ما لي:
بۇقارانىڭ ءىسىن قاشاندا كوكەيىندە ساقتادى
ماليدىڭ قىزمەت ۇستىندەگى سۋرەتى.
□ سۋرەتتى ءوزى بەرگەن
”رەداكتور ەسكەرتپەسى“
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى 2022 - جىلى 10 - ايدىڭ 16 - كۇنى بەيجيڭدە اشىلادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا ۋستاۆىنا جانە پارتيا ورتالىق كوميتەتىنىڭ ءبىر تۇتاس ورنالاستىرۋىنا ساي، اۆتونوميالى رايوننان 43 پارتيا مۇشەسى داڭقپەن پارتيا 20 - قۇرىلتايىنا قاتىناساتىن ۋاكىل بولىپ سايلاندى. ولار كوممۋنيستىك پارتيا مۇشەلەرى اراسىنداعى ۇزدىكتەر، العاباسارلىق جانە كەڭ ۋاكىلدىك سيپاتقا يە، بۇكىل رايونداعى پارتيا مۇشەلەرىنىڭ، نەگىزگى ساتى پارتيا ۇيىمدارىنىڭ ماڭىزدى تاپسىرماسىن ۇستىلەرىنە الىپ، تيانشان الابىنداعى ءار ۇلت حالقىنىڭ تىلەگىن ارقالاپ وتىر. ولاردىڭ كوبى ءوندىرىستىڭ جانە قىزمەتتىڭ الدىڭعى شەبىنەن كەلگەن، ءار كاسىپ، ءار سالادا كورنەكتى ۇلەس قوسقان وزات، ۇلگىلى پارتيا مۇشەلەرى. بۇگىننەن باستاپ، انار بۇلت \ شينجياڭ گازەتى ”20 - قۇرىلتاي ۋاكىلدەرى كەلبەتى“ ايدارىن اشىپ، ولاردىڭ تاڭداۋلى قاسيەتى مەن رۋحاني كەلبەتىنەن ۇيرەنۋ جانە ونى اسقاقتاتۋ ءۇشىن، ءوندىرىس پەن قىزمەتتىڭ الدىڭعى شەبىندەگى پارتيا مۇشەلەرى ۋاكىلدەرىنىڭ وزات، ۇلگىلى ىستەرىن ءتۇيىندى تۇردە تانىستىرادى.
□ انار بۇلت \ شينجياڭ گازەتىنىڭ ءتىلشىسى گۋان مىڭيىڭ
9 - ايدىڭ 15 - كۇنى ساعات 5تەن 30 مينۋت وتكەن شاق، ءالى تاڭ اتا قويماعان، شينجياڭ ءوندىرىس - قۇرىلىس بيڭتۋانى 12 - شى شيشان ەگىن، مال فەرماسى انكاڭ الەۋمەتتىك اۋماعىندا پارتيا باس ياچەيكاسىنىڭ شۋجيى ما لي اۋا وتپەيتىن قورعانۋ كيىمىن كيىپ، حىسۋان تەكسەرۋ قىزمەتىن تاپتەشتەي ورنالاستىردى.
”تۇرعىندارعا حاۋىپسىز ارالىق ساقتاۋدى قايتا - قايتا ەسكەرتىڭدەر، استە سالعىرتسۋعا بولمايدى“. كەيبىر كوڭىل بولۋگە ءتيىستى ىستەر الدەقاشان تالاي رەت ايتىلسا دا، ءار رەتكى حىسۋان تەكسەرۋدە ول اۋەلگىدەي اسا سابىرلىلىقپەن كوپشىلىككە ەسكەرتىپ وتىرادى.
2018 - جىلى ما لي انكاڭ الەۋمەتتىك اۋماعىنا تۇرعىندار كوميتەتىنىڭ ورىنباسار مەڭگەرۋشىسى بولىپ تاعايىندالادى، ونىڭ جانە الەۋمەتتىك اۋماق كادرلارىنىڭ ناقتى ىستەۋ قىزمەت ستيلى الەۋمەتتىك اۋماق تۇرعىندارىنىڭ جاپپاي مويىنداۋىنا يە بولدى. 2020 - جىلى 11 - ايدا ما لي پارتيا ياچەيكاسىنىڭ شۋجيى بولىپ سايلانادى.
