− پارتيا 20 - قۇرىلتايىنا قاتىستى قىزمەتتەر تۋرالى ينتەرنەتتە پىكىر الۋ قيمىلى جونىندە جالپى شولۋ
□ شينحۋا اگەنتتىگىنىڭ ءتىلشىسى
پارتيا 20 - قۇرىلتايىنا قاتىستى قىزمەتتەردى ارقاۋ ەتە وتىرىپ ينتەرنەتتە پىكىر الۋ − پارتيا تاريحىندا پارتيانىڭ مەملەكەتتىك قۇرىلتايىنا قاتىستى قىزمەتتەر جونىندە بۇكىل پارتيادان، بۇكىل قوعامنان تۇڭعىش رەت اشىق پىكىر الۋ بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دەموكراتيانى ساۋلەلەندىرىپ، كوپتىڭ اقىل - پاراساتىن ساۋلەلەندىرەتىن تاماشا ستيلىن تولىق ايگىلەدى.
باس شۋجي شي جينپيڭ وسى رەتكى ينتەرنەتتە پىكىر الۋ قيمىلىنا ايرىقشا ءمان بەرىپ، ماڭىزدى بەكىتۋ جازىپ، قاتىستى قىزمەت ورنالاستىرۋلارىن ءوزى تەكسەرىپ بەكىتىپ، ارناۋلى ورنالاستىرۋ جاساپ، وسى قىزمەتتى ويداعىداي ىستەۋگە قۇلشىنۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.
باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرۋ، تياناقتاندىرۋ ءۇشىن، پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، ورتالىق كوميتەت ۇگىت ءبولىمى حالىق گازەتى مەكەمەسىن، شينحۋا اگەنتتىگىن، ورتالىق راديو - تەلەۆيزيا باس ستانسياسىن جانە ”ۇيرەنۋدە قۋاتتى ەل“ ۇيرەنۋ تۇعىرىن ۇيىمداستىرىپ، قاتىستى سايتتاردىڭ، كليەنتتەردىڭ باس بەتىنىڭ العاش كورىنەتىن پاراقشاسىندا ”مەن پارتيا 20 - قۇرىلتايىنا اقىل - كەڭەس بەرەمىن“ دەگەن سياقتى ارناۋلى ايدارلار اشىپ، قيمىلدىڭ جۇيەلى، ءتارتىپتى ورىستەتىلۋىن ىلگەرىلەتتى.
تۇرگە ايىرۋ سوزدەرىن، كىندىك سوزدەردى عىلمي جوبالاپ، ينتەرنەت قولدانۋشىلاردىڭ ات سالىسۋ جولدارىن شاپشاڭ تابۋىنا كومەكتەسۋدەن، پاراقشا - بولىكتەردىڭ قاراپايىم دا تۇسىنىكتى، جۇمىس جۇرگىزۋگە قولايلى بولۋىنا قۇلشىنىپ، بۇقارانىڭ ءبىر ءتىل تاقتامەن ات سالىسۋىنا شارت - جاعداي ازىرلەۋگە دەيىن ءارقايسى ۇلكەن تۇعىرلار قولايلى دا جوعارى ءونىمدى ۇسىنىس بەرۋ ارناسىن قالىپتاستىرۋعا كۇش سالدى.
ساپالى پىكىر - ۇسىنىستاردى دەن قويا تاڭداپ الۋدان جارقاعاز، بەينەبايان، H5 سياقتى ونىمدەر شىعارىپ، جاڭا مەديالىق جولمەن كورسەتۋگە، ونان الەۋمەتتىك ورىندارداعى دالالىق ۇلكەن ەكرانداردان جانە الەۋمەتتىك قاتىناس جىلجىمالى تەلەۆيزورلارىنان تولىق پايدالانىپ جالپى بەتتىك جالپىلاستىرۋعا دەيىن ءارقايسى ۇلكەن تۇعىرلار ينتەرنەت جەلىسىندىك، ينتەرنەت جەلىسىنەن تىس كوپ ءتۇرلى فورمالارمەن كەڭ كولەمدە ۇگىتتەپ، زور اۋقىم قالىپتاستىرىپ، ءارقايسى تۇعىرلارداعى پىكىر الۋ پاراقشالارىنىڭ جالپى وقىلىم مولشەرى 660 ميلليون رەتكە جەتتى.
