ما شيڭرۇي ءسوز سويلەدى، ەركىن تۇنياز باسقاردى، لي يفي، جاڭ چۇنلين قاتىناستى
9 - ايدىڭ 26 - كۇنى اۆتونوميالى رايون وقۋ - اعارتۋدى جوعارى ساپامەن دامىتۋ جينالىسىن اشتى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 26 - كۇنى ۇرىمجىدەن حابارلايدى. اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى 9 - ايدىڭ 26 - كۇنى تۇستەن بۇرىن اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەپ، بىلاي دەپ باسا دارىپتەدى: باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسىنىڭ ورنالاستىرۋى، تالابى بويىنشا، وقۋ - اعارتۋ سىندى شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى وسى قىزمەتتى تىڭعىلىقتى، ويداعىداي ىستەپ، شينجياڭ وقۋ - اعارتۋىنىڭ جوعارى ساپالى دامۋىنىڭ جاڭا جاعدايىن اشىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين قاتارلىلار قاتىناستى. اۆتونوميالى رايوننىڭ ورىنباسار ءتوراعاسى ليۋ سۋشى «جاڭا داۋىردەگى شينجياڭ وقۋ - اعارتۋىنىڭ جوعارى ساپالى دامۋى جونىندەگى پىكىر» جانە قاتىستى اتقارۋ جوباسى جونىندە تۇسىنىك جاسادى.
ما شيڭرۇي بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى وقۋ - اعارتۋ ىستەرىنىڭ دامۋىنا ايرىقشا ءمان بەرىپ، باس شۋجي شي جينپيڭ ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى نۇسقاۋ بەرىپ، ءبىر قىدىرۋ جاڭا ۇستانىمداردى، جاڭا يدەيالاردى، جاڭا كوزقاراستاردى ورتاعا قويىپ، جاڭا داۋىردەگى وقۋ - اعارتۋ قىزمەتىن ويداعىداي ىستەۋگە ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەدى. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى بايىمداۋلارىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، سوتسياليستىك ءبىلىم بەرۋ بەتالىسىنا تاباندى بولىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، نازاردى وقۋ - اعارتۋ رەفورماسىنىڭ، دامۋىنىڭ ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتىنە شوعىرلاندىرىپ، وقۋ - اعارتۋ ساپاسىن جوعارىلاتۋ ينجەنەرياسىن ىشكەرىلەي اتقارىپ، شينجياڭ وقۋ - اعارتۋىنىڭ جوعارى ساپالى دامۋ جۇيەسىن جەدەل قۇرۋىمىز كەرەك. مەكتەپتىڭ يدەيا - ساياسي تاربيەسىن جاپپاي كۇشەيتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن رۋحتى سومداپ، ادام تاربيەلەپ، جوعارى، ورتا، باستاۋىش مەكتەپتەردىڭ يدەيا - ساياسي ساباعىن ءبىر تۇلعالاندىرۋ قۇرىلىسىن ءبىر تۇتاس جوسپارلاپ ىلگەرىلەتىپ، باسشى كادرلار باس بولىپ يدەيا - ساياسي ساباعىن ءوتۋ تالابىن تياناقتاندىرىپ، يدەيا - ساياسي قىزمەت قوسىنىنىڭ ماماندانۋ، كاسىبيلەنۋ دەڭگەيىن جوعارىلاتۋ كەرەك. مەكتەپتىڭ جۇڭحۋا ۇلتى ورتاق تۇلعا تانىمىن بەرىك ورناتۋداعى نەگىزگى شەپتىك رولىن شىنايى ساۋلەلەندىرۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن وقىتۋ جۇرگىزىپ، مەكتەپ باسقارۋدىڭ، ءبىلىم بەرىپ، ادام تاربيەلەۋدىڭ جالپى بارىسىنا