تيانشان تورى
تيانشان تورى   ›   جاڭالىقتار   ›   شينجياڭ حابارلارى

اشىق شينجياڭنىڭ ورايى شەكسىز

ءتوراعا شي جينپيڭنىڭ 7 - كەزەكتى جۇڭگو − ازيا - ەۆروپا كورمەسىنە جولداعان قۇتتىقتاۋ حاتى رايونىمىزداعى كاسىپورىندار سالاسىندا قىزۋ اڭىس قوزعادى −

اشىق شينجياڭنىڭ ورايى شەكسىز

□ انار بۇلت \ شينجياڭ گازەتىنىڭ تىلشىلەرى

  9 - ايدىڭ 19 - كۇنى، 7 - كەزەكتى جۇڭگو − ازيا - ەۆروپا كورمەسى اشىلدى، مەملەكەت ءتوراعاسى شي جينپيڭ كورمەگە قۇتتىقتاۋ حات جولدادى. قۇتتىقتاۋ حات شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدە قول جەتكىزگەن بەلسەندى ونىمدىلىكتەرىن تولىق تۇراقتاندىرىپ، جىبەك جولى رۋحىن اسقاقتاتۋعا، ازيا - ەۆروپا سەلبەستىگىن تەرەڭدەتۋگە ىقىلاستى ءۇمىت ارتىپ، رايونىمىزداعى كاسىپورىندار سالاسىندا قىزۋ اڭىس قوزعادى. كوپشىلىك ءبىر اۋىزدان مىنالاردى ءبىلدىردى: شينجياڭنىڭ وڭىرلىك ورىن باسىمدىعىن تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا ات سالىسىپ، جاڭا دامۋ ارناسىنا بەلسەنە قىزمەت وتەپ جانە توعىسىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋدە ۇزدىكسىز تىڭ ونىمدىلىكتەرگە قول جەتكىزىپ، بەلسەندى ۇلەس قوسامىز.

تاپسىرمانى ەستە بەرىك ساقتاپ، ىرىقتىلىقپەن ىسكەرلىك كورسەتەمىز

  ”ءبىز تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جىبەك جولى ەكونوميكالىق بەلدەۋى وزەكتى رايونى قۇرىلىسىن بەلسەنە ىلگەرىلەتىپ، ءتوراعا شي جينپيڭنىڭ ىقىلاستى ءۇمىتىن جىبەك جولى ەكونوميكالىق بەلدەۋى وزەكتى رايونىن قۇرۋدىڭ ناقتى امالياتىنا اينالدىرامىز“. اۆتونوميالى رايوندىق پارتكوم بىرلىكساپ ءبولىمىنىڭ ورىنباسار باستىعى، اۆتونوميالى رايوندىق ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ شۋجيى ليۋ بين مىنالاردى ءبىلدىردى: الداعى قىزمەتتە، اۆتونوميالى رايوندىق ساۋدا - ونەركاسىپشىلەر بىرلەستىگى باسىمدىعىن تولىق ساۋلەلەندىرىپ، حالىقتىق شارۋاشىلىق قايراتكەرلەرىن كوز الداعى ورايدى مىقتاپ يگەرىپ، شينجياڭنىڭ بايلىق ارتىقشىلىعى مەن وڭىرلىك ورىن باسىمدىعىن تياناق ەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن تياناق ەتىپ، ساۋدا قوعامدارىنىڭ حالىقتىق اۋىس - كۇيىس جاساۋ رولىن ساۋلەلەندىرىپ، ەل ءىشى - سىرتىنداعى ساۋدا - ونەركاسىپشىلەر سالالارىمەن سەلبەستىكتى، اۋىس - كۇيىستى كۇشەيتىپ، حالىقتىق كاسىپورىنداردىڭ ”سىرتقا شىعىپ“ اناعۇرلىم كەڭ كولەمدە سەلبەستىك ورىستەتۋىنە دەم بەرىپ، ”ءبىر بەلدەۋ، ءبىر جولدىڭ“ حالىقارالىق سەلبەستىكتەگى جانە باسەكەدەگى باسىمدىعىن قالىپتاستىرىپ، جاڭا داۋىردەگى كورىكتى شينجياڭ قۇرۋعا ۇلەس قوسادى.