ۇگىتتەۋ، جۇمىلدىرۋ ونىمدىلىگى كورنەكتى بولىپ، ات سالىسۋشىلار قاتارى بارعان سايىن كەڭەيدى.
ينتەرنەتتە پىكىر الۋ قيمىلىندا قيمىلعا ات سالىسقان ينتەرنەت قولدانۋشىلار اراسىندا مەملەكەت ورگاندارىنىڭ، ءىسورىنداردىڭ، مەملەكەت مەنشىگىندەگى كاسىپورىنداردىڭ قىزمەتكەرلەرى دە، حالىقتىق كاسىپورىندار، جەكە ساۋدا - ونەركاسىپشىلەر سياقتى كاسىپپەن شۇعىلدانۋشىلار دا؛ ءار سالاداعى مامان - وقىمىستىلار، كاسىپتىك - تەحنيكالىق قىزمەتكەرلەر دە، ءوندىرىستىڭ ءبىرىنشى شەبىندەگى قالىڭ جۇمىسشى - قىزمەتكەر بۇقاراسى دا بولدى، ولاردىڭ ％97تەن استامى شىن اتى - جونىمەن لەبىز قالدىردى.
پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، پارتيانى جاپپاي قاتاڭ باسقارۋدى ىلگەرىلەتۋ، جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ، رەفورما جاساۋدى، ەسىك اشۋدى جاپپاي تەرەڭدەتۋ، جالپى بارىستىق حالىق دەموكراتياسىن بەلسەنە دامىتۋ، مەملەكەتتى جاپپاي زاڭمەن باسقارۋدى ىلگەرىلەتۋ، سوتسياليستىك مادەنيەتتە قۋاتتى ەل قۇرۋ، حالىق تۇرمىسىن قامتاماسىز ەتۋ جانە جاقسارتۋ، ەكولوگيالىق وركەنيەت قۇرىلىسىن كۇشەيتۋ سياقتى جاقتارداعى مازمۇنداردى ارقاۋ ەتە وتىرىپ، بۇكىل ەلدىڭ جەر - جەرىنەن، ءار سالا، ءار كاسىپتەن كەلگەن ينتەرنەت قولدانۋشىلار بەلسەنە اقىل - كەڭەس بەردى.
حالىق بۇقاراسىنىڭ جاپپاي ءۇن قوسۋىنىڭ، بەلسەنە ات سالىسۋىنىڭ ارقاسىندا، قيمىل كەزىندە جيىنى 8 ميلليون 542 مىڭنان استام ءتۇرلى ۇسىنىس - پىكىر جينالىپ، ۇسىنىس - پىكىر سانى مەن ساپاسى بىردەي جوعارى بولۋ ەرەكشەلىگىن ايگىلەدى.
پارتيا قۇرىلىسىن كۇشەيتۋگە نازار شوعىرلاندىرعان ۇسىنىستار پارتيانى كوركەيتۋگە، پارتيانى قۇدىرەتتەندىرۋگە دەگەن ىستىق ىقىلاستى ءۇمىت - تىلەكتى تەرەڭ سۇيىسپەنشىلىكپەن ءبىلدىردى −
كەيبىر ينتەرنەت قولدانۋشىلار كوپ فورمامەن، كوپ ارنامەن، جان - جاقتى ۇگىت، ۇگىت لەكسيا ورىستەتىپ، قالىڭ كادرلار مەن بۇقارانىڭ ”ەكىنى تۇراقتاندىرۋدىڭ“ شەشۋشى ءمانى جونىندەگى تۇسىنىكتەرىن ونان ارى تەرەڭدەتۋىنە كومەكتەسۋدى ءۇمىت ەتسە؛ كەيبىر ينتەرنەت قولدانۋشىلار جاس وقۋشىلارعا ۇيلەسەتىن ۇگىت تاسىلدەرى جونىندە ۇزدىكسىز ىزدەنىس جاساپ، جاستاردىڭ پارتيانىڭ جاسامپاز نازاريالارى جونىندەگى تۇسىنىگى مەن تانىمىن تەرەڭدەتۋ جونىندە ۇسىنىس بەردى؛ كەيبىر ينتەرنەت قولدانۋشىلار پارتيا قۇرىلىسى ارقىلى نەگىزگى ساتىنىڭ ءتۇرلى قىزمەتتەرىنە جەتەكشىلىك ەتىپ، پارتيانىڭ ۇيىمدىق جۇيەسىنىڭ ”نەرۆ ۇشتارىن“ اناعۇرلىم جانداندىرىپ، پارتيانىڭ ”جاۋىنگەرلىك قامالىن“ اناعۇرلىم بەكەمدەۋ كەرەكتىگىن ءبىلدىردى.
