تيانشان تورى
تيانشان تورى   ›   جاڭالىقتار   ›   ماڭىزدى حابارلار

جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك

شي جينپيڭ C919 ءىرى تۇرپاتتى جولاۋشىلار ۇشاعى نىسانى ۇجىمىنىڭ ۋاكىلدەرىمەن كەزدەسكەندە ءارى نىسان تابىستارى كورمەسىن ەكسكۋرسيالاعاندا بىلاي دەپ باسا دارىپتەدى

جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك

حان جىڭ قيمىلعا قاتىناستى

  9 - ايدىڭ 30 - كۇنى پارتيا مەن مەملەكەت باسشىلارىنان شي جينپيڭ، حان جىڭ قاتارلىلار بەيجيڭ حالىق سارايىندا C919 ءىرى تۇرپاتتى جولاۋشىلار ۇشاعى نىسانى ۇجىمىنىڭ ۋاكىلدەرىمەن كەزدەستى ءارى نىسان تابىستارى كورمەسىن ەكسكۋرسيالادى. سۋرەتتە: شي جينپيڭ C919 ءىرى تۇرپاتتى جولاۋشىلار ۇشاعى نىسانى ۇجىمىنىڭ ۋاكىلدەرىمەن كەزدەسۋدە.

  □ سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

  شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 30 - كۇنى تۇستەن بۇرىن بەيجيڭ حالىق سارايىندا C919 ءىرى تۇرپاتتى جولاۋشىلار ۇشاعى نىسانى ۇجىمىنىڭ ۋاكىلدەرىمەن كەزدەسكەندە ءارى نىسان تابىستارى كورمەسىن ەكسكۋرسيالاعاندا، C919 ءىرى تۇرپاتتى جولاۋشىلار ۇشاعىن زەرتتەپ جاساۋ مىندەتىنىڭ كەزەڭدىك تابىسقا قول جەتكىزگەندىگىن تولىق تۇراقتاندىردى. ول بىلاي دەپ باسا دارىپتەدى: جۇڭگونىڭ ۇلكەن ۇشاعىن زەڭگىر اسپاندا سامعاتۋ مەملەكەتتىڭ ەركىن، ۇلتتىڭ ارمانىن، حالىقتىڭ ءۇمىتىن ارقالاعان، جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، حاۋىپسىزدىكتى ءبىرىنشى ورىنعا قويۋعا، ساپانى ءبىرىنشى ورىنعا قويۋعا تاباندى بولىپ، ەشقاشان بوساڭسىماي، باستان - اياق ءساتتى جۇرگىزىپ، قاجىماي ەڭبەك ەتىپ، شەشۋشى، وزەكتى تەحنيكالاردان قامال الۋدا اناعۇرلىم زور تابىسقا قول جەتكىزىپ، كولەمدەنگەن جانە جەلىلەسكەن دامۋدى جەدەلدەتىپ، جاساۋ كاسىبىندە قۋاتتى ەل قۇرىلىسىن تىڭعىلىقتى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قيمىلعا قاتىناستى.

  تۇستەن بۇرىن ساعات 10نان 30 مينۋت مولشەرىندە، شي جينپيڭ قاتارلىلار حالىق سارايىنىڭ شىعىس زالىنا كەلدى، تۇتاس الاڭنان قىزۋ قول شاپالاق ءۇنى كوتەرىلدى. شي جينپيڭ كوپشىلىكپەن ىقىلاستى اڭگىمەلەستى ءارى ەستەلىك سۋرەتكە ءتۇستى. شي جينپيڭ كوپشىلىككە مىنالاردى ءبىلدىردى: سىزدەر − مەملەكەتتىڭ تىرەگى، ەرجۇرەك ارداگەرلەرىسىزدەر. سىزدەردىڭ قۇلشىنىستارىڭىزبەن ۇلكەن ۇشاق نىسانى قۋانارلىق تابىسقا قول جەتكىزدى. نازاردى شەشۋشى، وزەكتى تەحنيكالارعا شوعىرلاندىرىپ، ۇزدىكسىز بىلەك بىرىكتىرىپ قامال الۋ كەرەك. حاۋىپسىز دە سەنىمدى بولۋدى ماڭداي الدى ورىنعا قويىپ، حاۋىپسىزدىك كومەسكى قاتەرى اتاۋلىنىڭ ءبارىن جويۋ كەرەك. ۇلكەن ۇشاق ىستەرىن، ءسوز جوق، ويداعىداي ىستەۋ كەرەك!

