شي جينپيڭ «گۇلدەنۋ جازبالار قامباسىنا» العى ءسوز جازىپ، بىلاي دەپ باسا دارىپتەدى
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
شينحۋا اگەنتتىگىنىڭ 9 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا باسپادان شىعۋ، تاراتىلۋ الدىندا تۇرعان «گۇلدەنۋ جازبالار قامباسىنا» «گۇلدەنۋ جولىندا تاباندىلىقپەن العا باسايىق» دەگەن تاقىرىپتا العى ءسوز جازدى.
شي جينپيڭ بىلاي دەپ اتاپ كورسەتتى: تاريح جازىپ، ونەگە تۇلعالاۋ، تاريحتى ساقتاپ، پاراسات كوزىن اشۋ، مادەنيەت ارقىلى ادام باۋلۋ − جۇڭحۋا ۇلتىنىڭ نەشە مىڭ جىلدان جالعاسىپ كەلە جاتقان ءداستۇرى. «گۇلدەنۋ جازبالار قامباسىن» قۇراستىرۋ − پارتيا ورتالىق كوميتەتى بەكىتىپ اتقارعان كەلەلى مادەنيەت ينجەنەرياسى. پارتيامىز حالىقتى باستاپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان ساتتە، وسى ماڭىزدى جازبالاردىڭ باسپادان شىعۋى ءبىزدىڭ تاريح سەنىمىن بەكەمدەپ، ءداۋىردىڭ ۇلكەن اۋقىمىن يگەرىپ، جۇڭگو جولىمەن ويداعىداي ءجۇرىپ، جۇڭگو ۇلگىسىندەگى وسىزاماندانۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋىمىز جونىنەن اسا ماڭىزدى مانگە يە.
شي جينپيڭ بىلاي دەپ باسا دارىپتەدى: جۇڭحۋا ۇلتى دۇنيە جۇزىندەگى ۇلى ۇلت، ادامزات وركەنيەتىنىڭ العا باسۋىنا وشپەس ۇلەس قوسقان. تاياۋ زامانعا اياق باسقاننان كەيىن، جۇڭحۋا ۇلتى بۇرىن بولماعان تاۋقىمەتتەرگە تاپ بولدى. سول شاقتان باستاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جۇڭگو حالقى مەن جۇڭحۋا ۇلتىنىڭ ەڭ ۇلى ارمانىنا اينالدى. سانسىز ارداگەر ازاماتتار العا قويعان مۇراتىنان جازباي، جان - جاقتى ىزدەنىس جاساپ، ارىپ - تالاسا اتتان سالىپ، ەرلىكپەن كۇرەس جاسادى. جۇڭگو كوممۋنيستىك پارتياسى قۇرىلعان سوڭ، حالىقتى ىنتىماقتاستىرىپ، باستاپ، الدىڭعىلارى جىعىلسا سوڭعىلارى ءىزىن جالعاپ، اسا ماشاقاتتى كۇرەستەر جۇرگىزىپ، ماركسيزمنىڭ جەتەكشىلىك ورنىنا تاباندى بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن تاۋىپ، توڭكەرىس، قۇرىلىس، رەفورما سىندى ءارقايسى تاريحي كەزەڭدەردە قاجىماي - تالماي قۇلشىنىس جاساۋ ارقىلى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، جۇڭحۋا ۇلتىنىڭ دامۋ ۇردىسىندە ايبىنى ەڭ كۇشتى تاريح تاراۋىن جازدى، جۇڭحۋا ۇلتىنىڭ ۇلى گۇلدەنۋىندە بۇرىن بولماعان نۇرلى بولاشاق جارىققا شىقتى. جۇڭگو كوممۋنيستىك پارتياسىنىڭ پارمەندى باسشىلىعىندا، عىلمي نازاريانىڭ جەتەكشىلىگى مەن دۇرىس جولدىڭ جەتەگىنە تاباندى بولىپ، ميلليارد حالىقتىڭ ىنتىماقتاسا كۇرەس جۇرگىزۋىنىڭ تەلەگەي كۇشىن ۇيىستىرسا بولعانى، جۇڭگو حالقىنىڭ جۇڭگونىڭ دامۋ، العا باسۋ تاعدىرىن ءوز قولىندا مىقتى ۇستاي الاتىندىعىن تاريح الدەقاشان دالەلدەدى ءارى ۇزدىكسىز دالەلدەي بەرەدى دە!
