ءتوراعا شي جينپيڭنىڭ 7 - كەزەكتى جۇڭگو − ازيا - ەۆروپا كورمەسىنە جولداعان قۇتتىقتاۋ حاتى رايونىمىزدىڭ جەر - جەرىن، ءار سالاسىن جىگەرلەندىردى −
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
□ انار بۇلت \ شينجياڭ گازەتىنىڭ تىلشىلەرى
9 - ايدىڭ 19 - كۇنى 7 - كەزەكتى جۇڭگو − ازيا - ەۆروپا كورمەسى ۇرىمجىدە اشىلدى، مەملەكەت ءتوراعاسى شي جينپيڭ كورمەگە قۇتتىقتاۋ حات جولداپ، شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىندا قول جەتكىزگەن بەلسەندى تابىستارىن تولىق تۇراقتاندىرعاندىعى، ”ءبىر بەلدەۋ، ءبىر جولدىڭ“ جوعارى ساپالى دامۋىن ىلگەرىلەتۋگە شىنايى ءۇمىت ارتقاندىعى رايونىمىزدىڭ جەر - جەرىندە، ءار سالاسىندا قىزۋ اڭىس قوزعادى. كوپشىلىك جىگەرلەنىپ، ءبىر اۋىزدان مىنالاردى ءبىلدىردى: شينجياڭنىڭ وڭىرلىك ورىن باسىمدىعىن تولىق ساۋلەلەندىرىپ، ورايدى مىقتى يگەرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن بەلسەنە ىلگەرىلەتىپ، شينجياڭدى وتانىمىزدىڭ سىرتقا ەسىك اشۋىنىڭ الدىڭعى شەبى ەتىپ قۇرىپ شىعۋ جولىندا تالىقپاي قۇلشىنامىز.
تاپسىرمانى ەستە بەرىك ساقتاپ، ءداۋىر ورايىن يگەرەمىز
7 - كەزەكتى جۇڭگو − ازيا - ەۆروپا كورمەسىندە بۇراتالا شەكارالىق ەكونوميكالىق سەلبەستىك رايونى 22 كاسىپورىندى كورمەگە قاتىناسۋعا ۇيىمداستىرىپ، ءساتتى تۇردە 8 نىسانعا قول قويىپ، جالپى توقتام سوماسى 12 ميلليارد 220 ميلليون يۋانعا جەتتى.
”ءتوراعا شي جينپيڭنىڭ قۇتتىقتاۋ حاتى ’ءبىر بەلدەۋ، ءبىر جولدى‘ بىرگە قۇرۋعا وسكەلەڭ ءمان بەرگەندىگىن ايگىلەدى، مۇندا شينجياڭنىڭ جىبەك جولى ەكونوميكالىق بەلدەۋى وزەكتى رايون قۇرىلىسىنا كوڭىل ءبولۋ، قولداۋ قامتىلعان، ءبىز مۇنان جىگەرلەندىك، ايرىقشا جەلپىندىك“. بۇراتالا شەكارالىق ەكونوميكالىق سەلبەستىك رايونى پارتيا قىزمەتى كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى چاڭ رۇڭي بىلاي دەدى: قۇتتىقتاۋ حاتتىڭ رۋحىن جەتەكشى ەتىپ، ”شەكارا وتكەلى ارقىلى وبلىستى الۋەتتەندىرۋ“ ستراتەگياسىنا سۇيەنىپ، بۇراتالا شەكارالىق ەكونوميكالىق سەلبەستىك رايونىن بۇراتالا موڭعۇل اۆتونوميالى وبلىسى ەكونوميكاسىنىڭ جوعارى ساپالى دامۋىنىڭ بيىك بەلەسى ەتىپ قۇرىپ شىعۋعا كۇش سالامىز.
”ءبىز ءتوراعا شي جينپيڭنىڭ تاپسىرماسىن ەستە بەرىك ساقتاپ، ءداۋىر ورايىن مىقتاپ يگەرىپ، كاسىپورىننىڭ قىزمەت جاۋاپكەرشىلىگىن بەلسەنە وتەيمىز“. حوتان ايماعىنان كورمەگە قاتىسۋشى ساۋداگەر − كەريا اۋدانى ارال اۋىلى فىڭشي گويۋان شارۋالار كاسىپتىك سەلبەستىك كووپەراتيۆىنىڭ ساتۋعا جاۋاپتىسى ۋاڭ گاڭ بىلاي دەدى: كەلەسى قادامدا سەلبەستىك كووپەراتيۆى ورايدى مىقتاپ يگەرىپ، ءونىم ساپاسىن ۇزدىكسىز جوعارىلاتىپ، ءونىم ءتۇرىن بايىتىپ، اناعۇرلىم مول ساپالى، ەرەكشە اۋىل شارۋاشىلىق قوسىمشا ونىمدەرىنىڭ ءتىپتى دە كەڭ بازارعا بەت الۋىنا مۇمكىندىك جاسايدى.
ورتاق تانىم ۇيىستىرىپ، اۋىس - كۇيىستى، سەلبەستىكتى تەرەڭدەتەمىز
ءتوراعا شي جينپيڭ قۇتتىقتاۋ حاتىندا بىلاي دەپ اتاپ كورسەتتى: جاقىنعى جىلداردان بەرى جۇڭگونىڭ شينجياڭى وڭىرلىك ورىن باسىمدىعىن تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن بەلسەنە ىلگەرىلەتىپ، جۇڭگو مەن ازيا − ەۆروپا وڭىرىندەگى ەلدەردىڭ ۇلاسۋىن، تۇتاسۋىن، ءوزارا تيىمدىلىك جاساپ سەلبەسۋىن، بىرگە دامۋىن جەبەپ، بەلسەندى ناتيجەگە قول جەتكىزدى.