  شينجياڭ جاڭا ەنەرگيا (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى گاۋ جيانجۇن بىلاي دەدى: شينجياڭداعى رايونعا قاراستى ەڭ ءىرى جاڭا ەنەرگيا اشۋ كاسىپورنى جانە ەكولوگيالىق ورتانى قورعاۋ كاسىپورنى رەتىندە، جاڭا ەنەرگيا توبى بەيبىت بولۋ جانە سەلبەسۋ، اشىق جانە سيىسىمدى بولۋ، ءوزارا ۇيرەنىپ، ءبىر - بىرىنەن ۇلگى الۋ، ءوزارا پايدا جەتكىزىپ، تەڭ يگىلىكتەنۋ سىندى جىبەك جولى رۋحىن زور كۇشپەن اسقاقتاتىپ، ”جاڭا ەنەرگيا كاسىپ سالاسىن الدىمەن دامىتۋ، قورشاعان ورتانى قورعاۋ كاسىپ سالاسىن جاڭالىق اشا دامىتۋ“ سىندى ستراتەگيالىق ورىندى تياناق ەتىپ، ”ءۇش بازا، ءبىر ارنا“ جانە ”شينجياڭنىڭ ەلەكترىن سىرتقا جەتكىزۋ“ سياقتى كەلەلى ينجەنەريا قۇرىلىستارىنا ىرىقتىلىقپەن ات سالىسىپ، اۆتونوميالى رايوننىڭ ءتۇيىندى كاسىپ سالالارىن دامىتۋىنا قىزمەت وتەۋ، جىبەك جولى ەكونوميكالىق بەلدەۋى وزەكتى رايونى قۇرىلىسىن بەلسەنە ىلگەرىلەتۋ بارىسىندا اناعۇرلىم زور ىسكەرلىك كورسەتەدى.

  ”ءتوراعا شي جينپيڭنىڭ قۇتتىقتاۋ حاتى ’ءبىر بەلدەۋ، ءبىر جولدى‘ بىرگە قۇرۋعا وسكەلەڭ ءمان بەرەتىندىگىن ايگىلەپ، شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىنا دەگەن قامقورلىعى، قولداۋى قامتىلعان، ءبىز مۇنان بارىنشا شابىتتاندىق، ەرەكشە جەلپىندىك“. جۇڭگو ونەركاسىپ - ساۋدا بانكەسى شينجياڭ بولىمشە بانكەسى حالىقارالىق جۇمىس ءبولىمىنىڭ باس ديرەكتورى ياڭ بو بىلاي دەدى: كەزەكتە ونەركاسىپ - ساۋدا بانكەسى باستاما ەتكەن ”ءبىر بەلدەۋ، ءبىر جول“ بانكەلەر ارا ۇدايىلانعان سەلبەستىك مەحانيزمى (BRBR) 71 مەملەكەت پەن وڭىردەگى 157 فينانس قۇرىلىمىنا كەڭەيدى، مۇنان كەيىن فينانستىق قىزمەت وتەۋدىڭ عىلىم - تەحنيكالىق بوياۋىن ۇزدىكسىز جوعارىلاتىپ، شينجياڭنىڭ تىرەكتى كاسىپ سالالارى مەن ەرەكشەلىككە يە ەكونوميكاسىنىڭ دامۋىنا بار كۇشپەن قولداۋ كورسەتىپ، مەملەكەتتىڭ ستراتەگياسىنا بەلسەنە قىزمەت وتەيدى جانە توعىسادى.

ورايدى يگەرىپ، دامۋدى جەدەلدەتەمىز

  ءتوراعا شي جينپيڭ قۇتتىقتاۋ حاتىندا بىلاي دەپ اتاپ كورسەتتى: جاقىنعى جىلداردان بەرى، جۇڭگونىڭ شينجياڭى وڭىرلىك ورىن باسىمدىعىن تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن بەلسەنە ىلگەرىلەتىپ، جۇڭگو مەن ازيا - ەۆروپا وڭىرىندەگى ەلدەردىڭ ۇلاسۋىن - تۇتاسۋىن، ءوزارا تيىمدىلىك جاساپ سەلبەسۋىن، بىرگە دامۋىن جەبەپ، بەلسەندى ناتيجەگە قول جەتكىزدى.

  ”ءتوراعا شي جينپيڭنىڭ قۇتتىقتاۋ حاتى كاسىپورىننىڭ دامۋىنا سەنىم ۇستەدى“. ءۇرىمجى قالاسى دانشالييا كيىم - كەشەك، اشەكەي بۇيىمدار شەكتى سەرىكتەستىگىنىڭ باس ديرەكتورى لي يانرۋ بىلاي دەدى: سەرىكتەستىك 2012 - جىلدان باستاپ وندىرگەن كيىم - كەشەك، اشەكەي بۇيىمدارىن قازاقستان، تاجىكستان سياقتى ەلدەرگە ساتىپ، كەيىن بازارىن بارعان سايىن زورايتتى. كەلەسى قادامدا كاسىپورىن ورايدى مىقتاپ يگەرىپ، ”ءبىر بەلدەۋ، ءبىر جول“ بويىنداعى ەلدەردەگى جانە وڭىرلەردەگى بازارلاردى ۇزدىكسىز كەڭەيتىپ، ەكسپورتتىق ونىمدەردىڭ ساپاسىن ۇزدىكسىز جوعارىلاتىپ، يمپورت - ەكسپورتتىق ونىمدەردىڭ ءتۇرىن مولايتىپ، كاسىپورىننىڭ دامۋىن، زورايۋىن ىلگەرىلەتەدى.

