شينجياڭنىڭ ەكونوميكالىق، قوعامدىق دامۋىندا قول جەتكەن تاريحي تابىستاردى ستەرەولدى بەينەلەدى
9 - ايدىڭ 28 - كۇنى كورەرمەندەر نەگىزگى تاقىرىپتىق تابىستار كورمەسىنىڭ شينجياڭ كورمە بولىگىن ەكسكۋرسيالاۋدا. 9 - ايدىڭ 27 - كۇنى”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسى بەيجيڭ كورمە سارايىندا اشىلدى. سول كۇنى جەرگىلىكتى ورىندار كورمە رايونىنىڭ ماڭىزدى قۇرامداس بولىگى بولعان شينجياڭ كورمە بولىگى تارتىمدىلىعىمەن كوزگە ءتۇستى.
□ سۋرەتتى انار بۇلت \ شينجياڭ گازەتىنىڭ ءتىلشىسى يۇي لەي تۇسىرگەن
انار بۇلت \ شينجياڭ گازەتىنىڭ ءتىلشىسى جاڭ دۇڭمەي 9 - ايدىڭ 29 - كۇنى بەيجيڭنەن حابارلايدى. ايشىقتى كورىنىستى قابىرعا سۋرەتتەر، قىزىل دوعا ءپىشىندى انار بەينەلى LED ەكران، ءبىر ءۇيلى جانداردىڭ توپتىق سۋرەتىندەگى كۇلىمدەگەن جۇزدەر... ”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ بولىگىنە كىرگەنىڭىزدە، جادىراعان بەينەلەر كوزىڭىزگە وتتاي باسىلادى.
پارتيا 20 - قۇرىلتايى جەڭىسپەن اشىلۋ قارساڭىندا، ”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسى 9 - ايدىڭ 27 - كۇنى بەيجيڭ كورمە سارايىندا اشىلدى. سول كۇنى نەگىزگى تاقىرىپتىق تابىستار كورمەسىنىڭ جەرگىلىكتى ورىندار كورمە رايونىنىڭ ماڭىزدى قۇرامداس بولىگى بولعان شينجياڭ كورمە بولىگى تارتىمدىلىعىمەن جۇرتپەن جۇزدەسىپ، پارتيا 18 - قۇرىلتايىنان بەرى شينجياڭنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ىقىلاستى تاپسىرماسىن ەستە بەرىك ساقتاپ، ەكونوميكالىق، قوعامدىق دامۋدى ىلگەرىلەتۋدە قول جەتكىزگەن وراسان زور وزگەرىستەرى مەن شۇعىلالى تابىستارىن شوعىرلى كورسەتتى.
شينجياڭ كورمە بولىگى ”ىقىلاستى قامقورلىق − شينجياڭدى جونگە سالۋ جالپى جوباسىنا باعدار نۇسقادى“، ”شينجياڭدى زاڭمەن جونگە سالۋ − ەل امان، جۇرت تىنىش جاڭا كەلبەتتى ايگىلەۋ“، ”شينجياڭدى ىنتىماقتاسا ورنىقتىرۋ − انار گۇلى قۇلپىرعان بەرەكەلى وتباسى“، ”شينجياڭدى مادەنيەتپەن نارلەندىرۋ − تاتىمدى ءتالىم - تاربيەنىڭ قوماقتى جەمىسى“، ”حالىقتى بايىتىپ شينجياڭدى گۇلدەندىرۋ − باقىتتى تۇرمىس كۇن سايىن جاڭارىپ، اي سايىن تۇلەجىدى“، ”شينجياڭدى باياندى كوركەيتۋ − ءتۇبىردى بەكەمدەپ، نەگىزدى كۇشەيتىپ، ايبىندى جوبانى ايگىلەدى“ سىندى 6 بولىمنەن قۇرالدى.
اۆتونوميالى رايوندىق پارتكوم ۇگىت ءبولىمى ۇگىت - تاربيە باسقارماسىنىڭ باستىعى شيە گوحۇڭ تانىستىرىپ بىلاي دەدى: كورمە كوپ ءتۇرلى فورمالاردان كەشەندى پايدالانىپ كورسەتىلدى. 200 سۋرەت، 18 توپ كوپ مەديا كورمە ءتۇرى، 121 تال (توپ) ناقتى زات قالىبى، ت . ب لار ارقىلى پارتيا 18 - قۇرىلتايىنان بەرى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتى جان - جاقتى، كوپ ساتىلى تۇردە كورسەتىلىپ، شينجياڭنىڭ ەكونوميكالىق، قوعامدىق دامۋى قول جەتكىزگەن تاريحي تابىستارى ستەرەولدى بەينەلەندى. كورمە شينجياڭداعى ءار ۇلت كادر - بۇقاراسىنىڭ ءبىر نيەتپەن ىنتىماقتاسىپ، قايراتتانا العا ىلگەرىلەپ، اناعۇرلىم تاماشا شينجياڭدى قۇرۋ بەرىك سەنىمىن، بەكىمىن، سونداي - اق ءار ۇلت بۇقاراسىنىڭ باقىتتى، شات - شادىمان جانە العىستى سەزىمىن تولىق كورسەتتى.
شينجياڭ بولىگىنە كىرگەندە، كورەرمەندەر شينجياڭنىڭ اسا كوركەم كورىنىسىن سوندا بولعانداي سەزىنىپ، كوزبەن كورىپ، 10 جىلدان بەرگى شينجياڭنىڭ رەفورما جاساپ، ەسىك اشۋدا جانە ەكونوميكالىق، قوعامدىق دامۋدا قول جەتكىزگەن كەلەلى سەرپىلىستەرىن زەر سالا تىڭدادى.
