− اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايىنان ەستەلىك
□ انار بۇلت \ شينجياڭ گازەتىنىڭ ءتىلشىسى تويا
9 - اي، مول ءونىم الاتىن مەزگىل. 9 - ايدىڭ 23 - كۇنى اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى شينجياڭ حالىق سارايىندا وتكىزىلدى.
ءماجىلىس اشىلارعا جارتى ساعاتتان اسا ۋاقىت قالعاندا، تۇتاس شينجياڭنىڭ جەر - جەرىنەن كەلگەن حالىقتىق كاسىپورىنداردىڭ ۋاكىلدەرى، اۆتونوميالى رايوندىق ساۋدا - ونەركاسىپشىلەر بىرلەستىگىنە توتە قاراستى مۇشە ساۋدا قوعامدارىنىڭ جانە كاسىپ سالاسى ساۋدا قوعامدارىنىڭ ۋاكىلدەرى، ساۋدا - ونەركاسىپشىلەر بىرلەستىگى جۇيەسىنىڭ ۋاكىلدەرى ىركەس - تىركەس ءماجىلىس الاڭىنا كەلدى. قۇرىلتاي ۋاكىلدەرى 1 - قاباتتاعى زالدىڭ ەكى جاعىنا قويىلعان حالىقتىق كاسىپورىنداردىڭ ۇگىت كورمە تاقتاسىن جۇرە كورىپ، ءالسىن - ءالى ايالداپ، كاسىپورىنداردىڭ دامۋ جاعدايى جونىندە پىكىر اۋىستىردى.
ساعات 10نان 30 مينۋت وتكەندە، ءماجىلىس اشىلدى. حالىقتىق كاسىپورىنداردىڭ قازىرگى دامۋ جاعدايى، كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسەتىن شەشۋشى، ەرەكشە، باسىم كاسىپ سالاسى شوعىرىن ىلگەرىلەتۋ، حالىقتىق شارۋاشىلىقتىڭ جوعارى ساپالى دامۋ بەتالىسى... ماجىلىستەگى ەگجەي - تەگجەيلى جاسالعان تۇجىرىمدار، ورنالاستىرۋلار جۇرتتى جەلپىندىردى. قۇرىلتايعا قاتىناسقان ۋاكىلدەر زەيىن سالا تىڭداپ، ەستەلىك قالدىردى، الاڭنان ءالسىن - ءالى شاپالاق ءۇنى كوتەرىلدى.
ەرەكشە ترانسفورماتور جارنا شەكتى سەرىكتەستىگى پارتكومىنىڭ شۋجيى، باسالقاسى جاڭ شين بىلاي دەدى: ”قۇرىلتاي حالىقتىق كاسىپورىنشىلاردىڭ سەنىمىن سەرپىلتتى، قايراتىن تاسقىنداتتى. قۇرىلتاي مىنالاردى ەرەكشە باسا دارىپتەدى: اۆتونوميالى رايون عىلىم - تەحنيكا ۇسىنىلىمىن ارتتىرىپ، دارىندى جاعىندا قۋاتتى رايون بولۋدى، دارىندىلار ارقىلى قۋاتتى كاسىپورىن قۇرۋدى ىلگەرىلەتىپ، حالىقتىق كاسىپورىنداردى شينجياڭنىڭ مۇناي - تابيعي گاز بايلىعىن اشۋ، جاڭا ەنەرگيا، جاڭا ماتەريال سياقتى ەرەكشە، باسىم كاسىپ سالاسىن دامىتۋعا بەلسەنە ات سالىسۋعا شابىتتاندىرادى جانە قولداۋ كورسەتەدى، بۇل بىلايشا ايتقاندا، حالىقتىق كاسىپورىنداردىڭ كوڭىلىن ورنىقتىرىپ، جىگەرىن ۇشتاپ، ءبىزدىڭ ءىس تىندىرىپ، شارۋاشىلىق قۇرۋ، جاڭالىق اشۋ، جاسامپازدىق جاراتۋ جاڭا قوزعاۋشى قۋاتىمىزدى نىعايتتى. ءبىزدىڭ حالىقتىق كاسىپورىنداردىڭ جاڭا ۇلەسىن قوسىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الۋعا سەنىمىمىز كامىل“.
