ما شيڭرۇي اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ ماجىلىسىندە بىلاي دەپ باسا دارىپتەدى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
ەركىن تۇنياز قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتى 9 - ايدىڭ 26 - كۇنى تۇستەن كەيىن ءماجىلىس اشىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ماڭىزدى بايىمداۋلارىنىڭ جانە ورتالىق رەفورمانى جاپپاي تەرەڭدەتۋ كوميتەتىنىڭ 27 - رەتكى ماجىلىسىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، رايونىمىزدىڭ رەفورمانى جاپپاي تەرەڭدەتۋ قىزمەتىن ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى ما شيڭرۇي ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى.
ءماجىلىس ءۇرىمجىنىڭ بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسى جالپىلىق رەفورما سىناق ءتۇيىنىن قۇرۋىنىڭ دامۋ جاعدايى جونىندەگى مالىمەتتى تىڭدادى، «شينجياڭدا لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتۋ جونىندەگى جەتەكشى پىكىردى»، «اۆتونوميالى رايوننىڭ <جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا دامۋ ارناسىن جەدەل قالىپتاستىرۋ جونىندەگى پىكىرىن> دايەكتىلەندىرۋ، تياناقتاندىرۋ جونىندەگى اتقارۋ پىكىرى»، «اۆتونوميالى رايوننىڭ كەن بايلىقتارىن بازارلاندىرىپ، زاڭمەن باسقارىپ جايعاستىرۋ جونىندەگى اتقارۋ پىكىرى» قاتارلىلاردى قارادى.
ما شيڭرۇي بىلاي دەپ اتاپ كورسەتتى: جەر - جەر، تاراۋلار يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكوم بەسىنشى جالپى ءماجىلىسىنىڭ ورنالاستىرۋلارى، تالاپتارى بويىنشا، يدەيانى ونان ارى ازات ەتىپ، شىنايى يگەرىپ، ناقتى ىستەپ، رەفورمانى جوعارى دەڭگەيدە جوبالاۋ، ءبىر تۇتاس جوسپارلاپ سايكەستىرۋ، تياناقتاندىرۋ قابىلەتىن جەبەۋدى ۇزدىكسىز جوعارىلاتىپ، ءتۇيىندى رەفورما مىندەتتەرىنىڭ جانە كەلەلى رەفورما شارالارىنىڭ تياناقتاندىرىلۋىن، ناقتىلانۋىن تىڭعىلىقتى ىلگەرىلەتىپ، قوعام ورنىقتىلىعى مەن باياندى تىنىشتىقتى ىلگەرىلەتۋ ءۇشىن بەرىك تۇزىمدىك قامتاماسىزدىق ازىرلەۋ كەرەك. شي جينپيڭنىڭ زاڭمەن باسقارۋ يدەياسىن جەتەكشى ەتۋگە تاباندى بولىپ، زاڭمەن باسقارۋ ويىن كۇشەيتىپ، ساياسات، زاڭ - ەرەجە جۇيەسىن اقاۋسىزداندىرىپ، لاڭكەستىككە قارسى تۇرىپ، ورنىقتىلىقتى قورعاۋ ساياسات، تاكتيكالارىن جانە ءادىس - امالدارىن كەمەلدەندىرىپ، ”ءۇش ءتۇرلى كۇشكە“ زاڭ بويىنشا قاتاڭ سوققى بەرۋدىڭ تەگەۋرىندى كۇيىن مىزعىماي ساقتاپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن، ارنايىلانۋىن ىلگەرىلەتىپ، ءار سالاداعى حاۋىپ - قاتەرلەردەن، كومەسكى كىناراتتاردان ءبىر تۇتاس ساقتانىپ جانە ونى