اۆتونوميالى رايون ىندەتتەن ساقتانۋ - تىزگىندەۋ قىزمەتى بەينە ەكران ءماجىلىسىن اشتى
ما شيڭرۇي ءسوز سويلەدى، ەركىن تۇنياز باسقاردى، لي يفي، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 30 - كۇنى ۇرىمجىدەن حابارلايدى. 9 - ايدىڭ 30 - كۇنى تۇستەن كەيىن اۆتونوميالى رايون ىندەتتەن ساقتانۋ - تىزگىندەۋ قىزمەتى بەينە ەكران ءماجىلىسىن اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، بۇكىل رايوننىڭ ىندەتتەن ساقتانۋ - تىزگىندەۋگە قاتىستى قىزمەت مالىمەتتەرىن تىڭداپ، كەزەكتەگى ىندەت جاعدايىنا تالداۋ جاساپ، تۇجىرىمداپ، تاياۋداعى، اسىرەسە، مەملەكەت مەرەكەسى كەزىندەگى جانە پارتيا 20 - قۇرىلتايىنىڭ الدى - ارتىنداعى ىندەتتەن ساقتانۋ - تىزگىندەۋ قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوننىڭ ءتوراعاسى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ قاتارلىلار ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: مەملەكەت مەرەكەسى دەمالىسى كەلىپ جەتتى، پارتيا 20 - قۇرىلتايى اشىلۋ الدىندا تۇر، ىندەتتەن ساقتانۋ - تىزگىندەۋ قىزمەتىن ويداعىداي يگەرۋ ەرەكشە ءارى ماڭىزدى ءمان الادى. قازىر رايونىمىزدىڭ ىندەتتەن ساقتانۋ - تىزگىندەۋ قىزمەتىندە ءالى دە كوپتەگەن تۇراقسىزدىق ءومىر سۇرۋدە، ساقتانۋ - تىزگىندەۋ مىندەتى ءالى دە وتە اۋىر. ءار دارەجەلى پارتكومدار مەن ۇكىمەتتەر ساياسي جاۋاپكەرشىلىكتى باتىل ارقالاپ، پارتيا 20 - قۇرىلتايىنىڭ جەڭىسپەن اشىلۋىنا قىزمەت وتەۋدى جانە ونى قامتاماسىز ەتۋدى كەزەكتەگى ەڭ ماڭىزدى ساياسي مىندەت ساناپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسى مەن ”يكەمدى نولگە ءتۇسىرۋ“ جالپى باعىتىنا بۇلجىماستان تاباندى بولىپ، 9 - نۇسقاداعى ساقتانۋ - تىزگىندەۋ جوباسى مەن ”توعىزعا جول بەرمەۋ“ تالابىن قاتاڭ تياناقتاندىرىپ، ىندەتتەن ساقتانۋ - تىزگىندەۋ قىزمەتىن زاڭ بويىنشا، عىلمي، دالمە - ءدال ويداعىداي يگەرۋ كەرەك. ءار دارەجەلى پارتيا، ۇكىمەتتىڭ نەگىزگى جاۋاپتى جولداستارى ءبىرىنشى جاۋاپتى ادام جاۋاپكەرشىلىگىن ارقالاپ، دۇرىس ناتيجە كوزقاراسىن مىقتاپ ورناتىپ، يدەيالىق كوزقاراسقا بۇرىلىس جاساپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ”ءاردايىم