مەملەكەت مەرەكەسى دەمالىسى تاياعاندا، ادامداردىڭ جىلجۋ مولشەرى ارتادى، ىندەتتىڭ تارالۋ حاۋىپ - قاتەرىن ٴونىمدى تۇردە تومەندەتۋ ٴۇشىن، اۆتونوميالى رايون قىزمەت جوباسىن ونان ارى كەمەلدەندىرىپ، مىندەت پەن قىزمەت ٴتارتىبىن ايقىنداپ، ىندەتتىڭ سىرتقا تارالۋىنىڭ الدىن الۋ شارالارىن جاپپاي تياناقتاندىرىپ، ەپيدەميولوگيالىق تەكسەرىپ، تەگىن تەكتەۋ، حىسۋان تەكسەرۋ، الەۋمەتتىك اۋماقتىڭ ساقتانۋ - تىزگىندەۋى سياقتى شارالاردى ۇزدىكسىز كۇشەيتەدى، جۇعىمدالۋشىلار، ٴجيى جۋىسۋشىلار، جانامالاي جۋىسۋشىلار، ىندەتكە قاتىستى ورىندارداعى حاۋىپ ـ قاتەرلى ادامدار جانە جوعارى، ورتا حاۋىپ ـ قاتەرلى وڭىرلەردەگى ادامداردىڭ شينجياڭنان شىعۋ جاعدايى بايقالسا، دەرەۋ قاتىستى ولكەلەرگە مالىمدەيدى ٴارى جەكەگە حاۋىپ ـ قاتەر ەسكەرتۋى مەن ساقتانۋ - تىزگىندەۋ تالابىن ۇقتىرادى.
ىندەت شارپىعان وڭىرلەر شينجياڭنان كەتەتىندەردى تەكسەرىپ باسقارۋدى كۇشەيتىپ، قاجەتتى بولماسا، تۇرعان قالادان كەتپەۋدى تالاپ ەتۋ كەرەك، 7 كۇن ىشىندە ورتا، جوعارى حاۋىپ ـ قاتەرلى وڭىرلەردە تۇرۋ تاريحى بار ادامداردىڭ شينجياڭنان كەتۋى شەكتەلەدى، 7 كۇن ىشىندە تومەن حاۋىپ ـ قاتەرلى وڭىرلەردە تۇرۋ تاريحى بار ادامدار 72 ساعات ىشىندە 3 رەت حىسۋان تەكسەرتۋىندە بولىمسىز بولعاننان كەيىن شينجياڭنان كەتۋىنە بولادى، 7 كۇن ىشىندە جوعارى، ورتا، تومەن حاۋىپ ـ قاتەرلى وڭىرلەردە تۇرۋ تاريحى جوق ادامدار 48 ساعات ىشىندە 2 رەت حىسۋان تەكسەرتۋىندە بولىمسىز بولعاننان كەيىن شينجياڭنان كەتۋىنە بولادى.
شينجياڭنان شىعاتىن قاتىناس الاڭ – ايالدامالارىندا، شارتقا ۇيلەسەتىن ادامدارعا ءبىر رەت حىسۋان تەكسەرۋ جانە انتيگەن تەكسەرۋ جۇرگىزىلەدى، سىناما العان زامان كەتەدى، ٴجۇرىس - تۇرىسى شەكتەلمەيدى، تەكسەرۋ ناتيجەسى بولىمدى بولسا، ءتارتىپ بويىنشا وزىنە جانە قاتىستى رايوندارعا دەر كەزىندە حابارلاندىرىلادى. شينجياڭنان شىعاتىن ادامدارعا قاراتا باسىپ وتەتىن جەرلەرى مەن نىسانالى جەرلەرى تۇرعان ولكەلەرگە ادامداردىڭ ينفورماتسياسى الدىن الا حابارلاندىرىلادى. شينجياڭنان شىققان ادامدار ساپار بارىسىندا جەكەلىك قورعانۋدى ويداعىداي ىستەپ، جول ورتادا ايالداۋدى ازايتىپ، نىسانالى جەردەگى الەۋمەتتىك اۋماققا الدىن الا مالىمدەپ، جولدا ٴاربىر بارعان جەرىندە ىرىقتىلىقپەن حىسۋان تەكسەرتىپ، اۋرۋ بەلگىلەرى بايقالسا، دەر كەزىندە تۇرعان جەرگە مالىمدەۋى كەرەك.