”ول بۇقارعا كوپتەگەن يگى ءىس ىستەپ بەردى“. ما ليدى اۋىزعا العاندا، انكاڭ الەۋمەتتىك اۋماعىنىڭ تۇرعىندارى ونى القاي جونەلەدى. انكاڭ الەۋمەتتىك اۋماعىندا قىزمەت ىستەگەن 4 جىلدان استام ۋاقىتتا ما لي وتباسىلاردى ارالاپ، جاعدايدى ءبىر - بىرلەپ ۇعىسىپ، قايشىلىقتاردى ءبىر جاقتى ەتىپ، داۋ - شارلاردى شەشتى، 2462 تۇرعىننىڭ ۇلكەندى - كىشىلى ىستەرى ونىڭ كوكەيىندە سايراپ تۇر.
انكاڭ الەۋمەتتىك اۋماعىنا قىزمەتكە كەلۋدىڭ الدىندا، ما لي شيشان ەگىن، مال فەرماسىنىڭ ليان - دۇيىندە قىزمەت ىستەپ، باستىسى، ايەلدەردىڭ، بالالاردىڭ ۇقىق مۇددەسىن قامتاماسىز ەتۋ قىزمەتىمەن اينالىسقان. بۇل ما ليدىڭ وتباسىلاردى ارالاپ جاعداي ۇعىسۋ بارىسىندا قاراستى اۋماقتاعى ايەلدەردىڭ، بالالاردىڭ تۇرمىس جاعدايى مەن ءىس جۇزىندىك قيىنشىلىقتارىنا اناعۇرلىم كوڭىل ءبولىپ، نازار اۋدارۋىنا سەبەپشى بولدى.
”بيىل ۇلىم 3 - كلاستا وقيدى، ما لي شۋجيدىڭ ارقاسىندا ول مەكتەپكە ءساتتى كىرىپ وقي الدى“، - دەدى ما ليدى اۋىزعا العاندا تۇرعىن ءاسقان ايجان العىستى سەزىممەن.
ءاسقاننىڭ ۇلىنىڭ ەستۋ قۋاتىندا كەمىستىك بار، وتباسىنىڭ ەكونوميكالىق قيىنشىلىعى سەبەبىنەن، ۇيلەسىمدى تىڭداتقى الۋعا جاعدايى كەلمەگەن. 2019 - جىلى 8 - ايدا ما لي ءاسقان مەن ونىڭ بالاسىن ەرتىپ، شىجىعان ىستىققا قاراماستان، تالاي رەت مۇگەدەكتەر بىرلەستىگى، شيپاحانا سياقتى جەرلەرگە شاپقىلاپ، تەكسەرۋ، سىناق رەتىندە تاعۋ، رەتتەۋ ارقىلى بالانىڭ قۇلاعىنا ۇيلەسىمدى جاساندى ورتاڭعى قۇلاق ۇلۋىن تەگىن ورناتتىرىپ بەرەدى. تۇڭعىش رەت دىبىستى ەستىگەن بالا اسەرلەنگەنىنەن ” ا، ا “ دەپ داۋىستاعاندا، جانىندا تۇرعان ما لي ەرىكسىزدەن كوزىنە جاس الادى.
بالانىڭ باسقا بالالارمەن بىردەي وقۋعا تۇسە الۋى ءۇشىن، ما لي جاقىن ماڭداعى مەكتەپپەن، سونداي - اق قاتىستى تاراۋلارمەن قايتا - قايتا حابارلاسىپ بايلانىس جاسايدى. ”ول قالىپتى بالالارداي مەكتەپكە ءتۇسىپ، ءبىلىم ۇيرەنگەندە، تاربيە العاندا عانا، بولاشاقتا ءتىپتى جاقسى شىعار جولى بولادى“، - دەدى بالانىڭ مەكتەپكە ءتۇسۋى انىق بولعانىن ەستىگەندە ما لي ارقاسى كەڭىگەندەي تەرەڭ تىنىستاپ.
”ايەلدەر، بالالار، قارتتار سياقتى توپتار ءتىپتى كوپ كوڭىل ءبولۋدى قاجەت ەتەدى“. ما لي قىزمەتتەن العان اسەرىمەن بايلانىستىرا بىلاي دەدى: ماسەلەن، كەيبىر ايەلدەردە جۇمىستانۋ جاعىندا قيىنشىلىعى بار، اكە - شەشەسى اجىراسىپ كەتكەندىكتەن، كەيبىر بالالاردىڭ جانىندا جان اشىرى جوق، ت.ب.
