□ حالىق گازەتىنىڭ شولۋشىسى
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ مۇقيات كورسەتۋى، قايتا - قايتا اقىلداسۋى، ساتى - ساتى بويىنشا سارالاپ تاڭداۋى ارقىلى پارتيا 20 - قۇرىلتايىنىڭ 2296 ۋاكىلى سايلانىپ شىقتى. ولار بۇكىل پارتياداعى 96 ميلليوننان استام پارتيا مۇشەسىنىڭ، 4 ميلليون 900 مىڭنان استام نەگىزگى ساتى پارتيا ۇيىمىنىڭ سالماقتى تاپسىرماسىن ۇستىنە الىپ، بۇكىل ەلدەگى ءار ۇلت حالقىنىڭ ىقىلاستى ءۇمىتىن ارقالاپ، پارتيانىڭ 20 - رەتكى مەملەكەتتىك قۇرىلتايىنا داڭقپەن قاتىناسادى. وسى ارادا ءبىز پارتيا 20 - قۇرىلتايىنىڭ ۋاكىلى بولىپ سايلانعان جولداستارعا قىزۋ قۇتتىقتاۋ بىلدىرەمىز!
الدا اشىلاتىن پارتيا 20 - قۇرىلتايى بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا قاراي شەرۋ تارتقان شەشۋشى ساتتە اشىلاتىن اسا ماڭىزدى قۇرىلتاي، ول الداعى 5 جىلداعى، ءتىپتى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن عىلمي جوسپارلايدى، ول پارتيا مەن مەملەكەت ىستەرىندە الدىڭعىلاردىڭ ءىزىن باسىپ، بولاشاققا جول اشۋعا سايادى، جۇڭگوشا سوتسياليزمنىڭ بولاشاعى مەن تاعدىرىنا سايادى، جۇڭحۋا ۇلتىنىڭ ۇلى گۇلدەنۋىنە سايادى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ ءۇشىن كۇرەس جۇرگىزۋ جونىنەن ايرىقشا ماڭىزدى مانگە يە. سايلانىپ شىققان 20 - قۇرىلتاي ۋاكىلدەرى ءبىر شاما جوعارى يدەيا - ساياسي ساپاعا، تاماشا ستيل - قۇلىققا، ءبىرشاما كۇشتى ءىس اقىلداسۋ قابىلەتىنە، كورنەكتى قىزمەت ناتيجەسىنە يە، كوممۋنيستىك پارتيا مۇشەلەرىنىڭ العاباسارلىق سيپاتىنا جانە كەڭ ۋاكىلدىك سيپاتىنا يە، پارتيا ورتالىق كوميتەتىنىڭ تالابىنا ۇيلەسەدى، قالىڭ پارتيا مۇشەلەرىنىڭ قولداۋىنا يە بولعان، قۇرىلتايدىڭ جەڭىسپەن اشىلۋى ءۇشىن ماڭىزدى يدەيالىق دايىندىق جانە ۇيىمدىق دايىندىق ىستەپ، بەرىك نەگىز قالاعان.
