فاڭ شيانجىن:
ەگىن، مال شارۋاشىلىق ءوڭىرىن كوڭىل تورىندە ساقتاعان شينجياڭعا كومەكتەسۋشى مامان
□ انار بۇلت \ شينجياڭ گازەتىنىڭ ءتىلشىسى ۋي يۇڭگۇي
فاڭ شيانجىن قۇمىل قالاسىنىڭ حايۋاناتتار ىندەتىنەن ساقتانۋ - تىزگىندەۋ ماتەريالدارىن رەتتەۋدە.
□ سۋرەتتى ما جيڭجيڭ تۇسىرگەن
9 - ايدىڭ 22 - كۇنى قۇمىل قالاسى باركول قازاق اۆتونوميالى اۋدانى سارشوقى اۋىلى باتىس سۋجي قىستاعى 2 - گرۋپپاسىنىڭ تۇرعىنى جاقسىبەك ىدىرىس كوك قابىقتى جۇمىرتقادان تاعى ءبىر توبىن ساتتى. ول: ”مۇنداي جۇمىرتقانىڭ باعاسى وتە جاقسى. بيىل ءبىرتالاي اقشا تاپتىم، فاڭ شيپاگەرگە شىن جۇرەكتەن العىس ايتامىن“، - دەدى قۋانا.
جاقسىبەك ايتىپ وتىرعان ”فاڭ شيپاگەر“ حىنان ولكەسىنەن 10 - توپتا شينجياڭعا كومەككە كەلگەن كادر، قۇمىل قالالىق حايۋاناتتار ىندەتىنەن ساقتانۋ - تىزگىندەۋ ورتالىعىنىڭ ورىنباسار مەڭگەرۋشىسى فاڭ شيانجىن.
2021 - جىلى 10 - ايدا فاڭ شيانجىن حىنان ولكەلىك اۋىل شارۋاشىلىق عىلىم اكادەمياسىنا ءوتىنىش بەرىپ 3500 لۋشى كوك قابىقتى جۇمىرتقا تاباتىن تاۋىق شوجەسىن الادى، بۇدان جاقسىبەككە 300 شوجە تيەدى. شوجەلەردى قاتارعا قوسۋ ءۇشىن، فاڭ شيانجىن كوپشىلىككە باعىمشىلىق تەحنيكاسىن ۇيرەتەدى، بيىل 4 - ايدا شوجەلەر ۇلكەيىپ، جۇمىرتقالاپ، ەكونوميكالىق قۇن جاراتا باستايدى.
”نىساننىڭ اتقارىلۋ ونىمدىلىگى وتە جاقسى، ءبىز اۋىلداستاردىڭ كىرىستى ارتتىرىپ، اۋقاتتانۋىنا كومەكتەسەمىز“، - دەدى فاڭ شيانجىن.
فاڭ شيانجىن 2020 - جىلى 3 - ايدا ءوتىنىش بەرىپ شينجياڭعا كومەككە كەلگەن. شينجياڭعا كەلۋدەن بۇرىن، فاڭ شيانجىن حىنان ولكەلىك حايۋاناتتار ىندەتىنەن ساقتانۋ - تىزگىندەۋ ورتالىعىندا قىزمەت ىستەپ، ۇزاق ۋاقىت شارۋالار ءۇشىن تەحنيكالىق قىزمەت وتەپ، ”مەملەكەتتىك اۋىل شارۋاشىلىعىنداعى وزات قىزمەتكەر“، ”حىنان ولكەسىنىڭ 8 - ناۋرىز قىزىلتۋشىسى“، حىنان ولكەسىنە توتە قاراستى ورگانداردىڭ ”تاڭداۋلى پارتيا مۇشەسى“ اتاعىنا يە بولعان. قۇمىلعا كەلگەن سوڭ، فاڭ شيانجىن بۇكىل ىنتا - پەيىلىمەن حايۋاناتتار ىندەتىنەن ساقتانۋ - تىزگىندەۋ قىزمەتىنە ات سالىسىپ، قۇمىل قالاسىنىڭ مال شارۋاشىلىعىنىڭ عىلمي باعۋ دەڭگەيىن جوعارىلاتىپ، ەگىنشى - مالشىلاردىڭ كىرىستەرىن ارتتىرۋىنا كومەكتەسۋگە ۇزدىكسىز ءوز كۇش - قۋاتىن ارنادى.