پارتيانىڭ بيلىك جۇرگىزۋ قابىلەتى قۇرىلىسى پارتيا مەن مەملەكەتتىڭ باياندى تىنىشتىعىنا سايادى. كەيبىر ينتەرنەت قولدانۋشىلار ”ءتورت تاريح“ تاربيەسىن مەملەكەت جاعدايى تاربيەسىمەن، قۇن كوزقاراسى تاربيەسىمەن، پارتيالىلىق تاربيەسىمەن جاندى ۇشتاستىرىپ، سەنىم نەگىزىن بەكەمدەپ، رۋحاني كالتسيدى تولىقتاۋ جونىندە ۇسىنىس بەرسە؛ تاعى ءبىراز ينتەرنەت قولدانۋشىلار پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋ جونىندەگى ءۇمىت - تىلەكتەرىن ءبىلدىردى.
مەملەكەتتى باسقارۋ جونىندە ۇسىنىس بەرگەن لەبىزدەردە ينتەرنەت قولدانۋشىلاردىڭ مەملەكەتتىڭ دامۋىنا دەگەن ىستىق ىقىلاستى نازارلارى قامتىلىپ جاتتى −
كەيبىر ينتەرنەت قولدانۋشىلار سيفرلى ەكونوميكانىڭ دامۋىن جەدەلدەتىپ، ونىڭ نەگىزى اناعۇرلىم بەرىك، قۇرىلىمى اناعۇرلىم ساپالى، قوزعاۋشى كۇشى اناعۇرلىم جەتكىلىكتى باعىتقا قاراي قادام تاستاۋىن ىلگەرىلەتۋ جونىندە ۇسىنىس بەرسە؛ كەيبىر ينتەرنەت قولدانۋشىلار حالىق قۇرىلتايى ۋاكىلدەرىن سايلاۋ ءتۇزىمىن، ولاردىڭ مىندەت وتەۋ ءتۇزىمىن اناعۇرلىم كەمەلدەندىرۋ جونىندە اقىل كورسەتسە؛ كەيبىر ينتەرنەت قولدانۋشىلار ”ەنەرگيادا قۋاتتى ەل قۇرىلىسىنا“ نازار اۋدارىپ، وسى زامانعى ەنەرگيا جۇيەسىن ورناتۋ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى ءبىر تۇتاس جوسپارلاپ ىلگەرىلەتۋ ءۇشىن ءتيىستى شارالاردى ورتاعا قويدى.
نەگىزگى ساتىنى باسقارۋدى كوزدەي وتىرىپ، كەيبىر ينتەرنەت قولدانۋشىلار ۇكىمەت، بازار، قوعام سياقتى ءار جاقتاعى كۇشتەردى سايكەستىرە، ويداعىداي پايدالانىپ، نەگىزگى ساتىنى باسقارۋدىڭ جاڭا جاعدايعا توتەپ بەرۋ، جاڭا ماسەلەلەردى شەشۋ قابىلەتى مەن باسقارۋ ونىمدىلىگىن اناعۇرلىم جوعارىلاتۋ جونىندە ۇسىنىس بەرسە؛ كەيبىر ينتەرنەت قولدانۋشىلار جاڭا ستيلدى، دۇرىس سالتتى ۇزدىكسىز اسقاقتاتىپ، ەسكى سالت - سانانى وزگەرتۋدى ىلگەرىلەتىپ، رۋحاني وركەنيەت قۇرىلىسى ارقىلى اۋىل - قىستاقتى باسقارۋ ونىمدىلىگىن ۇزدىكسىز جوعارىلاتۋ كەرەكتىگىن ءبىلدىردى.
