رايونىمىزدىڭ جەر - جەرى مەملەكەت مەرەكەسى بايلانىسىمەن تۋ شىعارۋ سالتىن وتكىزدى
”جۇڭگو قىزىلىن“ اجارلاندىردى، وتانشىلدىق سۇيىسپەنشىلىكتى اسقاقتاتتى
□ انار بۇلت \ شينجياڭ گازەتىنىڭ تىلشىلەرى
10 - ايدىڭ 1 - كۇنى ءار ۇلت كادرلارى مەن بۇقاراسى قولدارىنا مەملەكەت تۋىن ۇستاپ، شاۋەشەك قالاسى شينچىڭ ءمالىسى قاراءدوڭ الەۋمەتتىك اۋماعىنىڭ تۇرعىنى سالىقجان يمىننىڭ اۋلاسىندا مەملەكەت تۋىن شىعارۋ سالتىنا قاتىناستى. سول كۇنى جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قۇتتىقتاۋ ءۇشىن، سالىقجان يمىن بۇرىنعى جىلدارداعىداي ءوز ءۇيىنىڭ اۋلاسىندا مەملەكەت تۋىن شىعاردى.
□ سۋرەتتى ۋاڭ تيڭ تۇسىرگەن
بيىل 10 - ايدىڭ 1 - كۇنى جاڭا جۇڭگو قۇرىلعاندىعىنىڭ 73 جىلدىق مەملەكەت مەرەكەسى كۇنى، رايونىمىزدىڭ جەر - جەرى تۋ شىعارۋ سالتىن وتكىزدى. بەس جۇلدىزدى نارت قىزىل تۋ تاڭعى كۇن ساۋلەسىمەن تيانشان الابىندا كوتەرىلدى، شينجياڭداعى ءار ۇلت باۋىرلاستار ۇلى وتاننىڭ گۇلدەنىپ، باي دا قۇدىرەتتى بولۋعا قادام تاستاعاندىعىن بىرگە قۇتتىقتاپ، پارتيا 20 - قۇرىلتايىنىڭ جەڭىسپەن اشىلۋىن شاتتىقپەن قارسى الدى.
تۋدى تەڭ شىعارىپ، وتاننىڭ بولاشاعىنىڭ جاقسى بولۋىن تىلەدى. بۇراتالا قالاسى بىلىنحارمۇدۇن اۋىلى جوكەن قىستاعى مادەنيەت ءۇيىنىڭ سىرتىندا، ايبىندى «ەرىكتىلەر مارشىمەن» بىرگە بەس جۇلدىزدى قىزىل تۋ باياۋ كوتەرىلدى. ”ءار جولى بەس جۇلدىزدى قىزىل تۋدى كورگەندە ەرەكشە مەيىر سەزىنەمىن، ۇلى وتان قۇشاعىندا تۇرمىسىمىز بارعان سايىن جاقسارا ءتۇستى“، - دەدى جوكەن قىستاعى پارتيا ياچەيكاسىنىڭ شۋجيى حاڭ حۇڭجۇن ماقتانىشپەن.
جوكەن قىستاعى كەزىندە سورتاڭ جەر مەن قامىستى شالشىقتىڭ ورتاسىنا ورنالاسقان، نەبارى 1000 مۋدان استام عانا ەگىستىك جەرى بار مەشەۋ قىستاق ەدى. بۇگىنگى تاڭدا، پارتيانىڭ حالىققا تيىمدىلىك جاساۋ ساياساتىنىڭ قولداۋىندا، بۇل قىستاق دامىپ، بۇراتالا موڭعۇل اۆتونوميالى وبلىسىنداعى اۋىل - قىستاقتى گۇلدەندىرۋ ستراتەگياسىن ىلگەرىلەتۋدىڭ ۇلگىسىنە اينالدى. 2021 - جىلى بۇل قىستاقتىڭ جان باسىندىق ورتاشا كىرىسى 26 مىڭ 220 يۋان بولىپ، قىستاق كوللەكتيۆىنىڭ كىرىسى 2 ميلليون 800 مىڭ يۋانعا جەتتى. ”بۇدان كەيىن ءبىز ونان ارى قۇلشىنىپ، جوكەن قىستاعىنىڭ كوركەم بولاشاعىن بىرگە اشامىز“، - دەدى حاڭ حۇڭجۇن.
تاڭعى سامال ەسىپ، ايبىندى «ەرىكتىلەر مارىشىنا» ىلەسە، بەس جۇلدىزدى نارت قىزىل تۋ شاۋەشەك قالاسى شينچىڭ ءمالىسى قاراءدوڭ الەۋمەتتىك اۋماعىنىڭ تۇرعىنى سالىقجان يمىننىڭ اۋلاسىندا باياۋ كوتەرىلدى.
