ما شيڭرۇي ءسوز سويلەدى، جاڭ چۇنلين قاتىناستى
9 - ايدىڭ 23 - كۇنى شينجياڭ ۇيعۇر اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى شينجياڭ حالىق سارايىندا وتكىزىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى 9 - ايدىڭ 23 - كۇنى شينجياڭ حالىق سارايىندا وتكىزىلدى. مەملەكەتتىك ساۋدا - ونەركاسىپشىلەر بىرلەستىگى قۇتتىقتاۋ حات جولدادى، اۆتونوميالى رايوندىق پارتكومنىڭ شۋجيى ما شيڭرۇي اشىلۋ ماجىلىسىنە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين اشىلۋ سالتىنا قاتىناستى.
مەملەكەتتىك ساۋدا - ونەركاسىپشىلەر بىرلەستىگى قۇتتىقتاۋ حاتىندا قۇرىلتايدىڭ اشىلعاندىعىن قىزۋ قۇتتىقتاپ، تالاي جىلدان بەرى ساۋدا - ونەركاسىپشىلەر بىرلەستىگىنىڭ قىزمەتىنە ءمان بەرىپ، قولداۋ كورسەتكەن اۆتونوميالى رايوندىق پارتكومعا، ۇكىمەتكە جانە قوعامداعى ءار سالاعا شىن جۇرەكتەن العىس ايتتى. قۇتتىقتاۋ حاتىندا بىلاي دەلىنگەن: اۆتونوميالى رايوندىق ساۋدا - ونەركاسىپشىلەر بىرلەستىگى (باس ساۋدا قوعامى) باس شۋجي شي جينپيڭنىڭ شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى، قوعام ورنىقتىلىعى مەن باياندى تىنىشتىق باس نىساناسىنا قىزمەت وتەۋدى قىزمەت نەگىزگى جەلىسى ەتىپ، شينجياڭ قىزمەتىنىڭ كەلەلى جاعدايىن ارقاۋ ەتىپ، قالىڭ حالىقتىق شارۋاشىلىق قايراتكەرلەرىن ىنتىماقتاستىرىپ، باستاپ، شينجياڭنىڭ ەكونوميكالىق، قوعامدىق دامۋىنا بەلسەندى ۇلەس قوستى. اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ەكىنى قورعاۋدى“ باتىل ورىنداپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات تياناقتاندىرىپ، شينجياڭنىڭ وزەكتى مىندەتىن اناعۇرلىم ويداعىداي ارقاۋ ەتە وتىرىپ، قايراتتانا العا ۇمتىلىپ، باتىلدىقپەن العا ىلگەرىلەپ، قالىڭ حالىقتىق كاسىپورىنداردى جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىنا قىزمەت وتەۋگە جانە توعىسۋعا جەتەكتەپ، جوعارى ساپالى دامۋدى ىلگەرىلەتىپ، ”حالىقتىق شارۋاشىلىق قايراتكەرلەرى وتاۋىن“ قۇلشىنا قۇرىپ، حالىقتىق شارۋاشىلىقتىڭ اقاۋسىز دامۋىن، حالىقتىق شارۋاشىلىق قايراتكەرلەرىنىڭ اقاۋسىز جەتىلۋىن جەبەيتىن ءتۇرلى قىزمەتتەردى تىڭعىلىقتى ويداعىداي ىستەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا جاڭا دا اناعۇرلىم زور ۇلەس قوسىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋدى ءۇمىت ەتەمىز.
ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان اتىنان قۇرىلتايدىڭ اشىلعاندىعىن قىزۋ قۇتتىقتادى، مەملەكەتتىك ساۋدا - ونەركاسىپشىلەر بىرلەستىگىنىڭ ۇزاق ۋاقىتتان بەرى شينجياڭ قىزمەتىنە ءمان بەرگەندىگىنە جانە قولداۋ كورسەتكەندىگىنە شىن جۇرەكتەن العىس ايتتى، تۇتاس رايونداعى ءار دارەجەلى ساۋدا - ونەركاسىپشىلەر بىرلەستىگىندەگى جولداستارعا جانە قالىڭ حالىقتىق شارۋاشىلىق قايراتكەرلەرىنە شىنايى سالەم جولدادى. ما شيڭرۇي بىلاي دەدى: تۇتاس رايونداعى ءار دارەجەلى ساۋدا - ونەركاسىپشىلەر بىرلەستىگى باس شۋجي شي جينپيڭنىڭ جاڭا داۋىردەگى حالىقتىق شارۋاشىلىق بىرلىكساپ قىزمەتىن جانە ساۋدا - ونەركاسىپشىلەر بىرلەستىگى قىزمەتىن ويداعىداي ىستەۋ جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، ساياسي جاقتان جەتەكتەۋدى كۇشەيتىپ، قالىڭ حالىقتىق