”فاڭ شيپاگەر بىزگە ۇلكەن كومەك بەردى“. فاڭ شيانجىن جايلى ءسوز بولعاندا، قۇمىل قالاسى جيانيىڭ كاڭچىڭ مال - مۇلىك باسقارۋ شەكتى سەرىكتەستىگى بايشىڭ مال شارۋاشىلىعى شەكتى جاۋاپكەرشىلىك سەرىكتەستىگىنىڭ مال شيپاگەرلىگى جاۋاپتىسى گو پىڭنىڭ ايتار اڭگىمەسى كوپ.
قۇمىل قالاسىنىڭ مال شارۋاشىلىعى باعىمشىلىعىنداعى جەتەكشى كاسىپورىن سانالاتىن وسى سەرىكتەستىك جەرگىلىكتى ورىندا كوپتەگەن ەگىنشى - مالشىنى جۇمىسقا تارتتى. 2021 - جىلى وسى سەرىكتەستىكتىڭ جەرگىلىكتى ورتاعا جانە قوي، سيىر تۇقىمدارىنا ۇيلەسەتىن اۋسىل ۆاكسيناسىن تاڭداۋىنا كومەكتەسۋ ءۇشىن، فاڭ شيانجىن ۇنەمى سيىر، قوي قورادا كۇنى بويى قاربالاس بولىپ، ۆاكسينا سالىپ، ساندى مالىمەتتەردى ەستەلىككە الىپ، انتيدەنەنى ولشەدى... ءبىر جىل ۋاقىت جۇمساۋ ارقىلى وسى سەرىكتەستىككە كومەكتەسىپ ەڭ ساپالى ۆاكسينانى جانە ۆاكسينا يممۋنيتەت پروگرامماسىن تاڭداپ شىقتى.
فاڭ شيانجىننىڭ شىنايى ونىمدىلىككە تالپىناتىن قىزمەت ستيلى باركول قازاق اۆتونوميالى اۋدانى شاننان اشۋ رايونى مال شيپاگەرلىگى پۋنكتىنىڭ باستىعى گاۋ جىۋىنعا ەرەكشە اسەر قالدىرىپتى. ول بىلاي دەدى: 2020 - جىلدان بەرى فاڭ شيانجىن كوپ رەت اشۋ رايونىنا كەلىپ، ەگىنشى - مالشىلارعا جانە مال شيپاگەرلىگى پۋنكتىندەگى قىزمەتكەرلەرگە لەكسيا جاساپ، كۋرس وتكىزدى، ”ول ءبىرىنشى شەپتەگى جۇمىس قابىلەتى وتە كۇشتى مامان، نازارياسىن ايتقان سوڭ، دەرەۋ ءبىزدى ەرتىپ ناقتى ورىندا امالياتىن كورسەتەدى“.
2 جىلدان استام ۋاقىتتان بەرى فاڭ شيانجىن قۇمىل قالاسىنىڭ بارلىق مال شارۋاشىلىق وڭىرلەرىن ارالاپ شىقتى. بارعان جەرىندە ول ەگىنشى - مالشىلارعا قوي، سيىر ىندەتىنەن ساقتانۋ تەحنيكالىق ولشەمىن ءتۇسىندىردى ءارى ءوزى ۇلگى كورسەتتى.”مەن پارتيا مۇشەسىمىن، حالىق ءۇشىن قىزمەت ىستەۋ باس ماقساتىن قاي - قاشان دا ەستە بەرىك ساقتاۋىم كەرەك. قوي، سيىر قورالارىن ارالاپ، تاۋىق ۇيالارىن كوزبەن كورگەندە عانا بۇقارانىڭ سەنىمىنە يە بولاسىڭ“، - دەدى فاڭ شيانجىن.
