− پارتيا 18 - قۇرىلتايىنان بەرى حالىق تۇرمىسىن قامتاماسىز ەتۋدى جانە جاقسارتۋدى كۇشەيتۋ تۋرالى شولۋ
□ شينحۋا اگەنتتىگىنىڭ تىلشىلەرى
”ءبىزدىڭ نىسانامىز ەرەكشە ۇلى ءارى توتەنشە قاراپايىم، بۇل دەگەنىمىز، تۇپتەپ كەلگەندە، بارشا جۇڭگولىقتاردىڭ بارلىعىنىڭ اناعۇرلىم جاقسى تۇرمىس كەشىرۋىنە مۇمكىندىك جاساۋ“.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن قامتاماسىز ەتۋگە جانە جاقسارتۋعا ايرىقشا ءمان بەرىپ، ءبىر قىدىرۋ كەلەلى ساياساتتىق شارالار ارقىلى حالىق تۇرمىسىنا تيىمدىلىك جاساپ، حالىقتىڭ قيىنشىلىعىن جەڭىلدەتىپ، حالىقتىڭ مۇڭ - مۇقتاجىن شەشىپ، حالىقتىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم كەمەلدى، اناعۇرلىم قامتاماسىز، اناعۇرلىم باياندى بولۋىنا مۇمكىندىك جاسادى.
”حالىق بۇقاراسىنىڭ حال - جاعدايىن قاشاندا كوكەيدە ساقتادى“
9 - اي، سانشيدىڭ سولتۇستىگىنە كۇز ەندى عانا كەلگەن شاق. كەڭ دە رەتتى، تازا شاعىن اۋلادا قۋانىشتان جۇزدەرى بال - بۇل جايناعان 68 جاستاعى باي گاۋشان نەمەرەسىن جەتەلەپ كەلە جاتىپ: ”جاڭا ۇيگە كوشتىك، ۇلىم كەلىنشەك الىپ، نەمەرە ءسۇيدىم، قارتتاردى كۇتىمدەۋ ورتالىعى مەن بالاباقشا ءۇيىمىزدىڭ الدىندا عانا، مۇنداي تۇرمىستى بۇرىن ويلاۋدىڭ وزىنە باتىلىمىز بارمايتىن“، - دەدى.
باي گاۋشان تۇراتىن سانشيدىڭ داتۇڭ قالاسى يۇنجوۋ رايونى شيپيڭ قالاشىعى فاڭچىڭ جاڭا قىستاعى كەدەيلەردى قونىس جاڭالاپ سۇيەمەلدەۋ بويىنشا كوشىرىلگەن قىستاق. 2018 - جىلدان باستاپ، 200دەن استام وتباسىنداعى قىستاق تۇرعىندارى اتا - بابالارىنان بەرى قونىستانىپ كەلە جاتقان بەتكەي، جوتالارداعى قۇنارسىز القاپ، سورتاڭ جەردەگى جەر تولەلەردەن ىركەس - ىركەس وسىندا كوشىپ كەلىپ، كۇرەڭكەي ەرەكشەلىككە يە كاسىپ سالاسى سياقتىلاردى دامىتۋعا سۇيەنىپ تۇگەلدەي كەدەيلىكتەن ارىلىپ، تۇرمىستارىندا تۇبەگەيلى وزگەرىس بولدى.
ۋاقىتتى 2012 - جىلى 11 - ايعا شەگەرەلىك، جۇڭگو كوممۋنيستىك پارتياسى 18 - كەزەكتى ورتالىق كوميتەتى ساياسي بيۋروسىنداعى تۇراقتى مۇشەلەر جۇڭگولىق، شەتەلدىك تىلشىلەرمەن كەزدەسكەندە، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جاڭا تاعايىندالعان شي جينپيڭ قاراپايىم ءارى باتىل ۇنمەن: ”حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز“، − دەپ جاريالادى.
