگەن بەلسەندى ناتيجەلەرىن تولىق تۇراقتاندىرىپ، ”ءبىر بەلدەۋ، ءبىر جولدىڭ“ جوعارى ساپالى دامۋىن ىلگەرىلەتىلۋىنەن شىنايى ءۇمىت كۇتىپ، ماجىلىسكە قاتىناسقان سيلى قوناقتار مەن كورمەگە قاتىناسقان ساۋداگەرلەردى ەرەكشە جەلپىندىرىپ، ايرىقشا شابىتتاندىردى. كوپشىلىك مىنالاردى ءبىلدىردى: كورمەنى تۇعىر ەتىپ، جىبەك جولى رۋحىن اسقاقتاتىپ، ورايدى مىقتى يگەرىپ، سەلبەستىكتى تەرەڭدەتىپ، جىبەك جولىندا گۇلدەنۋدىڭ، دامۋدىڭ جاڭا تاراۋىن بىرگە جازامىز.

قايراتتانىپ، جىبەك جولى رۋحىن اسقاقتاتامىز

  ءتوراعا شي جينپيڭ بىلاي دەپ باسا دارىپتەدى: جۇڭگو ءار ەلمەن بىرگە جۇڭگو − ازيا - ەۆروپا كورمەسىن تۇعىر ەتىپ، بەيبىت بولۋ جانە سەلبەسۋ، اشىق جانە سيىسىمدى بولۋ، ءوزارا ۇيرەنىپ، ءبىر - بىرىنەن ۇلگى الۋ، ءوزارا پايدا جەتكىزىپ، تەڭ يگىلىكتەنۋ سىندى جىبەك جولى رۋحىن اسقاقتاتىپ، جوعارى ولشەمدى، باياندى بولۋعا، حالىق تۇرمىسىنا تيىمدىلىك جەتكىزۋگە تاباندى بولىپ، ازيا مەن ەۆروپانىڭ سەلبەستىك سالالارىن ۇزدىكسىز كەڭەيتىپ، ازيا - ەۆروپا سەلبەستىگىنىڭ دەڭگەيىن كوتەرىپ، بىرگە دامۋدى، گۇلدەنۋدى جەبەۋدى قالايدى.

  ەۆروپا گۇلدەندىرۋ - اشۋ بانكەسىنىڭ جۇڭگودا تۇراتىن باس ۋاكىلى لي شينشيڭ بىلاي دەدى: ”ءبىر بەلدەۋ، ءبىر جول“ جەلى بويىنداعى ەلدەردىڭ حالقىن باقىتقا كەنەلتەتىن بەيبىتشىلىك جولى، گۇلدەنۋ جولى، ەسىك اشۋ جولى، جاسىل جولى، جاڭالىق اشۋ جولى، وركەنيەت جولى بولىپ كەلەدى. ءتوراعا شي جينپيڭنىڭ قۇتتىقتاۋ حاتى ءبىزدىڭ بىرگە گۇلدەنۋدى، دامۋدى جەبەۋ سەنىمىمىزدى نىعايتتى. ءبىز جۇڭگو قارجى قوسقان كاسىپورىنداردىڭ شەتەلدەردەگى، اسىرەسە، ”ءبىر بەلدەۋ، ءبىر جول“ بويىنداعى نىساندارىن اۋەلگىدەي قولداپ، كاسىپورىن مەن جەرگىلىكتى ورىننىڭ سايكەستى دامۋىن اناعۇرلىم ويداعىداي جەبەيمىز.

  ”ءتوراعا شي جينپيڭ ارنايى كورمەگە قۇتتىقتاۋ حات جولداپ، شينجياڭنىڭ وزەكتى رايون قۇرىلىسىن بەلسەنە ىلگەرىلەتكەن ناتيجەسىن تۇراقتاندىرىپ، ىقىلاستى ءۇمىتىن ارتتى، بۇل ءبىزدى ايرىقشا مەيىرگە بولەدى“. شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگى پارتكومىنىڭ ورىنباسار شۋجيى، ورىنباسار باس ديرەكتور جاۋ شياۋحاي مىنانى ءبىلدىردى: بۇدان بىلاي جىبەك جولى رۋحىن زور كۇشپەن اسقاقتاتىپ، ءۇرىمجى حالىقارالىق قۇرلىقتىق پورت اۋماعى سىندى وزەكتى رايون قۇرىلىسىنداعى بەلگى سيپاتتى ينجەنەريانى ويداعىداي قۇرىپ، ”جۇڭگو - ەۆروپا كەزەكشى پويەزى + قۇرلىق، تەڭىز جاڭا ارناسىنىڭ“ ورگانيكالى توعىسا دامۋىن ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋ بارىسىندا اناعۇرلىم زور رولىن ساۋلەلەندىرەمىز.