سول ماڭداعى كورشىلەر مەن ءىشىنارا ورگان - ورىنداردىڭ، كاسىپورىنداردىڭ جانە ءارقايسى مەكتەپتەردىڭ وقىتۋشى - وقۋشىلارىنىڭ ۋاكىلدەرى تۋ شىعارۋ سالتىنا قاتىناستى، كوپشىلىك مەملەكەت ءانىن بىرگە شىرقاپ، ۇلى وتانعا دەگەن شەكسىز سۇيىسپەنشىلىكتەرى مەن ىزگى تىلەكتەرىن بەينەلەدى.
2009 - جىلى 10 - ايدىڭ 1 - كۇنى سالىقجان العاش رەت ءوز ءۇيىنىڭ اۋلاسىندا مەملەكەت تۋىن شىعارعان بولاتىن. وسىدان باستاپ ءار دۇيسەنبى كۇنى جانە مەرەكە كۇندەرى سالىقجان ىلعي مەملەكەت تۋىن شىعارۋ سالتىن وتكىزىپ تۇردى. ”بۇگىن وتانىمىزدىڭ تۋعان كۇنى، ءبىز بىرگە مەملەكەت تۋىن شىعارىپ، وتان انامىزدىڭ گۇلدەنىپ - كوركەيۋىن، باي، قۇدىرەتتى بولۋىن تىلەيمىز“، - دەدى سالىقجان.
وتانىمىزدىڭ باتىس شەتىندەگى ءبىرىنشى قىستاق ۇلۇقشات اۋدانى جىعىن اۋىلى سىمقانا قىستاعىنىڭ تۇرعىندار كوميتەتى اۋلاسىندا ايبىندى مەملەكەت انىنە ىلەسە، قىستاق تۇرعىندارى كوتەرىلگەن مەملەكەت تۋىنا كوز الماي قاراپ قۇرمەت ءبىلدىرىپ، وتانشىلدىق سۇيىسپەنشىلىكتەرى كوڭىل تۇكپىرىنەن تاسقىندادى.
پارتيانىڭ ابزال ساياساتىنىڭ ارقاسىندا، قىستاق تۇرعىندارىنىڭ تۇرمىسى بارعان سايىن جاقسارا ءتۇستى. قازىر مەن قىستاقتا تۇراتىن ساقشى ىستەرى كەڭسەسىنىڭ كومەكشى ساقشىسى بولىپ ىستەيمىن، تۇراقتى قىزمەتىم بار. شەكارا ءبىرىنشى شەبىندەگى قىستاق تۇرعىندارىنا قىزمەت ەتكەنىمە ەرەكشە قۋانامىن. بۇگىن مەملەكەت مەرەكەسى، مەن وتان انامىزعا: قۇشاعىڭىزدا ەسەيگەنىمدى ماقتانىش ەتەمىن! دەگىم كەلەدى“، - دەدى ۇلۇقشات اۋدانى جىعىن شەكارالىق ساقشى بولىمشەسى سىمقانا قىستاعى ساقشى ىستەرى كەڭسەسىنىڭ كومەكشى ساقشىسى جۇمالى باياقىمەت.
بىرگە تۋ شىعارىپ، جۇڭگو ارمانىنا بىرگە ۇمتىلدى. بەس جۇلدىزدى قىزىل تۋ استىندا ءار سالا، ءار كاسىپتەگى ادامدار ويدى ءبىر جەرگە شوعىرلاندىرىپ، كۇشتى ءبىر جەرگە جۇمساپ، بىلەك سىبانا قايراتتانىپ ىستەدى.
”بۇل مەنىڭ قىستاقتا مەملەكەت مەرەكەسىن سەگىزىنشى رەت وتكىزۋىم، ’90 - جىلداردىڭ تۇلەگى‘، قىستاق پارتيا ياچەيكا شۋجيى رەتىندە، نەگىزگى ساتى قىزمەتىنىڭ جاۋاپكەرشىلىگى اۋىر، بورىشى داڭقتى ەكەندىگىن تەرەڭ سەزىندىم“، - دەدى كۇنەس اۋدانى كەڭسۋ قالاشىعى كوكتوبە قىستاعى پارتيا ياچەيكاسىنىڭ شۋجيى ۇشقىن باعداۋلەت.
وسى جىلداردا كوكتوبە قىستاعى تاڭقۋراي ەگىپ وڭدەۋدى، مال تۇقىمىن اسىلداندىرۋدى زور كۇشپەن جالپىلاستىرۋ ارقىلى جۇمىس ورىندارىن ءونىمدى كەڭەيتىپ، ەگىن، مال شارۋاشىلىعى ونىمدەرىنىڭ ۇستەمە قۇنىن ارتتىرىپ، قىستاق تۇرعىندارى ۇيلەرىنىڭ جانىندا جۇمىستانىپ، كىرىستەرىن ارتتىردى. ”وسىنىڭ ءبارى پارتيانىڭ ابزال ساياساتىنىڭ ارقاسى، قىستاق تۇرعىندارىنىڭ استىعى مول، مالى كۇيلى، جۇرتتىڭ ءبارى پارتياعا العىس ايتادى، ۇلى وتانعا العىس ايتادى“! - دەدى ۇشقىن.
