ما شيڭرۇي، ەركىن تۇنياز، نۇرلان ءابىلماجىن، لي يفي قاتىناستى
9 - ايدىڭ 30 - كۇنى قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى ءۇرىمجى حالىق الاڭىندا وتكىزىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى تاڭ يۇڭ تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، لياڭ ليحۋا 9 - ايدىڭ 30 - كۇنى ۇرىمجىدەن حابارلايدى. توڭكەرىستىك ارداگەر قۇربانداردى ەسكە الىپ، مۇرات - سەنىمدى نىعايتتى؛ قىزىل گەندى جالعاستىرىپ، ەكپىندەي ىلگەرىلەيتىن كۇش - قۋاتتى ۇيىستىردى. 9 - ايدىڭ 30 - كۇنى تۇستەن بۇرىن قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى ءۇرىمجى حالىق الاڭىندا وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلى اۆتونوميالى رايوننىڭ جانە بيڭتۋاننىڭ باسشىلارى بۇكىل رايونداعى ءار ۇلت، ءار سالا ۋاكىلدەرىمەن بىرگە حالىق قاھارماندارىنا قۇرمەتپەن گۇل شارباق قويىپ، توڭكەرىستىك ارداگەر قۇربانداردى تەرەڭ ساعىنىشپەن ەسكە الىپ، قاھارمان قۇربانداردىڭ وسكەلەڭ رۋحىن اسقاقتاتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى ۇزاق جورىقتى ۇزدىكسىز جاقسى باسىپ، قايراتتانا كورىكتى شينجياڭدى قۇرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمەن قارسى الاتىن بەرىك بەكىمىن تەرەڭ سۇيىسپەنشىلىكپەن ءبىلدىردى.
توقتاۋسىز سەبەزگىلەگەن جاڭبىر ماڭگىلىك شىنايى ساعىنىشتىڭ ايعاعى ىسپەتتى. ايبىندى دا جىم - جىرت كۇيگە شومعان ءۇرىمجى حالىق الاڭىندا، جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشى كوككە بوي سوزا قاسقايىپ تۇر. اۆتونوميالى رايوندىق پارتكوم، اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى، ءارقايسى دەموكراتيالىق پارتيا - توپتار، اۆتونوميالى رايوندىق ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر، ءۇرىمجى قالاسىنداعى ءار ۇلت، ءار سالا جۇرتشىلىعى، پيونەرلەر اتىنان ۇسىنىلعان 9 گۇل شارباق رەتىمەن قويىلدى. سالتقا قاتىناسقان ءار ۇلت، ءار سالا ۋاكىلدەرى جۇزدەرىن ەسكەرتكىشكە قاراتىپ، رەتتى قاتارعا تۇردى.
ساعات 11دە، حالىق قاھارماندارىنا قۇرمەتپەن گۇل شارباق قويۋ سالتى رەسمي باستالدى. ايبىندى دا اسقاق «ەرىكتىلەر مارشى» ورىندالىپ، بۇكىل الاڭداعىلار بىركەلكى داۋىسپەن جۇڭحۋا حالىق رەسپۋبليكاسىنىڭ مەملەكەت ءانىن شىرقادى.
مەملەكەت ءانى شىرقالىپ بولعاننان كەيىن، بۇكىل الاڭداعىلار ىززەتپەن تۇرىپ، شينجياڭنىڭ ازاتتىعىنا جانە قۇرىلىس ىستەرىنە ەرلىكپەن ءومىرىن ارناعان قۇرباندارعا، بولشەكتەۋشىلىككە قارسى كۇرەستە جانە لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە ەرلىكپەن ءومىرىن ارناعان قۇرباندارعا ءۇنسىز ازا ءبىلدىردى. ءۇنسىز ازا ءبىلدىرۋ اياقتالعاننان كەيىن، ءار ۇلت جاستارى، ورەندەرى «ءبىز كوممۋنيزم ءىزباسارلارىمىز» ءانىن اسقاقتاتا شىرقادى ءارى پيونەرلەر وتريادىنىڭ سالەمىن جاسادى.
تەرەڭ سۇيىسپەنشىلىككە تولى «گۇل قويۋ مۋزيكاسىنىڭ» سۇيەمەلىندە 18 قۇرمەت قاراۋىلى گۇل شارباقتاردى كوتەرىپ، ەسكەرتكىشكە قاراي باياۋ قادام تاستاپ، گۇل شارباقتاردى ەسكەرتكىش تۇعىرىنا اكەلىپ قويدى.
ما شيڭرۇي، ەركىن تۇنياز، نۇرلان ءابىلماجىن، لي يفي قاتارلىلار ەسكەرتكىش تۇعىرىنا شىعىپ، گۇل شارباقتارعا كوز الماي قاراپ، گۇل شارباقتاردىڭ تورعىن لەنتاسىن تۇزەدى. تورعىن لەنتاعا جازىلعان ”حالىق قاھارماندارى ماڭگى جاسايدى“ دەگەن التىن ءتۇستى جازۋ شينجياڭداعى ءار ۇلت پەرزەنتتەرىنىڭ حالىق قاھارماندارىنا دەگەن شەكسىز ساعىنىشىن ايگىلەيدى. ىلە - شالا اۆتونوميالى رايوننىڭ جانە بيڭتۋاننىڭ باسشىلارى، ءار ۇلت، ءار سالا ۋاكىلدەرى باياۋ قاداممەن اينالىپ، ەسكەرتكىشكە ىززەت - قۇرمەتپەن قاراپ، حالىق قاھارماندارىنا وسكەلەڭ قۇرمەت ءبىلدىردى.
سالتقا قاتىناسقان كادر - بۇقارا مىنالاردى ءبىلدىردى: توڭكەرىستىك ارداگەر قۇربانداردى ەسكە الۋدى ەرلىكپەن العا ىلگەرىلەۋدىڭ قۋاتتى قوزعاۋشى كۇشىنە اينالدىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ”ەكىنى ءبىر تۇتاس جوسپارلاۋدى“ جوعارى ونىمدىلىكپەن ويداعىداي ىستەپ، رەفورما، دامۋ، ورنىقتىلىق قىزمەتتەرىن تىڭعىلىقتى ىلگەرىلەتىپ، جاڭا داۋىردەگى جاڭا جورىقتا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى كۇش سالا قۇرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الۋىمىز كەرەك.
تيان شياڭلي، چىن ۋيجۇن، ءزۇمىرات وبۇل، ەلزات احمەتجان قاتارلىلار سالتقا قاتىناستى، ياڭ فاسىن سالتتى باسقاردى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتى جولداستارى، ت.ب قاتىناستى.
