شينجياڭ بيىلعى جىلعى بۇكىل رايونداعى كەلەلى نىساندارعا 3 - رەت ورنالاستىرۋ جاسادى
شينجياڭنىڭ ەلەكترىن چۇڭچيڭگە ەنگىزۋدىڭ سايكەستى ەلەكتر قاينارى مەن باتىستىڭ گازىن شىعىسقا جەتكىزۋدىڭ 4 - جەلىسى سياقتى نىساندار قۇرىلىس باستادى
ما شيڭرۇي، حۋ حىڭحۋا، ەركىن تۇنياز، لين شانچيڭ، جاڭ ۋي، جياڭ ي قاتىناستى
انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 28 - كۇنى ۇرىمجىدەن حابارلايدى. ”شينجياڭنىڭ ەلەكترىن چۇڭچيڭگە ەنگىزۋدىڭ سايكەستى ەلەكتر قاينارى“، ”باتىستىڭ گازىن شىعىسقا جەتكىزۋدىڭ 4 - جەلىسى“ سىندى كەلەلى نىسانداردىڭ قۇرىلىس باستاۋ سالتى جانە بۇكىل رايوننىڭ كەلەلى نىساندارىن ورنالاستىرۋ ءماجىلىسى 9 - ايدىڭ 28 - كۇنى تۇستەن بۇرىن ۇرىمجىدە بەينە ەكران ءماجىلىس تاسىلىندە وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي، چۇڭچيڭ قالالىق پارتكومنىڭ ورىنباسار شۋجيى، قالا باستىعى حۋ حىڭحۋا، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز مەملەكەتتىك ەنەرگيا مەكەمەسىندەگى، مەملەكەتتىك مۇناي - تابيعي گاز قۇبىر تورى توبىنداعى، جۇڭگو حۋاديان توبىنداعى قاتىستى جاۋاپتى جولداستارمەن بىرگە جۇمىس باستاۋ سالتىنا قاتىناستى ءارى بەيجيڭ، چۇڭچيڭ، ءۇرىمجى 3 جەردە بىردەي ىسكە قوسۋ شارىن باستى.
سول كۇنى ەكى ۇلكەن نىسان قۇرىلىس باستادى. ”شينجياڭنىڭ ەلەكترىن چۇڭچيڭگە ەنگىزۋدىڭ سايكەستى ەلەكتر قاينارى“ نىسانى، نەگىزىنەن، 4 × ءبىر ميلليون كيلوۆاتتىق جوعارى ءونىمدى اسقىن كريزيستىك جانامالاي اۋامەن سۋىتىلاتىن وتىندىق كومىر اگراگاتتارىن جانە سايكەستى قۇرىلعىلارىن سالادى. سالىنىپ بولىپ، وندىرىسكە قوسىلعاننان كەيىن ءار جىلى جاڭادان 24 ميلليارد 900 ميلليون كيلوۆات ساعات جاسىل ەلەكتر كوبەيتەدى، بۇل شينجياڭنىڭ بايلىق باسىمدىعىن كادەگە جاراتۋ، ەنەرگيانىڭ تازا، تومەن كومىر قىشقىل گازدى بولۋعا قاراي ويىسۋىن ىلگەرىلەتۋ، چۇڭچيڭنىڭ ەنەرگيا حاۋىپسىزدىگىن قامتاماسىزداندىرۋ قۋاتىن جوعارىلاتۋ جونىنەن كەلەلى ماڭىزعا يە؛ ”باتىستىڭ گازىن شىعىسقا جەتكىزۋدىڭ 4 - جەلىسى“ نىسانى، نەگىزىنەن، 1745 كيلومەترلىك گاز جەتكىزۋ قۇبىرىن سالادى، ول شينجياڭ، گانسۋ، نيڭشيا 3 ولكە، رايوندى باسىپ وتەدى، مەجەمەن 2024 - جىلى وندىرىسكە قوسىلادى. وسى نىسان سالىنىپ بولعاننان كەيىن باتىس 2 - جەلىسى، باتىس 3 - جەلىسى قۇبىر تورى جۇيەسىمەن بىرلەسىپ جۇمىس جۇرگىزىپ، مەملەكەتتىڭ تابيعي گازبەن قامداۋ حاۋىپسىزدىگىن بار كۇشپەن قامتاماسىز ەتەدى.