شينجياڭ لۇڭبو قارجى قوسۋ توبى شەكتى سەرىكتەستىگى ماشينا ەلەكتر ونىمدەرىن وندىرۋمەن جانە قورا - جاي اشۋمەن شۇعىلداناتىن كاسىپورىن، باستاپقى كەزدەگى تاپىسىرىسپەن وڭدەۋدەن دامىپ دەربەس زەرتتەپ اشۋعا، جوبالاۋعا جانە وندىرۋگە جەتتى. بۇل سەرىكتەستىكتىڭ باسالقاسى ءانۋار ابايدوللا بىلاي دەدى: بۇل رەتكى قۇرىلتاي جۇرت تىلەگىن جۇمىلدىراتىن، جىگەر - قايراتتى ۇشتايتىن قۇرىلتاي بولدى. اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ حالىقتىق شارۋاشىلىققا ايرىقشا ءمان بەرۋى جانە شىنايى قامقورلىق جاساۋى ءبىزدىڭ ۇزدىكسىز دامۋ سەنىمىمىزدى، بەكىمىمىزدى اناعۇرلىم نىعايتتى. ءبىز الداعى جەردە جىبەك جولى ەكونوميكالىق بەلدەۋى وزەكتى رايونى قۇرىلسىىنا بەلسەنە ات سالىسىپ، كاسىپورىننىڭ جاڭالىق اشا دامۋ قابىلەتىن ۇزدىكسىز جوعارىلاتىپ، ءونىم قۇرىلىمىن ساپالىلاندىرىپ، مىقتى ساپامەن اناعۇرلىم كەڭ بازار اشامىز.
مەملەكەت دارەجەلى ارناۋلى، سارا، ەرەكشە، جاڭا ”ۇساق الپاۋىت“ كاسىپورىن − حىڭشىڭ مەديتسينا عىلىم - تەحنيكا جارنا شەكتى سەرىكتەستىگى دەربەس زەرتتەپ اشۋ، دەربەس جاڭالىق اشۋ تيبىندەگى ەمدەۋ اسپاپتارىن وندىرەتىن كاسىپورىن. سەرىكتەستىك شينجياڭدى تياناق ەتىپ، بەيجيڭ، حاڭجوۋ، جۋحاي سياقتى كوپتەگەن جەرلەردە زەرتتەۋ - اشۋ، ءوندىرۋ جانە ساتۋ ورتالىعىن قۇردى. بۇل سەرىكتەستىكتىڭ باسالقاسى، قوسىمشا باس ديرەكتورى ۋاڭ يۋان - ۋ بىلاي دەدى: بۇگىنگى قۇرىلتاي كاسىپورىننىڭ سەنىمىن نىعايتتى، نىساناسىن ايقىندادى، بەتالىس كورسەتتى، الداعى جەردە قالىڭ حالىقتىق شارۋاشىلىق قايراتكەرلەرىن قايراتتانا ىسكەرلىك كورسەتىپ، شىنايى اتقارىپ، ەنجارلىققا سالىنباۋعا شابىتتاندىراتىندىعى ءشۇباسىز، حىڭشىڭ مەديتسيناسى ۇزدىكسىز دەربەس زەرتتەپ - اشىپ، ءورىس اشا ىلگەرىلەپ، دەربەس ماركا جاراتىپ، قوعامعا، جۇرتشىلىققا اناعۇرلىم ويداعىداي قىزمەت وتەپ، شينجياڭنىڭ ەكونوميكاسىنىڭ جوعارى ساپالى دامۋىنا كۇش قوسادى.
”بۇگىنگى قۇرىلتاي جۇرەگىمدى كۇن نۇرىنداي جادىراتتى، وسى بىرنەشە جىلدا جاڭا تيپتى ايدارشا ۆيرۋس وكپە قابىنۋ ىندەتى حالىقتىق كاسىپورىنداردىڭ دامۋىنا وتە زور قىسىم ءتۇسىردى، الايدا اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ حالىقتىق شارۋاشىلىقتىڭ جوعارى ساپالى دامۋىن بار كۇشپەن ىلگەرىلەتەتىن ساياسات - شاراسى بىزگە كۇش - قۋات ۇستەدى. اۋىل شارۋاشىلىق ءوندىرىس قۇرال - جابدىقتارىن ءوندىرۋ - ساتۋمەن شۇعىلداناتىن جانە اۋىل شارۋاشىلىق حيمياسىنا قىزمەت وتەيتىن كاسىپورىن رەتىندە، ءبىز الداعى جەردە ءونىم جانە قىزمەت وتەۋ ساپاسىن ۇزدىكسىز جوعارىلاتىپ، اناعۇرلىم كوپ ەگىنشىلەردى ’حيميالىق تىڭايتقىشتى ازايتىپ، ونىمدىلىكتى ارتتىرۋ‘ ارقىلى عىلمي جولمەن ەگىن ەگۋگە باستاپ، پايدانى جوعارىلاتامىز“، - دەدى اقسۋ قالاسىنان كەلگەن شينجياڭ مينفۋ بيو عىلىم - تەحنيكا شەكتى سەرىكتەستىگىنىڭ باسالقاسى ابىلىميت مامەت.