  ساۋدا ىستەرى مينيسترلىگى حالىقارالىق ساۋدا - ەكونوميكا سەلبەستىگىن زەرتتەۋ ورنى ەۆروپا - ازيا زەرتتەۋ ورنىنىڭ باستىعى، ەكونوميا ءىلىمىنىڭ دوكتورى ليۋ حۋاچين سيفرلى ەكونوميكا سالاسىنىڭ دامۋىنا ۇزاقتان بەرى نازار اۋدارىپ كەلەدى. ول مىنانى ءبىلدىردى: وسى كەزەكتى كورمەنى وراي ەتىپ، جىبەك جولى رۋحىن اسقاقتاتىپ، جۇڭگو - قازاقستان ەكى ەل كاسىپورىندارىنىڭ شەكارا اتتاعان ەلەكتروندى ساۋدا، زەردەلى قالا، زەردەلى اۋىل شارۋاشىلىعى سياقتى سالالارداعى سيفرلى ەكونوميكا سەلبەستىگىن كۇشەيتىپ، ەكى ەلدىڭ ەكونوميكا - ساۋدا سەلبەستىگى ورەسىن ونان ارى جوعارىلاتۋدى ءۇمىت ەتەمىز.

بىرگە يگىلىككە كەنەلىپ، اۋىس - كۇيىستى، سەلبەستىكتى تەرەڭدەتەمىز

  ”ءتوراعا شي جينپيڭنىڭ قۇتتىقتاۋ حاتى ءبىزدىڭ شينجياڭدا اناعۇرلىم ويداعىداي قارجى قوسىپ، كاسىپتى كوركەيتىپ، توڭىرەكتەگى ەلدەرمەن جانە وڭىرلەرمەن اۋىس - كۇيىستى، سەلبەستىكتى ونان ارى تەرەڭدەتۋىمىزگە ايقىن بەتالىس كورسەتتى“، - دەدى جۇڭگو يادرو ونەركاسىبى توبى شەكتى سەرىكتەستىگى كاسىپ سالاسىن اشۋ جانە حالىقارالىق سەلبەستىك ءبولىمىنىڭ ورىنباسار مەڭگەرۋشىسى جۇڭ يىڭچياڭ.

  سوڭعى جىلدارى جۇڭگو يادرو ونەركاسىبى توبى شينجياڭدا تازا ەنەرگيا كاسىپ سالاسىن زور كۇشپەن دامىتىپ، بەلسەندى ناتيجەگە قول جەتكىزدى. جۇڭ يىڭچياڭ مىنانى ءبىلدىردى: سەرىكتەستىك شينجياڭنىڭ جاسىل دامۋىن ۇزدىكسىز ىلگەرىلەتىپ، سونىمەن بىرگە جاڭا ەنەرگيا، امبەباپ كەن كاسىبى سياقتى كاسىپ سالالارىنىڭ توڭىرەكتەگى ەلدەرگە تياناقتانۋىن ىلگەرىلەتىپ، يادرو ەلەكتر تەحنيكاسىنىڭ سىرتقا شىعۋ قادامىن ونان ارى جەدەلدەتەدى.

  ”ءتوراعا شي جينپيڭ ازيا - ەۆروپا قۇرلىعى دامۋ ومىرشەڭدىگىنە جانە كومەسكى كۇشكە تولى، ”ءبىر بەلدەۋ، ءبىر جولدى“ بىرگە قۇرۋ حالىقارالىق سەلبەستىگىندەگى ءتۇيىندى ءوڭىر ەكەندىگىن اتاپ كورسەتتى. بۇل ءبىزدىڭ بولاشاق دامۋعا سەنىمىمىزدى ارتتىردى“! جىڭجوۋ بايشيڭ ازىق - تۇلىك شەكتى سەرىكتەستىگىنىڭ ساتۋ ديرەكتورى تاۋ ۋىنشىڭ بىلاي دەدى: سەرىكتەستىك وسى رەت جيىنى 26 ءتۇرلى، 600دەن استام ءونىمدى كورمەگە قاتىناستىردى، شينجياڭنىڭ وڭىرلىك ورىن باسىمدىعىنا سۇيەنىپ، توڭىرەكتەگى ەلدەردىڭ بازارىن كەڭەيتۋدەن ۇمىتتەنەمىز.

