ساۋ جيانميڭ اترەت باستاپ تەكسەردى
لۋ شينشى، لي جيحىڭ، ما شيڭرۇي، ەركىن تۇنياز، ليۋ يۇيتيڭ قاتىستى قيمىلدارعا قاتىناستى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، لياڭ ليحۋا 9 - ايدىڭ 25 - كۇنى ۇرىمجىدەن حابارلايدى. 9 - ايدىڭ 21 - كۇنىنەن 24 - كۇنىنە دەيىن، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ساۋ جيانميڭ زاڭنىڭ اتقارىلۋىن تەكسەرۋ گرۋپپاسىن باستاپ، رايونىمىزدىڭ «جۇڭحۋا حالىق رەسپۋبليكاسىنىڭ اۋىل - قىستاقتى گۇلدەندىرۋدى جەبەۋ زاڭىن» دايەكتىلەندىرۋ، اتقارۋ جاعدايى جونىندە زاڭنىڭ اتقارىلۋىن تەكسەردى ءارى اڭگىمە ءماجىلىس اشتى.
مەملەكەتتىك حالىق قۇرىلتايى اۋىل شارۋاشىلىعى جانە اۋىل - قىستاق كوميتەتىنىڭ ورىنباسار مەڭگەرۋشى مۇشەلەرى لۋ شينشى، لي جيحىڭ، مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، مەملەكەتتىك حالىق قۇرىلتايى اۋىل شارۋاشىلىعى جانە اۋىل - قىستاق كوميتەتىنىڭ مۇشەسى ليۋ يۇيتيڭ قاتارلىلار زاڭنىڭ اتقارىلۋىن تەكسەرۋگە قاتىناستى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلىلار اڭگىمە ماجىلىسكە قاتىناستى.
ساۋ جيانميڭ اڭگىمە ماجىلىستە شينجياڭنىڭ اۋىل - قىستاقتى گۇلدەندىرۋدى جەبەۋ زاڭىن دايەكتىلەندىرۋ، اتقارۋ بارىسىندا قول جەتكىزگەن كورنەكتى ناتيجەلەرىن جانە ىزدەنىس جاساپ توپتاعان قۇندى تاجىريبەلەرىن تولىق تۇراقتاندىردى. ول بىلاي دەپ باسا دارىپتەدى: باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۋىل - قىستاقتى گۇلدەندىرۋدى جەبەۋ زاڭىن جاپپاي دايەكتىلەندىرىپ، اتقارىپ، اۋىل - قىستاقتى جاپپاي گۇلدەندىرۋدى زاڭ بويىنشا قامتاماسىز ەتىپ جانە جەبەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا قۇلشىنۋ كەرەك. كاسىپ سالاسىن دامىتۋدى ماڭىزدىنىڭ ماڭىزدىسى ەتۋگە تاباندى بولىپ، اۋىل شارۋاشىلىعى ونىمدەرىمەن قامداۋعا كەپىلدىك ەتۋدىڭ حاۋىپسىز، جوعارى ءونىمدى جۇيەسىن ورناتىپ، اقاۋسىزداندىرىپ، اۋىل - قىستاقتاردا 1 -، 2 -، 3 - كاسىپ سالالارىنىڭ تەرەڭدەي توعىسۋىن ىلگەرىلەتىپ، اۋىل - قىستاق كاسىپ سالالارىنىڭ جوعارى ساپالى دامۋىن جەبەپ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن ارتتىرۋ كەرەك. دارىندىلار قوسىنى قۇرىلىسىن شەشۋشى فاكتور ەتۋدەن جازباي، جاڭاشا كاسىپتىك شارۋالاردى باۋلۋدىڭ نەگىزگى ارنالىق رولىن ساۋلەلەندىرىپ، دارىندىلاردى ەنگىزۋگە، اۋىلعا قايتىپ جاڭالىق اشۋىنا، شارۋاشىلىق قۇرۋىنا دەم بەرۋدى كۇشەيتىپ، ءتۇرلى كاسىبي دارىندىلاردىڭ اۋىل - قىستاق