اۆتونوميالى رايوندىق پارتكوم بۇكىل رايون بويىنشا بەينە ەكران ءماجىلىسىن اشتى
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
ما شيڭرۇي ءسوز سويلەدى، ەركىن تۇنياز باسقاردى، لي يفي، جاڭ چۇنلين قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 26 - كۇنى ۇرىمجىدەن حابارلايدى. 9 - ايدىڭ 26 - كۇنى تۇستەن بۇرىن اۆتونوميالى رايوندىق پارتكوم بۇكىل رايون بويىنشا بەينە ەكران ءماجىلىسىن اشىپ، باس شۋجي شي جينپيڭنىڭ ەلەۋلى حاۋىپ - قاتەردەن ساقتانۋ جانە ونى جويۋ جونىندەگى ماڭىزدى بايىمداۋلارى مەن شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسىنىڭ ورنالاستىرۋلارى، تالاپتارى بويىنشا، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، حاۋىپ - قاتەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ قىزمەتتەرىن تىڭعىلىقتى تۇردە ويداعىداي ىستەپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋعا قاتىستى قىزمەتتەر جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين قاتارلىلار قاتىناستى.
ما شيڭرۇي بىلاي دەپ باسا دارىپتەدى: پارتيا 20 - قۇرىلتايىنىڭ جەڭىسپەن اشىلۋىنا جاراسىمدى، ورنىقتى ورتا قالىپتاستىرۋ − بۇكىل رايونداعى ءار دارەجەلى پارتكومداردىڭ، ۇكىمەتتەردىڭ جانە تاراۋلاردىڭ، ورىنداردىڭ، ءسوز جوق، ارقالاۋعا ءتيىستى كەلەلى ساياسي جاۋاپكەرشىلىگى. ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، پارتيا 20 - قۇرىلتايىنىڭ جەڭىسپەن اشىلۋىنا قىزمەت وتەۋدى، قامتاماسىز ەتۋدى كەزەكتەگى ەڭ ماڭىزدى ساياسي مىندەت ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ”ءاردايىم قام جەپ تۇراتىن“ جاۋاپكەرشىلىك سەزىمدى كۇشەيتىپ، ءارقايسى سالاداعى حاۋىپ - قاتەرلەردەن، كومەسكى كىناراتتاردان ساقتانۋدى جانە ونى جويۋدى كورنەكتى ورىنعا قويىپ، ساياسي حاۋىپسىزدىك، قوعام ورنىقتىلىعى، ىندەتتەن ساقتانۋ - تىزگىندەۋ، ءوندىرىس حاۋىپسىزدىگى، يدەولوگيا سياقتى سالالارداعى ەلەۋلى حاۋىپ - قاتەرلەردى، كومەسكى كىناراتتاردى ءجىتى قاداعالاپ، حاۋىپ - قاتەردى بايقاۋ، تۇجىرىمداۋ، ءبىر جايلى ەتۋ قىزمەتىن قاتاڭ، ەگجەي - تەگجەيلى ويداعىداي ىستەپ، رەفورما، دامۋ، ورنىقتىلىق مىندەتتەرىن تىڭعىلىقتى ىلگەرىلەتىپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
ءبىرىنشى، قوعامدىق كەلەلى جاعدايدىڭ ورنىقتىلىعىن باتىل ساقتاۋ كەرەك. لاڭكەستىككە قارسى تۇرىپ، ورنىقتىلىقتى قورعاۋ سىندى ارقاۋدى قاشاندا مىقتاپ شيراتىپ، شينجياڭدى زاڭمەن باسقارۋعا، زاڭ بويىنشا ورنىقتىلىقتى قورعاۋعا تاباندى بولىپ، حاۋىپ - قاتەردەن ساقتانۋ - تىزگىندەۋ مەن ورنىقتىلىقتى قورعاۋ قىزمەت مەحانيزمىن اقاۋسىزداندىرىپ، كەمەلدەندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن، ارنايىلانۋىن ىلگەرىلەتىپ، قوعام اماندىعىن جان - جاقتى جونگە سالۋدى كۇشەيتىپ، قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك.