شينجياڭ تىزبەكتىك كاسىپ ساۋدا قوعامىنا قازىر مۇشە كاسىپورىندار 80نەن اسادى، قولايلى بولشەك ساتۋ، زات اينالىمى تاسىمالى سياقتى سالالاردى شارپيدى، كوپتەگەن كاسىپورىندار جاڭا تيپتى ايدارشا ۆيرۋس وكپە قابىنۋ ىندەتى كەزىندە قىرۋار قامداۋدى قامتاماسىز ەتۋ مىندەتىن ۇستىنە الدى. شينجياڭ تىزبەكتىك كاسىپ ساۋدا قوعامىنىڭ باستىعى، شينجياڭ ميرى توبى شەكتى سەرىكتەستىگىنىڭ باسالقاسى جاڭ ۋىنكاي بىلاي دەدى: ”قۇرىلتاي حالىقتىق كاسىپورىندارعا ايقىن بەتالىس كورسەتىپ، جىگەرىن تاسقىنداتتى. ءبىز ساۋدا قوعامىنىڭ فۋنكتسياسىن ۇزدىكسىز ويداعىداي ساۋلەلەندىرىپ، ساۋدا قوعامىنىڭ ۇيىمداستىرۋ قابىلەتى مەن قىزمەت وتەۋ قابىلەتىن ۇزدىكسىز جوعارىلاتىپ، ورتا، شاعىن، ۇساق كاسىپورىنداردىڭ ۇزدىكسىز جەتىلۋىنە كومەكتەسىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الامىز.
اۆتونوميالى رايوندىق پارتكوم بىرلىكساپ ءبولىمىنىڭ ورىنباسار باستىعى، اۆتونوميالى رايوندىق ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ شۋجيى ليۋ بين بىلاي دەدى: ”بۇل رەتكى قۇرىلتاي پارتيا 20 - قۇرىلتايىنىڭ اشىلۋىن شاتتىقپەن قارسى الىپ جاتقان شەشۋشى ساتتە اشىلعان ءبىر رەتكى اسا ماڭىزدى قۇرىلتاي، تۇتاس رايونداعى ساۋدا - ونەركاسىپشىلەر بىرلەستىگى جۇيەسى مەن قالىڭ حالىقتىق شارۋاشىلىق قايراتكەرلەرىنىڭ ساياسي ومىرىندەگى سالتاناتتى ءىس. تۇتاس رايونداعى ساۋدا - ونەركاسىپشىلەر جۇيەسى الداعى جەردە حالىقتىق شارۋاشىلىق قايراتكەرلەرىن كەزەكتەگى ساياساتتىڭ پايداسىن مىقتى يگەرۋگە جەتەكتەپ، سەنىمدى بەكەمدەپ، شينجياڭنىڭ بايلىق ارتىقشىلىعى مەن وڭىرلىك ورىن باسىمدىعىن تياناق ەتىپ، مۇناي - تابيعي گاز ءوندىرۋ، وڭدەۋ، كومىر، كومىر ەلەكتر، كومىر حيميا ونەركاسىبى سياقتى ەرەكشە، باسىم كاسىپ سالاسى شوعىرى قۇرىلىسىنا بەلسەنە ات سالىسۋعا، جىبەك جولى ەكونوميكالىق بەلدەۋى وزەكتى رايونى قۇرىلىسىنا ات سالىسۋعا جەتەكتەيدى. ءبىز الداعى جەردە كوپىرلىك، دانەكەرلىك رولىمىزدى ويداعىداي ساۋلەلەندىرىپ، قالىڭ حالىقتىق كاسىپورىنداردىڭ جانە حالىقتىق شارۋاشىلىق قايراتكەرلەرىنىڭ ورنىقتىلىقتى ساقتاۋ، دامۋدى كوزدەۋ، رەفورمانى جەبەۋ بارىسىنداعى بەلسەندى رولىن ەڭ جوعارى شەكتە جۇمىلدىرىپ جانە ساۋلەلەندىرىپ، جاڭا داۋىردەگى ساۋدا - ونەركاسىپشىلەر بىرلەستىگى قىزمەتىنىڭ جاڭا جاعدايىن اشۋعا قۇلشىنامىز.