سول كەزدە جۇڭگونىڭ اۋىل - قىستاقتارىندا ءالى 100 ميلليونعا جۋىق حالىق كەدەيلەردى سۇيەمەلدەۋ ولشەمىنەن تومەن دەڭگەيدە تۇرمىس كەشىرىپ جاتقان ەدى. حالىققا دەگەن تەرەڭ سۇيىسپەنشىلىك ايبىندى ۋادەگە جانە شىنايى شاراعا اينالىپ، كەدەيلىككە قارسى قۇلاشىن كەڭ جايعان دابىرالى كۇرەس جۇڭحۋانىڭ بايتاق دالاسىندا شەشۋشى شايقاس مەزگىلىنە قادام قويدى.
باس شۋجي شي جينپيڭ ءوزى قولباسشىلىق ەتىپ، ءوزى جورىققا شىعىپ، شايقاستى ءوزى قاداعالاپ، شوعىرلى، تۇتاسقان 14 ەرەكشە كەدەي ءوڭىردى ارالاپ شىعىپ، 20 نەشە كەدەي قىستاقتا قىزمەت تەكسەرىپ، تەكسەرۋ - زەرتتەۋ جۇرگىزدى. قىستاقتا تۇراتىن 255 مىڭ قىزمەت اترەتى، 3 ميلليوننان استام ءبىرىنشى شۋجي مەن قىستاقتا تۇراتىن كادر 2 ميلليونعا جۋىق اۋىل - قالاشىق كادرىمەن جانە نەشە ميلليون قىستاق كادرىمەن بىرگە كەدەيلەردى سۇيەمەلدەۋدىڭ الدىڭعى شەبىندە ەرلىكپەن شايقاس جۇرگىزدى.
قازىرگى ولشەم بويىنشا اۋىل - قىستاقتاعى 98 ميلليون 990 مىڭ كەدەي حالىق تۇگەلدەي كەدەيلىكتەن ارىلدى، 832 كەدەي اۋدان تۇگەلدەي كەدەيلىك قالپاعىن الىپ تاستادى، 128 مىڭ كەدەي قىستاق تۇگەلدەي كەدەيلىك قاتارىنان شىعارىلدى... 8 جىل اسا ماشاقاتتى، قاجىرلى، قول ۇستاسا كۇرەس جۇرگىزۋ ارقىلى جۇڭگو مۇلدەم كەدەيلىك ماسەلەسىن تاريحي سيپاتتا شەشىپ، جۇڭگولىقتاردىڭ ەجەلدەن بەرى اڭساپ كەلە جاتقان دوڭگەلەك داۋلەتتىلىك ارمانى رەالدىققا اينالدى.
حالىقتىڭ حال - جاعدايىن كوكەيدە ساقتادى، حالىقتىڭ ءومىرىنىڭ حاۋىپسىزدىگىن ماڭداي الدى ورىنعا قويدى.
تاياۋدا عانا، 9 - ايدىڭ 5 - كۇنى ساعات 12دەن 52 مينۋت وتكەندە، سىچۋاننىڭ گانزى زاڭزۋ اۆتونوميالى وبلىسىنىڭ لۋديڭ اۋدانىندا 6.8 بال جەر سىلكىندى.
حابار جەتىسىمەن باس شۋجي شي جينپيڭ دەرەۋ ماڭىزدى نۇسقاۋ بەردى: ادام ءومىرىن جەدەل قۇتقارۋدى ماڭداي الدى مىندەت ەتىپ، اپاتقا ۇشىراعان بۇقارانى بار كۇشپەن قۇتقارىپ، ءولىم - ءجىتىمدى مۇمكىندىكتىڭ بارىنشا ازايتۋ كەرەك.
ورتتەن ساقتانۋ، ءورت ءسوندىرۋ، قۇتقارۋ - كومەكتەسۋ قوسىندارى، قارۋلى ساقشى كوماندير - جاۋىنگەرلەرى، مەديتسينالىق قىزمەتكەرلەر توپ - توبىمەن شۇعىل اتتانىپ، اپاتتان اراشالاۋدىڭ، قۇتقارۋدىڭ الدىڭعى شەبىنە ارالاستى.