حۋ حىڭحۋا ارناۋ سوزىندە بىلاي دەدى: چۇڭچيڭ باس شۋجي شي جينپيڭنىڭ ەنەرگيا حاۋىپسىزدىگى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، كوپ نەگىزدى، تازا ەلەكتر قۋاتىمەن قامتاماسىزداندىرۋ جۇيەسىن كۇش سالا ورناتىپ، ەكونوميكالىق، قوعامدىق دامۋ مەن حالىق تۇرمىسى ىستەرىنىڭ قاجەتىن اناعۇرلىم ويداعىداي قاناعاتتاندىرۋدا. ”شينجياڭنىڭ ەلەكترىن چۇڭچيڭگە ەنگىزۋدىڭ سايكەستى ەلەكتر قاينارى“ كەلەلى نىسانىن اتقارۋ بۇكىل ەلدىڭ ەلەكتر قۋاتى بايلىعىن ۇلەستىرۋدى ساپالىلاندىرۋ، چۇڭچيڭنىڭ ەنەرگيا حاۋىپسىزدىگىن قامتاماسىزداندىرۋ، ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ“ نىساناسىن تياناقتاندىرۋ، وڭىرلىك سايكەستى دامۋدى جەبەۋ جونىنەن كەلەلى ستراتەگيالىق ماڭىزعا يە. چۇڭچيڭ مەملەكەتتىك ەنەرگيا مەكەمەسىنىڭ جەتەكشىلىگىندە، اۆتونوميالى رايون، مەملەكەت ەلەكتر تورى سەرىكتەستىگى، جۇڭگو حۋاديان توبى سياقتى ورىندارمەن سەلبەسە سايكەسۋدى ىرىقتىلىقپەن كۇشەيتىپ، نىسانداردى ورنالاستىرۋ، فاكتورلىق قامتاماسىزدىق سياقتى قىزمەتتەردى ءبىر تۇتاس جوسپارلاپ ويداعىداي ىستەپ، نىسان قۇرىلىسىن جەدەل ىلگەرىلەتىپ، ەكى جەردىڭ دامۋىنا اناعۇرلىم ويداعىداي قىزمەت ەتىپ، ەكى جەر حالقىن باقىتقا كەنەلتەدى.
مەملەكەتتىك ەنەرگيا مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى لين شانچيڭ ارناۋ سوزىندە مىنانى ءبىلدىردى: شينجياڭنىڭ ەنەرگيا بايلىعى مول، اشۋ، قۇرۋ شارت - جاعدايى ابزال، دامۋ كومەسكى كۇشى وراسان زور. پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ەنەرگيا كاسىپ سالاسىنىڭ دامۋى، ءسوز جوق، بۇكىل ەلدىڭ ەنەرگيا حاۋىپسىزدىگىنە تىڭ دا اناعۇرلىم زور ۇلەس قوساتىندىعىنا سەنەمىن. مەملەكەتتىك ەنەرگيا مەكەمەسى ءباز - باياعىسىنداي شينجياڭنىڭ ەنەرگياسىنىڭ جوعارى ساپالى دامۋىن قولداپ، كورىكتى شينجياڭ قۇرۋعا دەم بەرەدى.
مەملەكەتتىك مۇناي - تابيعي گاز قۇبىر تورى توبى سەرىكتەستىگى پارتيا باسشىلىق گرۋپپاسىنىڭ شۋجيى، القا باستىعى جاڭ ۋي ارناۋ سوزىندە مىنانى ءبىلدىردى: باتىستىڭ گازىن شىعىسقا جەتكىزۋدىڭ 4 - جەلىسى ەلىمىز بەن ورتا ازيانى جالعايتىن تاعى ءبىر ەنەرگيا ستراتەگيالىق ۇلكەن ارناسى. مەملەكەت قۇبىر تورى توبى ينجەنەريالىق قۇرىلىستاردى جوعارى ولشەممەن، جوعارى ونىمدىلىكپەن، جوعارى ساپامەن ىلگەرىلەتىپ، تاريح پەن حالىقتىڭ سىنىنان وتە الاتىن سارا ينجەنەريانى، عاسىرلىق ينجەنەريانى، سەلبەسۋدەگى ۇلگى ينجەنەريانى كۇش سالا تۇلعالايدى.
جۇڭگو حۋاديان توبى شەكتى سەرىكتەستىگى پارتيا باسشىلىق گرۋپپاسىنىڭ شۋجيى، القا باستىعى جياڭ ي ارناۋ سوزىندە بىلاي دەدى: وسى رەتكى قۇرىلىس باستاۋدى وراي ەتىپ، جۇڭگو حۋادياننىڭ باسىمدىعىن شىن مانىندە ويداعىداي ساۋلەلەندىرىپ، سارا ينجەنەريا ۇستانىمىن بەرىك ورناتىپ، ”شينجياڭنىڭ ەلەكترىن چۇڭچيڭگە ەنگىزۋدىڭ سايكەستى ەلەكتر قاينارى“ بازاسىن ەل ىشىندە تازا ەنەرگيادان ۇلگى كورسەتەتىن وزىق بازا ەتىپ كۇش سالا تۇلعالاپ، وسى زامانعى جاڭا ەنەرگيا كاسىپ سالاسىن دامىتۋداعى جاڭا جۇيەنى قۇرۋدا ورتالىق كاسىپورىندارىنىڭ باستاماشىلدىق جانە نەگىزگى قوسىندىق رولىن ساۋلەلەندىرەدى.
