ما شيڭرۇي اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ 2022 - جىلعى 3 - رەتكى ماجىلىسىندە بىلاي دەپ باسا دارىپتەدى
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
ەركىن تۇنياز، لي يفي قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 30 - كۇنى ۇرىمجىدەن حابارلايدى. اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتى 9 - ايدىڭ 29 - كۇنى 2022 - جىلعى 3 - رەتكى ءماجىلىسىن اشىپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، زاڭمەن باسقارىلاتىن شينجياڭ قۇرىلىسىنداعى كەلەلى ماسەلەلەردى اقىلداسىپ، كەلەسى قادامداعى شينجياڭدى زاڭمەن باسقارۋ قىزمەتتەرىن ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ مەڭگەرۋشىسى ما شيڭرۇي ءماجىلىستى باسقاردى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلىلار ماجىلىسكە قاتىناستى.
ءماجىلىس ورتالىقتىڭ مەملەكەتتى جاپپاي زاڭمەن باسقارۋعا قاتىستى حۇجاتتارى مەن ورنالاستىرۋلارىن، تالاپتارىن جەتكىزدى، ۇيرەندى. «اۆتونوميالى رايوننىڭ شي جينپيڭنىڭ زاڭمەن باسقارۋ يدەياسىن ۇيرەنۋدى، ۇگىتتەۋدى، دايەكتىلەندىرۋدى اتقارۋ جوباسىن»، «پارا بەرۋ زاڭعا قايشى قىلمىستى ارەكەتتەرىن زاڭ بويىنشا جازالاۋ جونىندەگى اتقارۋ پىكىرىن»، «شينجياڭ ۇيعۇر اۆتونوميالى رايونىنىڭ باسشى كادرلارى بىلۋگە ءتيىستى مازمۇندار، زاڭ، زاڭ - ەرەجە ءتىزىمى ءتۇزىمىن ورناتۋ جونىندەگى پىكىردى» قارادى، اۆتونوميالى رايوننىڭ قالا - اۋداندارىنىڭ زاڭمەن باسقارۋ قۇرىلىسى قىزمەتى بويىنشا ءوزىن تەكسەرۋ مالىمەتىن تىڭدادى.
ما شيڭرۇي بىلاي دەپ اتاپ كورسەتتى: شي جينپيڭنىڭ زاڭمەن باسقارۋ يدەياسىنىڭ مازمۇنى باي، جۇيەلى دە كەمەلدى، ماركسيزمدىك زاڭمەن باسقارۋ نازارياسىنىڭ جۇڭگوشالانۋىنىڭ ەڭ جاڭا جەتىستىگى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، باسقارۋ جۇيەسى مەن باسقارۋ قابىلەتىن وسىزامانداندىرۋدى زاڭمەن باسقارۋ ارناسىندا ىلگەرىلەتۋدىڭ ءتۇبىرلى بويسۇنۋ ولشەمى. ءبىز ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭنىڭ زاڭمەن باسقارۋ يدەياسىن ۇزدىكسىز ىشكەرىلەي ۇيرەنىپ، دايەكتىلەندىرىپ، باسشى كادرلار سىندى ”شەشۋشى ازشىلىقتى“ يگەرىپ، پارتيا، ۇكىمەت نەگىزگى جاۋاپتىلارىنىڭ زاڭنان ەسەپ بەرۋ قىزمەتىن ۇدايىلاندىرا ورىستەتىپ، ءار دارەجەلى باسشى كادرلاردىڭ باستاماشىلدىقپەن زاڭعا قۇرمەت ەتۋىن، زاڭدى ۇيرەنۋىن، زاڭعا بويسۇنۋىن، زاڭدى قولدانۋىن ىلگەرىلەتىپ، سانالىلىقپەن زاڭمەن باسقارۋ اياسىندا ىستەۋدى، زاڭمەن باسقارۋدان تىسقارى ىستەمەۋدى، ونان دا ماڭىزدىسى، زاڭمەن باسقارۋدان ۇستەم تۇرىپ ماسەلەنى ويلاماۋدى، شەشىم جاساماۋدى، ءىس تىندىرماۋدى ورىنداپ، زاڭمەن باسقارۋ ويىن جانە زاڭمەن باسقارۋ ءتاسىلىن قولدانىپ دامۋدى ىلگەرىلەتۋ، قايشىلىقتى شەشۋ، ورنىقتىلىقتى قورعاۋ، حاۋىپ - قاتەرگە توتەپ بەرۋ قابىلەتىن ۇزدىكسىز جوعارىلاتىپ، جالپى حالىقتىق زاڭ جالپىلاستىرۋ سەرپىنىن ارتتىرىپ، تۇتاس قوعامدا ءىس بىتىرۋدە زاڭعا باعىناتىن، ىسكە جولىققاندا زاڭدى ىزدەيتىن، ماسەلەنى شەشۋدە زاڭنان پايدالاناتىن، قايشىلىقتى شەشۋدە زاڭعا سۇيەنەتىن تاماشا زاڭمەن باسقارۋ ورتاسىن قالىپتاستىرۋ كەرەك.