”حالىقتىڭ ءومىرىنىڭ حاۋىپسىزدىگىن قورعاۋدا ءبىز، ءسوز جوق، ءارقانداي بوداۋ بەرۋدەن تايىنباۋىمىز كەرەك ءارى ءارقانداي بوداۋ بەرۋدەن تايىنبايمىز“. حالىقتىڭ ءومىرى مەن سالاماتتىعى باس شۋجي شي جينپيڭنىڭ كوڭىلىندە ايرىقشا ماڭىزدى ورىن العان.
2020 - جىلدىڭ باسىندا، جاڭا تيپتى ايدارشا ۆيرۋس وكپە قابىنۋ ىندەتى قۇتىرىنا ەتەك جايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، سان ميلليونداعان حالىق ەل بىرلىگىنەن بەرىك قامال تۇرعىزىپ، جۇدىرىقتاي جۇمىلىپ، بۇكىل ەلدىڭ كۇشىن شوعىرلاندىرىپ، بۇرىن بولماعان كولەمدە ءومىردى قۇتقارۋدىڭ - كومەكتەسۋدىڭ زور شاراسىن اتقارىپ، ىندەتتەن ساقتانۋ - تىزگىندەۋدىڭ ايباتى اسقاق، ايبىنى ۇستەم توسقاۋىل شايقاسىن جۇرگىزدى.
تۋعانىنا نەبارى 30 نەشە ساعات بولعان شاقالاق سابيدەن جاسى 100دەن اسقان قارتقا دەيىن، جۇڭگودا وقىپ جاتقان شەتەلدىك وقۋشىلاردان جۇڭگوعا كەلگەن شەتەلدىكتەرگە دەيىن ءار ادامنىڭ ومىرىنە بار كۇشپەن مەدەت بەرىلىپ، ادامنىڭ ءومىرى، ادامنىڭ قۇنى، ادامنىڭ ار - نامىسى دەن قويا قورعالدى.
بيىل 3 - ايدان بەرى اسا كۇشتى جۇعىمدالۋ قاسيەتىنە يە وميكروننىڭ وزگەرگەن شتاممى جەدەل ءورشىدى. باس شۋجي شي جينپيڭ ءوزى قولباسشىلىق ەتىپ، ىندەتتەن ساقتانۋ - تىزگىندەۋ قىزمەتىن قاتاڭ، ويداعىداي يگەرۋ جونىندە ورنالاستىرۋ جاساپ، بىلاي دەپ باسا دارىپتەدى: ”قاشاندا حالىقتى بارىنەن جوعارى قويۋ، ءومىردى بارىنەن جوعارى قويۋعا تاباندى بولىپ، عىلمي، دالمە - ءدال بولۋعا، يكەمدى نولگە تۇسىرۋگە تاباندى بولۋ كەرەك“.
ۆاكسينا زەرتتەۋ - جاساۋعا كوپتەگەن تەحنيكالىق جولداردى ىسكە قوسىپ، جالپى حالىققا تەگىن ۆاكسينا ەگىلىپ، حاۋىپسىز، عىلمي بولۋ شارتىندا ءارقانداي ءبىر قاۋىم قاعىس قالمادى... 9 - ايدىڭ 12 - كۇنىنە دەيىن بۇكىل ەلدەگى 31 ولكە، رايون، قالادا جانە شينجياڭ ءوندىرىس - قۇرىلىس بيڭتۋانىندا جاڭا تيپتى ايدارشا ۆيرۋس ۆاكسيناسىن ەكتىرۋ 3 ميلليارد 434 ميلليون رەتتەن استى.
ىندەتتەن ساقتانۋ - تىزگىندەۋدى قاتاڭ، ەگجەي - تەگجەيلى، ويداعىداي يگەرىپ، ىندەتتەن ساقتانۋ - تىزگىندەۋ قورعانىن بەرىك سوقتى. ەلىمىز حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعاپ، ەكونوميكانىڭ دامۋى مەن ىندەتتەن ساقتانۋ - تىزگىندەۋدى ءبىر تۇتاس جوسپارلاۋدا دۇنيە ءجۇزى بويىنشا ەڭ جاقسى جەتىستىككە قول جەتكىزدى.
