تيانشان تورى
تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

”الەۋمەتتىك يگىلىك تىلشىسىنەن“ ءبىرىنشى شۋجي بولعانعا دەيىن مەيىر جەتكىزۋدەن جازبادى

ما يۇي:

”الەۋمەتتىك يگىلىك تىلشىسىنەن“ ءبىرىنشى شۋجي بولعانعا دەيىن مەيىر جەتكىزۋدەن جازبادى

□ انار بۇلت \ شينجياڭ گازەتىنىڭ ءتىلشىسى جاڭ جىلي

قىزمەتتەگى ما يۇي.

□ سۋرەتتى ءوزى بەرگەن

 

  ”فىڭ اپاي، سىزگە امانداسا كەلدىك“! 9 - ايدىڭ 3 - كۇنى ماناس اۋدانى لانجوۋۋان قالاشىعى باجياحۋ قىستاعىندا سانجى گازەتى مەكەمەسىنىڭ باجياحۋ قىستاعىندا تۇراتىن ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ما يۇي جانە قىستاق كادرلارى تۇرمىستىق بۇيىمداردى الىپ، 74 جاستاعى جالعىز باستى قارت فىڭ يانحۋانىڭ ۇيىنە باردى.

  امان - سالەمنەن كەيىن فىڭ يانحۋا قاباعات قۋانىپ: ”ما شۋجي ۇنەمى ماعان امانداسا كەلەدى، اۋلانى جيىستىرۋىما كومەكتەسىپ، قيىنشىلىعىمدى شەشەدى، مەن ونى تۋعان قىزىمداي كورەمىن“، - دەدى.

  قىستاقتا تۇرۋ قىزمەتى بارىسىندا ما يۇيدىڭ دىبىس زورايتقىش ارقىلى ۇگىت لەكسيا جاساۋى، حابارلاندىرۋ تاراتۋى، حالىق تۇرمىسىنا دەگەن تەرەڭ سۇيىسپەنشىلىكپەن كادرلاردى باستاپ شارۋا وتباسىلارىنا بارۋى، اتىز باسىنا بارۋى قىستاقتاعى كوركەم كورىنىسكە اينالعان ەدى.

     ”الەۋمەتتىك يگىلىك تىلشىسىنەن“ ءبىرىنشى شۋجي بولعانعا دەيىنگى 22 جىلدان بەرى، ما يۇي بار مەيىرىمەن بۇقاراعا رياسىز قىزمەت وتەدى. كوممۋنيستىك پارتيا مۇشەسى رەتىندە، ول قاي - قاشان دا ءوزى ۇلگى بولىپ، ونەگەلىك رولىن ساۋلەلەندىرىپ، ىنتىماقتاسا العا ۇمتىلاتىن رۋحاني كۇشتى تاسقىنداتتى.

  ما يۇي قاراپايىم جۇمىسشى وتباسىندا دۇنيەگە كەلگەن، اتا - اناسىنىڭ ىزگى نيەتى ما يۇيدىڭ ەسەيىپ - ەرجەتۋىنە باستان - اياق ىقپال جاساپ كەلەدى. قىزمەتكە قاتىناسقاننان كەيىن، ول قيىنشىلىعى بار بۇقاراعا ءتىپتى دە كوپ يگى ىستەر ىستەۋدى كوكەيىنە ءتۇيدى. 2000 - جىلى ول سانجى گازەتى مەكەمەسىنە اۋىسىپ كەلىپ، حالىق تۇرمىسىنا قاتىستى اقپارات ءتىلشىسى بولىپ، مەيىر جەتكىزۋ ارەكەتىنە جانە الەۋمەتتىك يگىلىك قيمىلىنا بەلسەنە ات سالىستى.

  2008 - جىلى سانجى قالاسىنداعى تۇرعىن جاڭ شياۋميڭ اق قان اۋرۋىنا شالدىعىپ، لايىقتى تيپ ۇلگىسى تابىلعانىمەن، وپەراتسيا جاساتۋعا قولىندا قارجىسى بولمايدى. كومەك سۇراۋ تەلەفونىن قابىلداعاننان كەيىن، ما يۇي تۇندەلەتىپ حابار جازادى، وسىنىڭ ارقاسىندا قىسقا عانا بىرنەشە كۇندە 100 مىڭ يۋاننان استام جىلۋ جينالدى. ىلە - شالا ول تاعى دا مەيىر جەتكىزۋ كونسەرتىن وتكىزۋ قيمىلىنا بىلەك سىبانا كىرىسىپ، 216 مىڭ يۋان جىلۋ اقشا جينالدى. كوپ جاقتى كۇشتەردىڭ كومەگىندە جاڭ شياۋميڭگە قان جاسايتىن قۇرعاق كلەتكا ءساتتى كوشىرىلدى.

  اقپارات قىزمەتىمەن شۇعىلدانعاننان بەرى، ما يۇي 2 ميلليون ارىپكە جۋىق حابار جازدى، حابار ارقىلى ءار ۇلت بۇقاراسىن ميلليون يۋانعا جۋىق جىلۋ جيناۋعا ۇندەپ، قالىڭ وقىرماندار جاعىنان ”حالىق تۇرمىسىنا كوڭىل بولەتىن جاقسى ءتىلشى“ دەگەن اتقا يە بولادى.