قام جەپ تۇراتىن“ جاۋاپكەرشىلىك سەزىممەن تىكە ورنالاستىرۋ جاساپ، الدا تۇرىپ قولباسشىلىق ەتىپ، سايكەستىرىپ، جالپى جاقتان يگەرىپ، ساياسات - تاكتيكالار مەن ءادىس - تاسىلدەردى ساپالىلاندىرىپ، شۇعىل جاعدايعا توتەپ بەرۋ، ءبىر جاقتى ەتۋ، ىندەتتەن ساقتانۋ - تىزگىندەۋدىڭ ۇدايىلانعان شارالارىن جەرگىلىكتى ورىننىڭ جاعدايىنا قاراي تياناقتاندىرىپ، ىندەتتەن ساقتانۋ - تىزگىندەۋدىڭ قارابايىرلىق ىستەۋ، ”ءبارىن ءبىر شىبىقپەن ايداۋ“، ساتى - ساتى بويىنشا اۋىرتپالىق قوسۋ سىندى ۇتىمسىز باسقارۋ ۇلگىسىنەن عىلميلانۋعا، دالمە - ءدال بولۋعا، شىندىقتى ءىس جۇزىنەن ىزدەۋگە قاراي بۇرىلىس جاساۋىن ىلگەرىلەتىپ، عىلميلىعىن، ونىمدىلىگىن جانە باعىتتامالىلىعىن شىن مانىندە جوعارىلاتىپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
ما شيڭرۇي بىلاي دەپ باسا دارىپتەدى: عىلمي، دالمە - ءدال ساقتانۋ - تىزگىندەۋ دەڭگەيىن جوعارىلاتىپ، اۋماقتارعا، دارەجەگە ءبولىپ باسقارۋدى ۇزدىكسىز كۇشەيتىپ، دالمە - ءدال تۇرگە ايىرىپ، عىلمي بەلگىلەپ، يكەمدى رەتتەپ، حاۋىپ - قاتەر اۋماعىن مۇمكىندىكتىڭ بارىنشا كورپۋس، عيمارات قاتارلىلارعا دەيىن كىشىرەيتىپ، پارىقتى ساقتانۋ - تىزگىندەۋ شاراسىن قاتاڭ تياناقتاندىرۋ؛ نازاردى حىسۋان تەكسەرۋدەگى كورنەكتى ولقىلىقتارعا شوعىرلاندىرىپ، جابدىق ورنالاستىرۋ، قىزمەتكەر تاربيەلەۋ، ينفورماتسيالاندىرىپ باسقارۋ سياقتىلاردى كۇشەيتىپ، ۇلگى الۋ، جەتكىزۋ، تەكسەرۋ، مالىمدەۋ سىندى جالپى بارىس بويىنشا تەكسەرۋ ساپاسىن، ونىمدىلىگىن ارتتىرۋ؛ مەملەكەت مەرەكەسى دەمالىسى كەزىندەگى ىندەتتەن ساقتانۋ - تىزگىندەۋدى ءتۇيىندى تۇردە ويداعىداي يگەرىپ، ساۋدا سارايى، ەرەن بازار، اۋىل شارۋاشىلىعى جانە قوسىمشا كاسىپ ونىمدەرى بازارى، مەكتەپ، قارتتار كۇتىمحاناسى، يگىلىك قۇرىلىمدارى سياقتى ءتۇيىندى الاڭ - ورىنداردىڭ جانە شەشۋشى ورىنداردىڭ ساقتانۋ - تىزگىندەۋ قىزمەتىن ويداعىداي ىستەپ، شۇعىل جاعدايعا توتەپ بەرۋ، ءبىر جاقتى ەتۋ قىزمەت دايىندىعىن كۇشەيتۋ كەرەك. ماڭىزدى وتكەلدەردەگى ساقتانۋ - تىزگىندەۋدى بارىنشا كۇشەيتىپ، ادام، زات، ورتا جاقتارىندا بىردەي ساقتانۋعا تاباندى بولىپ، شەكارا وتكەلى، اۋەجاي، ۆوگزال