”حالىق بۇقاراسىنىڭ قاجەتىن، كوكەي تەستى ءىسىن، ارمانىن شەشۋگە كۇش سالامىز“
”حالىقتىڭ قامىن ءارقاشان كوكەيىمنەن شىعارمايمىن؛ حالىقتىڭ قالاۋىن ، ءسوز جوق، ورىنداۋعا ۇمتىلامىن“.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشىپ، مەكتەپكە دەيىنگى تاربيەدەن يگىلىكتەنۋدە، وقيتىن مەكتەبى بولۋدا، ەڭبەگىنىڭ جەمىسىن كورۋدە، اۋىرعاندا ەمدەلەتىن مۇمكىندىگى بولۋدا، قارتايعاندا كۇتىمدەلەتىن ورىن بولۋدا، تۇراقتى باسپاناسى بولۋدا، كومەككە ءزارۋ جاندار كومەكتەن يگىلىكتەنە الاتىن بولۋدا تىڭ ىلگەرىلەۋشىلىككە قول جەتكىزۋدى ۇزدىكسىز ىلگەرىلەتتى.
”3 دارەجەلى ۇكىمەتتىك شيپاحانالاردا ءبىر تال ءتىستى قالىپتى ولشەمدە ەكتىرۋدىڭ مەديتسينالىق قىزمەت وتەۋ بولىگىنىڭ جالپى باعاسى پرينسيپتىك جاقتان 4500 يۋاننان اسپاۋى كەرەك“. جەر - جەر الەۋمەتتىك يگىلىك پرينسيبىنە تاباندى بولىپ، ۇكىمەتتىك ەمدەۋ قۇرىلىمدارىندا قوندىرىم سالۋ اقىسى، ءتىسساۋىت قويۋ اقىسى، سۇيەك سالۋ وتا اقىسى سياقتىلاردىڭ باعاسىن تومەندەتتى.
مەملەكەتتىك ەمدەۋدى قامسىزداندىرۋ مەكەمەسى 9 - ايدىڭ 8 - كۇنى جاريالاعان ءبىر حابارلاندىرۋ حالىق تۇرمىسىنداعى ”كەسىرلى ءتۇيىندى“ ءونىمدى جويۋدى ماقسات ەتىپ، قوعامنىڭ جاپپاي نازارىن اۋداردى.
وسى 10 جىلدا ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسى ۇزدىكسىز تەرەڭدەپ، ءدارى - دارمەك كىرىسىمەن ەمدەۋ سالاسىن باعاتىن ”قاساڭ دەرت“ شاپشاڭ ايىقتى. قازىرگە دەيىن جۇرگىزىلگەن 7 توپتاعى توپتاپ ساتىپ الۋدا تاڭدالعان ءدارى - دارمەكتەردىڭ ورتاشا باعاسى ％50تەن استام تومەندەتىلدى. ەكى توپتا شىعىس ماتەريالدارىن توپتاپ ساتىپ الۋدا ورتاشا باعا ％80تەن استام تومەندەپ، بۇقارانىڭ ءدارى تۇتىنۋ اۋىرتپالىعى مولشەرمەن جيىنى 300 ميلليارد يۋانداي جەڭىلدەتىلدى.
