شينحۋا اگەنتتىگى كولەمدى ادەبي حابار تاراتتى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى. شينحۋا اگەنتتىگى 9 - ايدىڭ 29 - كۇنى «تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى» اتتى كولەمدى ادەبي حابار تاراتتى.
ماقالادا بىلاي دەلىندى: 2012 - جىلى 11 - ايدىڭ 15 - كۇنى بەيجيڭ حالىق سارايىنىڭ شىعىس زالىندا، جۇڭگو كوممۋنيستىك پارتياسىنىڭ جاڭا كەزەك ەڭ جوعارى باسشىلىق ساتىسىنىڭ العاش رەت جۇرتپەن توپتىق اشىق جۇزدەسۋى دۇنيە ءجۇزىنىڭ نازارىن اۋداردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جاڭادان سايلانعان شي جينپيڭ ايبىندى تۇردە بىلاي دەپ جاريالادى: ”ءبىزدىڭ مىندەتىمىز بۇكىل پارتياداعىلاردى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، تاريحي اماناتتى ارقالاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن ۇزدىكسىز قۇلشىنا كۇرەس جۇرگىزىپ، جۇڭحۋا ۇلتىنىڭ دۇنيە جۇزى ۇلتتارىنىڭ قاتارىندا اناعۇرلىم قايسار دا قۋاتتى تۇردە ەڭسەسىن بيىك ۇستاپ، ادامزاتقا تىڭ دا اناعۇرلىم زور ۇلەستەر قوسۋىنا مۇمكىندىك جاساۋ“.
جۇڭگوشا سوتسياليزمنىڭ جاڭا ءداۋىرىنىڭ شىمىلدىعى اشىلدى. حالىقاراداعى باقىلاۋشىلار سەزگىرلىكپەن جاڭا داۋىردەگى ەل باسقارۋ جوباسىندا جۇڭگونىڭ جاڭا ۇرپاق باسشىلارىنىڭ جۇڭگونىڭ بولاشاق تاعدىرىن دۇنيە ءجۇزىنىڭ بولاشاق تاعدىرىمەن اناعۇرلىم تىعىز بايلانىستىرعاندىعىن بايقادى.
ماقالادا مىنالار اتاپ كورسەتىلدى: دۇنيە جۇزىندەگى كۇش سالىستىرماسىنىڭ ابستسيسساسى مەن جۇڭحۋا ۇلتىنىڭ العا باسۋىنىڭ ورديناتىنان قازىرگى دۇنيە ءجۇزىنىڭ اۋقىمى مەن ەلىمىز تۇرعان تاريحي ورىندى عىلمي تۇردە بەلگىلەپ، ايبىندى ۋاقىت - كەڭىستىك ولشەمىندە تۇرىپ، ۇلتتىڭ گۇلدەنۋى مەن ادامزاتتىڭ العا باسۋىنىڭ تەرەڭ تاقىرىبىنا وي جۇگىرتتى، پارتيا 18 - قۇرىلتايىنان بەرى، باس شۋجي شي جينپيڭ ماركسيزمنىڭ نەگىزگى قاعيداسىن جۇڭگوشا ەرەكشەلىككە يە ءىرى ەل ديپلوماتياسىنىڭ امالياتىمەن ۇشتاستىرىپ، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرىپ، كەلەلى ديپلوماتيالىق نازاريا مەن امالياتتا جاڭالىق اشۋدى بەلسەنە ىلگەرىلەتىپ، ءبىر قىدىرۋ جۇڭگوشا ەرەكشەلىككە باي، ءداۋىر رۋحىن ايگىلەگەن، ادامزات دامۋىنىڭ، العا باسۋىنىڭ اعىمىنا جەتەكشىلىك ەتكەن جاڭا ۇستانىمداردى، جاڭا دارىپتەمەلەردى، جاڭا باستامالاردى ورتاعا قويدى. شي جينپيڭنىڭ ديپلوماتيا يدەياسىن ءتۇبىرلى بويسۇنۋ ولشەمى جانە ارەكەت باعدارناماسى ەتكەن جۇڭگوشا ەرەكشەلىككە يە ءىرى ەل ديپلوماتياسى ارشىندى قاداممەن العا باسىپ، جۇڭگونىڭ حالىقاراداعى ىقپال كۇشى، باۋراۋ كۇشى، سومداۋ كۇشى كورنەكتى جوعارىلادى.
بۇل − الەمنىڭ تۇكپىر - تۇكپىرىنە جايىلعان جۇڭگونىڭ دوستار شەڭبەرى. مەملەكەت قاقپاسىنان 42 رەت شىعىپ، 69 مەملەكەتكە بارىپ، ساپارلاي كەلگەن 100دەن استام ەلدىڭ مەملەكەت باسشىسى مەن ۇكىمەت جەتەكشىسىن قابىلداپ، تەلەفون، حات، بەينە ەكران سياقتى تاسىلدەرمەن ”بۇلتتىق ديپلوماتيانى“ كەڭ كولەمدە ورىستەتىپ، مەملەكەت باسشىسى ديپلوماتياسىمەن رول ۇستاپ، جول باستاپ، اناعۇرلىم جان - جاقتى، اناعۇرلىم بەكەم الەمدىك سەرىكتەستەر قارىم - قاتىناس تورىن ورناتتى. 110 نەشە مەملەكەت پەن وڭىردەگى ۇيىمدارمەن سەرىكتەستىك قارىم - قاتىناسىن ورناتىپ، ىلگەرىندى - كەيىندى 9 مەملەكەتپەن ديپلوماتيالىق قارىم - قاتىناس ورناتىپ، ديپلوماتيالىق قارىم - قاتىناستى قالپىنا كەلتىرىپ، ديپلوماتيالىق قارىم - قاتىناس ورناتقان مەملەكەت 181گە جەتتى.