حالىق تۇرمىسىنداعى ءۇمىت - تىلەكتەردى ارقاۋ ەتكەن ۇسىنىستاردا قالىڭ بۇقارانىڭ تاماشا تۇرمىسقا دەگەن شىنايى تالپىنىسى قامتىلىپ جاتتى −
جينالعان پىكىر - ۇسىنىستاردىڭ ىشىندە حالىق تۇرمىسى تۇرىندەگى ءىسى ەڭ كوپ بولىپ، شامامەن ۇشتەن ءبىرىن ۇستادى، ولار، نەگىزىنەن، وقۋ - اعارتۋ، جۇمىستانۋ، ەمدەۋ، تۇرعىن ءۇي، زەينەتكەرلىك، قوعامدىق قامتاماسىزداندىرۋ سياقتى جاقتارعا شوعىرلاندى.
وقۋ - اعارتۋ سالاسىنا باعىتتاي وتىرىپ، كەيبىر ينتەرنەت قولدانۋشىلار ”ەكىنى جەڭىلدەتۋ“ ساياساتىن كەمەلدەندىرىپ جانە تياناقتاندىرىپ، وقۋ - اعارتۋدىڭ جوعارى ساپالى دامۋىن ىلگەرىلەتىپ، جوعارى ساپالى دارىندىلاردى تاربيەلەۋ جونىندە ۇسىنىس بەرسە؛ ”اق شاشتىلار تولقىنىنا“ توتەپ بەرۋ جاعىندا، كەيبىر ينتەرنەت قولدانۋشىلار ۇيدە جانە الەۋمەتتىك اۋماقتا قارتتاردى كۇتىمدەۋگە قىزمەت وتەۋدى زور كۇشپەن دامىتىپ، اۋىل - قىستاقتاعى قارتتاردى كۇتىمدەۋگە قىزمەت وتەۋ جاعىنداعى ولقىلىقتاردى تولىقتاۋ ءۇشىن ناقتى شارالار ۇسىندى؛ كەدەيلىكتەن ارىلتۋ جەتىستىكتەرىن بەكەمدەۋ ءۇشىن، كەيبىر ينتەرنەت قولدانۋشىلار قايتا كەدەيلەسۋدەن ساقتانۋدى يكەمدى قاداعالاۋ جانە كومەكتەسۋ - سۇيەمەلدەۋ مەحانيزمىن اقاۋسىزداندىرۋ جونىندە ءادىس - امال قاراستىردى.
جان - جاقتان كەلىپ تۇسكەن پىكىر - ۇسىنىستاردا قالىڭ حالىق بۇقاراسى جاراتقان جاڭا تاجىريبەلەر، وبيەكتيۆ زاڭدىلىقتى بەينەلەيتىن تانىمدار قامتىلىپ، حالىقتىڭ ەكونوميكالىق، قوعامدىق دامۋعا دەگەن ماقتانىشى مەن بولاشاق دامۋعا دەگەن ءۇمىت - تىلەگى شوعىرلى بەينەلەندى.
وسى رەتكى قيمىلدا حالىق ۇنىنە قۇلاق اسۋ، حالىق رايىن باعامداۋ پارتيامىزدىڭ ”حالىقتى وزەك ەتكەن“ قۇن ۇستانىمىن ايگىلەدى.
”ينتەرنەت ارقىلى كەڭ كولەمدە پىكىر - ۇسىنىس قابىلداۋ ءتاسىلى جاقسى ەكەن، حالىقتىڭ قاجەتىن ءبىلىپ، حالىقتان اقىل سۇرادى، القاۋ ايتامىز“! - دەدى ينتەرنەت قولدانۋشىلار شىن جۇرەكتەن لەبىز قالدىرىپ، القاۋ ءبىلدىرىپ.