قۇرىلىسىنا جانە ونى دامىتۋعا ات سالىسۋعا شابىتتاندىرۋ، جەتەكتەۋ كەرەك. اۋىل - قىستاقتىڭ وركەنيەت دەڭگەيىن جوعارىلاتۋدى رۋح سومداۋ شاراسى ەتۋدەن جازباي، شينجياڭنىڭ تاريحي مادەنيەتى، ۇلتتىق ەرەكشەلىگى، اۋىل - قىستاقتىڭ دامۋ جەتىستىكتەرى سياقتىلاردى بەينەلەيتىن ادەبيەت - كوركەمونەر تۋىندىلارىن جاراتۋعا دەم بەرۋ سەرپىنىن ارتتىرىپ، مادەنيەت كاسىپ سالاسىنىڭ دامۋىن جانە مادەنيەت پەن ساياحاتتىڭ توعىسۋىن ىلگەرىلەتىپ، شينجياڭنىڭ مادەنيەت بايلىعى باسىمدىعىن كاسىپ سالاسىن دامىتۋ باسىمدىعىنا اينالدىرۋ كەرەك. تاماشا ەكولوگيانى ماڭىزدى تىرەك ەتۋدەن جازباي، جەرگىلىكتى ورىننىڭ جاعدايىنا قاراي اۋىل - قىستاق دارەتحانالارىن وزگەرتۋدى ىلگەرىلەتىپ، اۋىل - قىستاق قوقىر - قوقسىقتارىن قاينارىنان باستاپ تۇرگە ايىرۋ جانە سول جەردە بايلىققا اينالدىرىپ پايدالانۋ دەڭگەيىن ورنىقتى قاداممەن جوعارىلاتىپ، اۋىل شارۋاشىلىعىن دامىتۋ ۇلگىسىنە جاڭالىق ەنگىزىپ، اۋىل - قىستاقتىڭ ەكولوگيا قىزىل سىزىعىن ساقتاۋ كەرەك. اۋىل - قىستاقتى باسقارۋ جۇيەسىن كەمەلدەندىرۋدى ماڭىزدى نەگىز ەتۋگە تاباندى بولىپ، اۋىل - قىستاق نەگىزگى ساتى پارتيا ۇيىمدارىنىڭ باسشىلىق قابىلەتى دەڭگەيىن جانە نەگىزگى ساتى كادرلارىنىڭ ساپاسىن جوعارىلاتىپ، ءوزىن باسقارۋ، زاڭمەن باسقارۋ، مورالمەن باسقارۋ ءوزارا ۇشتاسقان اۋىل - قىستاق قوعامدىق باسقارۋ جۇيەسىن ورناتىپ، اۋىل - قىستاق قوعامىنىڭ ۇزاق ۋاقىت جاراسىمدىلىعىنا، ورنىقتىلىعىنا شىنايى كەپىلدىك ەتىپ، اۋىل - قىستاقتى گۇلدەندىرۋدىڭ تارتىمدى تاراۋىن كۇش سالا جازۋ كەرەك.
ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت جانە بيڭتۋان اتىنان زاڭنىڭ اتقارىلۋىن تەكسەرۋ گرۋپپاسىنداعىلاردى قىزۋ قارسى الاتىندىعىن ءبىلدىردى. ول بىلاي دەدى: شينجياڭ شي جينپيڭنىڭ زاڭمەن باسقارۋ يدەياسىن جەتەكشى ەتۋدەن جازباي، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۋىل - قىستاقتى گۇلدەندىرۋدى جەبەۋ زاڭى قاتارلى زاڭداردى، زاڭ - بەلگىلەمەلەردى ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى مۇقيات ويداعىداي يگەرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتتى. ءبىز باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە بولعان جالپى بەتتىك باسشىلىعىنا تاباندى بولىپ، ”ەكىنى ءبىر تۇتاس جوسپارلاۋدان“ جازباي، حالىق قۇرىلتايىنىڭ زاڭ شىعارۋعا جەتەكشىلىك ەتۋ جانە باقىلاۋ، جەبەۋ رولىن اناعۇرلىم ويداعىداي ساۋلەلەندىرىپ، اۋىل - قىستاقتى