  ”ءبىز ءتوراعا شي جينپيڭنىڭ قۇتتىقتاۋ حاتىنداعى تاپسىرمالارىن ەستە بەرىك ساقتاپ، ءداۋىر ورايىن مىقتاپ يگەرىپ، كاسىپورىننىڭ قىزمەت جاۋاپكەرشىلىگىن بەلسەنە اتقارامىز“. حىنان ەنەرگيا توبى شينجياڭ سەرىكتەستىگى پارتكومىنىڭ شۋجيى، القا باستىعى جۋ جۇنفۋ مىنالاردى ءبىلدىردى: كاسىپورىن جاڭا دامۋ كەزەڭىن تياناق ەتىپ، جاسىل، تومەن كومىر قىشقىل گازدى، اينالمالى، باياندى دامۋ جولىمەن جۇرۋگە تاباندى بولىپ، شينجياڭنىڭ بايلىق، وڭىرلىك ورىن سياقتى كوپ جاقتاعى باسىمدىقتارىنان تولىق پايدالانىپ، كومىردى جىنتىكتەي وڭدەۋ نىسانىن زور كۇشپەن كەڭەيتىپ، كاسىپورىننىڭ ءتىپتى دە جوعارى دەڭگەيدە دامۋىن جۇزەگە اسىرادى.

  ”ءتوراعا شي جينپيڭنىڭ قۇتتىقتاۋ حاتى ءبىزدىڭ مۇنان كەيىنگى قىزمەتىمىزگە ايقىن باعدار كورسەتتى“. حوتان شىنچى جاسىل ازىق - تۇلىك وڭدەۋ شەكتى سەرىكتەستىگىنىڭ باس ديرەكتورى جياڭ شياڭيوۋ بىلاي دەدى: شينجياڭنىڭ جەرى كەڭ، ەكولوگياسىنىڭ تيبى كوپ ءتۇرلى، سۋ، توپىراق، جارىق، جىلۋ، تۇقىمدىق زات بايلىقتارى مول، ءتۇرلى بايلىقتاردىڭ توپتالۋ شارت - جاعدايى جاقسى، سورتى ەرەكشە، ساپاسى تاماشا ءبىر شوعىر اۋىل شارۋاشىلىق ونىمدەرىن ازىرلەگەن. سەرىكتەستىك شينجياڭنىڭ بايلىق باسىمدىعى، وڭىرلىك ورىن باسىمدىعى سياقتىلاردى ۇشتاستىرىپ، ەرەكشە اۋىل شارۋاشىلىق ونىمدەرىن ساتىپ الۋدى، وڭدەۋدى تىڭعىلىقتى تۇردە جاقسى ىستەپ، كاسىپ سالاسى تىزبەگىن ۇزدىكسىز ۇزارتىپ، ۇستەمە قۇندى جوعارىلاتىپ، كاسىپورىندى زورايتۋمەن، كۇشەيتۋمەن بىرگە ءتىپتى دە كوپ شارۋالاردىڭ كاسىپ سالاسى دامۋىنىڭ پايداسىن بىرگە يگىلىكتەنۋىن جەبەيدى.

تاسقىنداعان سەنىممەن بولاشاققا جول اشامىز

  ءتوراعا شي جينپيڭ قۇتتىقتاۋ حاتىندا: ازيا - ەۆروپا قۇرلىعى دامۋ ومىرشەڭدىگىنە جانە كومەسكى كۇشكە تولى، ”ءبىر بەلدەۋ، ءبىر جولدى“ بىرگە قۇرۋ حالىقارالىق سەلبەستىگىندەگى ءتۇيىندى ءوڭىر، - دەپ اتاپ كورسەتتى.

