□ گازەتىمىزدىڭ شولۋشىسى
9 - ايدىڭ 28 - كۇنى رايونىمىز بيىلعى جىلعى 3 - رەتكى شوعىرلى تۇردە كەلەلى نىسانداردىڭ قۇرىلىسىن باستاۋ، كەلەلى نىسانداردى ورنالاستىرۋ − ”شينجياڭنىڭ ەلەكترىن چۇڭچيڭگە ەنگىزۋدىڭ سايكەستى ەلەكتر قاينارى“، ”باتىستىڭ گازىن شىعىسقا جەتكىزۋدىڭ 4 - جەلىسى“ كەلەلى نىساندارىنىڭ قۇرىلىسىن باستاۋ سالتىنىڭ جانە بۇكىل رايونداعى كەلەلى نىسانداردى ورنالاستىرۋ ءماجىلىسىنىڭ وتكىزىلۋىن قارسى الدى.
كوكتەمدە قۇرىلىس باستاۋ دابىلى قاعىلدى، جازدا قۇرىلىس باستاۋ دابىلى تاعى دا قاعىلدى، كۇزدە جانە دە قۇرىلىس باستاۋ دابىلى قاعىلدى. بيىل جىل باسىنان بەرى اۆتونوميالى رايوندىق پارتكوم مەن ۇكىمەت نىسانداردى قاۋىرت يگەرۋ، ءىرى نىسانداردى يگەرۋ ارقىلى شينجياڭ سىندى تىرشىلىك تىنىسىنا تولعان ىرىستى مەكەننىڭ اناعۇرلىم زور دامۋىن جەبەۋ جونىندە ايقىن بەتالىس كورسەتتى.
سان رەتكى بۇيرىق − سان رەتكى جورىققا اسىقتىرۋ، سان رەتكى ارشىنداي العا باسۋ. الدىڭعى 3 ماۋسىمىنىڭ احۋالىنان قاراعاندا، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا، ءار دارەجەلى، ءارقايسى قاتىستى تاراۋلار زەيىن - زەردەنى، كۇش - قۋاتتى ۇيىستىرىپ، شىنايى يگەرىپ، ناقتى ىستەپ، بار كۇشتى سالىپ نىساندى جوسپارلاپ، كاسىپ سالاسىن يگەرىپ، دامۋدى جەبەپ، نىسان قۇرىلىسىندا سانسىز قايىق جارىسا جەلكەن كوتەرۋىن دەمەپ، ەكونوميكا دامۋىنىڭ ”ارقالىعىن“ ەرلىكپەن كوتەردى. جاڭادان قۇرىلىس باستاپ سالىنعان ءجۇز ميلليون يۋاننان جوعارى كەلەلى نىسانداردىڭ سانى، تۇراقتى مۇلىككە قوسىلعان قارجىنىڭ جالپى سوماسى، ناقتى جۇمىس مولشەرىنە قوسىلعان قارجى سياقتى شەشۋشى كورسەتكىشتەر زور مولشەردە كوتەرىلىپ، كەلەلى نىسانداردىڭ جەتەكتەۋ رولى بارعان سايىن كورنەكتىلەنىپ، شينجياڭ ەكونوميكاسىنىڭ دامۋىن جەتەكتەۋدە ورنىقتى ارتۋ جاعدايىن ساقتادى.
