تيانشان تورى
تيانشان تورى   ›   جاڭالىقتار   ›   شينجياڭ حابارلارى

جىبەك جولى ەكونوميكالىق بەلدەۋى التاي تاۋى شەڭبەرى ەكىنشى ءوڭىر ەكونوميكالىق سەلبەستىك حالىقارالىق تالقى مىنبەرى وتكىزىلدى

ەركىن تۇنياز قاتىناستى

  انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 21 - كۇنى ۇرىمجىدەن حابارلايدى. 9 - ايدىڭ 20 - كۇنى تۇستەن كەيىن، ”ۇلاستىرۋدى، تۇتاستىرۋدى كۇشەيتىپ، التاي تاۋى شەڭبەرى ەكىنشى ءوڭىرىنىڭ گۇلدەنۋىن بىرگە جەبەۋدى“ نەگىزگى تاقىرىپ ەتكەن جىبەك جولى ەكونوميكالىق بەلدەۋى التاي تاۋى شەڭبەرى ەكىنشى ءوڭىر ەكونوميكالىق سەلبەستىك حالىقارالىق تالقى مىنبەرى ۇرىمجىدە وتكىزىلدى. اۆتونوميالى رايوننىڭ ءتوراعاسى ەركىن تۇنياز تالقى مىنبەرىنە قاتىناستى ءارى ارقاۋ ءسوز سويلەدى.

  ەركىن تۇنياز اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى اتىنان، تالقى مىنبەرىنىڭ اشىلعاندىعىن قۇتتىقتادى. ول بىلاي دەدى: التاي تاۋى شەڭبەرى ەكىنشى وڭىرىندەگى تاراپتار جاعراپيالىق جاقتان ىرگەلەس، گۋمانيتارلىق بايلانىسى جاقىن، ەكونوميكالىق جاقتان توعىسقان تاماشا سەلبەستىك سەرىكتەستەر. ”التاي تاۋى شەڭبەرى ەكىنشى ءوڭىر ەكونوميكالىق شەڭبەرىن“ بىرگە قۇرۋ ورتاق تانىمىنىڭ جۇرت جۇرەگىنە تەرەڭ ۇيالاۋىنا ىلەسە، وڭىردەگى تاراپتاردىڭ ەكونوميكا - ساۋدا بارىس - كەلىسى كەڭەيىپ، تەرەڭدەپ، ۇلاسۋى، تۇتاسۋى اناعۇرلىم قولايلى بولىپ، گۋمانيتارلىق اۋىس - كۇيىسى كۇن سايىن جيىلەپ، ناقتى ىستەر سەلبەستىگى سۇبەلى جەتىستىككە قول جەتكىزدى. تاياۋدا،ءتوراعا شي جينپيڭنىڭ ورتا ازياداعى ساپارى ازيا - ەۆروپا قۇرلىعىنىڭ بەيبىت دامۋىنا وڭ ەنەرگيا ۇستەدى ءارى التاي تاۋى شەڭبەرى ەكىنشى ءوڭىرىنىڭ دامۋىنا تاماشا جوسپار ازىرلەدى. ەركىن تۇنياز وڭىردەگى تاراپتاردىڭ ساياساتتاردى ۇلاستىرۋدى، قۇرىلعىلاردى تۇتاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، حالىق تىلەگىن توعىستىرۋدى ۇزدىكسىز ارقاۋ ەتىپ، جان - جاقتى ناقتى ىستەر سەلبەستىگىن ونان ارى كۇشەيتىپ، ءوزارا پايدا جەتكىزىپ، تەڭ يگىلىككە كەنەلەتىن جاڭا ارنانى بەلسەنە قالىپتاستىرىپ، التاي تاۋى شەڭبەرى ەكىنشى ءوڭىرىنىڭ اناعۇرلىم جارقىن بولاشاعىن بىرگە جاراتۋىن ۇسىنىس ەتتى.