  شينجياڭ جىنكۇن زات اينالىمى جارنا شەكتى سەرىكتەستىگى، باستىسى، ەل ىشىندەگى، حالىقاراداعى كوپ ءتاسىلدى بىرلەسكەن تاسىمالمەن، حالىقارالىق تاس جول جۇك تاسىمالىمەن، شينجياڭنىڭ ىشىندە تاس جول جۇك تاسىمالىمەن، سونداي - اق قامداۋ تىزبەگى جۇمىستارىمەن شۇعىلدانادى. وسى سەرىكتەستىكتىڭ باس ديرەكتورى يۇي گوگاڭ بىلاي دەدى: كاسىپورىن جىبەك جولى رۋحىن بەلسەنە اسقاقتاتىپ، جوعارى ولشەمدى، باياندى بولۋعا، حالىق تۇرمىسىن يگىلىككە كەنەلتۋگە تاباندى بولىپ، ازيا - ەۆروپاداعى سەلبەستىك اياسىن ۇزدىكسىز كەڭەيتىپ، سىرتپەن اۋىس - كۇيىس، بارىس - كەلىس جاساۋ بارىسىندا جۇڭگونىڭ حالىقتىق كاسىپورىندارىنىڭ جاۋاپكەرشىلىك ارقالاۋىن تولىق ايگىلەيدى. سونىمەن بىرگە، شينجياڭنىڭ جاعراپيالىق جانە بايلىق باسىمدىقتارىن ۇزدىكسىز تايانىش ەتىپ، حالىقاراداعى، ەل ىشىندەگى ءىرى زاتتار زات اينالىمى بازارىن ۇزدىكسىز كەڭەيتىپ، جوعارى ساپالى دامىعان زات اينالىمى جۇلدىز كاسىپورنى بولۋعا قادام تاستايدى.

  شينجياڭ بوشىران زەردەلى اۋىل شارۋاشىلىق ماشينالارى جارنا شەكتى سەرىكتەستىگىنىڭ جۇڭگو − ازيا - ەۆروپا كورمەسىنە وسى جولى 7 - رەت قاتىناسۋى. وسى كەزەكتى كورمەدە كاسىپورىن ءوز كۇشىنە سۇيەنىپ وندىرگەن ماقتانى 3 قاتارلى تايلاۋ ماشيناسى مەن ماقتانى 6 قاتارلى تايلاۋ ماشيناسىن كورمەگە شىعاردى، بۇل ەكى ءتۇرلى ماشينا تۇرپاتى كەزەكتە ەل ىشىندەگى يمپورت ونىمدەردىڭ ورنىن بۇكىلدەي باسا الاتىن وزىق ماقتا جيناۋ ماشينا جابدىقتارى ەسەپتەلەدى.

  ”كاسىپورىن ءداۋىر اۋقىمىن تياناق ەتىپ، ءداۋىر ورايىن يگەرىپ، داۋىرلىك بورىشتى باتىلدىقپەن ارقالايدى“. شينجياڭ بوشىران زەردەلى اۋىل شارۋاشىلىق ماشينالارى جارنا شەكتى سەرىكتەستىگى ساتۋدى جوسپارلاۋ باسقارۋشىسى باي جين - يان بىلاي دەدى: كەزەكتە، كاسىپورىن جۇڭگونى، سونداي - اق توڭىرەكتەگى ماقتا ەگىمشىلىگىندەگى ءىرى ەلدەردى ماقتا ءوندىرىسىنىڭ تۇتاس بارىسىن ماشينالاندىرۋ جانە جان - جاقتى، كەشەندى قىزمەت وتەۋمەن قامداۋ قابىلەتىن ازىرلەپ بولدى. مۇنان كەيىن، سەرىكتەستىك اشىق دامۋ جاڭا ارناسىمەن ىرىقتىلىقپەن توعىسىپ، سىرتقا قاراي دامۋ ورەسىن ىشكەرىلەي جوعارىلاتىپ، ءوزىنىڭ بۇرىنعى دەڭگەيىنەن ۇزدىكسىز اسىپ ءتۇسىپ، حالىقارا بازارىن ۇزدىكسىز كەڭەيتىپ، ەلىمىزدە وندىرىلگەن جوعارى دەڭگەيلى اۋىل شارۋاشىلىق جابدىقتارىنىڭ حالىقارالىق بازاردا اناعۇرلىم جوعارى بازار قامتۋ مولشەرىنە يە بولۋىنا مۇمكىندىك جاساپ، اناعۇرلىم جوعارى ورەدەگى ءوزارا پايدا جەتكىزىپ، تەڭ يگىلىككە كەنەلۋدى جانە سايكەستى دامۋدى جۇزەگە اسىرادى.

  (ءتىلشى ليۋ ي، قاتىناسقان تىلشىلەر گاۋ فىڭ، ما بويۇي، ياڭ شۋحان، ۋاڭ يايۇن، ما ينيڭ، تويا، ران حۋ)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.