”ينتەرنەتتە پىكىر الۋ قيمىلىن ورىستەتىپ، جاي بۇقارانىڭ دا وعان ات سالىسۋىنا مۇمكىندىك جاساپ، دامۋعا بىرگە ۇمتىلاتىن قوعامدىق كۇش ۇيىستىرىپ، پارتيامىزدىڭ وزىنە سەنىپ، اشىق بولىپ، تۋراشىلدىقتان جازباي جاڭالىق اشاتىن تاماشا وبرازىن تولىق ايگىلەدى“، - دەدى جياڭشي ولكەسىنىڭ فۋجوۋ قالاسىنان كەلگەن نەگىزگى ساتى كادرى.
”قىسقا ۋاقىت ىشىندە قاتىستى تۇعىرلار ارقىلى ينتەرنەت قولدانۋشىلاردان نەشە ميلليون پىكىر - ۇسىنىس جيناپ، كورنەكتى ونىمدىلىككە قول جەتكىزىپ، ينتەرنەتتەگى حالىق رايى كەڭەسىنىڭ جاڭا مەحانيزمىندە جاڭالىق اشتى“. فۋدان داشۋەسى حالىقارالىق قارىم - قاتىناستار جانە الەۋمەتتىك ىستەر شۋەيۋانىنىڭ پروفەسسورى حان فۋگو بىلاي دەدى: وسى رەتكى قيمىل پارتيامىزدىڭ ينتەرنەتتەن پايدالانىپ ەل باسقارۋ تاجىريبەلەرىن بايىتىپ، پارتيا مەن بۇقارانىڭ ”جۇرەكتەرىن توعىستىراتىن كوپىر“ سالدى.
ينتەرنەتتە پىكىر الۋدا ەڭ قالىڭ بۇقارانىڭ ءتۇبىرلى مۇددەسىن كوزدەپ، ءارى حالىقتان اقىل سۇراۋعا، ءارى حالىقتىڭ تىلەگىن اڭىس ەتۋگە ءمان بەردى.
جياڭسۋ ولكەلىك پارتكوم پارتيا مەكتەبىنىڭ پروفەسسورى شى ۋي بىلاي دەدى: بۇل ينتەرنەتتەن پايدالانىپ حالىق رايىن ءبىلۋدىڭ، قىزمەت ورىستەتۋدىڭ تاعى ءبىر رەتكى جاندى امالياتى سانالادى، وعان ماركسيزمدىك بۇقارالىق كوزقاراس ءسىڭىرىلدى، ول پارتيانىڭ بۇقارالىق لۋشيانىمەن ويداعىداي ءجۇرۋ سىندى ءداۋىر قاجەتىنە ءونىمدى جاۋاپ قايتاردى.
”وسى رەتكى قيمىل دەموكراتيانى اسقاقتاتىپ، عىلمي شەشىم قابىلداعان جاڭاشىل شارا، بۇكىل پارتيانىڭ، بۇكىل قوعامنىڭ مەملەكەتتىڭ دامۋى، ۇلتتىڭ گۇلدەنۋى ءۇشىن كەڭەس بەرىپ، ءجون سىلتەۋىنىڭ ءونىمدى ءبىر ءتاسىلى، سونداي - اق جالپى بارىستىق حالىق دەموكراتياسىنىڭ جاندى بەينەسى بولدى“، - دەدى ورتالىق پارتيا مەكتەبى (مەملەكەتتىك اكىمشىلىك شۋەيۋانى) پارتيا قۇرىلىسى ءبولىمىنىڭ پروفەسسورى چياڭ گى.
كەلەسى قادامدا جينالعان ۇسىنىس - پىكىرلەردى قاتىستى جاقتار مۇقيات زەرتتەپ، تولىق قابىلداپ، پارتيا 20 - قۇرىلتايىنا قاتىستى قىزمەتتەر ءۇشىن دايەك ۇسىنادى.
(شينحۋا اگەنتتىگىنىڭ 9 - ايدىڭ 26 - كۇنى بەيجيڭنەن بەرگەن حابارى)
