انار بۇلت \ شينجياڭ گازەتىنىڭ حابارى (ٴتىلشى جاڭ دۇڭمەي حابارلايدى) 9 – ايدىڭ 29 ـ كۇنى كەشتە بەيجيڭ تيانچياۋ كوركەمونەر ورتالىعىنىڭ ۇلكەن تەاترحاناسىندا «تيانشاندا شىرقالادى» ٴانىنىڭ شىرقالۋىمەن ”جاڭا انمەن شينجياڭدى جىرلاۋ“ − 2022 ـ جىلعى تاڭداۋلى ٴتول شىعارما ٴان كونسەرتىنىڭ شىمىلدىعى اشىلدى.
9 ـ ايدىڭ 29 ـ كۇنى كەشتە ”جاڭا انمەن شينجياڭدى جىرلاۋ“ − 2022 ـ جىلعى تاڭداۋلى ٴتول شىعارما ٴان كونسەرتىنىڭ ساحناسىندا ٴانشى ۋاڭ حۇڭۋي «شينجياڭ كەلبەتى سىزباسى» ٴانىن شىرقادى. سۋرەتتى انار بۇلت \ شينجياڭ گازەتىنىڭ ٴتىلشىسى جاڭ دۇڭمەي تۇسىرگەن
جۇڭگو ادەبيەت ـ كوركەمونەرشىلەر بىرلەستىگى، شينجياڭ ۇيعۇر اۆتونوميالى رايوندىق پارتكوم ۇگىت ٴبولىمى، شينجياڭ ٴوندىرىس ـ قۇرىلىس بيڭتۋان پارتكومى ۇگىت ٴبولىمى، جۇڭگو مۋزيكانتتار قوعامى بىرلەسىپ وتكىزگەن «جاڭا انمەن شينجياڭدى جىرلاۋ» − 2022 ـ جىلعى تاڭداۋلى ٴتول شىعارما ٴان كونسەرتى شينجياڭداعى ٴار ۇلت حالقىنىڭ ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا باقىتتى تۇرمىسىن جاندى بەينەلەدى.
يىن شيۋمەي، ۋاڭ حۇڭۋي، كامران كامىل، ٴادىل ابىلەز، ارفا ارسىلان قاتارلى انشىلەر بەيجيڭ مۋزيكانتتار قوعامىنىڭ حور ۇيىرمەسىمەن، شاندۇڭ كوركەمونەر شۋەيۋانى ٴبي شۋەيۋانىمەن بىرگە استاناداعى كورەرمەندەرگە «تيانشاندا شىرقالادى ٴان»، «شينجياڭ كەلبەتى سىزباسى»، «شينجياڭعا سۇراق»، «قاناستاعى اي ساۋلەسى»، «شينجياڭدى قۇشا ٴسۇيۋ»، «قاشقار كەشى» سياقتى شينجياڭنىڭ ەرەكشەلىگى قويۋ، تاقىرىبى، سلوبى كوپ نەگىزدى تاڭداۋلى ٴتول شىعارما اندەرىن تارتىمدى ورىندادى. جاڭ گولي مەن جوۋ تاۋ «شەكاراداعى مەكەن» اتتى ولەڭدى مانەرىنە كەلتىرىپ وقىدى.
كونسەرتتىڭ مۋزيكا باس باقىلاۋشىلىعىن جانە ادەبيەت باس باقىلاۋشىلىعىن جەكە - جەكە جۇڭگو مۋزيكانتتار قوعامىنىڭ ورىنباسار ٴتوراعاسى، كومپوزيتور جاڭ چيان - ي، ارپاۋ ويىن - ساۋىق ۇيىرمەسىنىڭ بۇرىنعى باستىعى، ٴان ٴسوزىن جازۋشى چۇي يۋان ۇستىنە الدى، ورتالىق ۇلتتار ٴان - ٴبي ۇيىرمەسىنىڭ بۇرىنعى باستىعى ديڭ ۋي باس رەجيسسەر، جۇڭگو تەاتر قوعامىنىڭ ٴتوراعاسى، ونەر قايراتكەرى پۋ سۇنشين مەن بەيجيڭ تەلەۆيزيا ستانسياسىنىڭ جۇرگىزۋشىسى چۇن ني جۇرگىزۋشى بولدى.