كوكتەمنەن كۇزگە دەيىن، شينجياڭنىڭ نىسان قۇرىلىسى باستان - اياق جىلدام ىلگەرىلەدى. دۇنيە جۇزىندەگى العاشقى قۇمدى ءشولدى اينالعان تەمىر جولدىڭ ەڭ سوڭعى شەشۋشى ينجەنەرياسى − حوتاننان چارقىلىققا دەيىنگى تەمىر جول، شينجياڭعا كىرىپ - شىعاتىن 3 - جوعارى جىلدامدىقتى تاس جول ۇلكەن ارناسى − يىتىمبۇلاقتان چارقىلىققا دەيىنگى جوعارى جىلدامدىقتى تاس جول، سونداي - اق تۇرپان اۋەجايىن وزگەرتىپ، كەڭەيتىپ سالۋ ينجەنەرياسى، قىزىل وزەن شات سۋ ەلەكتر ستانسياسى سياقتى 15 كەلەلى نىسان قۇرىلىس اياق الىسىن جەدەلدەتىپ، بيىلعى جىل ىشىندە پايدالانۋعا بەرىلگەلى تۇر. وسى نىساندار نەگىزدىك قۇرىلعىلار ورەسىن جوعارىلاتىپ، ءونىمدى قارجى قوسۋدى جەتەكتەپ، جەرگىلىكتى ەكونوميكانىڭ دامۋ تەبىنىن ارتتىرىپ قانا قالماستان، سالۋ مەزگىلىندە جانە ىسكە قوسىلعان كەزدە قىرۋار تۇراقتى جۇمىس ورنىن جاراتىپ، اناعۇرلىم جوعارى ورەدەگى حالىق تۇرمىسىنا قىزمەت وتەۋ قامتاماسىزدىعىن ازىرلەپ، جوعارى ساپالى دامۋدى حالىق تۇرمىسىنا جاناستىرىپ ىلگەرىلەتۋدى شىن مانىندە ورىنداپ، حالىق تۇرمىسىنا دامۋ جەتىستىكتەرىنەن شىن مانىندە تيىمدىلىك جەتكىزۋدى، حالىق تىلەگىن توعىستىرۋدى ىلگەرىلەتەدى. وسى جەتىستىكتەر مىنانى تولىق دالەلدەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن حالىق تىلەگىنىڭ تىعىز بايلانىسىن تەرەڭ تانىپ، ءبىرسىپىرا ناقتى قىزمەت ورنالاستىرۋلارىن جاسادى، بەتالىسى دۇرىس، شارالارى تىڭعىلىقتى، ناتيجەسى كورنەكتى.
كۇز ورتاسى، تاعى ءبىر توپ كەلەلى نىساندار قۇرىلىس باستادى، بۇل ءارى تابىس، ءارى جاڭا ەڭبەكتىڭ باستاماسى؛ ءارى دابىرالى شينجياڭنىڭ ناقتى دالەلى، ءارى وسىناۋ بايتاق دالانىڭ شەكسىز كومەسكى كۇشىن كورسەتەدى.
ءبىز ”العان بەتىنەن قايتپايتىن“ ارىنمەن، ”بۇلتتى جەلكەن عىپ، كوك تەڭىزدى مەن دە وتەرمىن قاق ءتىلىپ“ دەيتىن ەرلىكپەن بار كۇشتى سالىپ نىسان قۇرىلىسىن ”ۇدەتۋىمىز“ كەرەك. بۇل جەر - جەردىڭ، تاراۋلاردىڭ ساۋداگەر شاقىرىپ قارجى ەنگىزۋ تاسىلىندە جاڭالىق اشىپ، ساۋداگەر شاقىرىپ قارجى ەنگىزۋ سەرپىنىن ارتتىرىپ، ەرەكشە ساياسات قاراستىرىپ، توتەنشە شارا قولدانىپ، قاباعات كۇش سالىپ، نىسان قۇرىلىسىنا قاينار بۇلاق ازىرلەۋىن؛ شارانى ەگجەي - تەگجەيلىلەندىرىپ، فاكتورلارمەن قامتاماسىزداندىرىپ، ۇندەس بولىپ، بىردەي كۇش سالىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن جەدەل تۇلعالاۋىن؛ كەلەلى نىسان قۇرىلىسىن ىلگەرىلەتەتىن كوكەي تەستىلىك سەزىم مەن جاۋاپكەرشىلىك سەزىمدى شىن مانىندە ارقالاپ، نىسان قۇرىلىسى بارىسىندا تاپ بولعان ماسەلەلەردى دەر كەزىندە سايكەستىرىپ شەشىپ، نىسان قۇرىلىسىنا بوگەت بولاتىن قيىندىقتاردان دەر كەزىندە قامال الىپ، نىسانداردىڭ ەرتەرەك تياناقتانۋىن، ەرتەرەك وندىرىسكە قوسىلۋىن، ەرتەرەك ونىمدىلىك كورسەتۋىن جەبەۋدى قاجەت ەتەدى.
ءبىر - بىرلەگەن كەلەلى نىساندار بەينە ءبىر - ءبىر تال تۇقىم ىسپەتتى، تومەنگە تامىر تارتىپ، جوعارىعا كوكتەپ، شينجياڭنىڭ جوعارى ساپالى دامۋىنىڭ ىشكى قوزعاۋشى كۇشىنە اينالىپ، تيانشان الابىندا جوعارى ساپالى دامۋدىڭ قۋاتتى ءۇنىن شىعانداتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى قۇلشىنا قۇرۋعا جاڭا قوزعاۋشى كۇش ۇستەپ، جاڭا ومىرشەڭدىك قاۋلاتىپ، جاڭا ءۇمىت اكەلۋدە.