     2019 - جىلى ول ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ بولىپ باعالاندى.

  2021 - جىلى 5 - ايدا ما يۇي لانجوۋۋان قالاشىعى باجياحۋ قىستاعىنا بارىپ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسۋعا ىرىقتى تىزىمدەلدى. باجياحۋ قىستاعى ماناس مەملەكەتتىك سازدىق باقشاسىنىڭ وزەكتى اۋماعىندا، مۇندا تۇتاسقان شامگۇل كولشىگى، جاپ - جاسىل ورمان بەلدەۋى، الۋان ءتۇستى قابىرعا سۋرەتتەر بار. ما يۇي اقپارات قۇرالدارى قىزمەتكەرلەرىنىڭ جانە جىبەرگەن ورىننىڭ باسىمدىعىن ساۋلەلەندىرىپ، فوتوگرافتاردى قىستاققا كەلىپ كورىنىس تۇسىرۋگە ۇيىمداستىرۋ، اۋىل - قىستاق فوتو سۋرەت كورمەسىن وتكىزۋ، تىكە تاراتۋ قيمىلىن ورىستەتۋ سياقتىلار ارقىلى جەرگىلىكتى ورىننىڭ كوركەم كورىنىسىن ۇگىتتەيدى، وسىلايشا وسىندا كەلەتىن ساياحاتشىلار ۇزدىكسىز كوبەيىپ، كوپتەگەن قىستاق تۇرعىنى ساياحاتتان كىرىس كىرگىزە باستادى.

  اۋىل - قىستاقتاردى كوركەيتۋدى ىلگەرىلەتۋدىڭ جاڭا ساپارىندا ما يۇي ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىن جانە قىستاق ”ەكى كوميتەتىن“ باستاپ، توعان، كوپىر، تازا دارەتحانا قۇرىلىسى جانە كومىردى ەلەكترگە وزگەرتۋ، تۇرمىستىق قوقىر - قوقسىقتى جونگە سالۋ، اۋىل - قىستاق بەت - بەينەسىن جاڭالاۋ سياقتى ءبىر توپ نىسانداردىڭ تياناقتانۋىن بەلسەنە ىلگەرىلەتىپ، قىستاقتى جاسىلداندىرۋ، قۇبىر تورىن جاڭالاۋ، كۇن ەنەرگيالى جول شىراقتارىن ورناتۋ، تۇرگە ايىرىلعان قوقىر - قوقسىق ساندىعىن جانە قار تازالاۋ ماشيناسىن ساتىپ الۋ سياقتىلاردى ويداعىداي ىستەپ، باجياحۋ قىستاعىنىڭ بارعان سايىن جاقسارۋىنا مۇمكىندىك جاسادى.

  بۇگىنگى تاڭدا، ما يۇيدىڭ جانە كوپشىلىكتىڭ قۇلشىنۋىندا، باجياحۋ قىستاعى قورشاعان ورتاسى كورىكتى، كاسىپ سالاسى شالقىعان، شارۋالارى باي بولۋدى جۇزەگە اسىردى. 2021 - جىلى وسى قىستاقتاعى تۇرعىنداردىڭ جان باسىندىق تازا كىرىسى 24 مىڭ 500 يۋانعا، قىستاق كوللەكتيۆىنىڭ ەكونوميكالىق كىرىسى 2 ميلليون 60 مىڭ يۋانعا جەتتى.

  باجياحۋ قىستاعىنداعى كوپتەگەن كادرلار مەن جۇرتشىلىق ما يۇيگە بىلاي دەپ باعا بەردى: ول بىزگە مەيىر - ماحاببات جەتكىزۋدەن تىنبادى، ول قىستاق تۇرعىندارىنىڭ جان اشىرى، مەيىربان ادامى، قاسىمىزداعى جاقسى پارتيا مۇشەسى، جاقسى كادر.

  ”پارتيا 20 - قۇرىلتايىنىڭ ۋاكىلى بولىپ سايلانعانىمدى شەكسىز داڭق سەزىنەمىن ءارى جاۋاپكەرشىلىگىمنىڭ اۋىر ەكەندىگىن سەزىندىم. بۇدان بىلاي مەن سۇيىسپەنشىلىك جاعىندا بۇقارامەن اناعۇرلىم ەتەنە بولامىن، ارەكەت جاعىندا بۇقارامەن ىشكەرىلەي ارالاسامىن، قىزمەتتە بۇقاراعا سۇيەنەمىن. بۇقارانىڭ ۇنىنە قاي - قاشان دا قۇلاق اسىپ، بۇقارانىڭ مۇڭ - مۇقتاجىنا كوڭىل ءبولىپ، بۇقارانىڭ ءىس جۇزىندىك قيىنشىلىعىن ءوز قيىنشىلىعىم ساناپ شەشۋگە قۇلشىنامىن. پارتيا ۋاكىلدەرىنىڭ سالاۋاتىن قاي - قاشان دا كوكەيىمدە ساقتاپ، مىندەت اتقارىپ، جاۋاپكەرشىلىكتى ادا ەتۋدى مىقتى يگەرىپ، اۋەلگى ماقساتتان ماڭگى جازباي، بورىشتى امالياتتا ايگىلەپ، جاۋاپكەرشىلىكتى ارقالايمىن“، - دەدى ما يۇي.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.