گۇلدەندىرۋدى جەبەۋ زاڭى قاتارلىلاردى مۇقيات اتقارىپ، ەگىستىك جەر قىزىل سىزىعىن قاتاڭ ساقتاپ، تۇقىم قىزمەتىن ويداعىداي يگەرىپ، استىق جانە ماڭىزدى اۋىل شارۋاشىلىعى ونىمدەرىمەن قامداۋعا كەپىلدىك ەتىپ، استىق، ماقتا، جەمىس - جيدەك، كوكونىس سياقتىلاردى ارقاۋ ەتىپ، اۋىل - قىستاقتاردىڭ ەرەكشە، باسىمدىققا يە كاسىپ سالالارىن جەتىلدىرىپ، زورايتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، اۋىل - قىستاق قۇرىلىسى ارەكەتىن اتقارىپ، نەگىزگى ساتىنىڭ باسقارۋ قابىلەتىن جوعارىلاتىپ، اۋىل - قىستاقتى كاسىپ سالاسىمەن، دارىندىلارمەن، مادەنيەتپەن، ەكولوگيامەن، ۇيىممەن گۇلدەندىرۋدى ىلگەرىلەتىپ، اۋىل - قىستاقتىڭ اناعۇرلىم باي بولۋىن، تۇرمىسىنىڭ اناعۇرلىم باقىتتى بولۋىن، اۋىل - قىستاقتىڭ اناعۇرلىم كورىكتى بولۋىن جۇزەگە اسىرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الامىز.
اڭگىمە ماجىلىستە زاڭنىڭ اتقارىلۋىن تەكسەرۋ گرۋپپاسىنىڭ شينجياڭعا كەلىپ قىزمەت ورىستەتۋىنە قاتىستى احۋالداردى ءتۇسىندىردى؛ اۆتونوميالى رايوننىڭ اۋىل - قىستاقتى گۇلدەندىرۋدى جەبەۋ زاڭىن دايەكتىلەندىرۋگە، اتقارۋعا قاتىستى قىزمەتتەن جاساعان مالىمەتىن تىڭدادى. اۆتونوميالى رايوندىق پارتكوم ۇيىمداستىرۋ بولىمىندەگى جانە اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىندەگى، مادەنيەت جانە ساياحات مەڭگەرمەسىندەگى، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىندەگى قاتىستى جاۋاپتى جولداستار ءسوز سويلەدى. لۋ شينشى، لي جيحىڭ قاتارلى زاڭنىڭ اتقارىلۋىن تەكسەرۋ گرۋپپاسىنداعىلار اۆتونوميالى رايونداعى قاتىستى جاۋاپتى جولداستارمەن استىق، ماقتا شارۋاشىلىعى جانە اۋىل - قىستاق سەلبەستىك ەكونوميكاسىن دامىتۋ سياقتىلار جونىندە پىكىر اۋىستىردى، پىكىر - ۇسىنىس العا قويدى.
شينجياڭداعى مەزگىلدە زاڭنىڭ اتقارىلۋىن تەكسەرۋ گرۋپپاسى اقسۋ ايماعىنداعى قاتىستى اۋدان، قالاعا بارىپ، اۋىل - قىستاق ەرەكشە كاسىپ سالاسىن دامىتۋ، جاڭاشا تيجارات نەگىزگى تۇلعاسىن جەتىلدىرۋ، اۋىل - قىستاق ەكولوگياسىن قورعاۋ جانە قونىس ورتاسىن رەتتەۋ - وڭاۋ، اۋىل - قىستاقتى باسقارۋ جۇيەسىن كەمەلدەندىرۋ، ۇلتتار ىنتىماعىن جەبەۋ سياقتى قىزمەتتەردى سول جەردىڭ وزىندە تەكسەرىپ - زەرتتەپ، اۋىل - قىستاقتى گۇلدەندىرۋدى جەبەۋ زاڭىنىڭ اتقارىلۋ جاعدايىن ۇعىسىپ، قاتىستى جاقتاردىڭ پىكىرىن جانە ۇسىنىسىن تىڭدادى.
قادەن كابەن، سارقىت اقان، دۇڭ شينگۋاڭ، ماڭلىك سەيىت قاتارلىلار قاتىستى قيمىلدارعا قاتىناستى.