شي جينپيڭ بىلاي دەپ اتاپ كورسەتتى: ۇلى گۇلدەنۋدى جۇزەگە اسىرۋدىڭ تاريحي ۇردىسىندە جۇڭحۋا ۇلتىنىڭ ءار ۇرپاق العاباسارلارى مەن تاڭداۋلى پەرزەنتتەرى ىزدەنىس جاساپ، كۇرەس جۇرگىزىپ، قۇرباندىق بەرىپ، جاسامپازدىق جاراتىپ، قىرۋار ماڭىزدى تاريحي قۇنعا جانە داۋىرلىك مانگە يە باعالى جازبالار قالدىردى. «گۇلدەنۋ جازبالار قامباسى» سىندى كولەمدى تاريحي جازبالار جيناعىن قۇراستىرۋ، باسپادان شىعارۋ تاياۋ زاماننان بەرگى ماڭىزدى يدەيالىق جازبالاردى تاڭداپ جيناققا قوسۋ ارقىلى الدىڭعىلاردىڭ اشقان ءىزىن بايانداپ، ەستەلىككە ءتۇسىرۋ، سوڭعىلاردى كۇرەس جۇرگىزۋگە ىنتالاندىرۋ ءۇشىن بولىپ تابىلادى. كەزەكتە دۇنيە جۇزىندە 100 جىلدا بولماعان ۇلكەن وزگەرىس جەدەل قۇبىلىپ، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى، بۇل بىزدەن تاريحتى اينا ەتۋدى، وتكەندى باعامداپ، بولاشاقتى بولجاۋدى اناعۇرلىم قاجەت ەتەدى. ءبىز پارتيا تاريحىن جاقسى ۇيرەنۋ نەگىزىندە، جۇڭگونىڭ تاياۋ زامان تاريحىن جاقسى ۇيرەنىپ، جۇڭگو تاريحىن جاقسى ۇيرەنىپ، قايدان كەلگەنىمىزدى، قايدا باراتىنىمىزدى انىق اڭعارىپ، جۇڭگو كوممۋنيستەرىنىڭ نە ىستەيتىندىگىن، نەنى ىستەگەندىگىن، تاعى نەلەردى ىستەمەكشى ەكەندىگىن انىق ءبىلىپ، بۇرىن ءبىزدىڭ نە ءۇشىن تابىسقا جەتكەنىمىزدى، بولاشاقتا قايتكەندە ۇزدىكسىز تابىسقا جەتە الاتىنىمىزدى انىق ءتۇسىنۋىمىز كەرەك. مادەنيەت سەنىمىن بەكەمدەپ، مادەنيەت سانالىلىعىن كۇشەيتىپ، توڭكەرىستىك مادەنيەتتى جالعاستىرىپ، سوتسياليستىك وزىق مادەنيەتتى دامىتىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى ىلگەرىلەتىپ، جۇڭحۋا ۇلتىنىڭ ورتاق رۋحاني مەكەنىن قۇرۋىمىز كەرەك. تاريحتىڭ ءنار - جاۋھارىن قابىلداپ، نازاريادا جاڭالىق اشۋدى ىلگەرىلەتىپ، جۇڭگو عىلىمىن اناعۇرلىم ويداعىداي گۇلدەندىرىپ، جۇڭگو نازارياسىن دامىتىپ، جۇڭگو يدەياسىن تاراتىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتۋىمىز كەرەك. مۇرات - سەنىمدى بەكەمدەپ، رۋحاني كۇش توپتاپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولىپ جانە ونى دامىتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ءبىزدىڭ وسى بۋىننىڭ اقىل - پاراساتى مەن كۇش - قايراتىن ارناپ، ءبىزدىڭ وسى بۋىنعا ءتان ناتيجە جانە شۇعىلا جاراتۋىمىز كەرەك.
«گۇلدەنۋ جازبالار قامباسى» جۇڭحۋا ۇلتىنىڭ ۇلى گۇلدەنۋىن نەگىزگى تاقىرىپ، يدەيا تاريحىن نەگىزگى دەرەك ەتىپ، 1840 - جىلعى اپين سوعىسىنان بەرگى جۇڭحۋا ۇلتىنىڭ ۇلى گۇلدەنۋىنە قاتىستى ماڭىزدى جازبالاردى ارنايى ىرىكتەپ، جۇڭگو كوممۋنيستەرى ۋاكىل بولعان جۇڭحۋانىڭ تاڭداۋلى پەرزەنتتەرىنىڭ مەملەكەتتىڭ بايۋ - قۇدىرەتتەنۋىن، ۇلتتىڭ كوركەيۋىن، حالىقتىڭ باقىتىن جۇزەگە اسىرۋ جولىندا قاجىماي - تالماي ىزدەنىس جاساپ، قايىسپاس قايسارلىق كورسەتكەن تاريح ءىزىن تولىق، جان - جاقتى ۇلگىدە ەستەلىككە الىپ، جۇڭگونىڭ دامۋ ۇردىسىنە ىقپال ەتكەن، ءداۋىردى العا باسۋعا جەتەلەگەن، ۇلتتىڭ گۇلدەنۋىن ىلگەرىلەتكەن يدەيالار جەمىسىن شوعىرلى كورسەتىپ، جۇڭحۋا ۇلتىنىڭ ۇلى گۇلدەنۋىنىڭ تاريحي لوگيكاسىن، يدەيالىق ءتۇپ - قاينارىن جانە مادەنيەت ارقاۋىن تەرەڭ اشىپ كورسەتتى. «گۇلدەنۋ جازبالار قامباسى» جالپى 5 بولىمنەن قۇرالادى، مۇنىڭ ىشىندە 1 - بولىمنەن 3 - بولىمگە دەيىنگىسى جۋىقتا باسپادان شىعىپ، تاراتىلادى.
