اۆتونوميالى رايوننىڭ ءوندىرىس حاۋىپسىزدىگى جونىندەگى تەلەۆيزور - تەلەفون ءماجىلىسى اشىلدى
پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى قوعامدىق ورتا جاراتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 23 - كۇنى ۇرىمجىدەن حابارلايدى. 9 - ايدىڭ 23 - كۇنى تۇستەن بۇرىن، مەملەكەتتىك ءوندىرىس حاۋىپسىزدىگى جونىندەگى تەلەۆيزور - تەلەفون ماجىلىسىنەن كەيىن، اۆتونوميالى رايون دەرەۋ ءوندىرىس حاۋىپسىزدىگى جونىندەگى تەلەۆيزور - تەلەفون ءماجىلىسىن اشتى، ءماجىلىس مىنالاردى باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، لي كىچياڭ زۇڭليدىڭ بەكىتۋىنىڭ تالاپتارى بويىنشا ”دامۋدا استە حاۋىپسىزدىكتى بوداۋ ەتپەۋدىڭ“ تومەنگى شەگىن، قىزىل سىزىعىن بەرىك ساقتاپ، ءوندىرىس حاۋىپسىزدىگىنىڭ كەلەلى جاۋاپكەرشىلىگىن باتىلدىقپەن ارقالاپ، حاۋىپسىزدىك جاعىنداعى ەلەۋلى حاۋىپ - قاتەرلەردەن كۇش سالا ساقتانىپ جانە ولاردى جويىپ، پارتيا 20 - قۇرىلتايىنىڭ جەڭىسپەن اشىلۋىنا بارىنشا حاۋىپسىز، ورنىقتى قوعامدىق ورتا قالىپتاستىرۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: مەملەكەت مەرەكەسى دەمالىسى تاياپ قالدى، اسىرەسە، پارتيا 20 - قۇرىلتايى اشىلۋ الدىندا تۇر، ءوندىرىس حاۋىپسىزدىگى جاعدايىنىڭ ۇزدىكسىز ورنىقتى بولۋىنا شىنايى كەپىلدىك ەتۋدىڭ ءمانى زور، جاۋاپكەرشىلىگى كەلەلى. جەر - جەر، تاراۋلار، مەكەمە - ورىندار ساياسي دەڭگەيدى جوعارىلاتىپ، ماسەلەنى باعدار ەتۋدەن جازباي، ءوندىرىس حاۋىپسىزدىگى جونىندەگى زور تەكسەرۋدى ”قايتا قاداعالاۋدى“ تىڭعىلىقتى ورىستەتۋ كەرەك. ءوزىن تەكسەرۋدى، ءوزىن تۇزەتۋدى جاپپاي قامتىپ ورىستەتىپ، نازاردى كورنەكتى ماسەلەلەرگە، ءالسىز بۋىندارعا شوعىرلاندىرىپ، ءبىر - بىرلەپ ”ەلەكتەن وتكىزىپ“ تەكسەرىپ، تۇيىق اينالمالى رەتتەپ - تۇزەتىپ، كومەسكى كىناراتتاردى تەكسەرىپ نولگە ءتۇسىرۋ كەرەك. ارناۋلى قۋزاپ - جەتەكشىلىك ەتىپ تەكسەرۋدى جان - جاقتى ورىستەتىپ، ءوز كاسىپ سالاسىنداعى توپتىق ءولىم - ءجىتىم وڭاي تۋىلاتىن ەلەۋلى حاۋىپ - قاتەرلەردى ءجىتى قاداعالاپ، زاڭسىز، زاڭعا قايشى ارەكەتتەردى شوعىرلى تەكسەرىپ ءبىر جاقتى ەتۋ، جاريالاۋ كەرەك. جاۋاپكەرشىلىكتى قۋزاستىرۋ، جاۋاپقا تارتۋ تەبىنىن ارتتىرىپ، ءوندىرىس حاۋىپسىزدىگى جونىندەگى قاتاڭ باسقارۋ، قاتاڭ تىزگىندەۋ تەگەۋرىندى كۇيىن قالىپتاستىرۋ كەرەك.