  2017 - جىلى قازاقستاننان كەلگەن قانات بەكتىمبايەۆ شينجياڭنىڭ جاعراپيالىق، ساياساتتىق سياقتى باسىمدىقتارىن ۇناتىپ، ۇرىمجىدەن ورتاق قارجىلى ءبىر كاسىپورىن قۇردى، بۇل كۇندەرى سەرىكتەستىكتىڭ كاسىبى ءماجىلىس - كورمەگە قىزمەت وتەۋ، ەلەكتروندى ساۋدا سياقتى كوپتەگەن سالالارعا كەڭەيدى. ”ءتوراعا شي جينپيڭنىڭ ورتا ازياعا ساپارى، كورمەگە قۇتتىقتاۋ حات جولداۋى ماعان جۇڭگونىڭ ەسىك اشۋدى كەڭەيتۋ، ازيا - ەۆروپا سەلبەستىگىن تەرەڭدەتۋ سەنىمى مەن بەكىمىن تەرەڭ سەزىندىردى“. ول ”ءبىر بەلدەۋ، ءبىر جولدى“ بىرگە قۇرۋدىڭ شىعىس جەلىنە سۇيەنسە، سەرىكتەستىكتىڭ، ءسوزسىز، اناعۇرلىم تاماشا دامۋ بولاشاعى بولاتىندىعىنا سەنەدى.

  كورمەدە شينجياڭ ءوندىرىس - قۇرىلىس بيڭتۋانىنان كەلگەن 30 نەشە ءتۇيىندى كاسىپورىن بيڭتۋان ەرەكشەلىگىنە يە 100دەن استام ساپالى ءونىمدى شوعىرلى كورسەتتى. شىحىزى اشۋ رايونى شىننەي ازىق - تۇلىك شەكتى سەرىكتەستىگىنىڭ القا باستىعى يىن جۇنتاۋ بىلاي دەدى: سەرىكتەستىكتىڭ شينجياڭنىڭ ەرەكشە جەمىس، كوكونىس ونىمدەرىن زەرتتەۋ - اشۋمەن شۇعىلدانعانىنا 26 جىل بولدى، كوپتەگەن ونىمدەرى شينجياڭنىڭ ءىشى - سىرتىنداعى بازارلاردا ىركىلسسىز ساتىلۋدا. كورمە سىندى اشىق تۇعىرعا سۇيەنىپ، ەل ءىشى - سىرتى بازارىن ونان ارى كەڭەيتىپ، ساپالى جەمىس، كوكونىس ونىمدەرىن دۇنيە جۇزىنە بەت الدىرۋدى ءۇمىت ەتەمىز“.

ەكپىندەي ىلگەرىلەپ، وزەكتى رايون قۇرىلىسىن جەدەل ىلگەرىلەتەمىز

  ءتوراعا شي جينپيڭ قۇتتىقتاۋ حاتىندا جاقىنعى جىلداردان بەرى جۇڭگونىڭ شينجياڭى وڭىرلىك ورىن باسىمدىعىن تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن بەلسەنە ىلگەرىلەتىپ، جۇڭگو مەن ازيا - ەۆروپا وڭىرىندەگى ەلدەردىڭ ۇلاسۋىن - تۇتاسۋىن، ءوزارا تيىمدىلىك جاساپ سەلبەسۋىن، بىرگە دامۋىن جەبەپ، بەلسەندى ناتيجەگە قول جەتكىزگەندىگىن اتاپ كورسەتتى. بۇل قالىڭ كورمەگە قاتىناسۋشى ساۋداگەرلەردىڭ قايراتتانا العا ىلگەرىلەپ، وزەكتى رايون قۇرىلىسىن جەدەل ىلگەرىلەتۋ سەنىمىن تاسقىنداتتى.