  رەسەي فەدەراتسياسى التاي رەسپۋبليكاسىنىڭ ءتوراعاسى حولوحورگين بەينە ەكراندا ءسوز سويلەپ، مىنالاردى ءبىلدىردى: التاي تاۋى شەڭبەرى ەكىنشى ءوڭىر اۋماعىنداعى ءار ەلدىڭ شەكارا وڭىرلەرى ەجەلدەن بەرى بايلانىسى تىعىز كورشىلەر، التاي رەسپۋبليكاسى ۇكىمەتى ءوڭىردىڭ ەكونوميكا - ساۋداسى مەن گۋمانيتارلىق اۋىس - كۇيىسىنىڭ اناعۇرلىم دامۋى ءۇشىن قولداۋ كورسەتۋدى قالايدى.

  رەسەي فەدەراتسياسى التاي شەكارا رايونىنىڭ اكىمى توميڭكى بەينە ەكراندا ءسوز سويلەپ، مىنالاردى ءبىلدىردى: 2021 - جىلدىڭ سوڭىندا التاي شەكارا رايونىنىڭ قازاقستانمەن، جۇڭگومەن جانە موڭعۇليامەن ساۋدا سوماسى وسى رايوننىڭ سىرتقى ساۋدا جالپى سوماسىنىڭ شامامەن تەڭ جارىمىن ۇستادى. سەلبەستىك قارىم - قاتىناسىن ۇزدىكسىز كەڭەيتىپ جانە تەرەڭدەتىپ، وڭىردەگى تاراپتاردىڭ ەكونوميكالىق، قوعامدىق دامۋىن جەبەۋدى قالايمىز.

  قازاقستان شىعىس قازاقستان وبلىسىنىڭ باستىعى احمەتوۆ بەينە ەكراندا ءسوز سويلەپ، وسى رەتكى تالقى مىنبەرىنىڭ بولاشاعى بار نىساندارعا اناعۇرلىم كوپ قارجى باۋراۋىن ءۇمىت ەتتى. شىعىس قازاقستان وبلىسىنىڭ الداعى جەردە التاي تاۋى شەڭبەرى ەكىنشى ءوڭىر سەلبەستىك سەرىكتەستەرىمەن ءوزارا پايدا جەتكىزۋ سەلبەستىگىن ءۇرتىس ورىستەتەتىندىگىن ايتتى.

  موڭعۇليا قوبدا ولكەسىنىڭ باستىعى ىنحىبات بالىرما بەينە ەكراندا ءسوز سويلەپ، بىلاي دەپ اتاپ كورسەتتى: قوبدا ولكەسى جۇڭگو - موڭعۇليا - رەسەي ەكونوميكالىق دالىزىنە جانە التاي تاۋى شەڭبەرى ەكىنشى ءوڭىرىنىڭ ماڭىزدى حالىقارالىق زات اينالىمى ارناسىنا اينالدى، ءوڭىر ىشىندەگى باسقا ەلدەرمەن جانە ولكە، رايوندارمەن قاتىناس - تاسىمال جاقتارىنداعى سەلبەستىكتى كۇشەيتۋدى ءۇمىت ەتەمىز.

  موڭعۇليا بايانولگەي ولكەسىنىڭ باستىعى باۋىرجان دالەل بەينە ەكراندا ءسوز سويلەپ، مىنالاردى ءبىلدىردى: التاي تاۋى شەڭبەرى ەكىنشى وڭىرىندەگى ءار ەل اۋىس - كۇيىستى، سەلبەستىكتى تەرەڭدەتۋ، اسىرەسە، مادەنيەت، دەنە تاربيە، كوركەمونەر، ساياحات سياقتى جاقتارداعى اۋىس - كۇيىستى كۇشەيتۋ ءتيىس.

  ”ءبىزدىڭ ورتاق مەكەنىمىز − التاي“ حالىقارالىق سايكەستىرۋ كوميتەتى حاتشىلار باسقارماسىنىڭ باس حاتشىسى لالين بەينە ەكراندا ءسوز سويلەپ، تاراپتاردان بۇرىننان بار تاتۋ كورشىلىك دوستىق ءداستۇردى ۇزدىكسىز ساۋلەلەندىرىپ، بىرگە قۇلشىنۋ ارقىلى التاي تاۋى شەڭبەرى ەكىنشى ءوڭىر سەلبەستىگىن اناعۇرلىم جوعارى دەڭگەيگە جەتكىزۋدى ءۇمىت ەتتى.

  تالقى مىنبەرىندە نىساندارعا قول قويۋ سالتى وتكىزىلدى.

  جاروللا يسامدين تالقى مىنبەرىنە قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.