− شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگىنىڭ قۇرىلۋ جينالىسى جانە ماڭدايشالىعىن اشۋ سالتىنان ەستەلىك
□ انار بۇلت \ شينجياڭ گازەتىنىڭ ءتىلشىسى ليۋ شياڭ
9 - ايدىڭ 23 - كۇنى تۇستەن بۇرىن شينجياڭ حالىقارالىق ءماجىلىس - كورمە ورتالىعى. قىزىل كەزدەمە جابىلعان ماڭدايشالىقتىڭ باياۋ اشىلۋىمەن شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگىنىڭ (تومەندە قىسقارتىلىپ ”شينجياڭ سۋ يگىلىگىن دامىتۋ توبى“ دەلىنەدى) رەسمي ماڭدايشالىق اسىپ قۇرىلعاندىعى جاريالاندى.
سۋ تىزگىندەۋ، سۋ يگىلىگىن گۇلدەندىرۋ جولىندا، بۇل شينجياڭنىڭ ۇزاق ۋاقىتتا ورىندالاتىن اۋىر مىندەت ارقالاپ، قايتا جورىققا اتتانۋىنىڭ جاڭا باستاماسى، سونداي - اق شينجياڭنىڭ سۋ يگىلىگىنىڭ جوعارى ساپالى دامۋىن تىڭعىلىقتى ىلگەرىلەتۋىنىڭ قاجەتتى تالعامى.
مەملەكەتتى باسقارۋعا شەبەرلەر، ءسوزسىز، سۋدى تىزگىندەۋگە شەبەر بولادى. سۋ يگىلىگىن گۇلدەندىرۋ، سۋ اپاتىنان ساقتانۋ ەجەلدەن جۇڭحۋا ۇلتىنىڭ مەملەكەتتى باسقارىپ، ەل تىنىشتىعىن ساقتاۋدىڭ كەلەلى جوسپارى بولىپ كەلگەن.
”سۋ شينجياڭنىڭ باياندى دامۋىنىڭ جان تامىرى“.
”سۋ بايلىعىنان پايدالانۋ ونىمدىلىگى نەعۇرلىم جوعارى بولعان سايىن، شينجياڭنىڭ دامۋ ءورىسى دە سولعۇرلىم كەڭەيە تۇسەدى“.
”سۋ يگىلىگى قىزمەتىن ويداعىداي ىستەۋ سۋ حاۋىپسىزدىگىمەن قامتاماسىز ەتۋ، ەكولوگيانىڭ ورنىقتىلىعىن ساقتاۋ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ سياقتىلار جونىنەن توتەنشە كەلەلى رەال مانگە جانە تەرەڭ تاريحي مانگە يە“.
...
بيىل جىل باسىنان بەرى شينجياڭ سۋ بايلىعىن عىلمي ءبىر تۇتاس جوسپارلاۋعا بۇرىن - سوڭدى بولماعان دارەجەدە ءمان بەردى.
اۆتونوميالى رايوندىق پارتكوم مەن ۇكىمەت باس شۋجي شي جينپيڭنىڭ سۋ تىزگىندەۋ، سۋ يگىلىگىن گۇلدەندىرۋ جونىندەگى ماڭىزدى بايىمداۋلارىن جانە شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، سۋ ۇنەمدەۋدى الدىمەن ويلاستىراتىن، كەڭىستىك جاعىندا تەڭگەرىمدى، جۇيەلى جونگە سالىناتىن، ەكى جاقتان بىردەي كۇش جۇمسايتىن سۋ تىزگىندەۋ وي جەلىسىنە تاباندى بولىپ، سۋ يگىلىگى رەفورماسىن، دامۋىن جەدەلدەتتى.
اۆتونوميالى رايوندىق 10 - كەزەكتى پارتكوم ءۇشىنشى جالپى ءماجىلىسى، اۆتونوميالى رايوندىق 10 - كەزەكتى پارتكوم بەسىنشى جالپى ءماجىلىسى سۋ بايلىعىنان جوعارى ءونىمدى شوعىرلى پايدالانۋدى ويداعىداي ىستەۋدى ماڭىزدى مازمۇن، ماڭىزدى مىندەت ەتۋ جونىندە جەكە - جەكە جان - جاقتى، جۇيەلى ورنالاستىرۋ جاسادى.
