انار بۇلت \ شينجياڭ گازەتىنىڭ ءتىلشىسى ما ينيڭ 10 - ايدىڭ 1 - كۇنى ۇرىمجىدەن حابارلايدى. شينجياڭ اۋەجاي توبىنان ۇعىسۋعا قاراعاندا، قازىر شينجياڭ بۇكىل ەلدەگى قامتيتىن كولەمى ەڭ كەڭ، تارماق جەلىلەرى ەڭ كوپ اۋەجاي تورىن قۇرعان، اۋەجاي سانى 2012 - جىلعى 17دەن 2022 - جىلعى 24كە جەتىپ، اۋەجاي تىعىزدىعى 2012 - جىلعى ءار 100 مىڭ شارشى كيلومەتردە 02. 1دەن 2022 - جىلعى 5. 1كە جەتىپ، حالىقتىق تاسىمال اۋەجايى سانى جاعىنان بۇكىل ەلدە ءبىرىنشى ورىندى ساقتاعان.
پارتيا 18 - قۇرىلتايىنان بەرگى 10 جىل − شينجياڭنىڭ اۋەجاي قۇرىلىس سەرپىنى ەڭ زور بولعان مەزگىل، چەرشەن اۋەجايى سالىندى، كوكتوعاي، ياركەن، چارقىلىق، تۇمشۇق، كەريا، موڭعۇلكۇرە، ارال 7 اۋەجايى تىڭنان سالىندى. جاڭادان قوسىلعان تارماق جەلى اۋەجايلارى تۇگەلدەي شالعاي وڭىرلەرگە ورنالاسقان، بۇكىل شينجياڭنىڭ حالىقتىق اۋەجايىنىڭ اشىلۋ قۋاتى ونان ارى جوعارىلاپ، جەرگىلىكتى ەكونوميكانىڭ، قوعامنىڭ دامۋىنا جاڭا قوزعاۋشى كۇش قوستى.
2022 - جىل − شينجياڭ اۋەجايلارىنىڭ وندىرىسكە قوسىلۋى قاۋىرت جىل بولدى. 1 - ايدىڭ 28 - كۇنى شينجياڭداعى العاشقى ءۇستىرت اۋەجايى − موڭعۇلكۇرە تيانما اۋەجايى ىسكە قوسىلدى؛ 6 - ايدىڭ 16 - كۇنى ارال تارىم اۋەجايىندا رەسمي قاتىناس بايلانىسى ورنادى؛ 9 - ايدىڭ 8 - كۇنى بۇكىل شينجياڭداعى العاشقى بيىك ءۇستىرت اۋەجايى − تاشقورعان حونچيراپ اۋەجايىنىڭ اۋەجايدى قولدانىسقا بەرۋ رۇقسات كۋالىگى تەكسەرىلىپ بولدى، مەجەمەن 11 - ايدا قاتىناس بايلانىسى ورنايدى. تاشقورعان حونچيراپ اۋەجايى ىسكە قوسىلعاننان كەيىن، بۇكىل شينجياڭداعى اۋەجاي سانى 25كە جەتىپ، ۇزدىكسىز بۇكىل ەلدەگى ءارقايسى ولكەلەردىڭ الدىڭعى ورنىن يەلەيدى. مۇنان تىس، بۇكىل شينجياڭداعى 2 - ءۇستىرت جانە بيىك ءۇستىرت اۋەجايى شونجى جانبۇلاق اۋەجايى، حىجيڭ بايىنبۇلاق اۋەجايى ىلگەرىندى - كەيىندى بيىل 3 - ايدا، 4 - ايدا قۇرىلىس باستادى، باركول اۋەجايى مەجەمەن 10 - ايدا قۇرىلىس باستايدى.
10 جىلدان بەرى، شينجياڭ اۋەجاي توبى ىلگەرىندى - كەيىندى التاي، شاۋەشەك، حوتان، كورلا، قۇلجا، اقسۋ، قاشقار، تۇرپان سياقتى 8 اۋەجايدى وزگەرتىپ، كەڭەيتىپ سالۋ ينجەنەرياسىن ورىندادى ءارى ىركەس - تىركەس سالىپ بولىپ، ىسكە قوستى، ءارقايسى اۋەجايلاردىڭ نەگىزدىك قۇرىلعىلارمەن قامتاماسىزداندىرۋ قابىلەتى ايرىقشا جوعارىلاپ، جولاۋشى قابىلداۋ - جونەلتۋ مولشەرى جىلدام ارتتى. سونىمەن بىرگە، شينجياڭنىڭ اۆياتسيا لەنيا تورى ۇزدىكسىز جيىلەپ، ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ“ سىندى نىسانا بىرتىندەپ جۇزەگە اسىرىلدى. سوڭعى جىلدارى، قاۋىرت مەزگىلدە شينجياڭ ىشىندەگى تارماق لەنيا اۋەجايلارىنىڭ ۇلاسقان اۆياتسيا جەلىلەرى 56عا جەتىپ، تارماق لەنيا اۋەجايلارىنان تىكەلەي شينجياڭنىڭ سىرتىنا ۇشاتىن اۆياتسيا لەنياسى 65كە جەتىپ، شينجياڭ سىرتىنداعى اۆياتسيا جەلىسىنە تىكەلەي ۇشاتىن تارماق جەلى اۋەجايلارى 14كە جەتىپ، شينجياڭ سىرتىنداعى تىكەلەي ۇشىپ باراتىن قالا سانى 22گە جەتتى.