”ءتوراعا شي جينپيڭنىڭ قۇتتىقتاۋ حاتى ءبىزدىڭ بۇدان كەيىنگى قىزمەتىمىزگە ايقىن بەتالىس كورسەتىپ بەردى“. قىزىلسۋ قىرعىز اۆتونوميالى وبلىسىنىڭ ورىنباسار باستىعى ابدۇقادىر ماۋنياز بىلاي دەدى: قىزىلسۋ وبلىسى وسى كەزەكتى كورمەدە حالىقارالىق قۇرلىقتىق پورت تورابى نىسانى ستراتەگيالىق سەلبەستىك كەلىسىمىنە قول قويدى، بۇل قىزىلسۋ وبلىسىنىڭ ەكونوميكاسىنىڭ دامۋىنا تىڭ ومىرشەڭدىك كۇش ۇستەپ، تىڭ دامۋ ورايىن الا كەلەدى، ”ءبىز ورايدى مىقتاپ يگەرىپ، اناعۇرلىم اشىق بەينەمەن مۇراتتاس دوستاردى قارسى الىپ، بىزبەن بىرگە ارمانعا قۇلاش سەرمەپ، بولاشاقتى بىرگە جاراتۋىن قارسى الامىز“.
”ءتوراعا شي جينپيڭنىڭ قۇتتىقتاۋ حاتى ءبىزدىڭ ’ءبىر بەلدەۋ، ءبىر جول‘ بويىنداعى ەلدەرمەن اۋىس - كۇيىستى، سەلبەستىكتى بەلسەنە كەڭەيتىپ، وڭىرلىك ەكونوميكانىڭ دامۋىن ىلگەرىلەتۋگە اناعۇرلىم كەڭ ءورىس اشۋ بەكىمىمىزدى ونان ارى بەكەمدەي ءتۇستى“. سان - ي جۇڭنىڭ جارنا شەكتى سەرىكتەستىگى جوسپارلاۋ - ساتۋ سەرىكتەستىگىنىڭ جوعارى دارەجەلى قارجى قوسۋ، اشۋ ديرەكتورى ەرسىن ءتالىپحان بىلاي دەدى: سەرىكتەستىك شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ الدىمەن دامىتىلاتىن اۋماعىنداعى ءبىرىنشى توپتا ىرگە تەپكەن كاسىپورىن رەتىندە، نىسانداردى ىلگەرىلەتۋدى مىقتاپ يگەرىپ، جىبەك جولى ەكونوميكالىق بەلدەۋى وزەكتى رايونىن جەدەل قۇرۋعا، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋگە كاسىپورىن كۇشىن قوسادى.
تولىق سەنىممەن قول ۇستاسىپ، بولاشاقتا تەڭ يگىلىككە كەنەلەمىز
”ءتوراعا شي جينپيڭنىڭ قۇتتىقتاۋ حاتى شينجياڭنىڭ رەفورما جاساۋىنا، ەسىك اشۋىنا العا باسۋ بەتالىسىن ايقىن كورسەتىپ بەردى، قۋاتتى قوزعاۋشى كۇش ۇستەدى، قاشقار ەكونوميكالىق اشۋ رايونىنىڭ كەلەسى قادامداعى قىزمەتتەردى ويداعىداي ىستەۋىنە ءتۇبىرلى بويسۇنۋ ولشەمىن ازىرلەدى“. قاشقار ايماقتىق اكىمشىلىك مەكەمەسى پارتيا باسشىلىق گرۋپپاسىنىڭ مۇشەسى، قاشقار ەكونوميكالىق اشۋ رايونى پارتيا قىزمەتى كوميتەتىنىڭ شۋجيى چۇي لياندۇڭ بىلاي دەدى: ”ءبىز ءتوراعا شي جينپيڭنىڭ قۇتتىقتاۋ حاتىنىڭ رۋحىن ويداعىداي تياناقتاندىرىپ، قاشقار ەكونوميكالىق اشۋ رايونىن ’سىرتتان ەنگىزىپ، ىشپەن بايلانىس جاساۋ، شىعىسپەن بىرلەسىپ، باتىسقا شىعارۋ، باتىستان اكەلىپ، شىعىسقا جونەلتۋ‘ سىندى سىرتقا ەسىك اشۋ سەلبەستىك تۇعىرى ەتىپ قۇرىپ شىعۋعا قۇلشىنامىز“.
اراتۇرىك اۋداندىق پارتكومنىڭ ورىنباسار شۋجيى، اۋدان اكىمى مامەت مانسۇر بىلاي دەدى: ءبىز وسى كەزەكتى كورمەنى وراي ەتىپ، جىبەك جولى رۋحىن اسقاقتاتىپ، جوعارى ولشەمگە، باياندى بولۋعا، حالىق تۇرمىسىنا تيىمدىلىك جاساۋعا تاباندى بولىپ، كومىر، وسى زامانعى كومىر حيميا ونەركاسىبى، جاڭا ەنەرگيا، جابدىق جاساۋ، اۋىل شارۋاشىلىق قوسىمشا ونىمدەرىن جىنتىكتەي مانەرلەۋ، وسى زامانعى زات اينالىمى، ساياحات سياقتى كاسىپ سالالارىن دامىتۋ جاعىنا تاعى دا كۇش سالىپ، اراتۇرىك اۋدانىنىڭ ەكونوميكالىق، قوعامدىق ىستەر قۇرىلىسىندا جاڭا دامۋدى جۇزەگە اسىرۋدى ىلگەرىلەتەمىز.
(ءتىلشى ءپاريزات ابدۇل، قاتىناسقان تىلشىلەر ۋي يۇڭگۇي، حان چين - يان، سۇڭ ۋيگو، سۇڭ يا - ۋىن، رايدا)
