ما شيڭرۇي اقسۋ ايماعىندا جانە بيڭتۋان 1 - شى ارال قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
ەركىن تۇنياز بىرگە تەكسەرۋ - زەرتتەۋ جۇرگىزدى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، ەرىكتى ءتىلشى شياۋ چۇن 9 - ايدىڭ 22 - كۇنى اقسۋدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 9 - ايدىڭ 22 - كۇنى اقسۋ ايماعىنىڭ ونسۋ اۋدانىنا جانە بيڭتۋان 1 - شى ارال قالاسىنا بارىپ، مۇناي - تابيعي گاز الابى، توقىماشىلىق كاسىپورىندارى، ەگىنجاي جانە ەرەكشە جەمىس ورمانى بازاسى سياقتى جەرلەردى ىشكەرىلەي ارالاپ تەكسەرىپ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، اۆتونوميالى رايوندىق 10 - كەزەكتى پارتكوم بەسىنشى جالپى ءماجىلىسىنىڭ ورنالاستىرۋى، تالابى بويىنشا مۇناي - تابيعي گاز، استىق، ماقتا، جەمىس - جيدەك، كوكونىس سياقتى ءتۇيىندى بايلىقتار مەن كاسىپ سالالارىنىڭ جوعارى ساپالى دامۋىن ىلگەرىلەتىپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرىپ، ءوندىرىس حاۋىپسىزدىگى سياقتى سالالارداعى حاۋىپ - قاتەرلەردەن، كومەسكى كىناراتتاردان ساقتانىپ جانە ونى جويىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.
جۇڭمان مۇناي - تابيعي گاز توبى شەكتى سەرىكتەستىگى − ەل ىشىندەگى قالىپتى مۇناي - تابيعي گاز قورىنا العاش يە بولعان حالىقتىق كاسىپورىن. ما شيڭرۇي ونسۋ اۋدانى جۇڭمان مۇنايى ۋىنبەي مۇناي الابى ۋىن 7 - قۇدىعىنا بارىپ، مۇناي - تابيعي گاز الۋ جۇمىسىن تەكسەرىپ كورىپ، مۇناي - تابيعي گاز بارلاۋ، اشۋ، قۇدىق بۇرعىلاۋ ينجەنەرياسى، شيكى مۇناي وڭدەۋ سياقتى جاعدايلاردى ۇعىستى. ول بىلاي دەپ باسا دارىپتەدى: حالىقتىق شارۋاشىلىقتىڭ يكەمدىلىگى جوعارى، جاڭالىق اشۋ قۋاتى كۇشتى بولۋ سياقتى باسىمدىقتارىن ساۋلەلەندىرىپ، ءتۇرلى بازار تۇلعالارىنىڭ شينجياڭنىڭ مۇناي - تابيعي گازىن بارلاۋىنا، اشۋىنا ءتارتىپتى ات سالىسۋىن جەبەپ، قارجى قوسىپ اشۋ تەبىنىن ارتتىرىپ، شەشۋشى، وزەكتى تەحنيكالاردان قامال الۋدى كۇشەيتىپ، مۇناي - تابيعي گاز ءوندىرىس قۋاتىنىڭ ورنىقتى ارتۋىن جەبەپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە قىزمەت ەتۋ؛ ”شينجياڭ مۇنايىن شينجياڭدا وڭدەۋدى“ كۇش سالا ىلگەرىلەتىپ، مۇناي حيميا ونەركاسىپ كاسىپ سالاسى تىزبەگىن ۇزدىكسىز ۇزارتىپ، مۇناي - تابيعي گاز وندىرەتىن، وڭدەيتىن كاسىپ سالاسى شوعىرىن زورايتىپ، شينجياڭنىڭ ”ءۇش ارنا، ءبىر بازا“ قۇرىلىسىن جانە ەكونوميكانىڭ جوعارى ساپالى دامۋىن ىلگەرىلەتۋ كەرەك.