تۇرعىن جيا يۋەشياڭ جالعىز باستى انا، 2 بالاسى بار، قولى دا قىسقا. ما لي بۇل جاعدايدان حابار تاپقاننان كەيىن، ءوزى ىرىقتىلىقپەن ءوتىنىش بەرىپ ونى سۇيەمەلدەۋگە الدى، مەرەكە - مەيرامداردا وعان حال سۇراۋ بۇيىمدارىن اپارىپ تۇرادى. وتباسىندا جالعىز تۇراتىن قارت حى جىيۇن بيىل 67 جاستا، زەردەلى تەلەفون پايدالانۋدى بىلمەيدى، وسى رەتكى ىندەت كەزىندە ونىڭ جاعدايىنان قاتتى الاڭداعان ما لي ءار كۇنى قولىنداعى جۇمىسىن بىتىرە سالا ونىڭ ۇيىنە بارىپ، ازىق - تۇلىكتەرىنىڭ بار - جوقتىعىن، ۇنەمى پايدالاناتىن دارىلەرىنىڭ تولىق - تولىق ەمەستىگىن كورىپ تۇردى. ”ما لي بەينە ءوز قىزىم سياقتى“، - دەدى حى جىيۇن شىن جۇرەكتەن اسەرلەنە.
2021 - جىلى ما لي ”مەملەكەتتىك ايەلدەردىڭ، بالالاردىڭ ۇقىق - مۇددەسىن قورعاۋداعى وزات جەكە“ اتاعىنا يە بولدى. ول بۇكپەسىز تۇردە: بۇل داڭقتىڭ استارىندا كوپشىلىكتىڭ كومەگى مەن قولداۋى جاتىر، داڭق ۋاقىتشا، كۇرەس جۇرگىزۋ ماڭگىلىك، - دەدى.
قارتتارعا قامقورلىق كۋالىگىن الىپ بەردى، مۇگەدەك تۇرعىنداردىڭ جۇمىستانۋىن شەشىم ەتۋگە كومەكتەستى، سۇيەنىشى جوق قارتتارعا، مۇگەدەك بالالارعا كوڭىل ءبولىپ، قامقورلىق جاسادى، ايەلدەردى كاسىپ اشۋعا شابىتتاندىردى، قولدادى... 4 جىلدا ما لي قاتىستى زاڭدار مەن زاڭ ەرەجەلەردى جانە ساياسات بىلىمدەرىن بەلسەندىلىكپەن ۇيرەنىپ، الەۋمەتتىك اۋماقتىڭ قىزمەت وتەۋ قىزمەت تاسىلىنە جاڭالىق ەنگىزىپ، جۇمىسشى - قىزمەتكەرلەردىڭ، بۇقارانىڭ تالاپ - تىلەكتەرىن بەينەلەۋ ارناسىن ىركىلىسسىزدەندىرىپ، قيىنشىلىعى بارلارعا كومەكتەسۋ - سۇيەمەلدەۋ مەحانيزمىن كەمەلدەندىرىپ، بۇقارانىڭ تالاپ - تىلەكتەرىن دەر كەزىندە شەشىم ەتىپ، ءتۇرلى قايشىلىقتاردان، داۋ - شارلاردان 135ىن جاراستىرىپ، قيىنشىلىعى بار 56 وتباسىنا كومەكتەستى، سۇيەمەلدەدى. ”ما لي شۋجي ىسكەر ادام، تۇرعىنداردىڭ ءىسىن كوكەيىندە ساقتاپ، ءاربىر ءىستى مۇقياتتىلىقپەن شەشىم ەتەدى، ول ءبىزدىڭ ۇيرەنۋ ۇلگىمىز“، - دەدى انكاڭ الەۋمەتتىك اۋماعىنىڭ كادرى پان شۇييىڭ شىن جۇرەكتەن اسەرلەنە.
بيىل 6 - ايدا ءوزىنىڭ پارتيا 20 - قۇرىلتايىنىڭ ۋاكىلى بولىپ سايلانعانىن بىلگەن سوڭ، ما لي يىعىنداعى جۇگىنىڭ ءتىپتى اۋىرلاي تۇسكەنىن سەزىندى. ”بۇل داڭق، اسىرەسە، شابىتتاندىرۋ، مەن، ءسوز جوق، بورىشىمدى مۇقياتتىلىقپەن اتقارىپ، جاۋاپكەرشىلىگىمدى ادا ەتىپ، پارتيا 20 - قۇرىلتايىنىڭ رۋحىن ويداعىداي ۇيرەنىپ، ويداعىداي ءتۇسىنىپ، ويداعىداي دايەكتىلەندىرىپ، ەڭ زور قۇلشىنىس جاساپ، نەگىزگى ساتىمەن بايلانىس جاساۋداعى كوپىرلىك رولىمدى جاقسى ساۋلەلەندىرىپ، بۇقارا سەنىم ارتاتىن ادام بولامىن“، - دەدى ما لي.