شينجياڭعا كەلگەندەر جونىندە، اۋەجاي، ۆوكزال، الىس ارالىقتى جولاۋشى تاسىمال بەكەتى، جوعارى جىلدامدىقتى تاس جولدىڭ ولكە شەكاراسى قىزمەت وتەۋ رايونى سياقتى جەرلەردە حىسۋان سىناماسىن الۋ تۇيىندەرىن قۇرىپ، ”ەرىكتى بولۋ، اقىسىز بولۋ، العان زامان كەتۋ، ٴجۇرىس - تۇرىسقا شەك قويماۋ“ پرينسيبى بويىنشا، ”تۇسكەندە تەكسەرۋدەي“ قىزمەت وتەۋىن ازىرلەپ، ساقتانۋ ـ تىزگىندەۋ وتكەلىن الدىعا جىلجىتۋ ىلگەرىلەتىلەدى. مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ تالابىنا ساي، ۇشاق، جوعارى جىلدامدىقتى پويەز، پويەز سياقتى قاتىناس قۇرالدارىنا وتىرىپ شينجياڭعا كىرگەندەردىڭ 48 ساعات ىشىندەگى حىسۋان تەكسەرۋدىڭ بولىمسىز انىقتاماسىن تەكسەرۋ قاجەت. ٴوز كولىگىمەن ساياحاتتاۋ سياقتى جىلجىمالى ادامدار بارعان ٴاربىر جەرىندە جەرگىلىكتى تۇرعىنداردىڭ ۇدايىلانعان حىسۋان تەكسەرۋىنە ىرىقتىلىقپەن قاتىناسۋى كەرەك.
مەرەكە، دەمالىس كەزىندە، قاتىناس ـ تاسىمال تاراۋلارى جولاۋشىلار اعىنىنا نەگىزدەلىپ، ۆوكزالعا كىرۋ جانە حاۋىپسىزدىكتى تەكسەرۋ ارناسىن دەر كەزىندە كوبەيتىپ، دەنە تەمپەراتۋراسىن ولشەۋ، ەكى ولشەمدى كودتى جايمالاۋ نەمەسە ٴجۇرىس – تۇرىسىن تەكسەرۋ سياقتى شارالاردى تياناقتاندىرىپ، ۆوكزال ىشىندەگى جولاۋشى اعىنىن ۇيىمداستىرۋدى كۇشەيتىپ، جولاۋشىلاردى بىتىراندى تۇردە پويەز ( ۇشاق) كۇتۋگە تارتىپپەن جەتەكتەپ، قاتىناس ـ تاسىمال الاڭ - ايالدامالارى مەن قاتىناس قۇرالدارىنىڭ اۋاسىن الماستىرۋ، زارارسىزداندىرۋ سياقتى شارالاردىڭ جيىلىگىن ارتتىرادى. سونىمەن بىرگە ماسكى، زارارسىزداندىرۋ سۇيىقتىعى زاپاسىن مولايتىپ، جولاۋشىلاردىڭ پايدالانۋىنا جانە ساتىپ الۋىنا قولايلىلىق جاراتادى. قاتىناس قۇرالدارىنىڭ جولاۋشى تاسۋ مولشەرىن قاتاڭ تىزگىندەپ، جولاۋشىلارعا حاۋىپسىز ارالىقتى ساقتاۋدى، جەكەلىك قورعانۋدى ويداعىداي ىستەۋدى ەسكەرتەدى.
اۋدارعان: قادىر ماقان