ارال قالاسى تۇڭكۇن توقىماشىلىق كاسىپ سالاسى باقشاسىندا، ما شيڭرۇي باقشا رايونى قۇرىلىسى، نىسانداردىڭ اياق الىسى سياقتى قىزمەت تانىستىرۋىن تىڭدادى. ول بىلاي دەپ باسا دارىپتەدى: كاسىپ سالاسى تىزبەگىنىڭ، قامداۋ تىزبەگىنىڭ شەشۋشى بۋىندارىندا ءۇرتىس كۇش سالۋدى ارقاۋ ەتىپ، تالشىق، ءبىز توقىماشىلىعى، گۇل باسۋ - بوياۋ سياقتى ولقىلىقتاردى جەدەل تولىقتاپ، تۇتاس كاسىپ سالاسى تىزبەگىنىڭ دامۋ دەڭگەيىن جوعارىلاتىپ، شينجياڭنىڭ ماقتا جانە توقىماشىلىق، كيىم - كەشەك كاسىپ سالاسىنىڭ دامۋ كەڭىستىگىن كەڭەيتۋ كەرەك.
ما شيڭرۇي تاعى ونسۋ اۋدانىندا كۇرىشتىڭ ءوسۋ جاعدايىن جانە 1 - شى 9 - تۋان ايجىن تىعىز وسەتىن المانى ولشەمدەندىرۋدەن ۇلگى كورسەتۋ باقشاسىنا سول جەردىڭ وزىندە تەكسەرۋ جۇرگىزىپ، بىلاي دەپ باسا دارىپتەدى: ەگىستىك جەردى قورعاۋ قىزىل سىزىعىن قاتاڭ ساقتاپ، جوعارى ولشەمدى ەگىنجاي قۇرىلىسى مەن تۇقىم قىزمەتىن ويداعىداي يگەرىپ، ەگىنجاي سۋ يگىلىگى قۇرىلىسىن كۇشەيتىپ، كۇزگى جيىن - تەرىن، كۇزگى جەر جىرتۋ، كۇزدە ەگۋ قىزمەتىن تىڭعىلىقتى ويداعىداي ىستەپ، استىق حاۋىپسىزدىگىن قامتاماسىز ەتۋ؛ جاسىلداندىرىلعان، ساپالىلاندىرىلعان، ەرەكشەلىككە يە، ماركالاندىرىلعان دامۋ بەتالىسىنا تاباندى بولىپ، وڭتۇستىك شينجياڭنىڭ جەمىس ورمانى، جەمىس - جيدەك، كوكونىس كاسىپ سالاسىنىڭ دامۋىن تەزدەتىپ، اۋىل - قىستاقتى گۇلدەندىرۋدى جەتەكتەپ، بىرگە بايۋعا دەم بەرۋ كەرەك. ما شيڭرۇي بىلاي دەپ باسا دارىپتەدى: كەزەكتە رايونىمىزدا ىندەتتەن ساقتانۋ - تىزگىندەۋ جاعدايى ورنىقتى قاداممەن جاقسارۋدا، ساقتانۋ - تىزگىندەۋدى ۇدايىلاندىرۋ شارالارىن ويداعىداي تياناقتاندىرىپ، كولەمدى كىرۋ مەن قايتا بەلەڭ بەرۋ تۋىلماۋىنىڭ تومەنگى شەگىن شىنايى ساقتاۋ كەرەك.