  جۇڭتاي توبى اۆتونوميالى رايونداعى ”دۇنيە جۇزىندەگى 500 قۋاتتى كاسىپورىن“ ساناتىنا ەنگەن تۇڭعىش مەملەكەت مەنشىگىندەگى كاسىپورىن، ءبىر كەسەك كومىر، ءبىر تامشى ماي، ءبىر ءتۇيىر تۇقىمنان ءبىر تال سىم، ءبىر قيقىم شۇپەرەك، ءبىر رەتكى تاماققا دەيىن توپتىڭ دامۋى باستان - اياق شينجياڭنىڭ بايلىق ارتىقشىلىعى مەن وڭىرلىك ورىن باسىمدىعىن تياناق ەتتى. ءتوراعا شي جينپيڭنىڭ قۇتتىقتاۋ حاتىن ۇيرەنگەننەن كەيىن، جۇڭتاي توبى پارتكومىنىڭ شۋجيى، القا باستىعى ۋاڭ حۇڭشين مىنانى ءبىلدىردى: بۇدان كەيىن نازاردى ”حيميا ونەركاسىبى، اۋىل شارۋاشىلىعى، زات اينالىمى“ سىندى 3 ءىرى نەگىزگى كاسىپكە شوعىرلاندىرىپ، ەكى ءتۇرلى بايلىقتان، ەكى بازاردان ويداعىداي پايدالانىپ، جىبەك جولى ەكونوميكالىق بەلدەۋى وزەكتى رايونى قۇرىلىسىمەن تەرەڭدەي توعىسىپ، ”ءبىر بەلدەۋ، ءبىر جول“ شەكارا اتتاعان زات اينالىمى كاسىپ سالاسى تىزبەگىن بار كۇشپەن قۇرىپ، شينجياڭ ەرەكشەلىگىنە يە، ءار ۇلت بۇقاراسىنا تيىمدىلىك جەتكىزەتىن، جوعارى ساپالى دامۋعا تىرەك بولاتىن وسى زامانعى كاسىپ سالاسى جۇيەسىن جەدەل ورناتىپ، كوركەم شينجياڭ قۇرۋعا مەملەكەت مەنشىگىندەگى كاسىپورىنداردىڭ كۇش - قۋاتىن قوسامىز.

  سوڭعى جىلدارى جۇڭگو بىرلەسپە حابارلاسۋى شينجياڭ بولىمشە سەرىكتەستىگى زەردەلىلەندىرىلگەن جالپىلىق سيفرلى ينفورماتسيا نەگىزدىك قۇرىلعىلارىن جەدەل قۇرىپ، ”زەردەلى مادەنيەت - ساياحات“ سياقتى تولىسقان سيفرلاندىرىپ جاڭالىق اشۋ تەحنيكاسى ارقىلى اۆتونوميالى رايوننىڭ ءار سالا، ءار كاسىپتەرىنىڭ جوعارى ساپالى دامۋىنا قۋات ۇستەدى. ”ءبىر بەلدەۋ، ءبىر جولدى“ بىرگە قۇرۋ ورايى الدىندا، وسى سەرىكتەستىك پارتكومىنىڭ شۋجيى، باس ديرەكتور چىن دىفۋ مىنانى ءبىلدىردى: تاپسىرمانى ەستە بەرىك ساقتاپ، ”سيفرلى ينفورماتسيا نەگىزدىك قۇرىلعىلارى بويىنشا جۇمىس جۇرگىزۋدەگى، قىزمەت وتەۋدەگى مەملەكەتتىك اترەت، ينتەرنەتتە قۋاتتى ەل، سيفرلى جۇڭگو، زەردەلى قوعام قۇرىلىسىنداعى نەگىزگى كۇش، سيفرلى تەحنيكادا توعىسپالى جاڭالىق اشۋداعى اتويشى“ بورىشىن، جاۋاپكەرشىلىگىن ىرىقتىلىقپەن امالياتتا ايگىلەپ، سيفرلى شينجياڭ قۇرىلىسىنا دەم بەرەمىز.

  كاسىپ سالاسى − جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدەگى ماڭىزدى تىرەك. وسى رەتكى كورمەدە شينجياڭ جۇندۇڭ ەكونوميكالىق، تەحنيكالىق اشۋ رايونى 3 كاسىپورىنمەن 47 ميلليارد يۋاندىق نىسانعا قول قويىستى. اشۋ رايونىن باسقارۋ كوميتەتىنىڭ مەڭگەرۋشىسى رىن جيانپين مىنانى ءبىلدىردى: ”ءبىز قۇتتىقتاۋ حاتتىڭ رۋحىن جەتەكشى ەتىپ، جۇندۇڭدى شينجياڭنىڭ جاڭاشا ونەركاسىپتەنۋىنىڭ نەگىزگى شايقاس مايدانى ەتىپ، شەشۋشى، وزەكتى كاسىپ سالالارى ستراتەگيالىق جاڭادان گۇلدەنگەن كاسىپ سالالارىمەن، وندىرىستىك قىزمەت وتەۋ كاسىپتەرىمەن توعىسپالى داميتىن، ءوزارا جەبەپ، بىرگە ىلگەرىلەيتىن جاڭا ارنانى جەدەل قالىپتاستىرىپ، وزەكتى رايون قۇرىلىسىنا كۇش - قۋات قوسامىز“.

(ءتىلشى جاڭ يانفاڭ، قاتىناسقان تىلشىلەر ليۋ شياڭ، ميھىرگۇل عوپۇر، ياڭ شۋحان، حي حۇڭۋي، فان چيۇڭيان، تويا، ما ينيڭ، گاۋ فىڭ)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.