حالىق تۇرمىسى حالىق تىلەگىمەن بايلانىسىپ جاتادى. باس شۋجي شي جينپيڭ بىلاي دەپ ايقىن اتاپ كورسەتتى: ”حالىق بۇقاراسى جالپى بەتتىك كوڭىل ءبولىپ وتىرعان، اڭىسى كۇشتى، قايتا - قايتا بەلەڭ بەرگەن ماسەلەلەردى نەگىز ەتىپ، اناعۇرلىم كوپ رەفورمالاۋ، جاڭالىق اشۋ شارالارىن شىعارىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ، تۇرعىن ءۇي، زەينەتكەرلىك، ازىق - تۇلىك حاۋىپسىزدىگى، ەكولوگيالىق ورتا، قوعام اماندىعى سياقتى ماسەلەلەردى ءبىر - بىرلەپ ويداعىداي شەشىپ، حالىق بۇقاراسىنىڭ تابىس سەزىمىنىڭ تاتىمىن اناعۇرلىم كۇشەيتۋگە، باقىت سەزىمىن اناعۇرلىم باياندى، حاۋىپسىزدىك سەزىمىن اناعۇرلىم قامتاماسىز ەتۋگە قۇلشىنۋ كەرەك“.
مەحانيزم ورناتىپ، بوگەتتەردى الاستاپ، قيىن ماسەلەلەردى شەشىپ، نوپوس ءتۇزىمى رەفورماسى ءتارتىپتى ىلگەرىلەتىلىپ، جىل سايىن اۋىل - قىستاقتان 10 ميلليوننان استام حالىق قالا - قالاشىققا نوپوس قوندىردى؛ قوقىر - قوقسىقتاردى تۇرگە ايىرۋ، تازا ەنەرگيا ارقىلى جىلۋمەن قامداۋ، دارەتحانا توڭكەرىسى، مەكتەپ سىرتىنداعى باۋلۋ كۋرستارىنان تۇسەتىن اۋىرتپالىقتى جەڭىلدەتۋ... حالىق تۇرمىسىنداعى ”ۇساق ىستەر“ جۇڭنانحايداعى كەڭەس ۇستەلىنە شىعارىلىپ، رەفورمانىڭ كۇش سالۋ تۇيىندەرىنە اينالىپ، حالىق تۇرمىسىنىڭ ساپاسىن ۇزدىكسىز جوعارىلاتتى.
جۇمىستاندىرۋ − حالىق تۇرمىسىنىڭ نەگىزى. پارتيا 18 - قۇرىلتايىنان بەرى پارتيا ورتالىق كوميتەتى جۇمىستاندىرۋدى الدىمەن ويلاستىرۋ ساياساتىن ۇزدىكسىز كۇشەيتتى، وتە - موتە، جاقىنعى جىلداردان بەرى جۇمىستاندىرۋدى ”التىنى ورنىقتىرۋدىڭ“، ”التىنى قامتاماسىز ەتۋدىڭ“ ماڭداي الدى ورنىنا قويىپ، جۇمىستاندىرۋ قىزمەتىن ىلگەرىلەتۋدە تاريحي تابىسقا قول جەتكىزدى. 10 جىلدا قالا - قالاشىقتا جاڭادان جالپى 130 ميلليون ادامنىڭ جۇمىستانۋىن جۇزەگە اسىرىپ، جالپى 55 ميلليون 10 مىڭ جۇمىسسىز ادامنىڭ قايتالاي جۇمىستانۋىن جەبەدى.
2012 - جىلدان 2021 - جىلعا دەيىن ەلىمىز ءتۇرلى قامتاماسىز ەتۋ سيپاتىنداعى تۇرعىن ۇيلەر مەن لاشىق ۇيلەردى جاڭالاۋ بويىنشا ورنالاستىرۋعا بەرىلەتىن تۇرعىن ۇيلەردەن جالپى 59 ميلليوننان استامىن سالىپ، جىلىنا ورتا ەسەپپەن 40 ميلليوننان استام ادامنىڭ ەڭ تومەنگى تۇرمىسىن قامتاماسىز ەتتى؛ نەگىزگى ەمدەۋ، زەينەتكەرلىك قامسىزداندىرۋى ءبىر ميلليارد 360 ميلليوننان استام ادامدى، ءبىر ميلليارد 40 ميلليوننان استام ادامدى قامتىپ، دۇنيە ءجۇزى بويىنشا كولەمى ەڭ ۇلكەن قوعامدىق قامتاماسىزداندىرۋ جۇيەسىن ورناتتى... قامتۋ كولەمى اناعۇرلىم كەڭ، باعىتتامالىلىق سيپاتى اناعۇرلىم كۇشتى شارالار حالىق تۇرمىسىنداعى ولقىلىقتاردىڭ ورنىن شاپشاڭ تولتىردى.