قۇمىل قالاسىنىڭ حايۋاناتتار ىندەتىنەن ساقتانۋ - تىزگىندەۋ قىزمەتىن كۇشەيتۋ ءۇشىن، فاڭ شيانجىن جۇرەك قانىن سارقا جۇمسادى. 2 جىلدان استام ۋاقىتتان بەرى ول قۇمىل قالاسىنىڭ تۇڭعىش كەزەكتى اۋىل شارۋاشىلىعى كاسىپ سالاسى (حايۋانات ىندەتىنەن ساقتانۋ - ەمدەۋ) شەبەرلىك جارىسىن ۇيىمداستىرىپ وتكىزدى ءارى ۇزدىك شەبەرلەردى تاڭداپ تۇڭعىش رەت شينجياڭ اتىنان مەملەكەتتىك جارىسقا قاتىناستىردى؛ 3 دارەجەلى حايۋاناتتار ىندەتى جاعدايىن تەكسەرۋ، مالىمدەۋ تورىن كەمەلدەندىرۋگە جەتەكشىلىك ەتىپ، نەگىزگى حايۋانات ىندەتىن قاداعالاۋدى جانە ودان ساقتاندىرۋدى جۇزەگە اسىردى؛ «قۇمىل قالاسىنىڭ ولكە ارالىق تاس جول تەكسەرۋ پۋنكتىنىڭ حايۋاناتتار ىندەتىن باقىلاۋ - ولشەۋ تەحنيكالىق ولشەمى» سياقتىلاردى جاساۋعا جەتەكشىلىك ەتتى. ول قىزمەت بارىسىندا كاسىپتەن 2 ءتۇرلى تاڭداۋلى ناتيجەگە قول جەتكىزىپ، 3 تەحنيكالىق اقتاڭداقتى تولتىرىپ، 4 عىلمي زەرتتەۋ نىسانىن ورىنداپ، 5 مەملەكەتتىك پاتەنتكە ءوتىنىش بەرىپ، 7 جەرگىلىكتى ولشەمدى جاسادى.
فاڭ شيانجىن سونىمەن قوسا شينجياڭعا كومەككە كەلگەن كادرلاردىڭ كوپىرلىك رولىن ساۋلەلەندىرىپ، قۇمىل قالاسىنىڭ حايۋاناتتار ىندەتىنەن ساقتانۋ - تىزگىندەۋ ءبىرىنشى شەبىندەگى كاسىپتىك تەحنيكا قىزمەتكەرلەرىن تالاي رەت حىنانعا بارىپ ۇيرەنۋگە ۇيىمداستىردى ءارى حايۋاناتتار ىندەتتەن ساقتانۋ - تىزگىندەۋ جاعىنداعى مەملەكەتتىك دەڭگەيدەگى مامانداردى، حىنان ولكەسىندەگى مال شيپاگەرلىگى ماماندارىن قۇمىلعا شاقىرىپ، ساباق ءوتتىردى، ناقتى ورىندا جەتەكشىلىك جاساتتى.
بيىل فاڭ شيانجىن داڭقپەن پارتيا 20 - قۇرىلتايىنىڭ ۋاكىلى بولىپ سايلاندى. ”2 جىلدان استام ۋاقىت قىزمەت ىستەۋ بارىسىندا، مەن شينجياڭنىڭ دامۋى جونىندە ءبىرشاما جان - جاقتى تۇسىنىككە يە بولدىم، شينجياڭنىڭ بولاشاعىنا دەگەن سەنىمىم دە نىعايا ءتۇستى. بۇدان كەيىن ءتىپتى دە ۇزدىك قىزمەت ناتيجەسىنە قول جەتكىزۋگە قۇلشىنامىن“، - دەدى فاڭ شيانجىن.