ما شيڭرۇي بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، جاڭا دامۋ ۇستانىمىنا تاباندى بولىپ، شينجياڭ ەنەرگيا بايلىق ارتىقشىلىعى، ساياسات باسىمدىعى، كاسىپ سالاسى نەگىزى سياقتىلاردى تياناق ەتىپ، نازاردى مەملەكەتتىڭ كەلەلى ستراتەگيالىق قاجەتىنە شوعىرلاندىرىپ، مۇناي - تابيعي گاز، استىق، ماقتا، جەمىس - جيدەك، كوكونىس سياقتى ءتۇيىندى بايلىقتار مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن اناعۇرلىم ساۋلەلەندىرىپ، جۇيەلى، عىلمي جوسپارلاۋدى كۇشەيتىپ، عىلىم - تەحنيكا تىرەۋىن، جەتەگىن كۇشەيتىپ، كاسىپ سالاسىنىڭ نەگىزدىك قۋاتى مەن كاسىپ سالاسى تىزبەگىنىڭ وسىزاماندانۋ دەڭگەيىن جوعارىلاتىپ، شارۋاشىلىق - ساۋدا ورتاسىن كۇش سالا ساپالىلاندىرىپ، ءتۇرلى بازار تۇلعالارىنىڭ ومىرشەڭدىك كۇشىن قاۋلاتىپ، ءونىمدى قارجى قوسۋدى ءۇرتىس كەڭەيتىپ، دامۋدىڭ جاڭا قوزعاۋشى قۋاتىن، جاڭا باسىمدىعىن تۇلعالاپ، شينجياڭنىڭ ەرەكشەلىككە، باسىمدىققا يە كاسىپ سالالارى شوعىرىن ۇزدىكسىز جەتىلدىرىپ، زورايتىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك.
ما شيڭرۇي بىلاي دەپ باسا دارىپتەدى: پارتيا ورتالىق كوميتەتىنىڭ ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، حاۋىپسىز دامۋ ۇستانىمىن كۇشەيتىپ، پارتيا مەن ۇكىمەت تەڭ جاۋاپكەرشىلىك ارقالاۋعا، ءبىر قىزمەت ورنىندا ەكى جاۋاپكەرشىلىك ارقالاۋعا، تەڭ يگەرىپ، بىرگە باسقارۋعا، جاۋاپكەرسىزدىك ىستەگەندەردىڭ جاۋاپكەرشىلىگىن قۋزاستىرۋعا تاباندى بولىپ، كاسىپورىنداردىڭ نەگىزگى تۇلعالىق جاۋاپكەرشىلىگىن ناقتىلاندىرىپ، قاتەرلى حيميالىق بۇيىم، كەن، قاتىناس، ءورت ءسوندىرۋ، ورتتەن ساقتانۋ، قۇرىلىس، تابيعي گاز، باقشا رايونى سياقتىلاردا حاۋىپ - قاتەردى، كومەسكى كىناراتتاردى ءبىر - بىرلەپ تەكسەرىپ، رەتتەۋ - تۇزەتۋ قىزمەتىن جالپى بەتتىك جاقسى ىستەپ، ءوندىرىس حاۋىپسىزدىگى بويىنشا باقىلاۋ - باسقارۋدى، زاڭ اتقارۋدى كۇشەيتىپ، ەلەۋلى ءوندىرىس حاۋىپسىزدىگى شىرعالاڭدارىنىڭ تۋىلۋىن باتىل تەجەپ، حالىقتىڭ ءومىرىن، مال - مۇلىك حاۋىپسىزدىگىن شىنايى قورعاۋ كەرەك. ءار دارەجەلى پارتيا، ۇكىمەت ورىندارىنىڭ نەگىزگى باسشىلارى جاۋاپكەرشىلىك ارقالاۋدى كۇشەيتىپ، قابىلەت ورەسىن جوعارىلاتىپ، حاۋىپ - قاتەرلەردەن ساقتانۋ - تىزگىندەۋ جانە ورنىقتىلىقتى قورعاۋ قىزمەتى مەحانيزمىن اقاۋسىزداندىرىپ، كەمەلدەندىرىپ، ءتۇرلى قوعامدىق قايشىلىقتاردى زاڭ، بەلگىلەمە بويىنشا شەشىپ، ءتۇرلى سالالارداعى حاۋىپ - قاتەرلەردى، كومەسكى كىناراتتاردى دەر كەزىندە الاستاپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ورتا جاراتۋ كەرەك.
قادەن كابەن، ليۋ شينجيان قاتارلىلار تەكسەرۋ - زەرتتەۋگە قاتىناستى.