نەگىزگى الەۋمەتتىك دەنساۋلىق ساقتاۋ بويىنشا قىزمەت وتەۋ قاراجاتىنا بەرىلەتىن جان باسىندىق ورتاشا جاردەماقى ولشەمى 2012 - جىلعى 25 يۋاننان 2022 - جىلى 84 يۋانعا جوعارىلادى؛ بۇكىل ەلدەگى ءار ءتۇرلى قارتتاردى كۇتىمدەۋ قىزمەت وتەۋ قۇرىلىمدارىنداعى توسەك - ورىن سانى 2012 - جىلداعىدان ەكى ەسەگە جۋىق كوبەيدى؛ تىنىش جۇڭگو قۇرىلىسىن ۇزدىكسىز ىلگەرىلەتىپ، بۇكىل ەلدەگى قوعام اماندىعى جاعدايى تاريحتاعى ەڭ جاقسى دەڭگەيگە جەتتى؛ قوعامدىق ادىلدىكتى، تۋراشىلدىقتى زاڭمەن باسقارۋ ارقىلى قامتاماسىز ەتۋ اناعۇرلىم پارمەندى بولدى... سان - سالادا، الۋان ارنادا، حالىق تۇرمىسىنىڭ تالاي - تالاي ناقتى ىستەرى ورنىقتى قاداممەن ىلگەرىلەپ، حالىق تۇرمىسىنىڭ قۇت - ىرىسىن شىنايى مولايتتى.
”رەفورما، دامۋ جەتىستىكتەرىنىڭ اناعۇرلىم كوپ بۇقاراعا تيىمدىلىك جەتكىزۋىنە مۇمكىندىك جاسايمىز“
”حالىق تۇرمىسىن قامتاماسىز ەتۋ مەن جاقسارتۋدىڭ سوڭعى كومبەسى بولمايدى، تەك ۇزدىكسىز جالعاسقان جاڭا باستامالارى عانا بولادى“.
جاڭا جورىققا اتتانىپ، جاڭا دامۋ كەزەڭىنە قادام تاستاعاندا، شي جينپيڭ جولداستى ۇيتقى ەتكەن پارتيا ورتالىق كوميتەتى حالىق تۇرمىسىن قامتاماسىزداندىرۋ مەن جاقسارتۋدى ۇزدىكسىز كۇشەيتىپ، رەفورما، دامۋ جەتىستىكتەرىنىڭ جالپى حالىققا اناعۇرلىم كوپ، اناعۇرلىم ءادىل تيىمدىلىك جەتكىزۋىن ىلگەرىلەتتى.
ءار مىڭ ادامعا تيەسىلى كاسىپتىك (كومەكشى) شيپاگەر سانى 3.2 ادامعا جەتتى، تيەسىلى 3 جاستان تومەنگى بوبەكتەردى اماناتتاۋ ورنى 4.5كە جەتتى، ورتاشا مەجەلى عۇمىر ءبىر جاس جوعارىلادى... ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسى ”14 - بەسجىلدىق“ مەزگىلىندەگى ەكونوميكالىق، قوعامدىق دامۋ جونىندە بەلگىلەنگەن 20 ءتۇرلى باستى كورسەتكىشتە حالىق تۇرمىسىنىڭ قۇت - ىرىسى تۇرىندەگى كورسەتكىش 7گە جەتىپ، يەلەگەن سالىستىرماسى ءار رەتكى بەسجىلدىق جوباداعىلاردىڭ ىشىندە ەڭ جوعارى بولدى.
