جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قۇتتىقتاۋ بايلانىسىمەن
اۆتونوميالى رايون مەملەكەت تۋىن شىعارۋ سالتىن سالتاناتپەن وتكىزدى
ما شيڭرۇي، ەركىن تۇنياز، نۇرلان ءابىلماجىن، لي يفي قاتىناستى
انار بۇلت \ شينجياڭ گازەتىنىڭ ءتىلشسى ۋاڭ شيڭرۇي 10 - ايدىڭ 1 - كۇنى ۇرىمجىدەن حابارلايدى. 10 - ايدىڭ 1 - كۇنى تۇستەن بۇرىن اۆتونوميالى رايوننىڭ جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قۇتتىقتاۋ بويىنشا مەملەكەت تۋىن شىعارۋ سالتى شينجياڭ حالىقارالىق ءماجىلىس - كورمە ورتالىعىندا سالتاناتپەن وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلى اۆتونوميالى رايوننىڭ پارتيا، ۇكىمەت، ارميا جانە بيڭتۋاننىڭ باسشىلارى ءۇرىمجى قالاسىنداعى ءار ۇلت، ءار سالا كادر - بۇقاراسىنىڭ ۋاكىلدەرىمەن بىرگە سالتاناتتى ساتكە كۋا بولىپ، ۇلى وتانىمىزدىڭ گۇلدەنىپ - كوركەيۋىن، ەل امان، جۇرت تىنىش بولۋىن شىن جۇرەكتەن تىلەدى.
سالتاناتتى مەرەي تويدى بۇكىل ەل بىرگە قۇتتىقتاپ، تيانشان الابى شات مەرەيىنە شومدى. شينجياڭ حالىقارالىق ءماجىلىس كورمە ورتالىعىنىڭ الاڭىندا قىزىل تۋ جەلبىرەدى، ”جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قىزۋ قۇتتىقتايمىز“ دەگەن قىزىل رەڭدى الىپ ەكران ايرىقشا كوز تارتىپ، دۋماندى دا ايبىندى بەينە قالىپتاستى. مەملەكەت تۋىن شىعارۋ سالتىنا قاتىناسۋعا كەلگەن ءار ۇلت، ءار سالا ۋاكىلدەرى ىززەتپەن رەتتى قاتار تۇزەپ تۇر.
ساعات 10نان 30 مينۋت وتكەندە، مەملەكەت تۋىن شىعارۋ سالتى باستالدى. ەكپىندى مۋزيكا اۋەنىمەن مەملەكەت تۋىن قورعاۋ اترەتىندەگى ەر تۇلعالى وفيتسەر - اسكەرلەر مىلتىقتارىن سەرت ۇستاپ، ارشىندى دا باتىل قادام باسىپ، بەس جۇلدىزدى قىزىل تۋدى قورعاپ تۋ شىعارۋ تۇعىرىنا كوتەرىلدى.
ايبىندى «ەرىكتىلەر مارشى» شىرقالدى، بۇكىل الاڭداعىلار تەگىس جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. جۇرت تەرەڭ سۇيىسپەنشىلىكپەن كوز الماي قاراپ قۇرمەت ءبىلدىردى، بەس جۇلدىزدى نارت قىزىل تۋ باياۋ كوتەرىلدى.
مەملەكەت تۋى الدىندا ءوسپىرىم بالالار بىركەلكى داۋىسپەن ارناۋ ءسوز ايتتى. ”ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا دايىنبىز! كوممۋنيزم ىستەرى ءۇشىن كۇرەسۋگە قاي - قاشان دا دايىنبىز! پارتيا 20 - قۇرىلتايىن ءبىر نيەتپەن، شاتتىقپەن قارسى الىپ، وتاندى قۇدىرەتتەندىرۋدە مەن بارمىن، بولاشاققا اتتانامىز“! بالعىن ۇندەرىمەن ۇلى وتانعا دەگەن باتىل قىزۋ سۇيىسپەنشىلىگى مەن تاماشا تىلەگىن جەتكىزدى.
تۋ شىعارۋ سالتىنا قاتىناسقان ءار ۇلت كادرلارى مەن بۇقاراسى مىنالاردى ءبىلدىردى: بۇكىل ەل بويىنشا جوعارىدان تومەنگە دەيىن پارتيا 20 - قۇرىلتايىنىڭ جەڭىسپەن اشىلۋىن شاتتىقپەن قارسى الىپ جاتقان ساتتە، ءبىز جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قارسى الدىق. 73 جىل كوكتەمدە گۇلدەپ، كۇزدە ماۋەلەدى، پارتيا ميلليارد حالىقتى ىنتىماقتاستىرىپ، باستاپ، مەملەكەت پەن ۇلتتىڭ بەت - بەينەسىندە كەرەمەت وزگەرىس تۋىلۋدى ىلگەرىلەتتى. اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرىندە تاريحي تابىسقا قول جەتتى، تاريحي وزگەرىس تۋىلدى، وتانىمىزدىڭ شينجياڭى كوركەيىپ - گۇلدەنىپ، دامىپ، ءار ۇلت بۇقاراسى تىنىش ءومىر، شات - شادىمان تىرشىلىك كەشىردى، وسى ىرىستى مەكەندە تىرشىلىك كەشىرىپ جاتقان ءار ادام ۇلى پارتيانى، ۇلى وتاندى شىن جۇرەكتەن شەكسىز ماقتانىش ەتتى جانە ابىروي سانادى. جاڭا جورىقتا ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى سيپاتتى ماڭىزىن ىشكەرىلەي ءتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، كورىكتى شينجياڭ قۇرۋدا باتىلدىقپەن العا ىلگەرىلەپ، قاجىماي - تالماي كۇرەس جۇرگىزىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الامىز.
ياڭ چىڭ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى جانە اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، ءۇرىمجى قالالىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلىق القاسىنداعى مۇشەلەر جانە ءۇرىمجى گارنيزونىنداعى، بيڭتۋان 12 - شىسىنداعى نەگىزگى جاۋاپتى جولداستار تۋ شىعارۋ سالتىنا قاتىناستى.