ەركىن تۇنياز ارناۋ سوزىندە اۆتونوميالى رايوندىق پارتكوم مەن ۇكىمەت اتىنان نىسانداردىڭ قۇرىلىس باستاعاندىعىن قىزۋ قۇتتىقتاپ، چۇڭچيڭ قالاسى، مەملەكەتتىك ەنەرگيا مەكەمەسى، مەملەكەت قۇبىر تورى توبى، جۇڭگو حۋاديان توبى سياقتىلاردىڭ ۇزاق ۋاقىتتان بەرى شينجياڭنىڭ ەكونوميكالىق، قوعامدىق دامۋىنا زور كۇشپەن قولداۋ كورسەتكەندىگىنە شىن جۇرەكتەن العىس ايتتى. ول مىنانى اتاپ كورسەتتى: ”شينجياڭنىڭ ەلەكترىن چۇڭچيڭگە ەنگىزۋدىڭ سايكەستى ەلەكتر قاينارى“، ”باتىستىڭ گازىن شىعىسقا جەتكىزۋدىڭ 4 - جەلىسى“ نىساندارى شينجياڭنىڭ مەملەكەتتىڭ ەنەرگيا حاۋىپسىزدىگىن قامتاماسىز ەتۋگە قىزمەت وتەيتىن كەلەلى ينجەنەرياسى. شينجياڭ قىزمەت وتەۋ جۇمىستارىن دەن قويا ۇيىمداستىرىپ، بار كۇشتى سالىپ ويداعىداي ىستەپ، ينجەنەريانىڭ جەدەل ىلگەرىلەتىلۋىنە شىنايى كەپىلدىك ەتەدى. نىسان بويىنداعى قاتىستى تاراۋلاردىڭ، ورىنداردىڭ بار كۇشپەن قولداۋىن، بەلسەنە سايكەسۋىن، پارمەندى قامتاماسىزدىق ازىرلەۋىن ءۇمىت ەتەمىز.
شينجياڭنىڭ بيىلعى جىلعى كەلەلى نىساندارعا 3 - رەت ورنالاستىرۋ جاساۋ ءماجىلىسى قۇمىل قالاسىنىڭ، تۇرپان قالاسىنىڭ، بايىنعولين موڭعۇل اۆتونوميالى وبلىسىنىڭ، قاشقار ايماعىنىڭ كەلەلى نىساندارىنىڭ قۇرىلىس احۋالىنان جاسالعان مالىمەتتى تىڭدادى. ەركىن تۇنياز سوزىندە بىلاي دەپ اتاپ كورسەتتى: جەر - جەر، تاراۋلار باتىل تۇردە اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ءوندىرىس حاۋىپسىزدىگىن ويداعىداي ىستەۋ العى شارتىندا، كەلەلى نىسانداردىڭ قۇرىلىس باستاپ سالىنۋىن شىن مانىندە ويداعىداي يگەرۋ كەرەك. وزدەرىنە سالماق سالىپ، ەكپىندەي ىلگەرىلەپ، بويكۇيەزدىككە سالىنباۋعا تاباندى بولىپ، ساياسات سيپاتتى، اشۋ سيپاتتى فينانس قۇرالدارىنان جاندى، ويداعىداي پايدالانىپ، سۇيمەن رولىن ويداعىداي ساۋلەلەندىرۋى كەرەك. فاكتورلارمەن قامتاماسىزداندىرۋدى بوساڭسىتپاۋعا تاباندى بولىپ، دامۋدىڭ ”قاتتى ورتاسى“ مەن ”جۇمساق ورتاسىن“ تۇلعالاۋدا شىنايى شارالار قولدانىپ، ناقتى ونىمدىلىك كورسەتۋ كەرەك. نىسان قورىن توقتاتپاۋعا تاباندى بولىپ، ”8 ءىرى كاسىپ سالاسى شوعىرىن“ جەتىلدىرىپ، زورايتىپ، ”ءىرى سۋ يگىلىگى، ءىرى قاتىناس، ءىرى ەنەرگيا، ءىرى ساۋدا، ءىرى حالىق تۇرمىسى، ءىرى حاۋىپسىزدىك“ سياقتى 6 ءىرى ينجەنەريانى ۇيىمداستىرىپ اتقارىپ، جوعارى ساپالى دامۋعا جاڭا قوزعاۋشى كۇش توپتاۋ كەرەك.
قۇرىلىس باستاۋ سالتى مەن ورنالاستىرۋ ءماجىلىسىن چىن ۋيجۇن باسقاردى. ياڭ فاسىن، ەلزات احمەتجان، چۇڭچيڭ قالاسىنىڭ باسشىسى دۇڭ جيانگو قاتارلىلار قاتىستى قيمىلدارعا قاتىناستى.