ءماجىلىس مىنالاردى باسا دارىپتەدى: ءتۇيىندى سالالاردى كورنەكتىلەندىرىپ، حاۋىپسىزدىك جاعىنداعى ەلەۋلى حاۋىپ - قاتەرلەردەن بارىنشا ساقتانىپ، شىن مانىندە جارامدى ناقتى، قاتاڭ شارالاردى اقىلداسىپ جاساۋ كەرەك. جول قاتىناس سالاسىنداعى حاۋىپ - قاتەرلەردى مەڭگەرۋ - تىزگىندەۋدى كۇشەيتىپ، ”ەكى ءتۇرلى جولاۋشىلار اۆتوبۋزى، قاتەرلى زاتتاردى تاسيتىن اۆتوموبيل“ ءتۇيىندى ماشينالارىن، شۇعىل بۇرىلما، تىك، قاتەرلى جول بولىكتەرىن، تاسىمال كاسىپورىندارىنىڭ حاۋىپسىزدىك، ساقتانۋ شارالارىن جالپى بەتتىك اداقتاپ تەكسەرۋ، اسىرەسە، ىندەتكە قاتىستى ادامداردى اۋاشالاۋعا تاسيتىن اۆتوكولىكتەردىڭ حاۋىپسىزدىگىن باقىلاۋ - باسقارۋدى كۇشەيتۋ كەرەك. كولەمدى ساۋدا كەشەندەرى، بيىك قاباتتى قۇرىلىستار سياقتى ءتۇيىندى الاڭ - ورىندار مەن حاۋىپ - قاتەرى جوعارى اۋماقتاردى كوز جازباي، مىقتاپ قاداعالاپ، قۇرىلىستاردىڭ ءورت ءسوندىرۋ، ورتتەن ساقتانۋ قۇرىلعىلارىنىڭ كىلتيپانى، ىستەمەي قالۋى، ەرەجەگە قايشىلىق جاساپ قۇرىلىس جۇرگىزۋ، جۇمىس ىستەۋ، سىرتقى داۋالعا تولىمسىز جىلۋ ساقتاۋ ماتەريالدارىن پايدالانۋ سياقتى زاڭعا، بەلگىلەمەگە قايشى ارەكەتتەردى قاتاڭ تەكسەرۋ كەرەك. قاتەرلى حيميالىق بۇيىمدار، كومىر كەنگە جاتپايتىن كەندەر، قۇرىلىس جۇرگىزۋ، قالا - قالاشىقتاردىڭ وتىندىق گازى، ساياحات سياقتى تاعى باسقا ءتۇيىندى سالالارداعى ارناۋلى رەتتەۋ - جونگە سالۋدى ۇزدىكسىز ىشكەرىلەي ىلگەرىلەتىپ، حاۋىپسىزدىك جاعىنداعى ەلەۋلى حاۋىپ - قاتەرلەردەن ءونىمدى ساقتانۋ - تىزگىندەۋ كەرەك. ەنەرگيا حاۋىپسىزدىگىنە قىزمەت وتەۋ قامتاماسىزدىعىن كۇشەيتىپ، كومىر جانە ۋلى گاز سياقتى حاۋىپ - قاتەرى جوعارى كەن قۇدىقتارى مەن كولەمدى اشىق قامداۋشى كومىر كەندەردەن كوز جازباي، دالمە - ءدال، ارنايىلانعان باقىلاۋ - باسقارۋ شارالارىن اتقارۋ كەرەك. مۇناي - تابيعي گاز كاسىپ سالاسىنىڭ حاۋىپسىزدىگىنە جەتەكشىلىك ەتۋدى، قىزمەت وتەۋدى كۇشەيتىپ، مۇناي - تابيعي گاز ساقتاۋ مولشەرىن ارتتىرۋداعى، يقۋاتىن كەڭەيتۋدەگى حاۋىپسىزدىك حاۋىپ - قاتەرلەرىنە دەر كەزىندە تۇجىرىم جاساۋ، مەڭگەرۋ - تىزگىندەۋ كەرەك. شۇعىل جاعدايعا توتەپ بەرۋ جاعىنداعى وقۋ - جاتتىعۋدى جانە توسىن وقيعالاردى ءبىر جاقتى ەتۋدى كۇشەيتىپ، توسىن جاعدايلار تۋىلا قالسا تەز ارەكەتكە كەلۋگە، تەز قۇتقارۋ - كومەكتەسۋگە شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: قاي - قاشان دا حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن قورعاۋدى ەڭ ماڭىزدى مىندەت، ەڭ زور جاۋاپكەرشىلىك ەتىپ، قاراستى جەردى باسقارۋ جاۋاپكەرشىلىگىن، تاراۋدىڭ باقىلاۋ - باسقارۋ جاۋاپكەرشىلىگىن، كاسىپورىننىڭ تۇلعالىق جاۋاپكەرشىلىگىن باتىلدىقپەن تياناقتاندىرىپ، ءوندىرىس حاۋىپسىزدىگى قىزمەتتەرىنىڭ ەگجەي - تەگجەيلى، ناقتى تياناقتانۋىنا شىنايى كەپىلدىك ەتۋ كەرەك.
ءيۇسۇپجان مامەت، جاروللا يسامدين، چىن ميڭگو قاتارلىلار ماجىلىسكە قاتىناستى.