”كوممۋنيستىك پارتيا حالىق ءۇشىن ءىس ىستەيدى، حالىقتىڭ تۇرمىسىنىڭ كۇن سايىن جاقسارۋىنا، جىلدان - جىلعا جاقسى تۇرمىس كەشىرۋىنە مۇمكىندىك جاسايدى“. باس شۋجي شي جينپيڭ قاشاندا حالىق تۇرمىسىن كوكەيىنەن شىعارمادى.
حالىقتى اناعۇرلىم تاماشا تۇرمىسقا كەنەلتۋدە جوعارى ساپالى دامۋدى ىلگەرىلەتۋ تەتىك بولىپ تابىلادى.
”قىراۋ ءتۇسىپ، بامبۋك سىرىق ىرعالىپ، كىشكەنتاي جاڭعاق بارلىق جەرگە شاشىلدى“. 9 - ايدىڭ 7 - كۇنى قىراۋ امالى، سونداي - اق انحۇيدىڭ شىشيان اۋدانىنداعى 100 مىڭ مۋدان اساتىن تاۋ جاڭعاعىنان ءونىم الىنعان كۇن.
”يرەلەڭدەگەن قىراتتار اراسىندا بامبۋك سىرىقتار باياۋ ىرعالىپ، جاڭعاق جەمىسى تارس - تۇرس جەرگە ءتۇسىپ جاتتى. ساۋدا بازارىندا ماشينالار گۇرىلدەپ، ۇيمە - ۇيمە تاۋ جاڭعاقتارى تەز ارادا ساتىلىپ كەتتى.
شىشيان اۋدانىندا بيىل تاۋ جاڭعاعىنىڭ جاس جەمىسىنىڭ ءتۇسىمى بىلتىرعىدان مولشەرمەن ％20 جوعارىلاپ قانا قويماي، جىنتىكتەي وڭدەلگەن دايىن ءونىمنىڭ ءونىم قۇنى دا ارتا ءتۇستى. كىشكەنتاي عانا تاۋ جاڭعاعى اۋىل - قىستاقتى گۇلدەندىرۋدەگى ۇلكەن كاسىپ سالاسىنا، شارۋالاردىڭ كىرىسىن ارتتىرۋداعى ”التىن جەمىسكە“ اينالدى.
پارتيا ورتالىق كوميتەتىنىڭ ورنالاستىرۋى بويىنشا، ەلىمىز اۋىل - قىستاقتى گۇلدەندىرۋدى جاپپاي ىلگەرىلەتىپ، جوعارى ساپالى دامۋدى جەدەل ىلگەرىلەتىپ، دامۋدىڭ بىركەلكى بولماۋى، تولىق بولماۋى ماسەلەسىن ۇزدىكسىز شەشىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن اناعۇرلىم جوعارى دەڭگەيدە، اناعۇرلىم ويداعىداي قاناعاتتاندىردى.
حالىقتى اناعۇرلىم جاقسى تۇرمىسقا كەنەلتۋ ءۇشىن، ءسوز جوق، حالىقتىڭ رۋحاني تۇرمىسىن ۇزدىكسىز بايىتۋ كەرەك.
مەملەكەتتىڭ الەۋمەتتىك مادەنيەت بۇلتىن، زەردەلى راديو - تەلەۆيزيا، زەردەلى كىتاپحانا قۇرۋ، ”حالىقتىڭ اراسىنا بارۋ“، ”شاتتىقتى نەگىزگى ساتىعا جەتكىزۋ“ سياقتى قيمىلدار دابىرالى ورىستەتىلىپ، اناعۇرلىم كوپ ساياباق تەگىن اشىلدى... سوتسياليستىك وزەكتى قۇن كوزقاراسى ارقىلى مادەنيەت قۇرىلىسىن جەتەكتەۋگە تاباندى بولىپ، بۇقارانىڭ رۋحاني مادەنيەت تۇرمىسى ۇزدىكسىز تولىقتى.