نەگىزگى تاقىرىپتىق داۋالدا قويىلعان «شينجياڭ جاقسى جەر» بەينەجازباسى كورەرمەندەرگە وزدەرىن بۇگىنگى شينجياڭنىڭ تەڭدەسسىز كوركەم كورىنىسىنىڭ ىشىندە، جىبەك جولىنداعى وسى زامانعى قالانىڭ الۋان الاۋلى ىرعاعىمەن تەربەلىپ، ۇلى تابيعاتتىڭ ايبىنى اسقاق قۇشاعىندا، كورىكتى اۋىل - قىستاقتارداعى باقىتتى تۇرمىستىڭ اراسىندا تۇرعانداي سەزىم بەرەدى... ءبىر ميلليون 660 مىڭ شارشى كيلومەتر كەلەتىن اسا كوركەم شينجياڭنىڭ بارلىق جەرى قارىشتاي تالپىنعان ومىرشەڭدىك كۇش پەن ۇمىتكە جۇكتى.
كورمەنىڭ ورتاسىنداعى ديامەترى 6. 2 مەترلىك دوعا ءپىشىندى انار بەينەلى LED ەكران ادامداردى وزىنە جالت قاراتپاي قويمايدى. ەكراندا رەڭى قانىق، وبرازى شىنايى الىپ انار بەينەسى كورىنىپ، تولىسقان انار داندەرى بۇكىل ەكران بەتىن الىپ ءار ۇلت پەرزەنتتەرىنىڭ شات مەرەيلى ءجۇزى كورىنەدى، ول شينجياڭداعى ءار ۇلت بۇقاراسىنىڭ اناردىڭ دانىندەي تىعىز ۇيىسقان ىنتىماعىنىڭ سيمۆولى.
شينجياڭدىق شارۋا سۋرەتشىلەردىڭ ۇزىن كارتون سۋرەتى شينجياڭ بولىگىنىڭ ءبىر جارقىن ءتۇيىنى. بۇل ۇزىن كارتون سۋرەت LED 4 ەلەكتروندى ەكراندى جالعاپ جاسالعان، شينجياڭ ماكىت اۋدانىنداعى شارۋا سۋرەتشىلەر سىزعان 29 تۋىندى قاراپايىم، شادىمان، باتىل، قىزىقتى قالاممەن ءار ۇلت بۇقاراسىنىڭ جاراسىمدى، باقىتتى كۇندەلىكتى تۇرمىس كورىنىسىن بەينەلەگەن، تۇرمىس لەبى، اۋىل تىنىسى، زامانا سالتى ەكراندا جاندى كورسەتىلىپ، ”جاڭا داۋىردەگى كوك شىبىق كەزىندەگى وزەن بويى سۋرەتى“ سياقتى سەزىلەدى.
”وتە شىنايى ەكەن، مەنىڭ ءۇيىم تۇرپاننىڭ اۋىل - قىستاعىندا، بۇل سۋرەتتەگى كورىنىستەر مەنىڭ اتا مەكەنىمنەن اۋمايدى ەكەن“. ۇزىن كارتون سۋرەتتىڭ الدىندا تۇرعان بەيجيڭ اۋىل شارۋاشىلىق شۋەيۋانىنىڭ 1 - جىلدىق وقۋشىسى دىلمۇرات مادەن وزىمەن بىرگە ەكسكۋرسيالاۋعا كەلگەن ساباقتاستارىنا اتا مەكەنىنىڭ وزگەرىستەرىن اڭگىمەلەپ، ولاردى شينجياڭعا بارىپ ارالاۋعا شاقىردى.
”مەن شينجياڭ بولىگىن كورۋ ءۇشىن وسى كورمەگە كەلدىم“. بەيجيڭ داشۋەسىنىڭ اسپيرانتى لي بوجين شينجياڭدى ارالاپ كورۋ بۇرىننان بەرگى ارمانى ەكەندىگىن ايتتى.
”شينجياڭعا باعىتتامالى كومەكتەسۋ تيانشاندى مەيىرگە بولەدى“ سۋرەتتى داۋالى، ”مەنىڭ باقىتتى تۇرمىسىم“ ميكرو بەينەجازبالار ماتريتساسى، 1100 ± كيلوۆولتتىق اينىمالى توك ترانسفورماتورىنىڭ قالىبى، جارعاق استىنان تامشىلاتىپ سۋارۋ، سۋ ۇنەمدەپ سۋارۋ ەلەكتروندى قۇم تاباعى... سۋرەتتەر، بەينەجازبالار، ناقتى زات قالىپتارى ارالاۋشىلاردى وزىنە باۋراۋدا.
”شينجياڭ بولىگىندە تاماشا تۇستار مول ەكەن، وسى 10 جىلدا پارتيانىڭ باسشىلىعىندا، شينجياڭدا وراسان زور وزگەرىستەر تۋىلعاندىعىن كورۋگە بولادى ەكەن“، - دەدى بەيجيڭدىك كورەرمەن چىن مىرزا.
وسى رەتكى كورمە 12 - ايدىڭ اياعىنا دەيىن جالعاسادى ءارى ينتەرنەتتەگى كورمە سارايىن دا شىعارادى. سول كەزدە كورەرمەندەر كورمەنى ينتەرنەتتەن ەكسكۋرسيالايتىن بولادى.