ەكىنشى، ىندەتتەن ساقتانۋ - تىزگىندەۋدى عىلمي، دالمە - ءدال ويداعىداي ىستەۋ كەرەك. حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ءسوزسىز جەڭۋ سەنىمىن بەكەمدەپ، ستراتەگيالىق تاباندىلىقتى ساقتاپ، جەرگىلىكتى جاعدايعا قاراي، دالمە - ءدال ءارى ەگجەي - تەگجەيلى، زاڭ بويىنشا ءارى عىلمي ىستەپ، ىندەتتەن ساقتانۋ - تىزگىندەۋدىڭ عىلمي ءارى دالمە - ءدال بولۋ، شىندىقتى ءىس جۇزىنەن ىزدەۋ تالابىن دالمە - ءدال يگەرىپ، قارابايىرلىق ىستەۋ، ”ءبىر شىبىقپەن ايداۋ“، ساتى - ساتى بويىنشا اۋىرتپالىق قوسۋ سىندى ۇتىمسىز باسقارۋ شارالارىن تۇبىرىنەن وڭاپ، 9 - نۇسقاۋداعى ساقتانۋ - تىزگىندەۋ جوباسىن تارماقتار، تۇرلەر بويىنشا سالىستىرىپ تياناقتاندىرىپ، اۋماققا، دارەجەگە ءبولىپ باسقارۋدى قاتايتىپ، حىسۋان تەكسەرۋ، سوڭىنا ءتۇسىپ اۋاشالاۋ، ءتۇيىندى الاڭ - ورىندار مەن شەشۋشى بۋىنداردا ساقتانۋ - تىزگىندەۋ، زاتتىق ماتەريالدارمەن قامتاماسىزداندىرۋ، حالىققا قىزمەت ەتۋ سياقتى قىزمەتتەردى تىڭعىلىقتى، ويداعىداي ىستەپ، ىندەتتەن ساقتانۋ - تىزگىندەۋ قىزمەتتەرىن تىڭعىلىقتى، ويداعىداي ىستەۋ كەرەك.
ءۇشىنشى، ءوندىرىس حاۋىپسىزدىگى مەن اپاتتان ساقتانۋدى، اپات زيانىن ازايتۋدى ويداعىداي يگەرۋ كەرەك. ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، كاسىپورىنداردىڭ نەگىزگى تۇلعالىق جاۋاپكەرشىلىگىن كۇشەيتىپ، قاتەرلى حيميالىق بۇيىمدار، كومىر الابى، كەن، جول قاتىناس، باقشا رايون كاسىپورنى سياقتى ءتۇيىندى سالالارداعى حاۋىپ - قاتەرلەردى، كومەسكى كىناراتتاردى جاپپاي ءبىر - بىرلەي تەكسەرىپ، شۇعىل جاعدايعا توتەپ بەرۋ بويىنشا ءبىر جاقتى ەتۋ قۋاتىن ۇزدىكسىز جوعارىلاتىپ، ەلەۋلى ءوندىرىس حاۋىپسىزدىگى شىرعالاڭىنان ساقتانىپ، تيىپ، جاراتىلىستىق اپاتتان ساقتانۋ، ءبىر جاقتى ەتۋ مەن توسىن تۋىلعان شىرعالاڭعا توتەپ بەرۋدى كۇشەيتىپ، ءار ۇلت بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن قورعاۋ كەرەك.
ءتورتىنشى، ەكونوميكانىڭ نەگىزگى جاعدايىن كۇش سالا ورنىقتىرۋ كەرەك. ”التىنى ورنىقتىرۋ“، ”التىنى قامتاماسىز ەتۋ“ قىزمەتىن جاپپاي ويداعىداي ىستەپ، ەكونوميكانى ورنىقتىرۋداعى ءبىر قىدىرۋ ساياسات - شارالاردى تياناقتاندىرىپ، نىساندارعا قارجى قوسىپ سالۋدى، تۇتىنۋدىڭ ورنىن تولتىرۋدى، شەتەل قارجىسىن، سىرتقى ساۋدانى ورنىقتىرۋدى كورنەكتى تۇردە ويداعىداي يگەرىپ، ءتۇيىندى كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قامتاماسىزداندىرىپ، قيىنشىلىق قىسپاعىنان قۇتىلدىرۋدى كۇشەيتىپ، شارۋاشىلىق - ساۋدا ورتاسىن ساپالىلاندىرىپ، بازار نەگىزگى تۇلعالارىن ورنىقتىرىپ، ەكونوميكانىڭ ورنىقتى، اقاۋسىز دامۋىن ساقتاۋ كەرەك.
بەسىنشى، بۇقارالىق قىزمەتتى كۇشەيتۋ جانە جاقسارتۋ كەرەك. باستان - اياق ءار ۇلت بۇقاراسىن كوڭىل تورىنە قويىپ، باستان - اياق سۇيىسپەنشىلىكپەن بۇقارانىڭ ۇنىنە قۇلاق ءتۇرىپ، بۇقارانىڭ تالاپ - تىلەكتەرىنە جاۋاپ قايتارىپ، بۇقارانىڭ قيىنشىلىعىن شەشىپ، جۇمىس ورنىن ورنىقتىرۋدى، جۇمىستاندىرۋدى كوپ ارنامەن جەبەپ، زاتتىق ماتەريالدارمەن قامداۋدى جانە بۇقارانىڭ تۇرمىس قاجەتىن قامتاماسىزداندىرىپ، ەرەكشە قيىنشىلىعى بار قاۋىمعا كوڭىل ءبولۋدى، قامقورلىق جاساۋدى كۇشەيتىپ، بۇقارانىڭ كىرىس، وقۋ - اعارتۋ، قوعامدىق قامتاماسىزداندىرۋ، ەمدەۋ سياقتى ماسەلەلەرىن دەن قويا، سۇيىسپەنشىلىكپەن ويداعىداي شەشىپ، ارىز - ارماندى، قايشىلىقتى، داۋ - شاردى ءبىر - بىرلەي تەكسەرىپ جويۋدى تەرەڭدەتىپ، قايشىلىقتاردى وركەن كۇيىندە شەشىپ، نەگىزگى ساتىدا جويۋ كەرەك.
