ناق ۇستىندە 33 ميلليارد 300 ميلليون يۋاندىق توقتامعا قول قويىلدى
انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 9 - ايدىڭ 21 - كۇنى ۇرىمجىدەن حابارلايدى. 9 - ايدىڭ 21 - كۇنى ساۋدا ىستەرى مينيسترلىگى مەن شينجياڭ ءوندىرىس - قۇرىلىس بيڭتۋانى بىرگە ۇيىمداستىرعان 7 - كەزەكتى جۇڭگو − ازيا - ەۆروپا كورمەسى اشىق بيڭتۋان نەگىزگى تاقىرىپتىق قيمىلى ينتەرنەت جەلىسىندە جانە ينتەرنەت جەلىسىنەن تىس ءوزارا ۇشتاستىرۋ ادىسىمەن وتكىزىلدى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي ارقاۋ ءسوز سويلەدى. ساۋدا ىستەرى مينيسترلىگى سىرتقى ساۋدانى دامىتۋ ىستەرى مەكەمەسىنىڭ جاۋاپتىسى ساۋدا ىستەرى مينيسترلىگى اتىنان بەينەبايلانىس ءتاسىلى ارقىلى ارناۋ ءسوز سويلەدى.
لي يفي ارقاۋ سوزىندە بيڭتۋان پارتكومى، بيڭتۋان مەن قالىڭ جۇمىسشى - قىزمەتشىلەر، بۇقارا اتىنان، ەل ءىشى - سىرتىنان كەلگەن سيلى قوناقتار مەن ءار سالاداعى دوستاردى قارسى الاتىندىعىن ءبىلدىردى جانە ولارعا العىس ايتتى. ول بىلاي دەدى: 7 - كەزەكتى جۇڭگو − ازيا - ەۆروپا كورمەسى سالتاناتپەن اشىلىپ، ءتوراعا شي جينپيڭ قۇتتىقتاۋ حات جولداپ، ءبىزدىڭ ازيا - ەۆروپا سەلبەستىگىنىڭ جاڭا تاراۋىن بىرگە جازۋىمىزعا، جىبەك جولىنىڭ جاڭا شۇعىلاسىن بىرگە اشۋىمىزعا ايقىن بەتالىس كورسەتتى. بيڭتۋان ءتوراعا شي جينپيڭنىڭ قۇتتىقتاۋ حاتىنىڭ رۋحىن دايەكتىلەندىرۋدى، تياناقتاندىرۋدى جەتەكشى ەتىپ، جىبەك جولى رۋحىن زور كۇشپەن اسقاقتاتىپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، كاسىپ سالالارى سەلبەستىگىن تەرەڭدەتىپ، گۋمانيتارلىق اۋىس - كۇيىستى كەڭەيتىپ، شارۋاشىلىق - ساۋدا ورتاسىن ساپالىلاندىرىپ، اناعۇرلىم جوعارى دەڭگەيدە سىرتقا ەسىك اشۋدى قۇلشىنا جۇزەگە اسىرادى. ەل ءىشى - سىرتىنداعى سيلى قوناقتاردى بيڭتۋانعا كەلىپ ەكسكۋرسيالاپ، ارالاپ، اۋىس - كۇيىس، سەلبەستىك جاساۋعا شىن ىقىلاسپەن ۇسىنىس ەتەمىز، قالىڭ كاسىپكەرلەردىڭ بيڭتۋانعا كەلىپ قارجى قوسىپ، كاسىپ كوركەيتۋىن، دامۋعا بىرگە ۇمتىلۋىن قارسى الامىز، ءار سالا قايراتكەرلەرىنىڭ بيڭتۋانعا كەلىپ ارالاپ ساياحاتتاپ، قونىستانىپ تۇرمىس كەشىرىپ، گۇلدەنۋ ورايىنان بىرگە يگىلىكتەنۋىن، كوركەم بولاشاقتى بىرگە اشۋىن ءۇمىت ەتەمىز.
ەل ءىشى - سىرتىنان كەلگەن سيلى قوناقتار بەينەبايلانىس ارقىلى ءسوز سويلەپ، ”ءبىر بەلدەۋ، ءبىر جول“ سەلبەستىگىنىڭ كوركەم كەلەشەگىنە كوز جىبەردى.