اۆتونوميالى رايوندىق پارتكومنىڭ نەگىزگى باسشىلارى تالاي رەت ءارقايسى وزەن اعارلارىنا، قاتىستى ورىندارعا بارىپ، سول جەردىڭ وزىندە تەكسەرۋ - زەرتتەۋ جۇرگىزدى ءارى اۆتونوميالى رايوندىق پارتكوم تۇراقتى كوميتەتىنىڭ ءماجىلىسى، ارناۋلى تاقىرىپتىق ءماجىلىس، سۋ يگىلىگى قىزمەتى اڭگىمە ءماجىلىسى، ت . ب اشىپ، شينجياڭنىڭ ەكونوميكالىق، قوعامدىق دامۋىنىڭ اناعۇرلىم جوعارى ساپالى، اناعۇرلىم باياندى، اناعۇرلىم حاۋىپسىز بولۋىن كوزدەي وتىرىپ، سۋ بايلىعىنان پايدالانۋدى عىلمي جوسپارلاپ، شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى ماسەلەلەردى شەشۋدى ىلگەرىلەتتى.
سۋ يگىلىگى ارقىلى مەملەكەت مەنشىگىندەگى مال - مۇلىكتەردى ىسكە قوسىپ، سۋ ىستەرى جۇمىستارىن ويداعىداي ىستەپ، سۋ ىستەرىندەگى بوگەتتى ماسەلەلەردى شەشۋ ءۇشىن، اۆتونوميالى رايوندىق پارتكوم مەن ۇكىمەتتىڭ زور كۇشپەن قولداۋىندا جانە ىلگەرىلەتۋىندە، شينجياڭ سۋ يگىلىگىن دامىتۋ توبى قۇرىلدى.
”ءبىز شينجياڭ سۋ يگىلىگىن دامىتۋ توبىنداعى بارلىق كادرلار مەن جۇمىسشى - قىزمەتكەرلەردى ىنتىماقتاستىرىپ، باستاپ، شينجياڭداعى ءار ۇلت حالقىنا اناعۇرلىم كوپ حالىق تۇرمىسى ينجەنەرياسىن، قۇت - ىرىس ينجەنەرياسىن دايىنداپ، ۇزدىكسىز ناقتى ىستەر ىستەپ، مەملەكەت مەنشىگىندەگى كاسىپورىندى زورايتىپ، كورىكتى شينجياڭ قۇرۋعا اناعۇرلىم زور ۇلەس قوسامىز“، - دەدى شينجياڭ سۋ يگىلىگىن دامىتۋ توبى پارتكومىنىڭ شۋجيى، باسالقاسى شى چۋان.
”ۇزاق جىلدار ءبىرىنشى شەپتەگى جۇمىس ورنىندا قىزمەت ىستەگەن كادر، قىزمەتكەر رەتىندە، مەن اۆتونوميالى رايوندىق پارتكومنىڭ ورنالاستىرۋلارىن، تالاپتارىن بۇلجىماستان دايەكتىلەندىرىپ، بار زەيىنىمىزدى سالىپ، تاباندىلىقپەن بەرىلە ىستەسەك بولعانى، شينجياڭنىڭ سۋ يگىلىگى ىستەرىنىڭ جوعارى ساپالى دامۋ ۇلى جوباسىنىڭ، ءسوزسىز، جۇزەگە اساتىندىعىنا كامىل سەنەمىن“، - دەدى شينجياڭ سۋ يگىلىگىن دامىتۋ توبىنىڭ قىزمەتكەرى جوۋ جيانفىڭ.
”اۆتونوميالى رايوندىق سۋ يگىلىگى مەڭگەرمەسى كاسىپ باسقارۋشى جانە جۇمىسقا جەتەكشىلىك ەتۋشى تاراۋ رەتىندە، شينجياڭ سۋ يگىلىگىن دامىتۋ توبىنىڭ ساپالىلانۋىن، الۋەتتەنۋىن، زورايۋىن كۇش سالا قولداپ، توپتىڭ جوعارى ساپالى ۇيىمداسىپ قۇرىلۋىنا جانە جۇيەلىلەنىپ جۇمىس جۇرگىزۋىنە شىنايى كەپىلدىك ەتەدى“، - دەدى اۆتونوميالى رايوندىق سۋ يگىلىگى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى ۋاڭ جياڭ.
دابىل قاعىلىپ، تولقىن كوتەرىلدى. بولاشاققا نازار سالساق، شينجياڭ سۋ يگىلىگىن دامىتۋ توبى سىندى شينجياڭ سۋ ىستەرى سالاسىنداعى وسى ”اۆياماتكا“، ءسوز جوق، تۇتاس رايوننىڭ سۋ ىستەرى كاسىپ سالاسىنىڭ ءبىر تۇلعالانا دامۋىن ءبىر تۇتاس جوسپارلاپ ىلگەرىلەتىپ، تولقىن جارا الىسقا جول الاتىن بولادى.