پارتيا 20 - قۇرىلتايىنىڭ ۋاكىلدەرى بارشا پارتيا مۇشەلەرىنىڭ اراسىنان جۇزدەن جۇيرىك، مىڭنان تۇلپار بولىپ تاڭدالىپ، ءار دارەجەلى پارتيا ۇيىمدارىنىڭ دارەجە بويىنشا سارالاپ تاڭداۋىنان ءوتىپ سايلانىپ شىققان ۇزدىكتەر، ولاردىڭ ءار ءسوزى، ءار قيمىلى پارتيانىڭ وبرازىن كورسەتىپ، قوعامنىڭ ايرىقشا نازارىن اۋدارادى. ۋاكىل بولىپ سايلانعان ءاربىر جولداس تۇگەلدەي داڭقتى مارتەبەنى ەسەلەپ قاستەرلەپ، سەنىم مەن ماڭىزدى تاپسىرمانى اقتاپ، سالتاناتتى بورىشتارى مەن قاسيەتتى قىزمەت مىندەتتەرىن ادالدىقپەن اتقارىپ، سانالى تۇردە قالىڭ پارتيا مۇشەلەرىنە جاقسى باستاماشى بولىپ، ۇلگى كورسەتىپ، ۇزدىك ۇلگىلىك رولدارىمەن قاي - قاشان دا، قاي جەردە دە پارتيانىڭ العاباسارلىعى مەن كىرشىكسىزدىگىن كورسەتۋى كەرەك. باستاماشىلدىقپەن ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، 7 - ايدىڭ 26 - كۇنى باس شۋجي شي جينپيڭنىڭ مينيسترلىك - ولكە دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىنداعى ماڭىزدى ءسوزىنىڭ رۋحىن ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، پارتيا تاريحىن ۇيرەنۋدى يدەيانى ۇعىنۋمەن، پارتيالىلىقتى كۇشەيتۋمەن جاندى ۇشتاستىرىپ، مۇرات - سەنىمدى بەكەمدەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىراۋىزدىلىقتى ساقتاۋ؛ پارتيانىڭ لۋشيان، باعىت - ساياساتتارىن باستاماشىلدىقپەن باتىل اتقارىپ، ”مەملەكەتتىڭ زور ءىسىن“ كوكەيدە ساقتاپ، جاڭا داۋىردەگى جاڭا جورىقتا پارتيانىڭ وزەكتى مىندەتىن مىقتى يگەرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋ جانە ”ءتورتتى جاپپاي ورىنداۋ“ ستراتەگيالىق ورنالاستىرۋ تالابىن تياناقتاندىرىپ، باتىل جاۋاپكەرشىلىك ارقالاۋ جانە كۇرەسكەرلىك رۋحتى ساۋلەلەندىرىپ، ءوز قىزمەتىن تياناق ەتىپ، ايانباي ۇلەس قوسىپ، زەيىن - زەردەنى شوعىرلاندىرىپ ءوز ءىسىن جاقسى ىستەۋ؛ باستاماشىلدىقپەن پارتيانىڭ ءتۇبىرلى ماقساتىنا تاباندى بولىپ، پارتيا قۇرۋ ۇلى رۋحىن اسقاقتاتىپ، بۇقارالىق كوزقاراستى مىقتاپ ورناتىپ، حالىقتىق تۇرعىدا مىزعىماي تۇرىپ، بۇقارامەن تىعىز بايلانىس ورناتىپ جانە ولارعا قىزمەت ەتىپ، دەن قويا، سۇيىسپەنشىلىكپەن، كۇش سالا ناقتى ىستەر تىندىرىپ، قيىن ماسەلەلەردى شەشىپ، قاشاندا حالىقپەن تىنىستاس، تاعدىرلاس، جۇرەكتەس بولۋ؛ باستاماشىلدىقپەن پارتيا ۋستاۆىنا، پارتيا ەرەجەسىنە، پارتيا تارتىبىنە جانە مەملەكەتتىڭ زاڭ، زاڭ ەرەجەلەرىنە بويسۇنىپ، سوتسياليستىك وزەكتى قۇن كوزقاراسى مەن ”ۇشتە قاتاڭ، ۇشتە شىنايى بولۋ“ تالابىن امالياتتا ايگىلەپ، جۇرەكتىلىكپەن ءوز - وزىنە توڭكەرىس جاساپ، ىرىقتىلىقپەن باقىلاۋدى قابىلداپ، كىرشىكسىز ادام بولىپ، كىرشىكسىز ءىس ىستەپ، قۇلشىنا وي - سانانى جوعارىلاتىپ، جەتىلىمدى كۇشەيتىپ، ستيلدى جاقسارتىپ، تاماشا وبراز ورناتۋ؛ باستاماشىلدىقپەن بۇقارالىق لۋشيانمەن ويداعىداي ءجۇرىپ، ءوز ارتىقشىلىعىن ساۋلەلەندىرىپ، ىشكەرىلەي تەكسەرۋ - زەرتتەۋ جۇرگىزىپ، قالىڭ پارتيا مۇشەلەرى مەن بۇقارانىڭ جۇرەك ءۇنى مەن پىكىرلەرىن جيناپ، اڭىس ەتىپ، پارتيا ورتالىق كوميتەتىنىڭ شەشىم قابىلداۋىنا عىلمي دايەك ۇسىنۋ كەرەك.