كاسىپورىنشىلاردى ىنتىماقتاستىرىپ، باستاپ ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ەكىنى قورعاۋدى“ باتىل ورىنداۋ؛ بەلسەنە مىندەت وتەپ، جاۋاپكەرشىلىكتى ادا ەتىپ، نازاردى اۆتونوميالى رايوندىق پارتكومنىڭ وزەكتى قىزمەتىنە شوعىرلاندىرىپ، تۇتاس رايونداعى حالىقتىق كاسىپورىنداردى 8 ءىرى كاسىپ سالاسى شوعىرى قۇرىلىسىنا ىشكەرىلەي ات سالىسۋعا جەتەكتەپ، شارۋاشىلىق - ساۋدا ورتاسىن ساپالىلاندىرۋعا دەم بەرىپ، حالىقتىق كاسىپورىنداردىڭ ەكونوميكا - ساۋدا اۋىس - كۇيىس، سەلبەستىگىن تەرەڭدەتۋىن بەلسەنە قولداپ، قىزمەت وتەۋ، قامتاماسىز ەتۋ، قيىنشىلىق قىسپاعىنان قۇتىلدىرۋ سياقتى قىزمەتتەردى تىڭعىلىقتى ويداعىداي ىستەپ، حالىقتىق كاسىپورىنشىلار قوسىنىن باۋلۋدى كۇشەيتۋ؛ وزىندىك قۇرىلىستى كۇشەيتىپ، ءار دارەجەلى ساۋدا - ونەركاسىپشىلەر بىرلەستىگىنىڭ رەفورما جاساۋىن، جاڭالىق اشۋىن تەرەڭدەتىپ، قىزمەتتەردىڭ زاڭمەن باسقارىلۋ، جۇيەلىلەنۋ، ارنايىلانۋ دەڭگەيىن جوعارىلاتىپ، جاڭا داۋىردەگى شينجياڭنىڭ ساۋدا - ونەركاسىپشىلەر بىرلەستىگى ءىسىنىڭ جاپپاي جاڭالىق اشا دامۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك. ءار دارەجەلى پارتكومدار مەن ۇكىمەتتەر ساۋدا - ونەركاسىپشىلەر بىرلەستىگىنىڭ فۋنكتسياسىن وتەۋىنە، رولىن ساۋلەلەندىرۋىنە قولداۋ كورسەتۋ، قامتاماسىز ەتۋ كەرەك. ءار دارەجەلى باسشى كادرلار كاسىپورىنشىلارمەن بۇكپەسىز، شىن ىقىلاسپەن بارىس - كەلىس جاساپ، ”ەتەنە“، ”پاك“ ۇكىمەت - ساۋدا قاتىناسىن قۇرۋ كەرەك. قالىڭ حالىقتىق كاسىپورىنشىلار كاسىپورىنشى رۋحىن جانە ۇستا رۋحىن اسقاقتاتىپ، وتاندى ءسۇيىپ، كاسىپتى قادىرلەپ، زاڭعا بويسۇنىپ تيجارات جۇرگىزىپ، شارۋاشىلىق قۇرىپ، جاڭالىق اشىپ، قوعامنىڭ قارىمجىسىن قايتارىپ، شينجياڭنىڭ جوعارى ساپالى دامۋىنا ۇلەس قوسۋ كەرەك.
جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ قاتىستى جاۋاپتىسى دەموكراتيالىق پارتيا - توپتار اتىنان قۇتتىقتاۋ ءسوزىن سويلەدى، اۆتونوميالى رايوندىق ايەلدەر بىرلەستىگىنىڭ قاتىستى جاۋاپتىسى حالىقتىق ۇيىمدار اتىنان قۇتتىقتاۋ ءسوزىن سويلەدى.
قۇرىلتاي اۆتونوميالى رايوندىق ساۋدا - ونەركاسىپشىلەر بىرلەستىگى (باس ساۋدا قوعامى) 11 - كەزەكتى اتقارۋ كوميتەتىنىڭ قىزمەت بايانداماسىن تىڭدادى جانە قارادى، قاتىستى قارارلاردى قاراپ ماقۇلدادى، اۆتونوميالى رايوندىق ساۋدا - ونەركاسىپشىلەر بىرلەستىگى (باس ساۋدا قوعامى) 12 - كەزەكتى اتقارۋ كوميتەتىن سايلادى. ليۋ حۇيجۇن اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - كەزەكتى اتقارۋ كوميتەتىنىڭ ءتوراعالىعىنا (قوعام باستىعى) سايلاندى.
چىن ۋيجۇن، ءزۇمىرات وبۇل، قادەن كابەن، توحتى ياقۇپ، سۇن حۇڭمەي، ءجۇرات يمىن، باھارگۇل سامەت، لي يۇڭجۇن قاتارلىلار اشىلۋ ماجىلىسىنە قاتىناستى. اۆتونوميالى رايوندىق ساۋدا - ونەركاسىپشىلەر بىرلەستىگى (باس ساۋدا قوعامى) 12 - قۇرىلتايىنىڭ ۋاكىلدەرى، اۆتونوميالى رايوننىڭ قاتىستى مەكەمە - ورىندارىنداعى جانە تاراۋلارداعى جاۋاپتى جولداستار، تۇتاس رايونداعى ءار دارەجەلى ساۋدا - ونەركاسىپشىلەر بىرلەستىگىنىڭ ارناۋلى مىندەتتەگى كادرلاردىڭ، قاتىستى ساۋدا قوعامدارىنىڭ جانە حالىقتىق كاسىپورىنشىلاردىڭ ۋاكىلدەرى قاتارلىلار قۇرىلتايعا قاتىناستى.
