تيانشان تورى
تيانشان تورى   ›   جاڭالىقتار   ›   شينجياڭ حابارلارى

شيحۋ قالاسى توۋتاي اۋىلىنىڭ 130 مىڭ مۋ جەردەگى ماقتانى ماشينامەن جيناۋ جۇمىسى جالپى بەتتىك باستالىپ، ماقتانىڭ قامبالانۋىنا كەپىلدىك ەتتى

  9 - ايدىڭ 22 - كۇنى، تارباعاتاي ايماعى شيحۋ قالاسى توۋتاي اۋىلىنداعى ساپالى ماقتا بازاسىندا، گۇرىلدەپ ارلى ـ بەرلى جۇيتكىگەن ماقتا جيناۋ ماشيناسىنىڭ داۋىسىنا ىلەسە، وسى اۋىلدىڭ 130 مىڭ مۋ جەرىندەگى ماقتانى ماشينامەن جيناۋ جۇمىسى باستالدى.

  شيحۋ قالاسى توۋتاي اۋىلىنىڭ 130 مىڭ مۋ جەردەگى ماقتانى ماشينامەن جيناۋ جۇمىسى جاپپاي جۇرگىزىلۋدە

  لي ميڭ شيحۋ قالاسى توۋتاي اۋىلىنداعى ماقتا ەگىمشىلىگىمەن شۇعىلداناتىن ٴىرى وتباسى، بيىل ونىڭ وتباسى 300 مۋ جەرگە ماقتا ەگىپ، مول ٴونىم الۋدان ٴۇمىت بايقالدى. لي ميڭ بىلاي دەدى: ”ماقتا جيناۋ ماشيناسىنىڭ قارقىنى وتە تەز، ٴبىر كۇندە 700 مۋدان استام جەردەگى ماقتانى جيناۋعا بولادى، وتباسىمىزدىڭ 300 مۋ جەردەگى ماقتاسىن جيناپ الۋعا كوپ ۋاقىت كەتپەيدى. ادام كۇشىمەن ماقتا تەرۋمەن سالىستىرعاندا كوپ ەڭبەك ۇنەمدەلەدى، سوڭعى 2 جىلدا ماشينامەن ماقتا جيناۋ تەحنيكاسى دا ٴبىرشاما كەمەلدەنە ءتۇسىپ، تازا جيناۋ مولشەرى جوعارىلادى دا، قوقىر - قوقىس ارالاسۋ مولشەرى تومەندەپ، ەگىمشىلىك وتباسىلارىنىڭ كىرىسىن ارتتىرۋىن اناعۇرلىم جەبەدى“.

  سوڭعى جىلدارى، شيحۋ قالاسى توۋتاي اۋىلى ماشينامەن جيناۋ ۇلگىسىن زور كۇشپەن ىلگەرىلەتۋمەن بىرگە، ماقتا جيناۋ ماشينالارىن جۇرگىزۋشىلەر قوسىنىنىڭ حاۋىپسىزدىك تاربيەسىن كۇشەيتۋگە باسا ٴمان بەردى، ماقتا ٴوندىرىسىنىڭ تۇتاس بارىسىن ماشينالاندىرۋعا شىنايى كەپىلدىك ەتىپ، ماقتانىڭ تازا جينالۋ مولشەرىن جوعارىلاتىپ، ماقتا ەگۋشىلەردىڭ كىرىسىن ۇزدىكسىز ارتتىرۋىن جانە ماقتا ءوندىرىسى كاسىپ سالاسىنىڭ كولەمدەنىپ دامۋىن اناعۇرلىم جەبەدى.

  شيحۋ قالاسى توۋتاي اۋىلىنىڭ 130 مىڭ مۋ جەردەگى ماقتانى ماشينامەن جيناۋ جۇمىسى جاپپاي جۇرگىزىلۋدە

  بيىل توۋتاي اۋىلى ماقتا جيناۋ ماشيناسىنان 30 ىن ىسكە قوستى. ماقتا جيناۋ ماشيناسىنىڭ جۇرگىزۋشىسى جاۋ جۇنحۇي بىلاي دەدى: ”ماقتا جيناۋ ماشيناسىن جۇرگىزگەندە، ەڭ ماڭىزدىسى حاۋىپسىزدىك، ٴبىز باستاپقى مەرزىمدە دە حاۋىپسىزدىك تاربيەلەۋىنە قاتىناستىق. ٴسوز جوق، ەرەجە بويىنشا جۇمىس جۇرگىزەمىز، تيتتەي دە شالاعايلىق ىستەۋىمىزگە بولمايدى، ونىڭ ۇستىنە كوز شاپشاڭ، قول تەز بولۋ كەرەك، كوبىرەك تەكسەرىپ، ماشينانىڭ تۇمسىعىنداعى قوقىر - قوقسىق زاتتاردى تازالاپ تۇرامىز، دىمقىل ماقتا جيناۋدان ساقتانامىز. ۇقساماعان جەرگە قاراي، ماشينالاردىڭ ارالىعىن، بيىكتىگىن تەڭشەپ، تازا جيناۋ مولشەرىن جوعارىلاتىپ، ٴونىم مولشەرىن ارتتىرامىز“.

  شيحۋ قالاسى توۋتاي اۋىلدىق پارتكومنىڭ ورىنباسار شۋجيى، اۋىل باستىعى ياڭ جىن بىلاي دەدى: ”توۋتاي اۋىلى بيىل 130 مىڭ مۋ جەرگە ماشينامەن جينالاتىن ماقتا ەكتى، ماقتانى ماشينامەن جيناۋ قىزمەتىن جاقسى ىستەۋ ٴۇشىن، ٴبىز ماقتا جيناۋ ماشينالارىن جىلدىق تەكسەرۋ، تەكسەرۋ ـ جوندەۋ سياقتى قىزمەتتەردى الدىن الا جاقسى ىستەدىك، ٴارى ماقتا جيناۋ ماشينالارىنىڭ يەسى مەن جۇرگىزۋشىلەرىنە حاۋىپسىزدىك تاربيەسى مەن باۋلۋدى كۇشەيتتىك. ۇقساماعان سورت، ۇقساماعان ەگىنشىلىك ۇلگىسى جانە جيناۋ ونىمدىلىگىنە قاراتا رەتتەۋ جۇرگىزىپ، ەڭ تاڭداۋلى جيناۋ ساپاسى، حاۋىپسىز وندىرىسكە كەپىلدىك ەتۋمەن بىرگە، بۇقارانى رازى ەتىپ، ماقتانىڭ قامبالانۋىنا كەپىلدىك ەتتىك“. (ەرىكتى ٴتىلشى جاڭ جۇن، سۇن تۇڭگو، لي شيۋ)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.