بۇل دۇنيە جۇزىندەگى ءار ەلمەن بىرگە يگىلىكتەنگەن جۇڭگو ورايى. دۇنيە ءجۇزىنىڭ ەكونوميكالىق ارتۋىنىڭ باستى قوزعالتقىشى، الەمدەگى ەكىنشى ۇلكەن تۇتىنۋ بازارى جانە ءبىرىنشى ۇلكەن زات ساۋداسى ەلى؛ ورتا ەسەپپەن ءار مينۋتتا 73 ميلليون يۋاننان استام حالىق اقشاسىنىڭ زاتى جۇڭگو مەن دۇنيە ءجۇزى اراسىندا كىرىپ - شىعادى، ورتا ەسەپپەن ءار كۇندە 40 نەشە كەزەكشى پويەز جۇڭگو مەن ەۆروپانىڭ 200 قالاسى اراسىندا جۇيتكيدى. ەڭ از ۇنامسىز تىزىمدىكتەن اناعۇرلىم تاماشا شارۋاشىلىق - ساۋدا ورتاسىنا دەيىن، ”ءبىر بەلدەۋ، ءبىر جولدى“ بىرگە قۇرۋدان مەملەكەت دارەجەلى ”كورمە ماتريتساسىنا“ دەيىن، ءتۇرى تولىق ”دۇنيە ءجۇزىنىڭ زاۆودىنان“ ساۋدا ورايى شەكسىز ”دۇنيە ءجۇزىنىڭ بازارىنا“ دەيىن جۇڭگو دامۋىنىڭ تەز پويەزىنا، قولايلى پويەزىنا شىققان مەملەكەتتەر بارعان سايىن كوبەيدى.
بۇل ءداۋىر ساۋالىنا جاۋاپ قاتقان جۇڭگونىڭ جاۋاپكەرشىلىك ارقالاۋى. بىرلەسكەن مەملەكەتتەر ۇيىمىنىڭ بەيبىتشىلىكتى قورعاۋ ارەكەتىنە قارجى شىعارۋداعى ەكىنشى ءىرى ەل جانە ماڭىزدى اسكەر شىعارۋشى ەل، ەكونوميكانىڭ جاھاندانۋىنىڭ تاباندى دارىپتەۋشىسى، الەمدىك كليماتتى وڭاۋدىڭ بەلسەندى ات سالىسۋشىسى، باستان - اياق حالىقارانىڭ ىندەتكە قارسى اتتانۋ سەلبەستىگىنىڭ ”ءبىرىنشى شارشى توبىندا“ تۇردى... جۇڭگونىڭ بويىنان دۇنيە ءجۇزى ”ءىرى ەلدىك بەينەنى“ كوردى. يانشي كولىنىڭ بويىنان شيزى كولىنىڭ بويىنا دەيىن، بىرلەسكەن مەملەكەتتەر ۇيىمىنىڭ مىنبەرىنەن داوس شاعىن قالاشىعىنا دەيىن، ازيا وركەنيەتتەرىنىڭ سالتاناتتى جينالىسىنان الەمدىك ساياسي پارتيالاردىڭ باسشىلار ماجىلىسىنە دەيىن ادامزاتتىڭ تاعدىرلاس ورتاق تۇلعاسىن قۇرۋ ۇستانىمى جۇڭگو ارمانى مەن دۇنيە جۇزىندەگى ءار ەل حالىقتارىنىڭ تاماشا ارمانىن ۇيىستىردى.
ماقالا مىناداي 6 بولىككە ءبولىندى: (1) بورىش. جاڭا ءداۋىر؛ (2) سەرىكتەسۋ. جاڭا جول؛ (3) بەرەكە - بىرلىك. جاڭا كەلبەت؛ (4) وزگەرىس. جاڭا ارنا؛ (5) جاۋاپكەرشىلىك ارقالاۋ. جاڭا جوبا؛ (6) اسىپ ءتۇسۋ. جاڭا كەلەشەك.
ماقالادا مىنالار اتاپ كورسەتىلدى: دۇنيە ءجۇزىنىڭ وزگەرىسى، ءداۋىر وزگەرىسى، تاريح وزگەرىسى بۇرىن بولماعان تاسىلمەن دامۋدا. ادامدار جاقىندا اشىلاتىن پارتيا 20 - قۇرىلتايىنىڭ جۇڭگونىڭ دۇنيە جۇزىندەگى ءار ەلمەن دوستىعىنىڭ، سەلبەستىگىنىڭ جاڭا جوباسىن جاساپ، ادامزات وركەنيەتىنىڭ العا باسۋ ىسىنە بەيبىت دامۋدىڭ تىڭ قوزعاۋشى كۇشىن ۇستەۋىن كۇتۋدە.
جۇڭگو دۇنيە جۇزىمەن تاعدىرلاس بولۋدىڭ جاڭا باستاماسىندا تۇر.