توعىستىرىپ، جاستار مەن وسپىرىمدەردىڭ ”نەگىز قالاۋ“ ينجەنەرياسىن ىلگەرىلەتىپ، وقۋ - اعارتۋ فورماسىن، دانەكەرىن بايىتىپ، باعىتتامالىلىعىن، جۇيەلىلىگىن ارتتىرىپ، ءار ۇلت وقۋشىلارىنىڭ ارالاسۋىن، ىشتەسۋىن، توعىسۋىن كۇشەيتىپ، ”بەستى شىنايى مويىنداۋدى“ ۇزدىكسىز نىعايتۋ كەرەك. مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى جالپىلاستىرىپ قولدانۋدى جاپپاي ىلگەرىلەتۋ كەرەك. مەملەكەتتە ءبىر تۇتاس قولدانىلاتىن ءتىل - جازۋ تاربيەسىمەن، وقىتۋىمەن جاپپاي قامتۋ جەتىستىگىن بەكەمدەپ، قىزمەت ساپاسىن ۇزدىكسىز جوعارىلاتىپ، ۇيرەنۋدىڭ، قولدانۋدىڭ قويۋ رايىن قالىپتاستىرۋ كەرەك. اناعۇرلىم ءادىل دە ساپالى نەگىزدىك وقۋ - اعارتۋدى بەكەمدەۋ، دامىتۋ كەرەك. وڭتۇستىك شينجياڭنىڭ وقۋ - اعارتۋ ساپاسىن جوعارىلاتۋ جوسپارىن اتقارۋدى تۇتقا ەتىپ، مىندەتتى وقۋ - اعارتۋدىڭ ساپالى، بىركەلكى دامۋىن ىلگەرىلەتىپ، مەكتەپكە دەيىنگى تاربيەنىڭ جالپىلاسۋ، جالپىعا ءتيىمدى بولۋىن جەدەلدەتىپ، ادەتتەگى ورتا مەكتەپتەردى الۋان ءتۇرلى، ەرەكشەلىككە يە تۇردە دامۋعا جىگەرلەندىرىپ، ەرەكشە وقۋ - اعارتۋدى كەمەلدەندىرۋ، دەڭگەيىن ءوسىرۋ كەرەك. جۇمىستاندىرۋ مەن كاسىپ سالالارىن باعدار ەتكەن كاسىپتىك وقۋ - اعارتۋدى بار كۇشپەن دامىتۋ كەرەك. شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا قىزمەت وتەۋدى ارقاۋ ەتە وتىرىپ، نازاردى اۆتونوميالى رايوننىڭ 8 ءىرى كاسىپ سالاسى شوعىرىنىڭ دامۋ قۇرىلىسىنا شوعىرلاندىرىپ، كاسىپتىك وقۋ - اعارتۋدىڭ كولەمىن كەڭەيتىپ، مينيسترلىك - ولكە بىرلەسىپ قۇرعان كاسىپتىك وقۋ - اعارتۋدىڭ جاڭالىق اشا دامۋىنىڭ بيىك بەلەسىن ىلگەرىلەتىپ، كاسىپتىك مەكتەپتەردىڭ ورنالاسۋىن جانە ماماندىق ورنالاستىرىمىن ساپالىلاندىرىپ، كاسىپ سالاسى مەن وقىتۋدىڭ توعىسۋىن، مەكتەپ پەن كاسىپورىننىڭ سەلبەستىگىن تەرەڭدەتىپ، وسى زامانعى كاسىپتىك وقۋ - اعارتۋ جۇيەسىن قۇرۋ كەرەك. وڭىرلىك دامۋ ستراتەگياسىنا قىزمەت وتەيتىن جوعارى دارەجەلى وقۋ - اعارتۋدى ساپالىلاندىرۋ، كۇشەيتۋ كەرەك. جوعارى مەكتەپتەردىڭ ورنالاسىمىن ساپالىلاندىرىپ، ”قوس بىرەگەي“ قۇرىلىسىن جەدەلدەتىپ، جوعارى دارەجەلى وقۋ - اعارتۋدىڭ كوتەرىمدىلىگىن جوعارىلاتۋ ينجەنەرياسىن جانە ءتۇيىندى پاندەردى گۇلدەندىرۋ ارەكەت جوسپارىن اتقارىپ، مەملەكەت پەن وڭىرلەردىڭ كەلەلى ستراتەگيالىق قاجەتىنە، ەكونوميكالىق، قوعامدىق دامۋدىڭ ماڭىزدى قاجەتىنە قىزمەت وتەۋدى ارقاۋ ەتە وتىرىپ، عىلىم - تەحنيكادا جاڭالىق اشۋدى كۇشەيتىپ، دارىندىلاردى باۋلۋ قابىلەتىن جوعارىلاتۋ كەرەك. جوعارى ساپالى ماماندانعان وقىتۋشىلار قوسىنىن جەدەل قۇرۋ كەرەك. وقىتۋشىلىق ءمورال، وقىتۋشىلىق ستيل قۇرىلىسىن كۇشەيتىپ، وقىتۋشى بايلىق قاينارىن ورنالاستىرۋدى ساپالىلاندىرىپ، جاڭا داۋىردەگى نەگىزدىك وقۋ - اعارتۋ بويىنشا وقىتۋشىلاردى ساپالىلاندىرۋ جوسپارىن جانە كاسىپتىك مەكتەپ وقىتۋشىلارىنىڭ ساپاسىن جوعارىلاتۋ جوسپارىن تياناقتاندىرىپ، وقىتۋشىلىق كاسىپتى قامتاماسىز ەتۋدى كۇشەيتۋ كەرەك. بيڭتۋان مەن جەرگىلىكتى ورىن وقۋ - اعارتۋىنىڭ ىشكەرىلەي توعىسا دامۋىن ۇزدىكسىز ىلگەرىلەتۋ كەرەك. ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن بەرىك ورناتىپ، ءبىر تۇلعالاندىرا جوسپارلاپ دامىتۋعا تاباندى بولىپ، بيڭتۋان مەن جەرگىلىكتى ورىننىڭ وقۋ - اعارتۋ سەلبەستىگىن تەرەڭدەتىپ، بيڭتۋاننىڭ وزىق مادەنيەتتەن ۇلگى كورسەتۋ رايونى سىندى فۋنكتسيالىق رولىن ساۋلەلەندىرىپ، ارتىقشىلىقتارمەن ءبىرىن - ءبىرى تولىقتاۋدى، تەرەڭ توعىسۋدى جۇزەگە اسىرۋ كەرەك. وقۋ - اعارتۋ سالاسىنىڭ ءتۇزىلىس، مەحانيزم رەفورماسىن تەرەڭدەتۋ كەرەك. وقۋ - اعارتۋ بايلىق قاينارىن ورنالاستىرۋ، وقۋ - اعارتۋدى باعالاۋ، قۋزاۋ - جەتەكشىلىك ەتۋ ءتۇزىلىسى، مەحانيزمى سياقتى رەفورمالاردى ىلگەرىلەتىپ، سيفرلاندىرۋ ستراتەگياسى ارەكەتىن اتقارىپ، وقۋ - اعارتۋ ارقىلى شينجياڭعا كومەكتەسۋدى ىلگەرىلەتىپ، ەسىك اشۋ سەلبەستىگىن كەڭەيتىپ، رەفورما ارقىلى ومىرشەڭدىك كۇشتى تاسقىنداتىپ، قوزعاۋشى كۇشتى ارتتىرۋ كەرەك.
ما شيڭرۇي بىلاي دەپ باسا دارىپتەدى: پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتىپ، پارتكوم ءبىر تۇتاس باسشىلىق ەتەتىن، پارتيا، ۇكىمەت قاتار يگەرىپ، بىرگە باسقاراتىن، تاراۋلار ءوز جاۋاپكەرشىلىگىن ارقالايتىن وقۋ - اعارتۋ باسشىلىق ءتۇزىلىسىن كەمەلدەندىرىپ، مەكتەپتەردىڭ پارتيا قۇرىلىسىن كۇشەيتىپ، پارتيا ۇيىمى باسشىلىعىنداعى مەكتەپ باستىعى جاۋاپتى بولۋ ءتۇزىمىن جاپپاي تياناقتاندىرىپ، وقۋ - اعارتۋعا ۇسىنىلىمدى، قامتاماسىزدىقتى كۇشەيتىپ، وقۋ - اعارتۋدىڭ جوعارى ساپالى دامۋىنا پارمەندى كەپىل ازىرلەۋ كەرەك.
ەركىن تۇنياز بىلاي دەپ اتاپ كورسەتتى: جەر - جەر، تاراۋلار ساياسي دەڭگەيدى جوعارىلاتىپ، وقۋ - اعارتۋ قىزمەتىن ستراتەگيالىق جانە جالپى جاعداي تۇرعىسىنان وسكەلەڭ باعامداپ جانە جوبالاپ، پارتيانىڭ وقۋ - اعارتۋ قىزمەتىنە باسشىلىعىن وقىتۋ جۇرگىزۋدىڭ، مەكتەپ باسقارۋدىڭ ءارقايسى سالالارىندا، وقۋ - اعارتۋدىڭ، وقىتۋدىڭ ءارقايسى بۋىندارىندا، دارىندى تاربيەلەۋدىڭ ءارقايسى جاقتارىندا ايگىلەپ، تۇلعالىق جاۋاپكەرشىلىكتى قاتايتىپ، ءتۇيىندى مىندەتتەردى ىلگەرىلەتىپ، اناعۇرلىم ءادىل، اناعۇرلىم ساپالى وقۋ - اعارتۋدى ويداعىداي جۇرگىزۋگە قۇلشىنۋ كەرەك.
ياڭ چىڭ، جاڭ جۋ، تيان شياڭلي، چىن ۋيجۇن، ءزۇمىرات وبۇل، ياڭ فاسىن، ەلزات احمەتجان، قادەن كابەن، سۇن حۇڭمەي، جياۋ شياۋپيڭ، جياڭ شينجۇن، اۆتونوميالى رايوننىڭ قاتىستى تاراۋلارى جانە مەكەمەلەرى، ءبىر ءبولىم جوعارى مەكتەپتەر مەن كاسىپتىك مەكتەپتەردىڭ نەگىزگى جاۋاپتى جولداستارى قاتارلىلار نەگىزگى ءماجىلىس الاڭىندا ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ءارقايسى ايماق، وبلىس، قالا، اۋدان، قالا، رايون جانە بيڭتۋاننىڭ شى - قالالارىندا، تۋان - الاڭدارىندا بولىمشە ءماجىلىس الاڭى ورنالاستىرىلدى.