سياقتىلاردى باسقارۋدى قاتايتىپ، كود جايمالاپ تىزىمگە الدىرۋ، سالاماتتىقتى ەكشەپ تەكسەرۋ جانە ولكە، رايون اتتاعان جىلجىمالى ادامداردى ”تۇسكەن جەرىندە تەكسەرۋ“ سياقتى شارالاردى تياناقتاندىرىپ، باسقارۋدا ساڭلاۋ قالۋدان، باسقارۋسىز قالۋدان ساقتانۋ؛ قاتاڭ باسقارۋ مەن ىركىلىسسىز قاتىناۋدى ءبىر تۇتاس ويداعىداي جوسپارلاپ، زات اينالىمى تاسىمالىن قولايلىلاستىرۋعا، ىركىلىسسىزدەندىرۋگە، ادامداردىڭ حاۋىپسىز، ءتارتىپتى قاتىناۋىنا كەپىلدىك ەتۋ كەرەك. حاۋىپ - قاتەردىڭ سىرتقا جايىلۋىنان، تارالۋىنان باتىل ساقتانىپ، اۋماق بويىنشا باسقارۋ - تىزگىندەۋدى قاتايتىپ، جاپپاي تەكسەرىپ ەكشەپ، دەر كەزىندە ەپيدەميولوگيالىق تەكسەرۋ جۇرگىزىپ، تەگىن انىقتاپ، جەدەل وڭاشالاۋعا تاسىپ، بارلىق حاۋىپتى تۇيىندەردى، حاۋىپتى ادامداردى تۇگەلدەي تياناقتى باسقارۋ - تىزگىندەۋگە شىنايى كەپىلدىك ەتۋ؛ قاجەتسىز جاعدايدا شينجياڭنان شىقپاۋدى تياناقتاندىرىپ، سىرتقا شىعۋى شىنىمەن قاجەتتى بولعان وقۋشى، جۇمىسكەر سياقتىلارعا جالپى بارىستىق تۇيىق اينالىمدى بولۋ تالابىن قاتايتىپ، شينجياڭنان شىعارىلاتىن ءونىم، زات، اۆتوكولىك سياقتىلاردى زارارسىزداندىرىپ باسقارۋدى كۇشەيتىپ، قاتاڭ تۇردە تارالۋدان ساقتانۋ، سىرتقا جايىلۋدان ساقتانۋ كەرەك. بۇقارانىڭ قيىنشىلىعىن، تالاپ - تىلەگىن جوعارى ونىمدىلىكپەن شەشىم ەتىپ، ءار ۇلت بۇقاراسىنىڭ مۇڭ - مۇقتاجىن كوكەيدە ساقتاپ، بۇقارانىڭ تالاپ - تىلەكتەرىن ورىنداۋدىڭ رايون مەن ايماق ساباقتاسقان، بيڭتۋان مەن جەرگىلىكتى ورىن بىرلەسكەن مەحانيزمىن ورناتىپ، كەڭەس سۇراۋ، كومەك سۇراۋ، شاعىم ايتۋ ارناسىن ىركىلىسسىزدەندىرىپ، قابىلداۋ، ءبىتىرۋ ونىمدىلىگىن جوعارىلاتىپ، بۇقارانىڭ ەمدەلۋ، وقۋعا ءتۇسۋ، اۋىل شارۋاشىلىعى ونىمدەر جيناۋ، سىرتقا شىعىپ جۇمىس ىستەۋ سياقتى ماسەلەلەرىن ويداعىداي شەشىپ، ىندەتتىڭ بۇقارانىڭ وندىرىسىنە، تۇرمىسىنا جاساعان ىقپالىن بارىنشا ازايتۋ كەرەك. ۇگىت، قوعامدىق پىكىر ارقىلى جەتەكتەۋدى بەلسەنە ويداعىداي ىستەپ، ساياسات، ينفورماتسيانى دەر كەزىندە، دۇرىس، اشىق، جاريا جاريالاپ، اقپار جاريالاۋ ءماجىلىسىنىڭ ساپاسىن جوعارىلاتىپ، قوعامدىق پىكىر ارقىلى قاداعالاۋ، جەتەكتەۋ قىزمەتىن پارمەندى، ءونىمدى