”حالىق بۇقاراسىن باقىتتى تۇرمىسقا كەنەلدىرۋ − پارتيامىزدىڭ 100 جىلدان بەرگى تاباندى تالپىنىسى، ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇرپاقتان - ۇرپاققا جالعاستىرىپ ىستەي بەرۋىمىز كەرەك“. بيىل كوكتەم مەرەكەسى قارساڭىندا، باس شۋجي شي جينپيڭ سانشيگە بارىپ، نەگىزگى ساتىداعى كادرلار مەن بۇقاراعا امانداسىپ، حال سۇراعاندا، كوممۋنيستەردىڭ حالىقشىلدىق ىنتا - ىقىلاسىن تاعى ءبىر رەت اشىق جاريالادى.
حالىقتى اناعۇرلىم جاقسى تۇرمىسقا كەنەلدىرۋ ءۇشىن، ءسوز جوق، جالپى حالىقتىڭ بىرگە بايۋىن جەبەۋدى اناعۇرلىم ماڭىزدى ورىنعا قويۋ كەرەك.
جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن، ءبىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادىق.
باس شۋجي شي جينپيڭ مىنانى ايقىن تالاپ ەتتى: ”جاڭا باستامادا جالعاستىرا كۇرەس جۇرگىزىپ، جالپى حالىقتىڭ بىرگە بايۋىن ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە قول جەتكىزۋ كەرەك“.
بىرگە بايۋدان ۇلگى كورسەتۋ رايونىن قۇرۋ ءۇشىن، جىجياڭ ولكەسى ”ورتا كىرىستەگى قاۋىمنىڭ كولەمىن كەڭەيتۋدى“، ”تومەن كىرىستى قاۋىمنىڭ كىرىسىن ارتتىرۋدى“ سەرپىلىستىك تۇتقا ەتىپ، تەحنيكالىق جۇمىسشىلار، عىلمي زەرتتەۋ قىزمەتكەرلەرى، جوعارى ساپالى شارۋالار سياقتى 9 ءتۇرلى قاۋىمدى ”ورتا كىرىستەگى قاۋىمنىڭ كولەمىن كەڭەيتۋدىڭ“ ءتۇيىنى ەتىپ، ءبولىس مەحانيزمىن ساپالىلاندىرىپ، ءتۇيىندى ادامداردىڭ ورتاشا كىرىستىلەر قاۋىمىنا قوسىلۋ ارناسىن اشتى.
نەگىزگى الەۋمەتتىك قىزمەت وتەۋدىڭ بىركەلكىلەنۋ ورەسىن جوعارىلاتىپ، تۇرعىنداردىڭ كىرىسىن ارتتىرۋ ارناسىن كەڭەيتىپ، ورتا كىرىستەگى قاۋىمنىڭ كولەمىن كەڭەيتۋ ارەكەت جوسپارىن اتقاردى... ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسىنىڭ ورنالاستىرۋى بويىنشا، ءبىر قىدىرۋ رەفورما شارالارى جالپى حالىقتىڭ بىرگە بايۋ نىساناسىنا قاراي تىڭعىلىقتى قادام تاستاۋىنا مۇمكىندىك جاساپ، جۇڭگو ۇلگىسىندەگى وسىزامانداندىرۋ جولى جۇرگەن سايىن كەڭەيە ءتۇستى.
بيلىك دەگەنىمىز حالىق، حالىق دەگەنىمىز بيلىك.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 100 جىلدىق ءىرى پارتيا، ءسوز جوق، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرىپ، بارشا جۇڭحۋا پەرزەنتتەرىن ىنتىماقتاستىرىپ، باستاپ، جۇڭحۋا ۇلتىنىڭ ۇلى گۇلدەنۋىنىڭ جاڭا جورىعىندا تاعى دا تىڭ شۇعىلالى ناتيجەلەرگە قول جەتكىزەتىن بولادى.
(تىلشىلەر جياڭ لين، ۋاڭ يوۋليڭ، جوۋ يۋان، چىن حۇڭي)
(شينحۋا اگەنتتىگىنىڭ 9 - ايدىڭ 15 - كۇنى بەيجيڭنەن بەرگەن حابارى)