جويىپ، قوعامدىق كەلەلى جاعدايدىڭ ورنىقتىلىعىن ساقتاۋ؛ جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جوعارى دەڭگەيدە ەسىك اشۋدى كەڭەيتۋگە تاباندى بولىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، دامۋعا جاڭالىق اشۋ ارقىلى دەم بەرۋ ستراتەگياسىن، عىلىم - تەحنيكا ارقىلى شينجياڭدى گۇلدەندىرۋ ستراتەگياسىن جانە دارىندىلاردا قۋاتتى رايون ستراتەگياسىن اتقارىپ، ادامدى وزەك ەتكەن جاڭاشا قالا - قالاشىقتاندىرۋدى جەدەل ىلگەرىلەتىپ، ەكولوگيالىق ورتانى قورعاۋدى كۇشەيتىپ، حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، جاڭا دامۋ ارناسىنا بەلسەنە قىزمەت وتەۋ جانە توعىسۋ؛ كەن بايلىقتارىن بازارلاندىرىپ، زاڭمەن باسقارىپ جايعاستىرۋدى ساپالىلاندىرىپ، كاسىپ سالاسى دامۋىن جوبالاۋدى، ورنالاستىرۋدى كۇشەيتىپ، جەتەكشى كاسىپورىن تۇلعالاپ، دامۋ ۇلگىسىنە جاڭالىق جاساپ، دامۋ دەڭگەيىن ءوسىرىپ، بايلىق باسىمدىعىن كاسىپ سالاسى باسىمدىعىنا جانە ەكونوميكا باسىمدىعىنا اينالدىرۋدى جەدەلدەتۋ؛ ءۇرىمجىنىڭ شارۋاشىلىق - ساۋدا ورتاسىن ساپالىلاندىرۋ رەفورماسىن تىڭعىلىقتى ىلگەرىلەتىپ، زاڭمەن باسقارۋ كوزقاراسىن كۇشەيتىپ، دۇرىس ناتيجە كوزقاراسىن ورناتىپ، اۆتونوميالى رايوننىڭ شارۋاشىلىق - ساۋدا ورتاسىن جاقسارتۋ 3 جىلدىق ارەكەت جوباسىن قاتاڭ تياناقتاندىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، ”سيفرلى ۇكىمەت“ قۇرىلىسىن جەدەلدەتىپ، ەكونوميكانىڭ جوعارى ساپالى دامۋىنا پارمەندى تىرەك بولۋ، قامتاماسىز ەتۋ كەرەك.
ءماجىلىس مىنالاردى باسا دارىپتەدى: نازاردى تۇتاس جىلدىق رەفورما مىندەتتەرىن مىقتى يگەرۋگە، تياناقتاندىرۋعا شوعىرلاندىرۋ، اۆتونوميالى رايوندىق پارتكوم رەفورما ىستەرى كەڭسەسى نازاردى ءتۇيىندى مىندەتتەرگە جانە باستى بۋىندارعا شوعىرلاندىرىپ، قاداعالاي وتىرىپ قۋزاپ ءبىتىرۋ، باقىلاپ تەكسەرىپ تياناقتاندىرۋ، ءارقايسى ارناۋلى گرۋپپالار ءبىر تۇتاس جوسپارلاپ، سايكەستى ىلگەرىلەتىپ اتقارۋ، ءارقايسى باستاماشى مەكەمە - ورىندار تىزىمدىك دايىنداپ، كۇشتى شوعىرلاندىرا ىلگەرىلەتۋ، جەر - جەردەگى، تاراۋلارداعى نەگىزگى جاۋاپتى جولداستار بارىنە ءوزى كىرىسىپ رەفورمانى يگەرىپ، رەفورمادا ناقتى ءىس تىندىرۋشى بولۋعا قۇلشىنىپ، ءتۇرلى رەفورما مىندەتىنىڭ تياناقتاندىرىلىپ، ونىمدىلىك كورسەتۋىن تىڭعىلىقتى ىلگەرىلەتۋ كەرەك.
جاڭ جۋ، تيان شياڭلي، چىن ۋيجۇن، ءزۇمىرات وبۇل، ياڭ فاسىن، ەلزات احىمەتجان، قادەن كابەن، سۇن حۇڭمەي، جياۋ شياۋپيڭ، باھارگۇل سامەت، اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مۇشەلەرى جانە مۇشە مەكەمە - ورىندارداعى قاتىستى جاۋاپتى جولداستار ماجىلىسكە قاتىناستى.