كوكتوعاي اۋدانى ماتىنبەك ۇلتتار ىنتىماعى ءتالىم - تاربيە بازاسىندا ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلى جەكە ماتىنبەك مۇراتقان الەۋمەتتىك اۋماق تۇرعىندارىمەن بىرگە تۋ شىعارۋ سالتىنا قاتىناستى.
”بۇگىن مەملەكەت مەرەكەسى، ءبىز بىرگە تۋ شىعارىپ، مەملەكەت ءانىن شىرقاپ، ىشتەي قاتتى اسەرلەندىك جانە ماقتانىش سەزىندىك. ساقا پارتيا مۇشەسى رەتىندە، مەن بويداعى قايراتىمدى ۇزدىكسىز ساۋلەلەندىرىپ، جۇڭگو حيكاياسىن باستاماشىلدىقپەن ويداعىداي بايانداپ، قاسىمداعى ءار ۇلت كادر - بۇقاراسىن پارتيانىڭ سوزىنە قۇلاق اسۋعا، پارتيانىڭ مەيىرىنە العىس ايتۋعا، پارتياعا ىلەسۋگە باستايمىن“، - دەدى ماتىنبەك.
جىجياڭ ولكەسى جياشيڭ قالاسىنان شينجياڭعا كومەككە كەلگەن كادر، شايار اۋداندىق حالىق شيپاحاناسىنىڭ ورىنباسار باستىعى جاۋ يىڭ ىندەتتەن ساقتانۋ - تىزگىندەۋدىڭ ءبىرىنشى شەبىندە مىزعىماي تۇردى، ول ينتەرنەت جەلىسىندە مەملەكەت تۋىن شىعارۋ سالتىنا قاتىناستى. ” بۇل مەنىڭ شينجياڭدا مەملەكەت مەرەكەسىن ەكىنشى رەت وتكىزۋىم. شينجياڭعا كومەككە كەلگەن كەزدە وتكىزگەن ءار جولعى مەملەكەت مەرەكەسىن ءومىر بويى ۇمىتپايمىن. مەن كومەك بەرۋشى دوستارمەن جانە كومەك الاتىن جەردەگى قىزمەتتەستەرمەن قول ۇستاسىپ، شايار اۋدانىنىڭ ەمدەۋ - دەنساۋلىق ساقتاۋ ىستەرىنىڭ دامۋىنا بىرگە جاڭا ۇلەس قوسىپ، ءىس جۇزىندىك ارەكەتپەن وتانشىلدىق ىنتا - ىقىلاسىمدى تۇسىندىرەمىن“، - دەدى ول.
مەملەكەت ءانى شارىقتاپ، قىزىل تۋ جەلبىرەدى. كورلا قالاسى قارايۇلعۇن اۋىلدىق ۇكىمەتتىڭ اۋلاسىندا «ەرىكتىلەر مارىشىنىڭ» اۋەنى كوتەرىلىسىمەن، اۋىل، قىستاق ەكى دارەجەلى كادرلار مەن قاراستى اۋماقتاعى بۇقارا سالتاناتتى تۇردە قۇرمەتپەن تۇرىپ، مەملەكەت ءانىن اسقاقتاتا شىرقاپ، ۇلى وتانعا دەگەن وسكەلەڭ قۇرمەتتەرى مەن ىزگى تىلەكتەرىن ءبىلدىردى.
”وتانىمىزدىڭ اناعۇرلىم گۇلدەنۋىن، باي، قۇدىرەتتى بولۋىن بولۋىن تىلەيمىز. بۇدان بىلايعى قىزمەتتە ءبىز بۇرىنعىداي قىستاق تۇرعىندارى ءۇشىن ناقتى ءىس ىستەپ، جاقسى ءىس ىستەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتتەرىمىزبەن قارسى الامىز“، - دەدى قارايۇلعۇن اۋىلدىق پارتكومنىڭ مۇشەسى، ورىنباسار اۋىل باستىعى لي شياۋپىڭ.
(ءتىلشى جاڭ تيڭ، قاتىناسقان تىلشىلەر سۇڭ ۋيگو، ءرايدا، سۇڭ يا - ۋىن، ءجازيرا نەسىپبەك، جاڭ جىلي، دۋ جيانحۇي، ەرىكتى تىلشىلەر حۋ جينلياڭ، سۇن جىنجىن)