  وسىدان سوڭ، شي جينپيڭ قاتارلىلار حالىق سارايىنىڭ حىبەي زالىنا كەلىپ، C919 ءىرى تۇرپاتتى جولاۋشىلار ۇشاعى نىسانىنىڭ جەتىستىكتەر كورمەسىن ەكسكۋرسيالاپ، ءىرى تۇرپاتتى جولاۋشىلار ۇشاعىن جوبالاۋ، جاساۋ، سىناق ەتۋ، سىناق رەتىندە ۇشىرۋ، ۇشۋ جارامدىلىعى سياقتى قاتىستى جاقتارداعى تانىستىرۋدى تىڭدادى. شي جينپيڭ ءالسىن - ءالى ايالداپ ۇڭىلە قاراپ، قاتىستى جاعدايلاردى ەگجەي - تەگجەيلى ۇعىستى.

  شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جورىعىندا، ۇزاق بولاشاقتىق ستراتەگيانى كوزدەي وتىرىپ، ءىس جۇزىندىك جاعدايعا قاراي شىنايى نىسانا بەلگىلەپ، دۇرىس تەحنيكالىق باعىت تاڭداپ، تىنباي كۇش سالا ىستەپ، جۇمىستاردى جالعاستىرا ءبىر - بىردەن تىندىرىمدى ىستەۋىمىز كەرەك. ۇلى مۇرات، اسقاق ارمان بولۋ، دۇنيە ءجۇزىنىڭ عىلىم - تەحنيكا شىڭىنا ەرلىكپەن شىعۋىمىز كەرەك.

  ديڭ شۋەشياڭ، ليۋ حى، ۋاڭ يۇڭ، حى ليفىڭ جوعارىداعى قيمىلدارعا قاتىناستى.

  C919 ءىرى تۇرپاتتى جولاۋشىلار ۇشاعى − ەلىمىزدىڭ تۇڭعىش حالىقارالىق ۇشۋ جارامدىلىعى ولشەمى بويىنشا ءوزى زەرتتەپ جاساعان، دەربەس ءبىلىم مەنشىگى ۇقىعىنا يە رەاكتيۆتىك نەگىزگى جەلى جولاۋشىلار ۇشاعى، 2007 - جىلى جوسپارعا الىنعان، 2017 - جىلى تۇڭعىش رەت ۇشقان، 2022 - جىلى 9 - ايدا ۇشۋعا جارامدى بولۋدىڭ بارلىق تەكسەرىپ بەكىتۋ قىزمەتتەرىن اياقتاتقاننان كەيىن جۇڭگو حالىقتىق اۆياتسيا مەكەمەسى تاراتقان تۇرپات تولىمدىلىق كۋالىگىنە يە بولعان، 2022 - جىلدىڭ سوڭىندا تۇڭعىش ۇشاق تاپسىرىپ بەرىلەدى. C919 ءىرى تۇرپاتتى جولاۋشىلار ۇشاعىنىڭ ءساتتى زەرتتەپ جاسالۋى، تۇرپات تولىمدىلىق كۋالىگىنە يە بولۋى ەلىمىزدىڭ دۇنيە جۇزىندەگى بىرەگەي ءىرى تۇرپاتتى جولاۋشىلار ۇشاعىن دەربەس زەرتتەپ جاساۋ قابىلەتىنە يە بولعاندىعىن ايگىلەيدى، بۇل − ەلىمىزدىڭ ۇلكەن ۇشاق ىستەرىنىڭ دامۋىنداعى ماڭىزدى بەلەس. 15 جىلدان بەرى، ەلىمىز جۇڭگو جوبالاۋ، جۇيەلى جيناقتاۋ، تۇتاس دۇنيە جۇزىنەن مەردىگەر شاقىرۋ، وتاندىق ونىمدەردىڭ دارەجەسىن بىرتىندەپ جوعارىلاتۋ سىندى دامۋ جولىن ءساتتى تاۋىپ، سەنىمى بەرىك، ۇلەس قوسۋعا پەيىل، ەرلىكپەن قامال الاتىن، قيان - كەسكى شايقاس جۇرگىزۋگە باتىل، حالىقارالىق كوز اياعا يە ۇلكەن ۇشاق دارىندىلارى قوسىنىن باۋلىپ، سۇبەلى تابىستارعا قول جەتكىزىپ، قىمباتتى تاجىريبەلەر توپتادى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.