پارتيانىڭ 20 - قۇرىلتايى وتكەن 5 جىلداعى قىزمەتتەردى مۇقيات قورىتىندىلاۋ، جاڭا داۋىرگە وتكەننەن بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمگە تاباندى بولۋدا جانە ونى دامىتۋدا قول جەتكىزگەن كەلەلى تابىستارى مەن قىمباتتى تاجىريبەلەرىن جالپى بەتتىك قورىتىندىلاۋ، ارەكەت تۇعىرناماسىن جانە كەلەلى باعىت - ساياساتتاردى جاساۋ، جاڭا كەزەكتى ورتالىق كوميتەت باسشىلىق كوللەكتيۆىن سايلاپ شىعۋ سىندى كەلەلى بورىش ارقالايدى. قۇرىلتاي كەزىندە ۋاكىلدەر ورتالىق كوميتەتتىڭ بايانداماسىن تىڭدايدى جانە قاراپ تەكسەرەدى، ورتالىق ءتارتىپ تەكسەرۋ كوميتەتىنىڭ بايانداماسىن قاراپ تەكسەرەدى، قالىڭ پارتيا مۇشەلەرى مەن بۇقارانىڭ پىكىرلەرىن جانە تالاپتارىن جەتكىزەدى، پارتيانىڭ كەلەلى ماسەلەلەرىن تالقىلايدى جانە ۇيعارادى، جاڭا كەزەكتى ورتالىق كوميتەتتى جانە ورتالىق ءتارتىپ تەكسەرۋ كوميتەتىن سايلاپ شىعادى. ءاربىر ۋاكىل كۇشتى ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن، كوكىرەك كەرنەگەن ىستىق ىنتامەن جانە اسقاق رۋحاني كۇيمەن ءتۇرلى كەڭەستىك تارتىپتەرگە مۇقيات قاتىناسىپ، دەموكراتيالىق ۇقىقتارىن دۇرىس اتقارىپ، زاڭ بويىنشا، ۋستاۆ بويىنشا ءىس ءبىتىرىپ، سىندارلى پىكىر - ۇسىنىس بەرىپ، قۇرىلتايدىڭ تولىق تابىستى وتۋىنە ءتيىستى ۇلەسىن قوسۋى كەرەك. قۇرىلتايدان كەيىن، ۋاكىلدەر پارتيا 20 - قۇرىلتايىنىڭ رۋحىن باستاماشىلدىقپەن ۇيرەنىپ، ۇگىتتەپ، پارتيا مۇشەلەرى مەن بۇقارانى يدەيا مەن ارەكەتتى 20 - قۇرىلتاي رۋحىمەن بىرلىككە كەلتىرۋگە، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋمەن، تياناقتاندىرۋمەن بىرلىككە كەلتىرۋگە، ءتۇرلى قىزمەتتەردى تىڭعىلىقتى، ويداعىداي ىستەۋمەن بىرلىككە كەلتىرۋگە بەلسەنە جەتەكتەپ، ۋاكىلدىك رولدى شىنايى ويداعىداي ساۋلەلەندىرۋلەرى كەرەك.
ءبىر نيەتپەن پارتياعا تالپىنىپ، سالتاناتتى جينالىستى اڭسايمىز، ەسكەك ەسىپ جەلكەن جايىپ، جاڭا جورىق باستايمىز. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بارشا ۋاكىلدەردىڭ بىرگە قۇلشىنۋىندا، پارتيا 20 - قۇرىلتايىنىڭ، ءسوز جوق، ىنتىماق قۇرىلتايى، جەڭىس قۇرىلتايى، ەكپىندەي ىلگەرىلەۋ قۇرىلتايى بولىپ اشىلىپ، ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تەلەگەي كۇش ۇيىستىرىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاپ، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن قۇلشىنا جازاتىندىعىمىزعا كامىل سەنەمىز!
(شينحۋا اگەنتتىگىنىڭ 9 - ايدىڭ 25 - كۇنى بەيجيڭنەن بەرگەن حابارى)
