انار بۇلت \ شينجياڭ گازەتىنىڭ تىلشىلەرى ۋاڭ يۇڭفي، كاڭ حاۋيان 9 - ايدىڭ 21 - كۇنى ۇرىمجىدەن حابارلايدى. 9 - ايدىڭ 21 - كۇنى 7 - كەزەكتى جۇڭگو − ازيا - ەۆروپا كورمەسىنىڭ فينانس تالقى مىنبەرى وتكىزىلدى. جۇڭگو حالىق بانكەسىنىڭ ورىنباسار باستىعى جاڭ چيڭسۇڭ، جۇڭگو باعالى قاعاز باقىلاۋ - باسقارۋ كوميتەتىنىڭ ورىنباسار ءتوراعاسى ۋاڭ جيانجۇن، جۇڭگو بانكە - قامسىزداندىرۋ ىستەرىن باقىلاۋ - باسقارۋ كوميتەتىنىڭ باس تەكسەرۋشىسى ۋاڭ چاۋدي ارناۋ ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق باس جۇمىسشى ۇيىمىنىڭ ءتوراعاسى ەلزات احمەتجان ارناۋ ءسوز سويلەدى جانە تاقىرىپتىق لەكسيا جاسادى.
ەلزات احمەتجان بىلاي دەدى: ەلىمىزدىڭ سىرتقا ەسىك اشۋدى كەڭەيتۋىنە، باتىس بولىكتى قاۋىرت اشۋىنا، ”ءبىر بەلدەۋ، ءبىر جولدى“ بىرگە قۇرۋدىڭ ۇزدىكسىز ىشكەرىلەي ىلگەرىلەۋىنە ىلەسە، شينجياڭنىڭ پارتيا مەن مەملەكەت ستراتەگياسى جالپى جاعدايىنداعى ورنى مەن رولى كۇن سايىن كورنەكتىلەنىپ، سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالىپ، بۇرىن بولماعان كەلەلى ستراتەگيالىق وراي مەزگىلىن قارسى الدى. رايونىمىز جىبەك جولى ەكونوميكالىق بەلدەۋى وزەكتى رايونى وڭىرلىك فينانس ورتالىعى قۇرىلىسىن تياناق ەتىپ، ىرىقتىلىقپەن ىسكەرلىك كورسەتىپ، ”شينجياڭعا فينانس ەنگىزۋدى“ بار كۇشپەن ىلگەرىلەتىپ، ەل ءىشى - سىرتىنداعى ءتۇرلى فينانس قۇرىلىمدارىنىڭ شينجياڭدا بولىمشە، تارماق قۇرىلىمىن قۇرۋعا جىگەرلەندىرىپ، فينانس رەفورماسىندا جاڭالىق اشۋدى ونان ارى ىلگەرىلەتىپ، فينانس ساياساتىنىڭ جاڭالىق اشا ىقپالداسۋىن، فينانس بازارىنىڭ ءوزارا ۇلاسۋىن، تۇتاسۋىن، فينانس كاپيتالىنىڭ ۇشتاسۋىن، توعىسۋىن ىشكەرىلەي ىلگەرىلەتىپ، جاسىل فينانستى، تيبىن جاڭالاعان فينانستى، شەكارا اتتاعان فينانستى، عىلىم - تەحنيكالىق فينانستى زور كۇشپەن دامىتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن بەلسەنە سومداپ، ءتىپتى دە كوپ فينانس قۇرىلىمدارىن شينجياڭعا كەلىپ قارجى قوسىپ شارۋاشىلىعىن گۇلدەندىرىپ، شينجياڭنىڭ ەكونوميكالىق، قوعامدىق دامۋىنىڭ پايداسىنان بىرگە يگىلىكتەنۋگە باستايدى.
تالقى مىنبەرىن اۆتونوميالى رايوندىق حالىق ۇكىمەتى وتكىزدى، باستالۋ سالتى، نەگىزگى تاقىرىپتىق لەكسيا، دوڭگەلەك ۇستەل تالقى مىنبەرى، جەتىستىگىن جاريالاۋ جانە قورىتىندىلاۋ، العىس ايتۋ سىندى 4 بولىكتەن قۇرالعان. جينالىسقا قاتىناسقان سيلى قوناقتار ”بانكە قامسىزداندىرۋ كاسىبى وزەكتى رايون قۇرىلىسىنا قۋات ۇستەۋ“ جانە وزەكتى رايون قۇرىلىسىنا كاپيتال كۇش - قۋاتىن ارناۋ“ نەگىزگى تاقىرىبىن ارقاۋ ەتە وتىرىپ تالقى ورىستەتىپ، اۋىس - كۇيىس جاسادى. جۇڭگو حالىق داشۋەسى پارتكومىنىڭ بۇرىنعى ورىنباسار شۋجيى، مەكتەپ باستىعى ليۋ ۋي نەگىزگى تاقىرىپتىق لەكسيا جاسادى.