ما شيڭرۇي بىلاي دەپ باسا دارىپتەدى: شي جينپيڭنىڭ زاڭمەن باسقارۋ يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، مەملەكەتتى جاپپاي زاڭمەن باسقارۋ تالاپتارىن شينجياڭ قىزمەتىنىڭ ءارقايسى سالالارىندا تياناقتاندىرىپ، شينجياڭدى زاڭمەن باسقارۋ قۇرىلىسىنىڭ تىڭ ناتيجەگە قول جەتكىزۋىن تىڭعىلىقتى ىلگەرىلەتۋ كەرەك. لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتۋ كەرەك. لاڭكەستىككە قارسى تۇرىپ، ورنىقتىلىقتى قورعاۋ سالاسىنداعى زاڭ - ەرەجە، ءتۇزىم جۇيەسىن اقاۋسىزداندىرىپ، ساياسات - شارالار مەن ءادىس - تاسىلدەردى ساپالىلاندىرىپ، حاۋىپ - قاتەردى باسقارۋ - تىزگىندەۋ قىزمەت مەحانيزمىن كەمەلدەندىرۋ، ارنايىلانعان ءبىر جاقتى ەتۋ قابىلەتىن جوعارىلاتىپ، قوعامدىق باسقارۋدى كۇشەيتىپ جانە وندا جاڭالىق اشىپ، ءار ءتۇرلى قوعامدىق قايشىلىقتاردى شەشۋ قىزمەتىن زاڭ بويىنشا، بەلگىلەمە بويىنشا ويداعىداي ىستەپ، قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك. زاڭمەن باسقارىلاتىن ۇكىمەت قۇرىلىسىن جاپپاي تەرەڭدەتۋ كەرەك. زاڭمەن باسقارۋ ارقىلى اكىمشىلىك بيلىككە ەرەجە بەلگىلەۋگە، شەك - شەكارا سىزۋعا تاباندى بولىپ، ۇكىمەت ءىس - ارەكەتىن زاڭمەن باسقارۋ ارناسىنا جاپپاي ەنگىزىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، ”سيفرلى ۇكىمەت“ قۇرىلىسىن جەدەلدەتىپ، شارۋاشىلىق - ساۋدا ورتاسىن ساپالىلاندىرۋ بويىنشا ارناۋلى جونگە سالۋدى ۇزدىكسىز ورىستەتىپ، ءىس تىندىرماۋ، الباتى ىستەۋ، سوز بۇيدالىققا سالىنۋ جانە ساياساتتى تياناقتاندىرۋى جەتكىلىكسىز بولۋ، بازار تۇلعالارىنىڭ زاڭدى ۇقىق - مۇددەسىنە زيان جەتكىزۋ سياقتى ماسەلەلەردى رەتتەپ - وڭاپ، قاتاڭ، جۇيەلى، اشىق، وركەنيەتتى زاڭ اتقارىپ، زاڭمەن باسقارۋ ارقىلى رەفورماعا قورعان بولىپ، دامۋدى ىلگەرىلەتۋ كەرەك. قالا - اۋدانداردىڭ قوعامدىق جونگە سالۋدى زاڭمەن باسقارۋ ورەسىن جوعارىلاتۋ كەرەك. زاڭمەن باسقارۋ سالاسىندا جوعارى دەڭگەيدە جوبالاۋدى تەرەڭدەتۋدى تۇتقا ەتىپ، كەزەكتەگى قالا - اۋدانداردىڭ زاڭمەن باسقارۋ قۇرىلىسىندا ساقتالعان كورنەكتى ماسەلەلەردى شەشۋدى ءتۇيىن ەتىپ، پارتيانىڭ قالا - اۋدانداردىڭ زاڭمەن باسقارۋ قۇرىلىسىنا باسشىلىق ەتۋ ءتۇزىلىسىن، مەحانيزمىن اقاۋسىزداندىرىپ، كەمەلدەندىرىپ، نەگىزگى ساتىنى باسقارۋ جۇيەسى مەن باسقارۋ قابىلەتىن وسىزامانداندىرۋ ورەسىن ۇزدىكسىز جوعارىلاتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزگى ساتى نەگىزىن بەكەمدەۋ كەرەك.
ما شيڭرۇي بىلاي دەپ باسا دارىپتەدى: جاۋاپكەرشىلىكتى قاتايتىپ، ناقتىلاندىرىپ، پارتيانىڭ شينجياڭدى جاپپاي زاڭمەن باسقارۋعا باسشىلىعىنىڭ تۇزىمدەنۋ، زاڭمەن باسقارىلۋ ورەسىن ۇزدىكسىز جوعارىلاتۋ كەرەك. اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ ءارقايسى سايكەستىرۋ گرۋپپالارى، كەڭسەلەرى ءبىر تۇتاس جوسپارلاپ سايكەستىرۋ مەن قۋزاۋشىلىق ەتىپ تەكسەرۋدى كۇشەيتىپ، ءارقايسى تاراۋلاردىڭ، ءارقايسى ورىنداردىڭ، ءارقايسى جاقتاردىڭ زاڭ بويىنشا مىندەتىن اتقارۋىن ىلگەرىلەتۋ؛ ءار دارەجەلى پارتكومدار مەن ۇكىمەتتەر زاڭمەن باسقارۋ قۇرىلىسىنداعى تۇلعالىق جاۋاپكەرشىلىكتەرىن مۇقيات تياناقتاندىرىپ، جۇيەلى جوسپارلاپ، جالپىلىق ىلگەرىلەتۋ؛ ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار ءبىرىنشى جاۋاپتى ادامدىق جاۋاپكەرشىلىكتەرىن ويداعىداي اتقارىپ، زاڭمەن باسقارۋ قۇرىلىسىنا تۇساۋ بولىپ وتىرعان كورنەكتى ماسەلەلەردى ىشكەرىلەي اقىلداسىپ شەشۋ؛ ءار دارەجەلى زاڭمەن باسقارۋ قۇرىلىسى بويىنشا ءىس قاراۋ، سايكەستىرۋ قۇرىلىمدارى قىزمەت مەحانيزمىن كەمەلدەندىرىپ، قىزمەتتەردى ۇشتاستىرۋدى كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن شىن مانىندە شينجياڭدى جاپپاي زاڭمەن باسقارۋدىڭ ءىس جۇزىندىك ارەكەتىنە اينالدىرۋ كەرەك.
تيان شياڭلي، چىن ۋيجۇن، ءزۇمىرات وبۇل، قادەن كابەن، لي شۋەجۇن، چىن ميڭگو، جۋ شۋەبيڭ، باھارگۇل سامەت، لي يۇڭجۇن، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ مۇشەلەرى، كەڭسە مۇشەلەرى، ءارقايسى سايكەستىرۋ گرۋپپاسىنداعى قاتىستى جاۋاپتى جولداستار قاتارلىلار ماجىلىسكە قاتىناستى.
