5 - رەتكى ”جۇڭگو شارۋالار مول ءونىم مەرەكەسى“ قارساڭىندا
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
اۋىل - قىستاقتى گۇلدەندىرۋدى تىڭعىلىقتى ىلگەرىلەتىپ، اۋىل - قىستاقتىڭ اناعۇرلىم باي، تۇرمىسىنىڭ اناعۇرلىم باقىتتى، اۋىل - قىستاقتىڭ اناعۇرلىم كوركەم بولۋىن جۇزەگە اسىرۋدى ىلگەرىلەتۋدى باسا دارىپتەدى
شينحۋا اگەنتتىگىنىڭ 9 - ايدىڭ 22 - كۇنى بەيجيڭنەن بەرگەن حابارى. 5 - رەتكى ”جۇڭگو شارۋالار مول ءونىم مەرەكەسى“ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى.
شي جينپيڭ بىلاي دەپ اتاپ كورسەتتى: بيىل ءبىز سولتۇستىكتە سيرەك كەزدەسەتىن كۇز جاڭبىرى، كۇزگى تاسقىن، دۇمبە ءبيدايدىڭ كەڭ اۋماقتا جاي ەگىلۋى، ءىشىنارا جەرلەردە تۋىلعان جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالى سياقتىلاردى جەڭىپ، وڭتۇستىكتىڭ كەيبىر جەرلەرىندەگى اۋىر جوعارى تەمپەراتۋرا، قۋاڭشىلىق سىن - سايىستارىنا توتەپ بەردىك، جازعى استىقتىڭ، ەرتە پىساتىن كۇرىشتىڭ ءونىمى ارتتى، استىق وندىرىسىنەن تاعى دا مول ءونىم الۋدان ءۇمىت بار.
شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى كەلەلى باعىت - ساياساتتارىن جانە شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، استىق حاۋىپسىزدىگىن قامتاماسىز ەتۋدى كۇشەيتىپ، اۋىل شارۋاشىلىعىنىڭ نەگىزگى جاعدايىن ورنىقتىرىپ، كەدەيلىكتەن ارىلتۋدان قامال الۋدىڭ جەتىستىكتەرىن ويداعىداي بەكەمدەپ، كەڭەيتىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتىپ، اۋىل - قىستاقتىڭ اناعۇرلىم باي، تۇرمىسىنىڭ اناعۇرلىم باقىتتى، اۋىل - قىستاقتىڭ اناعۇرلىم كوركەم بولۋىن جۇزەگە اسىرۋدى ىلگەرىلەتۋ كەرەك. بۇكىل ەلدەگى قالىڭ شارۋالار اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋ امالياتىنا بەلسەنە ات سالىسىپ، تۇرمىستارىن بارعان سايىن شالقىتۋلارى، ءال - اۋقاتتارىن ونان ارى جاقسارتۋلارى كەرەك!