تۇردە ويداعىداي ىستەۋ؛ مەرەكەنى تۇرعان جەرىندە وتكىزۋدى دارىپتەپ، بۇقارانى ءوڭىر اتتاپ قاتىناۋدى ازايتىپ، ماسكا تاعۋ، قولدى ۇنەمى جۋۋ، ءبىر مەتر ارالىق ساقتاۋ، توپتاسپاۋ سياقتى ادەتتەردى قالىپتاستىرىپ، جەكە دەنساۋلىقتى قورعاپ، ىندەتتەن ساقتانۋ - تىزگىندەۋگە بەلسەنە قولداۋ كورسەتۋگە، سايكەسۋگە جەتەكتەۋ كەرەك. قۋزاۋ - جەتەكشىلىك ەتۋدى كۇشەيتىپ، تياناقتاندىرۋدى ىلگەرىلەتىپ، ولكە دارەجەلى باسشىلاردىڭ تومەنگە بارىپ، تۇيىندەردە تۇرىپ قىزمەتكە جەتەكشىلىك ەتۋىن ويداعىداي ىستەپ، جەر - جەردىڭ قۋزاۋ - جەتەكشىلىك ەتۋ بويىنشا كوتەرمەگە الۋ مەحانيزمىن ورناتۋىن ىلگەرىلەتىپ، ساقتانۋ - تىزگىندەۋ ساياساتىن اتقارۋ، حالىققا قىزمەت وتەۋ، قيىنشىلىق قىسپاعىنان قۇتىلدىرىپ، كاسىپورىندارعا تيىمدىلىك جاساۋ سياقتىلارعا قۋزاۋ - تەكسەرۋ جۇرگىزۋدى كۇشەيتىپ، قىزمەتتى تياناقتاندىرۋدى، شارالاردى تياناقتاندىرۋدى، جاۋاپكەرشىلىكتى تياناقتاندىرۋدى ۇزدىكسىز ىلگەرىلەتۋ كەرەك. ”ەكىنى ءبىر تۇتاس جوسپارلاۋدى“ جوعارى ونىمدىلىكپەن ىلگەرىلەتىپ، ”التىنى ورنىقتىرۋدى“، ”التىنى قامتاماسىز ەتۋدى“ تىڭعىلىقتى ىلگەرىلەتىپ، ەكونوميكانى ورنىقتىرۋدىڭ ءبىر قاتار ساياسات - شارالارىن تياناقتاندىرىپ، زات اينالىمىنىڭ ىركىلىسسزدىگىنە، تىزبەكتى ورنىقتىرىپ قامداۋعا، اۋىل شارۋاشىلىعى وندىرىسىنە، نەگىزگى حالىق تۇرمىسىنا، قيىنشىلىق قىسپاعىنان قۇتىلدىرۋعا بار كۇشپەن كەپىلدىك ەتىپ، قوعام ورنىقتىلىعى، ءوندىرىس حاۋىپسىزدىگى، اپاتتان ساقتانۋ - تىزگىندەۋ سياقتى جاقتارداعى حاۋىپ - قاتەرلەردى، كومەسكى كىناراتتاردى دەر كەزىندە جويىپ، پارتيا 20 - قۇرىلتايىنىڭ جەڭىسپەن اشىلۋىنا تاماشا ورتا ازىرلەۋ كەرەك.
جاڭ جۋ، تيان شياڭلي، چىن ۋيجۇن، ءزۇمىرات وبۇل، ياڭ فاسىن، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، قاتىستى مەكەمە - ورىندارداعى، تاراۋلارداعى جاۋاپتى جولداستار، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قىزمەت گرۋپپالارىنداعى جاۋاپتى جولداستار قاتارلىلار قاتىناستى. ءارقايسى ايماق، وبلىس، قالادا، اۋدان، قالا، رايوندا جانە بيڭتۋاننىڭ ءارقايسى شى - قالالارىندا، تۋان - الاڭدارىندا بولىمشە ءماجىلىس الاڭى ورنالاستىرىلدى.