جەكە ٴان، ايتىسۋ، قوس داۋىستى ٴان، قوسىلىپ ايتۋ سياقتى ورىنداۋ فورمالارى ٴارى شينجياڭنىڭ ەرەكشە مۋزيكا اسپاپتارىنىڭ سۇيەمەلدەۋى ارقىلى كونسەرت كورەرمەندەرگە ساپالى، ەرەكشەلىككە يە، جاڭالىق جاساعان كوركەمونەر ەستەتيكا سەزىمىن الا كەلدى، تارتىمدى نومىرلەرگە كورەرمەندەر ٴالسىن ـ ٴالى شاپالاق سوقتى.
9 ـ ايدىڭ 29 ـ كۇنى كەشتە «جاڭا انمەن شينجياڭدى جىرلاۋ» − 2022 ـ جىلعى تاڭداۋلى ٴتول شىعارما ٴان كونسەرتى ساحناسىندا ٴانشى يىن شيۋمەي «شينجياڭعا سۇراق» ٴانىن شىرقادى. سۋرەتتى انار بۇلت \ شينجياڭ گازەتىنىڭ ٴتىلشىسى جاڭ دۇڭمەي تۇسىرگەن
”ەرەكشە تەبىرەندىم، تامىلجىعان اسەم ٴان اۋەنىن ەستىپ، شينجياڭعا تاعى دا بارعانداي بولدىم“. حۋاڭ حۇيمين تىلشىگە: وتباسىمداعىلارمەن بىرگە 5 جىلدىڭ الدىندا شينجياڭعا ساياحاتتاي بارعان ەدىم، شينجياڭنىڭ كورىنىسى كوركەم، ادامدارى دا مەيماندوس، تۇتاس ساياحات توتەنشە كوڭىلدى بولدى، مەن شينجياڭدى ەشقاشان ەسىمنەن شىعارمادىم، كەيىن تۋىس ـ تۋعان، دوس ـ جاراندارىممەن بىرگە كورىكتى شينجياڭعا تاعى بارىپ كورەمىن، - دەدى.
تاياۋ جىلداردان بەرى، جۇڭگو ادەبيەت ـ كوركەمونەرشىلەر بىرلەستىگى، جۇڭگو مۋزيكانتتار قوعامى ”تۇرمىسقا ىشكەرىلەي ارالاسۋ، حالىققا تامىر تارتۋ“ تاقىرىبىنداعى امالياتتىق قيمىلدى كەڭ كولەمدە ورىستەتىپ، بۇكىل ەلدەگى ايگىلى ٴان ٴسوزىن جازۋشىلاردى،كومپوزيتورلاردى شينجياڭعا تالاي رەت بارىپ، حالىق اندەرىن جيناپ تۋىندى جاراتۋعا ۇيىمداستىردى. وسى رەتكى كونسەرتتە كورسەتىلگەنى − كوركەمونەرشىلەردىڭ شينجياڭعا كەلىپ حالىق اندەرىن جيناپ تۋىندى جاراتۋىنداعى ٴىشىنارا تۋىندىلار، كوركەمونەرشىلەردىڭ تۇرمىسقا ىشكەرىلەي ارالاسۋىنىڭ جەمىسى، كورىكتى شينجياڭنىڭ كوركەم كورىنىسىنىڭ، سالت ـ ساناسىنىڭ قايتا ايگىلەنۋى، ونان دا ماڭىزدىسى، شينجياڭداعى ٴار ۇلت حالقىنىڭ باقىتتى تۇرمىسىنىڭ ناقتى بەينەسى.