التىنشى، شىن مانىندە تاماشا قوعامدىق راي قالىپتاستىرۋ كەرەك. يدەولوگيا قىزمەتى جاۋاپكەرشىلىك ءتۇزىمىن قاتاڭ تياناقتاندىرىپ، يدەولوگيا سالاسىنىڭ حاۋىپسىزدىگىن قورعاپ، ءار دارەجەلى، ءار ءتۇرلى مەديالاردىڭ رولىن ساۋلەلەندىرىپ، ۇنامدى ۇگىتتەۋ سەرپىنىن ارتتىرىپ، ءار ءتۇرلى بۇقارالىق نەگىزگى تاقىرىپتىق ۇگىت قيمىلىن كەڭ كولەمدە، ىشكەرىلەي ورىستەتىپ، قوعامدىق پىكىر جاعىنان باقىلاۋ، جەتەكتەۋ قىزمەتىن پارمەندى، ءونىمدى تۇردە ويداعىداي ىستەپ، اناعۇرلىم ويداعىداي تۇردە سەنىمدى كۇشەيتىپ، جۇرت كوڭىلىن مەيىرگە بولەپ، حالىق تىلەگىن توعىستىرىپ، كورىكتى شينجياڭ قۇرۋدىڭ پارمەندى كۇش - قۋاتىن ۇيىستىرۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار ءبىر ءوڭىردىڭ اماندىعىن قورعاۋ، ءبىر ءوڭىردىڭ ورنىقتىلىعىن ساقتاۋ ساياسي جاۋاپكەرشىلىگىن شىن مانىندە ارقالاپ، ءبىرىنشى جاۋاپتى ادام جاۋاپكەرشىلىگىن قاتاڭ تياناقتاندىرىپ، ماڭىزدى مىندەتتەردى ءوزى ورنالاستىرىپ، شەشۋشى بۋىنداردى ءوزى قۋزاستىرىپ، تياناقتاندىرۋ احۋالىن ءوزى قۋزاپ تەكسەرىپ، ءبىر دارەجە ءبىر دارەجەنى يگەرىپ، ساتى بويىنشا تياناقتاندىرۋدى يگەرىپ، ءار ءتۇرلى ”قاراقۋ“، ”سۇرى ءمۇيىز تۇمسىق“ وقيعالارىنىڭ تۋىلۋىنان قاتاڭ ساقتانىپ، قىزمەتتى تياناقتاندىرماي، قىزمەتتى اقساتىپ، قىزمەتتە جاۋاپكەرسىزدىك ىستەپ ەلەۋلى ماسەلە تۋدىرعانداردى بەلگىلەمە، ءتارتىپ، زاڭ بويىنشا قاتاڭ ءبىر جاقتى ەتۋ كەرەك. حاۋىپ - قاتەردى بولجاۋ، تۇجىرىمداۋ قابىلەتىن كۇش سالا جوعارىلاتىپ، تۋىلۋى مۇمكىن بولعان حاۋىپ - قاتەر، سىن - سايىس جونىندە كوڭىلدە سان بولىپ، تياناقتاندىرۋ شاراسى بولىپ، ارەكەتى پارمەندى بولىپ، شىنايى دا ۇتىمدى توتەپ بەرۋ جوباسىن جانە ناقتى دا يكەمدى شارالاردى جاساپ اتقارىپ، حاۋىپ - قاتەرگە توتەپ بەرۋ، سىن سايىسقا سايلانۋ، قاتەردى ورايعا اينالدىرۋ قابىلەتىن، ورەسىن ۇزدىكسىز جوعارىلاتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرۋ كەرەك.
ياڭ چىڭ، جاڭ جۋ، تيان شياڭلي، چىن ۋيجۇن، ءزۇمىرات وبۇل، ياڭ فاسىن، ەلزات احمەتجان، قادەن كابەن، سۇن حۇڭمەي، ليۋ سۋشى، جياۋ شياۋپيڭ، جياڭ شينجۇن، رايونعا (ورتالىققا) توتە قاراستى ورىندارداعى جانە ءارقايسى ايماق، وبلىس، قالالارداعى، اۋدان، قالا، رايوندارداعى، سونداي - اق بيڭتۋاننىڭ ءارقايسى شى - قالالارىنداعى، تۋان - الاڭدارىنداعى نەگىزگى جاۋاپتى جولداستار، ت.ب ماجىلىسكە قاتىناستى.