بەلورۋسسيا رەسپۋبليكاسى ەكونوميكا مينيسترلىگىنىڭ مينيسترى چەرۆياكوۆ الەكساندر ۆيتوروۆچ مىنانى ءبىلدىردى: جۇڭگو − ازيا - ەۆروپا كورمەسى سىندى تۇعىر ءبىز جونىنەن وزگەشە ماڭىزعا يە. جۇڭگو مەن بەلورۋسسيا جالپى جاعدايدا بىردەي جاپپاي ستراتەگيالىق سەرىكتەستىك قاتىناسىندا ەكى جاقتىڭ ەكونوميكا ساۋداسى مەن سەلبەستىك ورەسى جىل سايىن ورنىقتى جوعارىلاپ، ومىرشەڭدىگى شەكسىز قاۋلادى، ءبىزدىڭ بىرگە اناعۇرلىم زور تابىسقا قول جەتكىزەتىندىگىمىزگە سەنەمىن.
يراننىڭ جۇڭگودا تۇراتىن باس ەلشىسى مۇحاممەد كوشاۆارزاد بىلاي دەدى: يران مەن جۇڭگو ”ءبىر بەلدەۋ، ءبىر جول“ سەلبەستىك باستاماسىنا قول قويىستى، يران جۇڭگو − ازيا - ەۆروپا كورمەسى سياقتى جۇڭگومەن ساۋدا ەكونوميكا جاعىنداعى سەلبەستىك جاساۋ قابىلەتىن جوعارىلاتاتىن وسىنداي قيمىلدارعا قاتىناسۋدى قالايدى، ءساتى تۇسسە شينجياڭنىڭ بيڭتۋانىمەن اۋىس - كۇيىس، سەلبەستىك جاساۋدى ءۇمىت ەتەمىز.
قىرعىزستان اۋىل شارۋاشىلىق مينيسترلىگىنىڭ ءبىرىنشى ورىنباسار مينيسترى نۇركەن الشىروۆ مىنانى ءبىلدىردى: قىرعىزستان مەن جۇڭگو ستراتەگيالىق سەلبەستىك سەرىكتەستەر، اۋىل شارۋاشىلىعى سياقتىلاردى قامتىعان كوپ سالادا تالاي جىلدىق ەكى جاقتى سەلبەستىك تاجىريبەسى بار، ءبىز بارلىق سالادا سەلبەستىكتى كۇشەيتۋدى قۇپتايمىز.
شياڭگاڭ ەرەكشە اكىمشىلىك رايونى ۇكىمەتىنىڭ بەيجيڭدە تۇراتىن ءىس باسقارماسىنىڭ مەڭگەرۋشىسى لياڭ جىرىن مىنانى ءبىلدىردى: شياڭگاڭ ەرەكشە اكىمشىلىك رايونىنىڭ شينجياڭ ۇيعۇر اۆتونوميالى رايونىمەن بايلانىسى تىعىز، شياڭگاڭنىڭ جانە اۆتونوميالى رايوننىڭ، بيڭتۋاننىڭ ەكونوميكا - ساۋدا، ساياحات، مادەنيەت، جاستاردىڭ پىكىر اۋىسۋى سياقتى جاقتارداعى بايلانىسى مەن سەلبەستىگىن ونان ارى ىلگەرىلەتىپ، شينجياڭ حيكاياسىن، شياڭگاڭ حيكاياسىن ويداعىداي بايانداۋدى ءۇمىت ەتەمىز.
نەگىزگى تاقىرىپتىق قيمىلدا تاعى سۋرەت كورمەسى، ساۋداگەر شاقىرىپ تانىستىرۋ، نىسانعا قول قويۋ سياقتى قيمىلدار وتكىزىلدى. ارالىقتا جيىنى 16 نىسانعا قول قويىلدى، قارجى قوسۋ جالپى سوماسى 33 ميلليارد 300 ميلليون يۋان بولدى.
چىن ۋيجۇن قاتىناستى ءارى ارناۋ ءسوز سويلەدى، شۋە بين قاتىناستى، حا زىڭيوۋ نەگىزگى تاقىرىپتىق قيمىلدى باسقاردى.
