تيانشان تورى
تيانشان تورى   ›   جاڭالىقتار   ›   شينجياڭ حابارلارى

جىبەك جولى سالاماتتىق تالقى مىنبەرى جانە 3 - كەزەكتى ”ءبىر بەلدەۋ، ءبىر جول“ اكادەميكتەر جوعارى دارەجەلى تالقى مىنبەرى اشىلدى

  انار بۇلت \ شينجياڭ گازەتىنىڭ ءتىلشىسى سۋ لۋپيڭ 9 - ايدىڭ 21 - كۇنى ۇرىمجىدەن حابارلايدى. 9 - ايدىڭ 21 - كۇنى تۇستەن بۇرىن جىبەك جولى سالاماتتىق تالقى مىنبەرى جانە 3 - كەزەكتى ”ءبىر بەلدەۋ، ءبىر جول“ اكادەميكتەر جوعارى دارەجەلى تالقى مىنبەرى اشىلدى، تالقى مىنبەرى ينتەرنەت جەلىسىندە + ينتەرنەت جەلىسىنەن تىس تاسىلىندە وتكىزىلىپ، انار بۇلتتا جانە سالاماتتىق سالاسىندا تىكە تاراتىلدى، ينتەرنەت جەلىسىندە 120 مىڭنان استام ادام تالقى مىنبەرىن تاماشالادى.

  ينتەرنەت جەلىسىنەن تىس شاڭحاي سەلبەستىك ۇيىمى الىس ارالىقتى ەمدەۋ سەلبەستىگى تۇعىرىنىڭ شينجياڭ ۇيعۇر اۆتونوميالى رايوندىق ورتالىعىنىڭ، ورتا ازيا شۇعىل جاعدايعا توتەپ بەرۋ بويىنشا قۇتقارۋعا باۋلۋ بازاسىنىڭ ماڭدايشالىعىن اشۋ سالتى وتكىزىلدى.

  تالقى مىنبەرىن اۆتونوميالى رايوندىق حالىق ۇكىمەتى وتكىزدى، بۇل جىبەك جولى ەكونوميكالىق بەلدەۋى وزەكتى رايونىنىڭ ەمدەۋ قىزمەت وتەۋى ورتالىعىن قۇرۋ نىساناسىن ارقاۋ ەتىپ، سىرتقا ەسىك اشۋ ورنالاستىرۋىن ساپالىلاندىرىپ، سىرتقا ەسىك اشۋ سەرپىنىن ارتتىرىپ، ەمدەۋ قىزمەت وتەۋىندە جاڭالىق اشىپ، ىندەت جاعدايىندا ۇدايىلانعان دەنساۋلىق ساقتاۋ، سالاماتتىق ىستەرىن جوعارى ساپالى دامىتۋ جاڭا وي جەلىسىن كوپ تۇرعىدان تالقىلاپ، دەنساۋلىق ساقتاۋ، سالاماتتىق ىستەرى سەلبەستىگىنىڭ ءىرى جوسپارىن بىرگە اقىلداسۋدى، دەنساۋلىق ساقتاۋ، سالاماتتىق ىستەرىنىڭ ءىرى يگىلىكتى كاسىبىن بىرگە قۇرۋدى، دەنساۋلىق ساقتاۋ، سالاماتتىق ىستەرى قۇرىلىسىنىڭ جەتىستىكتەرىنەن بىرگە يگىلىكتەنۋدى ماقسات ەتكەن.

  دۇنيە جۇزىلىك دەنساۋلىق ساقتاۋ ۇيىمىنىڭ جۇڭگوداعى ۋاكىلى گاۋلي، ارگەنتينانىڭ دەنساۋلىق ساقتاۋ مينيسترى كارلا ۆيززوتي قاتارلى 4 سيلى قوناق ارناۋ ءسوز سويلەدى.

  گاۋلي ارناۋ سوزىندە مىنالاردى ءبىلدىردى: شاڭحاي سەلبەستىك ۇيىمى الىس ارالىقتى ەمدەۋ سەلبەستىك تۇعىرى مەن ورتا ازيا شۇعىل جاعدايعا توتەپ بەرۋ بويىنشا قۇتقارۋعا باۋلۋ بازاسىنىڭ ىسكە قوسىلۋى ”سالاماتتى جىبەك جولىن“ جۇزەگە اسىرۋداعى حالىقارالىق سەلبەستىكتىڭ ۇلگىسى سانالادى. ”سالاماتتى جىبەك جولىن“ قۇرۋ جاعىندا دۇنيە جۇزىلىك دەنساۋلىق ساقتاۋ ۇيىمىنىڭ جۇڭگومەن بەرىك سەرىكتەستىك قارىم - قاتىناسى بار. دۇنيە جۇزىلىك دەنساۋلىق ساقتاۋ ۇيىمى كوپشىلىكپەن بىرگە بارلىق ادام قول جەتكىزە الاتىن ەڭ جوعارى سالاماتتىق دەڭگەيىن جۇزەگە اسىرۋ ءۇشىن قۇلشىنۋدى قالايدى.

  كارلا ۆيززوتي ارناۋ سوزىندە مىنالاردى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، ارگەنتينا مەن جۇڭگو تاباندا ءبىر - ءبىرىن قولداپ، ءوزارا قارايلاسىپ، ۋاقىتتىق قيىنشىلىقتى بىرگە جەڭەتىندىكتەرىن ءبىلدىرىپ، ەكى ەل حالقىنىڭ ۇزاقتان - ۇزاققا جالعاسقان تەرەڭ دوستىعىن تولىق بەينەلەدى ءارى بازارى جاڭادان گۇلدەنگەن ەلدەردىڭ ىنتىماقتاسا سەلبەسۋىنىڭ ونەگەسىنە اينالدى. ارگەنتينا مەن جۇڭگونىڭ سەرىكتەستىك قارىم - قاتىناسى جاي عانا ەكونوميكالىق قارىمجىنى كوزدەپ وتىرعان جوق، قايتا ەكى جاقتىڭ گۋمانيتارلىق سياقتى سالالارداعى اۋىس - كۇيىسى مەن سەلبەستىگىن ۇزدىكسىز نىعايتۋ جاعىندا بەينەلەنىپ وتىر.

  اۆتونوميالى رايوندىق دەنساۋلىق ساقتاۋ - سالاماتتىق كوميتەتى پارتيا باسشىلىق گرۋپپاسىنىڭ مۇشەسى حۋ جىچۇن، شاڭحاي سەلبەستىك ۇيىمى شيپاحانالار سەلبەستىگى وداعى جۇڭگو جاقتىڭ كەزەكتى ءتوراعاسى، جۇڭگو شيپاحانالار بىرلەستىگىنىڭ ورىنباسار باستىعى، شينجياڭ شيپاحانالار بىرلەستىگىنىڭ باستىعى ۋىن حاۋ، جۇڭگو عىلىم اكادەمياسىنىڭ اكادەميگى، فۋدان داشۋەسىنە قاراستى جۇڭشان شيپاحاناسىنىڭ باستىعى فان جيا قاتارلى 5 سيلى قوناق ارقاۋ ءسوز سويلەدى.

  سۇن حۇڭمەي قاتىناستى ءارى ارناۋ ءسوز سويلەدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.